車站豆腐花

营业中

休息中

兩年冇去過大澳，適逢今日假期，和同事由東涌行至大澳，行足四個多小時，步行至大澳時，大家都係去搵豆腐花食，記得兩年前到過此店，所以今日舊地重遊。店了一碗凍腐花，豆味香濃，夠冰凍，有薑糖水及紅糖任落，食過一碗後，滿足晒！

1月4號個日同左男朋友去大澳逛....由上水去大澳...真的唔方便!!!搭車又轉船....大澳真係好細啊..好似得1條好行咁!!!但就好熱鬧...好多海味賣啊...但好貴ar!!順住條路去行就好易搵到"車站豆腐花"嫁la!!!!第1次行過個陣...見到冇咩人食...所以冇入去食啦!行返轉頭個陣...就見到勁多人wor!!!咁我地就入去試下la...我地叫左2碗凍既豆腐花...好搞野..我地2個都落左黃糖粉...!!但我就覺得好怪la..因為都溶唔到既..之後見到.......e..有糖漿既...咁我唸凍既豆腐花應該係落糖漿既!!之後落返糖漿...好味好多^^d豆腐花真係好滑...放落口就好易吞落去!!加上凍凍地....好正!!男朋友食完1碗之後...再叫多左碗...因為佢話好正^^叫左3碗...total: $21$7碗真係唔太貴!!!

豆腐婆的豆腐花名氣大，媚俗的我不免要一試究竟。豆腐花確是滑，可惜豆味淡得很；倒是可以隨性添加糖更令我開懷。芝麻糊稠度較低，但勝在口感細膩容易入口，芝麻味適中，喜歡與否要看個人偏好了。打動人的并非眼前這碗平淡如水的豆腐花抑或芝麻糊，反倒是小店那份溫馨的家的感覺。

有個朋友介紹我去大澳一定要去車站豆腐花.但係我覺得好一般!豆腐花滑就滑,不過冇咩豆香<失望>諗住落啲薑汁會好啲啦,但都係唔好食,啲薑始終唔夠香! 跟住行過啲見到又有一間豆腐花,好多人,冇入去食,但買咗串咖哩魚旦!超爆好食!我知個到重有好多小食!下次閒日仙再去,應該冇咁多人!,下次仙再試啦!

食完飯沿海濱長廊行番去大澳，一路景色怡人，見到唔少候鳥在荒廢的鹽田上悽息，另一面又有一望無際嘅大海，心境都開朗晒，乜嘢金融海嘯都可以暫時忘記先。行入永安街有好幾檔豆腐花，但係一早就預咗嚟呢間，老板娘好好客，有食客想借洗手間，雖然無得借用但都好熱心教佢行條捷徑。食咗豆腐花（$7）同合桃露（10），豆腐花的確好滑，加埋薑汁糖水，簡直係絕配，合桃露都好正，真材實料兼磨得好滑，真估唔到大澳都有咁出色的甜品。

前2日去了大澳,,本身行到好肚餓,,咁岩終於行到黎呢間野;;我就入左去試下啦,,勁有家的FEEL..好正XD跟住就叫左碗熱的豆腐花..真係勁滑*0*可是豆味就差少少..唔多夠;;整體都好好味..同埋..服務態度真係唔錯XD聽聞隔離枱問店主,,原來D水係2澳果度打番黎@@

一場入到黎...見到間間都話自己好味. 但唯獨哩間人氣最勁,所以就揀哩間. 先黎一碗熱豆花和芝麻合桃糊.豆花($7) ~ 香滑,但豆味不太濃芝麻合桃糊 ($10)~ 反而更覺特出. 食出香滑,芝麻味濃,但可惜合桃糊淡味,溝淡了整碗既味道. 下次有機會會再試淨芝麻糊.口痕,再叫小食 ~ 魚旦 ($5 / 5粒).....普通,可以不試.臨離開大澳,買了一支豆漿($7) ~ 一飲有燶味既....又係可以不試.

咁多人讚呢間既豆腐花, 點都要試下 閒日冇乜人, 入到舖都只係見到一個人係度食間店係咪店主屋企黎呢? 因為有好多屋企擺設我地入左去之後陸陸續續多人, 之後全場full左我叫左個凍豆腐花佢啲豆腐花的確係幾滑, 滑過出面檔口買果啲但又好似冇百褔豆腐花咁滑其實都唔係好突出, 只可以講係一碗唔錯既豆腐花。不過唔算貴, 幾抵食

誤打誤撞都比我搵到呢間, 呢到間間都話自已點得, 當我經過車站時更如夢初醒, 想起了Openrice的食評, 二話不說叫了二碗芝麻糊加豆腐花, 芝麻糊香而不封喉, 黏度亦剛好, 而豆腐花己經無機會比我試真味道, 因為滑到 "骨" 一聲落左個胃, 由於試唔真, 我地要再試多一碗豆腐花, 我梗係要最正宗地加入我最愛既薑味糖水, 嘩 .....豆味濃又香滑, 真係我食過最好既豆花 。 唔知 幾時會再去大澳, 但佢既味道我係會記著架 !

2008.11.23(日) 大伙兒來大澳，時近黃昏橫街幽幽暗暗，經過此店，門外有位亞哥在大叫大嚷地叫賣，說什麼是由車站那兒搬來的老字號，車站豆花自此一家，佢講到好正咁，梗係趁機別放過喇，下次又唔知幾時先會再黎。亞姐見我地一大班人就叫我地去後花園，嘩…後花園咁正(別開心得太早)原來個後花園咁樣樣既 (看圖)﹔九個人九碗花，亞姐話豆花有熱冇凍，(我要凍喎)暖暖地都好喇。望落個樣都幾滑但食落又唔係囉(一般喇)而且完全冇豆香，唔熱唔凍咁真的不行，經濟話我知，食豆花要 一係熱一係凍(極端D)，千祈咪兩頭唔到，嘥晒碗豆花。冇得比，都係建興亞婆正

2008-10-19繼續勁試食，一定要食埋呢個豆花得熱無凍，可能太多人食，凍唔切哇，估唔到咁滑，同樣係離島，好過南丫o個個多多聲。黃糖落o左o的都仍然唔甜豆漿唔記得幾錢，但佢係一支上，又係好香好滑好豆，唔多甜又凍，可以o既都想買o的返屋企前舖後居，幾親切

從冰室出來,於同一街道上,走過些便到了。住家式的小店,貼滿了家庭相與小朋友的畫,檯旁也放了梳化、櫃子...點碗凍豆腐花。凍豆腐花沒有加糖水,自行加羹糖也覺得不夠甜。凍豆腐花幾夠凍,個人覺得豆腐質較重,不夠滑身,而豆味則不夠濃。服務方面不錯,老闆好禮貌。下次再來大澳,會試試熱豆腐花。

25/5/08我地最後一站先食豆花,我當時已經好飽,但傻baby係都要去食我就陪佢啦入到去好有家的感覺,貼左好多生活相同圖畫,好warm我地叫左一凍一熱,好滑,但就冇乜豆味,d糖水好重薑味,一試無妨!由於太飽關係只係食左一半碗就比左傻baby食...佢竟然食晒仲食得好滋味咁話

山長水遠去到大澳真係搵到好多好味o既野...其中一樣就係豆腐花la...依間車站豆腐花好易搵...車站落車行入去就係...我好好彩去食o既時候仲可以親眼睇到佢o既製作過程...係handmade 的所以好好味...同市區食到o既好唔同...老闆娘話佢地整豆腐o既方法同市區好唔同...豆味好重,而且好滑...但如果要再好食D O既話就一定一定要食熱O既...因為老闆娘都咁講!!!同埋佢最唔同O既地方係佢地係用薑汁做糖水...所以食O既時候有薑味勁正...比起出面就咁落糖水好味得多!!!入到去一定要試!!!!!!!!!!!

3月30日是日跟家人由東涌來到大澳, 開始我地0既食之旅程~!!0黎呢度之前食0左d茶果同雞屎藤, 唔錯喎!!! 位置0係穩姑隔離...好, 入正題!!久聞車站豆腐花之大名, 個個都話好滑. 是日終於有幸一試!!!!豆腐花又真係幾好食0既, 都幾滑~不過呢, 都係喜歡南丫島阿婆果d多d~~ ^^另外都叫了芝麻糊同合桃糊, 食得出佢係生磨的, 磨得幾滑身, 雖然我鍾意有d粗粒存在的生磨糊物... 甜度就個人而言剛好, 只係...好似有點唔夠杰身, 比起上次在大良八記食到0既稀少少, 媽媽話佢鍾意食八記果D多D~因為夠杰咁話呢~~食物整體是不錯的!!!環境方面真的好有家的感覺!!! 日舖夜居~~~好有小鎮鄉村的風味呢~~~哈哈, 挺喜歡這感覺喔, 很舒服~~ ^^