車輪餅小姐

营业中

休息中

我幾次去台北的時候都見過有人介紹爆漿車輪餅，不過聽說要排很久，而且最有名的那家不在台北市中心，所以一直都沒有吃過，上星期看到網上有人介紹在美孚開了一家車輪餅店，從照片看來賣相不錯就來試。到達的時候大概兩點半，剛好上一批已經賣完，要等到下午四時才開始落單，本來有想過離開，但既然一場來到，先去附近的茶餐廳吃下午茶再回去。知道應該會很多人，所以三點半左右就去排隊，到四點一落單，應該不用等太久。雖然門外貼上的口味種類很多，可是最終只得四個選擇，不知道是不是因為早上已經賣光其他口味，還是每天只供應數款而已。最想吃的抹茶已賣完，只剩下香蕉朱古力、紅豆、紫薯和香芋，後來連紫薯和香芋都沒有了，改為奶皇，建議大家排隊之前先問問還有什麼口味才排隊，否則只怕白排一趟。因為每一次只做到十數個，由落單到吃到，可能要三十分鐘或以上。我們準時四點鐘第一個落單也等了差不多20分鐘才拿得到。香蕉朱古力車輪餅。車輪餅口感鬆軟，朱古力味道濃郁，如果香蕉大件一點就更好。低糖紫薯車輪餅。裏面的紫薯真材實料，每一啖都吃到濃濃的紫薯味，而且不太甜，不過相比起帶流質的餡料，吃起上來感覺有點乾，如果混合忌廉造成流質的餡料，可能會好一點

見呢間店專賣車輪餅，岀名款式多而且又平又足料。由於本人都好中意食爆餡既車輪餅，見甘多人推介，一於特登去試。小店冇提供座位，店內環境開放，感覺都幾乾淨。今次供應6款口味，每款睇落都好吸引，都係受大眾歡迎既口味，我就簡左流心珍珠奶茶味同Oreo金莎朱古力醬麻糬。由於即叫即整，拎上手時只係微暖。 先食流心珍珠奶茶味， 勁失望！個餅漿好鹹同食得岀鹼水味。餡雖然做到爆漿既效果，但味道有種係用化學品溝岀黎既假甜味，完全冇茶味，又冇奶香。珍珠又冇口感，食完之後真係後悔點解會特登去試。不過既然都買左，就試埋個Oreo金莎朱古力醬麻糬。餅皮係一樣甘鹹，但今次個餡有驚喜！軟軟既麻糬中和左朱古力醬既甜，加上一整片既Oreo，層次好豐富！作為內餡，熱左既Oreo既口感雖然變軟左，冇直接食塊餅既脆，但同個麻糬好夾！Oreo金莎朱古力醬麻糬，值得一試！最後朋友覺得Oreo金莎朱古力醬麻糬味好好食所以買左4個走總括黎講，佢個餅漿太鹹同食得岀有鹼水味，流心奶茶味絕對唔推介，但內餡既Oreo金莎朱古力醬麻糬味都係食得過既。

最喜歡的車輪餅🤤本身都好鍾意食車輪餅平時去台灣都一定會食返357個 喺台灣通常見到嘅都係紅豆吉士紅豆麻薯等等嘅味道返到香港再見到呢啲嘅味道都見怪不怪但呢間車輪餅小姐喺香港都算出名因為佢嘅車輪餅口味都幾多同埋每一日都有唔同嘅款式 最重要嘅係每一款襯托得都幾好 唔會同車輪餅格格不入之前最瘋癲嘅時候甚至買晒佢所有嘅味道一次過 暫時試過咁多嘅口味覺得佢嘅orea麻薯紫薯榴槤珍珠奶茶綠茶吉士都幾好食 我諗唯一不足可能係冇固定邊一日有咩嘅口味 變咗有時特登去呢度買特定嘅口味如果嗰日佢冇就會有啲失望 不過雖然呢度嘅車輪餅款式同味道都唔錯但食過咁多都係台灣嗰啲最好食但係如果香港嘅朋友間唔中想過下台灣車輪餅嘅口引 黎呢度買返一兩個都唔錯

老婆又一次立功，我其實真係代筆泥，因為每次發現好食既野都係老婆介紹咁制，呢間都不例外食飯前行過已經叫我泥食，話睇過介紹話好好味，一定要試咁話飯前又點會食餅呢所以聽完走左。食完飯後再次路過話要試食，咁無計啦為有試下原因係因為呢張相，因為影得幾日式又好似好好味咁，所以都引到我食，雖然剛吃完飯。買左兩個味一個奶王，一個朱古力老婆既奶王食左淡好味但都普通但我個「oreo金沙朱古力醬麻薯」真係不得了！🙀超好味雖然剛剛食飽飯，但真係好味！我真係驚你睇唔到，一影再影想影到流心個下既感覺比大家睇，麻薯煙un好味。$12呢個價錢係時光倒流舊美孚既感覺，細細過泥呢面都已經係一街走鬼檔成街美食，睇泥呢排要成日泥呢面食下野先得

因為之前火災 車輪餅小姐停左成個月 專登過黎都冇得食依家終於開返 可以食車輪餅啦一如既往 一日有多款車輪餅口味可以揀今次就揀左 流心台式珍珠奶茶 同 oreo金莎朱古力榛子醬麻糬兩款一拎都係熱辣辣 好有蛋香流心台式珍珠奶茶好流心 真係有一粒粒珍珠 彈牙唔軟腍 只係奶茶味道有點淡 食晒成個覺得味道較寡oreo金莎朱古力榛子醬麻糬Oreo仲保持到脆身 麻糬好煙韌 濃郁既朱古力醬比麻糬遮住左 但係真係好流心 摵既時候成隻手污糟晒 而且又真係有金莎既味道 幾樣夾埋口感好豐富其實一件都幾飽肚 所以$12都幾抵

初次接觸車輪餅小姐時，我便很喜歡它的出品，因為車輪餅不但個頭夠大，味道甚佳，價格還很便宜，只需10元（不過現在好像漲價了）。.眾多款式之中，我最愛裡頭包了oreo餅和麻糬的一款。不論是配朱古力醬還是花生奶醬，它的味道依舊香濃，讓人垂涎欲滴。.這次我嚐的是oreo麻糬朱古力味。車輪餅本身帶有微微的甜味與蛋香，但整體味道偏淡。幸而裡頭的餡料非常豐富，除了有一塊完整的oreo餅外，還有一大塊雪白色的麻糬，以及少許朱古力醬，層次非常分明。oreo餅的質感雖已變得濕潤，但搭配起軟滑煙韌的麻糬及香甜濃郁的朱古力醬，口感卻異常豐富。一口咬下去便能嚐到多種味道融合在一起的美味，實在讓人十分滿足。

想試左好耐嫁了！但平時十世都唔來美孚一次，咁啱工作有機會來美孚，當然唔可以放過呢個難得的機會，要過來買車輪餅啦。路痴的我行過左都唔知，佢個位喺條小巷入面。搵左陣先見到😝行至舖面，見到個黑板仔寫住有今日有邊款的車輪餅，款款都好想食呀😍😍好想試4号，但咁啱賣哂。最後我買左奶皇同綠茶2隻味，再買左個奶皇卷同朋友share😆奶皇卷煙韌好味道。 不過最好食都係車輪餅，係流心嫁！🤤🤤個餡唔會太甜，又好夠味！

記得同事講過，美孚有間食車輪餅好正！甘岩今日經過美孚，於是試試！店鋪係美孚站一出，可達度高！原本想食珍珠奶茶味！點知今日無！於是簡左雲厘嗱奶皇，oreo金莎朱古力麻薯口味。車輪餅size比較大好厚身！雖然五係即整即做，但都保持暖暖的溫度！oreo金莎朱古力麻薯！我覺得幾好食！雖然表皮五係好脆個隻，但內裡好鬆軟！車輪餅內有三層，朱古力，麻暑同oreo，口感好豐富，而且五會話好甜，一個人食哂成個都五會覺得*漏*可能食左oreo個個先，食奶皇味就覺得好普通

好耐之前已經食過一次，感覺好似質素下跌左少少。有個姨姨記低左買咩但佢又mark到好混亂🤦🏻‍♀️🤦🏻‍♀️佢每日都有少少唔同，買左流心奶黃，感覺上有少少似吉士，同我心目中有少少出入。以為好似奶皇包果d味，但比較普通。個人都幾鐘意綠茶，但一凍左就唔好食，流水的綠茶味好濃！我最鐘意oreo金莎麻薯，味蕾的感覺好豐富，成塊溶溶地既，仲有我最愛既麻糬，味道超夾！加左枝薏仁水，味道比較淡

事實上幾年已經食過一次車輪餅小姐，當時佢最初開冇耐，而我喺美孚番工，因利成便先會食到。襯午飯時間去排隊，慢吞吞即製，好有性格。不過並未有留下好印象，公司仝人一致認為一般。離職後都冇再踏足美孚，人事變，餐廳變，等我睇過車輪餅小姐有冇好食左 (笑)。車輪餅嘅口味很多，視乎供應，當日有雲呢拿奶皇、宇治抹茶、紅豆、oreo金莎朱古力麻糬、榴槤，一律$11/個。晚上時間去到，人流唔多，車輪餅基本上預先製作好保溫，用塊布遮擋，並非新鮮即製，味道一定有差別。是但啦，黎到都帶幾個走，由於麻糬最受歡迎，已經賣光，所以只係買左三個流心雲呢拿奶皇、流心宇治抹茶、手工紅豆車輪餅 $11/個車輪餅確實有份量，吋幾厚，size偏大隻，性價比係高，不過味道仍然係一般。由於唔係即製，車輪餅只係微溫，餅皮比較粗糙，入口尚算軟熟，蛋香未見，全靠內餡嘅味道。流心度一般啦，唔係即製，醬料點都會瞏左啲。紅豆大粒，幾香甜；抹茶色水就有，濃度不足，個人認為雲呢拿奶皇比較好食，起碼有點奶香。口味呢件事本來就因人而異，唔係我杯茶，可能係你杯茶嘅

經開美孚，都會諗起依個車輪餅好耐無食啦！每次去到都有不同味道，所以我都唔怕厭。剛剛黎到都好多人下，另外都話左，買完都要等十幾分鐘！今日既車輪餅menu!我今次叫左流心雲尼拿奶皇 $11手工熬煮紅豆 $11Oreo金沙朱古力醬麻糬 $11金枕頭榴槤 $13拎上手熱辣辣，好香呀但係我係買反屋企同屋企人分享所以係車上面係咁聞住，真係流晒口水反到屋企已經唔熱，有微溫好好食，如果熱個餅應該會好食啲，不過我估熱啲，個味會無咁出！依四個入面，最好食係手工熬煮紅豆好夾，又唔係好甜，勁好味！啲豆唔會太淋或者太硬👍🏻👍🏻下次一定一定再食！亦會因為佢再去！流心雲尼拿奶皇 我排第二好滑，好香，唔會好似平時啲奶皇包咁甜同杰，依個好香雲尼拿咁！好開心食左依個，佢係為左想要盒，最後加既，但係好驚喜地好食！Oreo金沙朱古力醬麻糬 麻糬係我一開始最期待但係咪命運？最期待反而有點失望，好出oreo 味，無金沙無朱古力味，麻糬得好少，完全無煙韌感！失望。金枕頭榴槤 依個都係有期望既一個榴槤啵，賣飛佛不過，都係一般都係預期既味道係無個人覺得榴槤同車輪餅做唔到朋友我估佢都係同糯米慈夾啲！另外佢係要加+$2，都好合理，因為入面

好耐無食過車輪餅，香港淨係食過長洲果間，唔好食所以無再係香港食過。今日行過美孚想試下呢間，試左個流心抹茶味。雖然抹茶味無回甘既感覺，但流心既感覺好正，熱喇喇，值得一試。睇住老闆娘係後面整。

吃過午飯 就是要來個飯後甜品 今次黎試下美孚薄有名氣的車輪餅小姐先小小的店面除車輪餅外 還有糖水供應 但小小的人龍都是為車輪餅慕名而來車輪餅- 台式黑糖珍珠奶茶口味 $11車輪餅新鮮製作 熱辣辣 很鬆軟 饀料也很珍珠奶茶 整體中規中矩 不算令人回味車輪餅- Oreo奶醬多麻糬口味 $11 出奇的好吃！外層一樣 但美味在於其餡料 驟眼睇 Oreo 奶醬多 都係重口味 以為會爭妍鬥麗 失卻主體 誰知出奇地夾 有點像夾餅奶醬加上砂糖的口感 而煙靭又淡淡的麻糬 既中和味道 又帶來另一種口感 推介！套用五月天一首歌 年輕就要對味 好既外層亦要配上對的饀料 才能對味 才能令人再三回味 期待店子有更多新作！

今日好少可咁去到美孚探個朋友,黎到美孚新邨地下,真係有好多野食,但都係魚蛋燒賣果d無咩特別,突然諗起有個美孚好出名既車輪餅,咁難得黎到真係要試下,平時聽人講好似好多人排隊,但我今日黎到應該ok wor,唔算多人,但真係好多人叫1打1打咁黎,好多味揀,今次小妹揀左綠茶味😋本身好怕佢係好厚好多粉既pancake~但食落又唔差呀,無我想像中咁難食,不過我自己覺得同綠茶味就唔太match,可能紅豆味會好食d,不過食一個就已經好飽好飽,要下次先可以再試🙈🙈

路經美孚口癮發作，記得之前睇過報導話有間車輪餅好出名的小店，黎到當然要試下小店向屋苑商場地舖，唔難搵，因為該區的小食店都聚集晒向果度小店供應5至6款不同款式的車輪餅，日日不同，今次去到冇想試的伯爵奶茶同紫薯味...只好揀個流心宇治綠茶試下啦~11蚊一個，都幾厚身咬開裡面是滿滿的綠茶餡，唔算好流心，都好，唔會泌到周圍都係個綠茶餡唔太甜，食落唔漏，綠茶香味唔重，不過就帶有幾重的綠茶苦澀味，都唔錯，可以一試的小食