車站豆腐花

营业中

休息中

個豆花夠滑不過唔夠豆腐味好過好多鋪頭啦,試得過間鋪頭最入係一個後花園,幾得意架,可以坐係後花園食

這店外其實是平平無奇，並且是很家庭式的經營，像是進了某友人的客廳吃碗甜品似的。談回豆腐花，真的是滑溜，只不過，我還是覺得一般稱得上好味的豆腐花，是應要有豆味的！之不過，在大澳逛得累了，來吃碗豆花休息一下，還真是悠閒自得的。有機會來Encore啦。

去大澳不停吃吃吃，當然少不得豆腐花，不過滿街都是山水豆腐花，不知道哪家才是正貨，所以臨上車前才撞入車站豆腐花，感覺對路才去品嘗。點了熱豆腐花($7)，滑不溜口，豆味卻不濃，可自行加黃糖調味。臨走才知道原來可以點太極($8），即芝麻糊加豆腐花。買了一支豆漿($7)，嘩！竟然豆味淡淡如水，像預先包裝的貨色，要是先喝豆漿，印象分肯定大打折扣。

三月五日(星期三)同老公黎到大澳,搭船仔出海,竟然比我地見到兩條中華白海豚,可能佢地好似我地咁成日形影不離...^^之後,就去左食呢度既豆腐花,係一個家既感覺!佢地貼哂d小朋友相出黎!好得意!我地叫左一個芝麻糊+豆腐花,同埋一個豆腐花!都唔錯,豆腐好滑!不過唔係好夠味呀!!!!!都可以一試既!!^^,好warm既感覺!

星期日同BF同埋個FD一行4人去呢間嘢食豆腐花D豆腐花好滑同埋服務態度都幾好^^..原來間嘢都幾大呀

食完素菜, 0黎呢度食糖水, 當然要豆腐花啦.叫了個熱豆花($7), 賣相好靚好滑, 食落仲滑, 但又真係好似之前comment 所講, 無乜豆香. 不過呢度的糖水係自助的, 有得自己調教甜度, 算啦. 唉, 只怪自己俾九龍城義香0既出品寵壞0左!朋友叫了個凍的($7), 佢食得好過癮, 相信唔錯.呢度環境好「屋企」, 除0左貼了好多家庭生活相片同小朋友手繪0既圖畫之外, 有電視睇0個度仲有d 組合櫃之類0既傢俱, 都幾得意; 招呼好好, 阿婆好友善!食完豆花, 繼續行繼續搵食!

個日去大澳自由行搵左陣先搵到，佢比其他鋪唔起眼係我見有噤多食評先知LEE到好食我同BABY叫左兩碗熱豆腐花D碗係好舊式個種試下先~D豆腐花SIR入口架~好好好滑，不過豆味一般我同BABY都覺得LEE間係食過噤多間最最最滑的~正

與幾位朋友再到此吃豆腐花，點「熱」的，因熱才吃得到真正的豆腐花味道啊，入口即溶，很滑，右人讚不絕口

名不副實,下次會試另一間** 此食肆的第八個OK **尋日(24-11-2007 Sat)行完大澳一個圈,約4:15pm唔搭船要搭巴士回程,就走o黎呢o度食個甜品先.入到o黎,只剩入面大圓枱四個位,我o地坐住先,而同枱一位太太同兩位只有5至7歲o既小妹妹食o緊糖水,見我o地冇位,佢食完就先畀錢走先,剩低兩位妹妹仔並吩咐佢o地食完自己返屋企,佢係讓座畀我o地,真係好好人,唔該晒.我就叫o左凍黑白(即大家講o既芝麻糊加豆腐花),爸要熱o既,媽要熱芝麻糊,大哥要凍豆腐花,大嫂要熱蓮子合桃糊,由於我o地分開叫,所以後尾三個一齊到,但亞姐拎錯o左我大嫂o個碗,佢拎o左碗黑白o黎,唔係蓮子合桃糊.亞姐話記錯,唔好意思,於是入去攞過,爸都都倒返轉話唔好意思,亞姐答唔緊要,佢自己食啦.但最後,佢話原來賣晒,於是大嫂就要熱黑白.好,我唔客氣喇.唔….芝麻糊好稀好淡喎.而豆腐花,又冇味,又唔夠滑,真係要自己加糖水.連唔食咁甜o既大嫂都要加糖水,可想而知都係一般.不過同枱’被遺棄’o既兩個妹妹仔,細o個個好精靈,如話自己’支支渣渣’,因個個都咁話佢喎.逗得我o地同亞姐個個都嘻哈大笑.其實佢都係老街坊o既孫女

重陽大澳為食第2章：也是聞名不如試試，店員忙得不可開交，唯有我們自己找座位，我覺得只是一般的豆腐花，在大澳以外也可以吃到。

在大澳有多間食店出售豆腐花，但是主人與奴隸獸較為喜歡光顧『車站』。除了食物味道合心意外，還有家的感覺。因為店內貼滿家庭照片，及小朋友的圖畫。今次我們點了：1. 合桃糊（HK$10.0）：只在星期六、日及公眾假期才有售。巧遇店主有親友探訪，我們才能有得吃。合桃糊清香幼滑，稀『杰』適中，不太甜。2. 豆腐花併芝麻糊（HK$7.0）：豆腐花滑溜，芝麻糊香滑。符合哂奴隸獸的口味。

4/11(日) 3:30pm十年吾逢一閏入大澳,就是對那致命的飛巴產生極大恐懼.是次心癮起,也難得硬著頭遠征大澳.經過若一小時的倒胃車程,雙腳終可平穩著地.我倆先到處閒走一番.其後到了車站豆腐花稍作歇息,吃了碗熱豆花$6,手磨的黃豆做出來的豆花永無失手,滑溜透頂,也嚐到豆香;加上老闆娘的親切禮待,怪不得店子人流不絕!

今日去大澳第一站食豆腐花，今日唔係假日，所以冇咩人，得我哋三個人食，見到有芝麻糊豆腐花，一於試試，芝麻糊好香、好濃，豆腐花都頗滑，阿嬸又夠nice，而且價錢仲好抵添，七蚊一碗。

叫左熱芝麻+豆花($7), 同之前的網友說的一樣, 得個滑字, 完全無豆香味, 芝麻糊好d, 但都係一般, 可以唔試. 我真係想知禁多間豆腐花店, 是否這間已經是最好的? 但係都好唔掂喎! 如果你想飯後食d甜品, 都可以一試, 不過你會覺得是一碗白糖水而已.

24-3-2007 1436食完咖喱，出到來落雨，十五十六，唔知點算。係喎，未食甜品，又好耐冇入過大澳兼唔想咁快出番巿區或屯門，等了差唔多半小時先有架亡命巴士入去。去到除了巴士站附近外的新碼頭外，基本上冇咁點變。我真係為食，有檔燒乾魷魚，又貢獻左10蚊。去完拉記借碟後，開始action，入黎緊係食凍豆腐花。簡簡單單的一碗，加少少糖就食得，唔算好滑，$6乜熱氣都燒曬，阿姐服務也不錯，人客不算多，但都唔會空空如也，希望可以下次再來及試其他甜品。