車站豆腐花

营业中

休息中

感覺好好好好滑, 但唔夠豆味囉, 我食左個太極, 即係豆花溝芝麻糊, 好彩d 芝麻糊夠味.當日好凍, 食到一碗熱啦啦既豆花其實覺得特別好食, 所以今次呢篇評論係絕對有天氣既因素架.

其實.. 豆腐花一般!!不過係呢d地度環境, 自然覺得佢比其他地方好食!醉翁之意不在酒!! ^_^

行山去到大澳朋友話一定要去食車站豆腐花喎星期六四點幾, 無乜人, 岩我, 不用迫叫了一個黑色(芝麻糊豆腐花)芝麻精不夠熱, 又唔香芝麻味豆腐花夠滑, 但亦無豆腐味唔知出名係邊啦如果滿懷希望的的, 一定會失望如果只係休息下, 就無問題

同是永安街，離穩姑沒有一百米路程就到了這裡，不過沒來到之前先要經過豆腐花木人巷，意思是起碼有兩三間同是主打豆腐花的舖檔在你經過時峰湧而至，站在閣下身邊，差點連拖帶拉推你進舖內，定力差點都險被柔淪，若不是有塊明黃色的招牌書有車站豆腐花豆腐婆的明燈指路的話，都幾難到步。來到鬼影不見，唯有大喊一聲：唔該豆腐花，立時見老板娘從內堂跑來，客客套套的招呼著，加上仿似住家式經營環境，真的好像過隔離屋找楊太借糖之餘順便聊天的感覺，很親切。二話不說，凍熱豆腐花各一再加上一支豆漿上路之用！說實話，這裡的豆腐花的幼滑程度是坊間小見，而又沒有死實的口感，豆味亦濃，而熱吃的感覺更加明顯，故明白為什麼這裡亦是必到之點！亦跟穩姑一樣，令到整個大澳充斥著滿街豆腐花店舖的就是由這而來。品嘗之餘，老板娘剛好磨好豆漿、芝麻、盛載妥當，便跟她天南地北，亦提到豆腐花木人巷的事情，她笑著回應現在只有熟客才能堅守到舖前，很多生客早已隱沒在巷前了，而她亦說了很多大澳的事情，包括應該去那睇那食那，而是由她教曉應該叫東方小祇（祈福的祁）園，因每次都錯弄成東方小祇（紙）園！下次有機會到大澳，先要堅持到這裡，不要被前巷吞並，之後要點熱豆腐花

名震天下的山水豆花,吃罷會否舒筋活絡?皮光玉滑?不知道,只知道,我吃不出,同外面的公和有什麼分別?唔係唔好,係沒有非吃不可之感覺.即係去長洲吃魚蛋,大澳吃豆花,南丫島吃海鮮,好似係必然要做.唔做又好像略有所失.每個人也抱住這個心理.無法子,香港人,一係"潮"人,一係"羊"人,羊群心理.

遊完大澳，熱辣辣，臨走去食兩碗凍豆腐花。唔可以話超好食，但質感都唔錯既。

食完茶果後,再試下這間~~~間鋪頭好屋企feel,我order左一凍一熱豆腐花,魚蛋和燒賣~~~~先食熱豆腐花~~~正到不得了,佢\自己會跌落去喉嚨到~~正~~好滑~~~所以唔夠喉叫多碗凍ge~~唔知係咪雪過的關係,有少少鞋,大家下次記住要食熱豆腐花,(凍豆腐花真係冇咁好食)D魚蛋唔彈牙,唔得~~~D燒賣同平時食開果D街邊燒賣冇分別~~~p.s.:冇肚再食芝麻糊,大家食過後請寫食評吧 2人食左4碗豆腐花,2串燒賣和1串魚蛋,埋單$39

在巿區成日都想搵又香又滑既豆花，朋友推介都唔少，但食落去真係好鞋口!大澳既"豆腐婆"整豆腐整到上雜誌，入到大澳就去試下。我買左碗凍豆花,同埋要左一杯凍豆漿。豆花夠凍(真係要撞"口"神, 因為佢整D豆花隨時賣晒雪唔切,有機會唔夠凍)，豆味唔算好濃，我又唔係特別要求濃味(想濃味應該吃豆腐)，一食落去就滑進喉嚨，真係好正!另外D豆漿甜度適中，我最憎巿區果D溝糖水溝到冇晒味一味得甜，呢度就豆味甜味岩岩好.值得一試!環境方面，佢本身係一間屋既地層來，只係簡單的桌椅，有D家居照貼響牆上面。裝修欠奉，但家居感都唔錯!講一講豆腐婆，佢真係周身唔得閒，但佢都鍾意同D客傾下偈，仲成日笑容滿臉，真係值得一讚!

車站豆腐花搬o左入內街，又稱阿婆豆腐花~由俾人叫阿婆到自己叫自己阿婆，個感覺好攪笑~一碗豆腐花，其實好難話超級好味，我o地只可以評佢o既質感同豆味~車站豆腐花豆味濃，質感細滑~已經好足夠啦~比較特別o既係前舖後居o既間隔，加上牆上貼有好多由小朋友所畫，讚頌車站豆腐花o既畫~另外亦都有好多小朋友o既相，好得意~我o地可以睇住佢o既成長過程呢~

7.1(日)食完串燒之後,黎左呢到食豆腐花,順便抖下由於天氣太熱,每人都叫左碗凍豆腐花,不過亞姐話太多人,所以d豆腐花雪唔切,可能唔係幾凍,果然入口只係小小凍,不過豆味足又滑,咁熱食番碗凍豆花就係好爽遲我地一步既人就要食熱豆腐花啦~

食左熱豆花，我覺得冇乜特別lor..

都是看到食評才去試試.. 很多人, 叫了凍豆花, 講真, 真係一般, 連滑都唔係真係好滑, 唔好講其他了, 豆腐花還是lamma island 的建興阿婆才是一流. 也吃了魚蛋, 唉, 晒了五蚊!!!

落左車最好問下人先好食, 因為有好多間豆腐花! 我同老公一人一碗, 我覺得唔錯啦, 唔覺得好好食, 但係滑既. 果度好有屋企feel, 可能因為根本佢就係一間住宅, 幾得意, 好多小朋友既相!! $6一碗, 不妨飲下!

豆花雖夠滑但係無乜豆味隔離枱仲話芝麻糊無芝麻味0添要特登等位同人逼去食唔係咁值

普通係講我今年既x'mas, 也係講呢度既豆腐花, 不太滑, 也唔夠豆香.失望.......