越蘆越南牛肉粉

营业中

休息中

其實一向都有去食，因為地點算近，食物還算可以，就算午市要「答」枱，還要加一六十多元，都會去叫碗粉或飯食下。但今次去好失望，熱檸水環顧四週全場食客都係只得兩片檸檬，好像飲清水一樣。同阿姐服務員反映無理會，咩都話無，咩都話係咁架嗽。食物質素也下降，但價錢卻貴了。阿姐服務員有求必拒，唔知加一加係邊。埋單連加一七十元一個lunch，其實附近的茶記服務都係差不多，我想以後會行遠少少去第二間食粉，真的令人失望。

這間餐廳位處水坑口，我久不久也會來。他們做的越式菜，非常美味，讓人吃了有愉悅感覺，價錢也不貴。柚子沙律，讓人吃了有清新感覺，必叫項目。生牛河也是必叫，牛肉新鮮，湯底很正宗，很濃而且很香，讓人吃了牛肉及河粉之後也想將湯一口喝光。粉卷略貴，但真的做得很好味，粉皮很滑，內裏的肉碎也很香，沾上酸汁，讓人吃得很起勁。這裏雖然離地鐵站偏遠，但我仍然樂意推介，因為這裏的食物水準很高，招呼平均，價錢甚為實際。如你下次來到上環又想不到有甚麼好吃，不妨來這裏，包你有意外驚喜。

已是第二次光顧了，朋友講這間鋪已開業很多年，只是近年重新裝修過。店子以海藍色調為主，落地玻璃，樓頂高還掛有吊扇很，光線很充足，座位也濶落整體很舒適。講返食物先，我點了香茅朱扒金邊粉+凍咸檸7 ，朱扒都幾鬼厚，仲炸得好香，碗粉不過不失，但我最鐘意係佢自動跟埋辣椒同青檸，仲有九層塔，咁先正宗嘛，好多都唔跟架。杯咸檸7仲有青檸同檸檬响入面，都幾好飲。朋友就食生牛河，佢話牛肉雖𣎴是最上等果種，但就很新鮮同有口感，而佢飲熱菜蜜仲有片檸檬添，佢話不是死甜同水汪汪果種，另外朋友加左份蒸粉包，粉包面有片扎肉，我夾左黎食，正喎，唔係坊間果種乜都無既扎肉，係好正宗果種，好有口感。$56-68一個餐，有粉有飯仲包一杯熱飲，可加錢選加一份小食個人認為呢度相當抵食同味道唔差，，無論小食及主食，份量也𣎴少，值得推介，臨走時見到有人食咖哩牛腩飯，估唔到咁大碗牛腩，下次一定要試試。

行完見有d肚餓, 就去咗呢間越南餐廳食越南菜做下午茶，入到去呢間嘅裝修都尚算企理，唔係太多人，所以可以坐到卡位。我地每人叫咗一個tea set ，我要做一個檬要，另外要做一個豬扒湯檬，首先檬要嚟咗先，佢係一個蕃茄湯底嘅檬粉,一嚟食落去個湯唔夠熱有少少凍,仲要咬落去粒肉丸個心都係有輕微凍嘅，即係煮得唔夠耐，味道都還可以，不過係一個帶少少辣嘅湯粉，檬粉唔夠硬身, 好容易就碎。 豬扒湯檬豬扒好大件佢俾咗兩嚿大豬排，好抵食。佢炸得恰到好處，調味亦都調得好好，個湯亦都好好飲。 四十幾蚊仲要包埋嘢飲，佢都算性價比比較ok 。服務就一般般啦 ，不過不失，本身唔係好想畀我哋坐卡位，不過見冇乜客佢就冇再出聲，都算係一間可以回顧嘅餐廳。

第一次到上環吃越菜，門面幾光猛！就簡呢間啦！吃越南菜，當然少不免要食Pho啦！點碗牛肉Pho先！始終香港的Pho同越南本地的Pho真的無法比！暫時都吃不到一間越式Pho有越南的味道！這間的Pho不過不失當係過下Pho癮啦！呢個沙律係柚子沙律！柚子比想像中甜很多！雖然看似無咩醬汁！但都幾好食架！清清地不錯的！嘩！跟住呢個香酥雞奕真係不得了！一咬落去 果陣香酥味湧出黎！係好味架！食一啖就覺得好有惡惡感！要做多d運動先得啦但係好味既！！

最近一個月食過2次依間pho，一直以為係上一手經營，但經朋友提醒下原來已經又轉手。食過兩次，兩次都好多客人，而且兩次都食香茅豬扒金邊粉，豬扒同pho分開上，豬扒醃得入味而且好大塊，好貼心地幫客人切開方便進食。食越南河的湯底最影響成碗pho的味道，依間pho的湯底配有九層塔，另外有額外的青檸及青紅辣椒讓你加進湯底，總括而言，這個pho的湯底合格以上，而且金邊粉很滑，分量也不少。店內員工有禮貌，可以繼續光顧。

這天晚上小丫頭與男友轉戰上環附近覓食，在openrice上發現越蘆便前來一試。餐廳位處上環一條窄窄的內街，但並不偏僻隱蔽，湖水藍招牌在小區裡顯得特別耀眼。走進餐廳，環境明亮，晚餐時分客人也不太多，所以有寬敞的卡位給我們即時入座。餐牌選擇繁多，圖文並茂（附圖在文末），不過小丫頭跟男友都沒有很餓，只是簡單地點了我們最愛的粉及小食一碟。鮮蝦韮菜米紙卷（$56）， 賣相與餐牌上的圖片相似，吃下味道算清淡，蝦味不重，橙黃色的醬汁質感濃厚，有點芒果醬的味道，整體最突出的是薄荷葉與生菜帶出的清新，作為開胃菜尚算合格。會安檬要（$72）， 番茄、肉丸與蟹膏鋪成滿滿的一碗，賣相吸引但感覺不及之前在另一間餐廳的檬要震撼，湯底嚐得出蕃茄及蟹味，蟹膏應該是混合了不少肉碎。今天一向口味較重的男友與小丫頭正好相反，男友覺得味道濃郁但小丫頭則略嫌不足，可能是太想念上個食評試到的檬要了🙈生牛肉金邊粉（$56），湯底牛味重，味道濃郁鮮甜，生牛肉份量多，生熟度剛好，質感嫩滑，男友吃得津津有味。整體而言這次在越蘆的用餐體驗良好，尤其是它的環境加分不少，明亮的樓面加上高樓底令它沒有其他餐廳焗促的感覺，座位闊落，用色柔和，侍應

It was 6.15pm and quite early for an usual time, that meant the restaurant would not be filled up too soon.We were three people was assigned to sit on a comparatively small table. So we requested to sit on a 6 ppl table.My 81 years old father sat on the chair already, we occupied the left side of the table. yet the waitress insisted us to sit on the right side, so that they can let other upcoming customers who were in a group of three to fill up the table. Understanding their seats are precious

我中午到嚟食中午，落單叫咗午餐後20分鐘都未到，眼見附近後到嘅人啲餐都到曬。問返個waitress有無落單，佢話落咗。之後再返嚟由頭問我食乜，我再問佢係咪未落單，佢答係。成間餐廳要收加一服務費但無服務，唔做嘢係員工問題，做得唔好係經理問題。如果無法提供服務，店主應該考慮免收加一。結果我起身走人，去第二間叫外賣返公司食。給大家建議，午飯得一個鐘嘅，唔好喺呢度浪費。附近仲有好多選擇！I ordered the food and waited for 20 mins, I asked the waitress who took my order again while I saw people who came late and got their food. Then I asked the waitress check my order, the waitress told me she placed the order. But after a few mins, she came back and asked me to order again. I asked her and sh

有朋友遠道從台灣而來，自然要帶他吃好一點，這次就去位於上環的越蘆。由於只有WALKIN，所以我們先領籌，等了約15分鐘就可以進去了。會安炸豬頸肉 ($78)份量很足夠，就是硬了一點，失去了豬頸肉應有的口感。西堤芝士蝦多士 ($88)芝士融皮脆好好吃呀，值得一點。原個菠蘿海鮮炒飯 ($128)這個飯其實不錯的，很足料，菠蘿熟得剛好所以蠻甜的，唯上菜時已經不熱了，要扣一點分。何內香茅燒春雞 ($188)春雞不僅賣相不俗，足料得來而且皮脆肉滑，令人回味。 鮮椰青 ($38)很甜很解渴，喝完還可以吃椰青肉，一舉兩得。椰汁三色冰 ($28)朋友說椰汁味道剛好，不會太甜，只是稍稍稠了一點。總體來說都十分足料，服務亦周到，吃的過程是蠻愉快的。

這夜探完病由東華走過來，因她說想吃越南菜。店，裝修得光猛闊落，樓底又高，幾舒服。叫左兩碗生牛肉河粉一份春卷。個湯好濃牛骨和洋蔥等鮮甜，撕碎些羅勒，入口時味道更豐富。生牛肉片粉粉嫩嫩，頭幾片清甜無渣。只可惜一夾起河粉就知唔得，河粉好厚身，唔滑，個質素我覺得同標記、雲吞成等等同級，真係浪費左成碗越南生牛肉河！其他如招呼、衛生都幾好

上環，一個離中環不遠處，要找下午茶，認真不易！因堅怕中伏，要選的美食何其多！行下行下，發現一間位於上環接近街尾暗角的越蘆越南牛肉粉，裝修門面極像越南的一些小店，藍色小店，格仔窗口，令人置身於芽莊的街頭般。下午茶set，叫了一份豬排撈檬，豬排有7塊，拼合有我手掌一樣大，也發現它是厚切及帶些肥膏的豬排，本人十分喜歡吃豬排，高峯期一天吃三個豬排包，一塊靚豬排重要是鬆化，有彈性，有骨連肥，但不覺肥膩，這間小店完全做到，一流水準！旁邊不同醬料任君配搭，令人食指大動，有隱世feel的越南小店令人份外驚喜！環境佈置也見其心思，用越南尖顶帽做燈罩，更有閒暇渡假feel!

前日去上環同班朋友食晏，見到呢間越南餐廳好新兼光猛，入到試試，叫左幾個set lunch ⋯⋯越盧牛肉粉，有生牛肉、牛腩片、牛丸、牛柏葉，牛肉及牛腩都Ok，牛丸爽但牛味唔重，牛柏葉係無漂過，切左絲唔洗食到似食香口膠咁，有心思；香茅豬扒湯粉，餐牌專登括住寫明鮮雞湯，我相信佢唔會呃我，但我真係唔太飲得出雞湯味，而豬扒就嫌甜左DD，但整體唔差；胡椒豬肉飯，胡椒豬肉做成肉棒，味道普通，唔重胡椒味，但欣賞個煎蛋餅，好香，食到有魚乾仔味，個白飯有飯香，唔鬆散，好飯；檬要，鮮茄蟹粉蝦丸湯檬，好重蕃茄味，香濃開胃；餐飲我加12蚊要左會安香茅蜜，賣相好睇，可惜飲落無香茅味，同一杯菜蜜無分別；食開咖啡嘅朋友，同樣加12蚊要左滴漏咖啡，佢一句唔好味，就句號左。

追加！嘔左成晚！仲要休克！成個人仆左係地下！去左睇醫生！話我食物中毒！大家要去食嘅話，不防睇一睇我尼個受害者！再諗諗係咪值得去試尼間野！我咁大個人，都冇試過咁辛苦尼間野真係害死人！我唔會再番去食囉

本身諗住去番尼間嘅上手食晚飯，點知轉左手！啲侍應態度又呆呆地....個扎肉雞絲湯河，雞絲油到一個點！扎肉又好似唔多新鮮！食得嘅野得洋蔥同河粉！番到屋企冇耐，個人已經唔多舒服坐坐下就去左廁所嘔！將晚上食過嘅野，全部嘔番哂出尼！辛苦到一個點！仲要請病假！