轉角‧見

营业中

休息中

係朋友介紹呢間店，不過唔係朋友介紹都唔識黎，因為位置係商場唔起眼既角落。朋友食過好味既食物係推介炸魚薯條🍟為必點之選，炸魚外表夠硬邦邦，，同入面既魚肉形成強烈外脆內軟。佢既漢堡包🍔既牛肉唔會太熟所以食落都鎖住肉汁，連薯條都好出色。佢既蝦多士都唔同茶餐廳所食開既蝦多士，其實都好味，不過你唔講係蝦多士未必覺得似蝦多士，因為佢既蝦多士外層好多芝麻，唔知點解我個人口味食落入面有少少鹹味又似似地三文魚既口味。基本上佢既食物都好滿意。只係座位真係少，同埋要快有位都係坐出店外，所以黎食既朋友要有耐性等下位，因為都幾多人黎食。🍼仲有飲品方面都係有佢既特色。佢呢間花生醬奶昔就係令我好驚喜，好大杯之餘好處係無大大粒既冰。佢既花生奶昔有少少花生既渣滓，飲完好飽既感覺。