越萊 (廟街)

营业中

休息中

天氣咁熱就想食凍嘢，行過朗街見到好多人食，又見到有撈檬食，即刻就入左去，諗住食啲涼涼地嘅野解下暑。好彩早啲入去，遲多半個鐘已經要等位！太熱嘅關係我地兩個都叫左撈檬粉食～越萊人氣撈檬呢款餸菜有蝦餅、扎肉同烤豬肉。烤豬肉條就好似腸仔咁，但經過烤烘，就變得更多肉汁同惹味～扎肉都係經過調味，唔怕又淡又無味！蝦餅就炸到好脆同香口，配埋撈檬，簡直係夏天恩物！越萊經典撈檬呢碗就有香茅牛肉、厚切燒豬扒，豬頸肉。厚切豬扒皮薄肉厚，經過烤燒仲微脆，咬落啖啖肉！豬頸肉同樣燒得好乾脆；而牛肉就口感軟稔，加上撈檬同酸酸辣辣汁，成件事同樣都係夾嘅！兩碗都份量超多，食得好飽，全日餐仲會送埋柑桔蜜，幫你消暑同開胃，成件事都幾抵食！

一定會再食系列👍🏽 無論價錢、份量、味道、口感都冇得輸～ 會再去食～ 值得一試🤟🏼 推介： 蒜蓉牛油雞奕，外脆內軟，好好食炸蝦餅豬扒撈檬，鍾意食撈檬真係要試吓之前都食過茄子小食，好入味

1點放Lunch成日都見到呢間餐廳門口排晒隊，咁岩今日遲放Lunch，緊係去試下呢間排隊餐廳😋餐廳唔算大，3點去食都仍然有客人入座，我同朋友都嗌左個Lunch set食。特別一提，如果遲去，其實可以食tea🤣不過今日真係餓，所以食Lunch，最開心係+$12已經有小食！😋比埋個下午茶menu比大家睇，我自己就覺得啲越南包幾高CP值，下次都想試下。驚喜位：可以轉菜底！岩晒想食低碳野嘅OL們😍同埋其實檬粉都好低卡，所以越南野其實幾岩想keep fit嘅朋友食！我朋友嗌左呢個B餐，牛萊了牛肉種類同份量都多，入味，其實最後都食唔晒🤣我嗌左豬頸肉雞扒檬粉，雞扒surprise左我，好好食，好夠味，個皮好脆！推介！大蝦米紙卷，正正常常嘅健康野🤣想減肥就嗌啦！唔好嗌牛油炸雞翼啦🥲呢個大蝦帶子茄子又係surprise到我，茄子超入味，帶子有燒過，一啲都唔hea，本身以為係冷盤，食落仲熱。個人私心推介❤️最唔得嘅就係佢得一件囉，咁好食點分姐😤總括嚟講，會再encore，同埋下次試佢個下午茶，價錢幾抵🥳

係佐敦廟街近九龍公園果邊發現間越南餐廳，餐廳店面唔算大，但門口同入面裝修都好有越南既感覺我地第一次食，唔知份量咁多👀叫左一份照燒雞扒撈檬$48，跟餐加$10轉飲青檸梳打，撈檬上枱有俾佢嚇親，$48咁大碗仲要雞扒係厚身，最鐘意撈檬個汁，叫姐姐俾多一碗就岩岩好😋另外朋友想食湯麵，我地叫左碗越萊精選火車頭河粉$96，入面有8款餸：生牛肉、牛腩、牛筋、牛丸、雞絲、扎肉、豬軟骨、豆卜，個份量比撈檬更驚人😳，湯底好香好濃，蘿蔔豆卜吸收晒湯既精華好入味，牛筋都炆得好淋，好有膠質，呢碗既份量絕對係兩人，我地唔知咁大份仲叫左2份小食🙊小食加左2件炸蝦餅同酸辣無骨鳳爪，蝦餅食得出係自製，比平時既厚身，食到胡椒味，鳳爪都好大碟

/🐮牛萊了（$72）鍾意食牛既唔可以錯過呢個越式湯河 配料有生牛肉 牛腩 牛筋 牛丸 牛展 蘿蔔 份量好多 每樣都有兩三件 香葉 笌菜 青檸 辣椒都係另上湯底飲落清甜 河粉軟硬度適中 生牛肉好嫩滑 牛腩爽口 牛筋煮到好軟身 牛丸彈牙 蘿蔔煮到入曬味 最後都忍唔住飲曬啲湯.🐽照燒豬扒蝦餅撈檬（$56）撈檬叫左少麵都大大份 撈檬醬汁酸酸辣辣 好開胃 加埋青瓜蘿蔔好清新 夏天食凍撈檬真係岩曬 照燒豬扒預先醃好 食落甜甜地 煎得岩岩好 大大塊 食極都仲有 蝦餅新鮮炸起 外層炸到好脆 食落好彈牙.🦐河內蝦仁米紙卷（+$12）外層食落煙韌 加埋酸甜醬汁食落好夾好開胃.🧈越萊蒜香牛油雞翼（+$12）蒜香牛油雞翼好推介啊 炸到好香脆 做到外脆內軟既效果 雞翼面層仲加左爆香左既蒜頭 牛油同蒜香味都好足夠 雞翼食落仲有肉汁架.🔸全日套餐仲送熱柑橘 午市限定加$12有指定小食 除左以上兩款 仲有手工春卷 香甜菜心苗以及潘良帶子明蝦伴茄子選擇.越萊📍佐敦廟街306號地下D號舖.#anygoodfood_hk#anygoodfood_jordan.#food #foodie #hkfoodie #yum #yu

今日同同事出去食lunch經過呢間越南菜都幾多人食就決定去試下!朋友中意食D比較清淡既野食 所以佢叫左冬菇湯粉個湯底好鮮 食完都好暖胃我就叫左個人氣撈檬 配菜有札肉,豬肉條同蝦餅D 炸野好似係新鮮炸!蝦餅做得好出色! 好彈牙!份量真係好夠!!!!生薑茶超級暖胃!!!!!!!!!一定要飲

對於越式食物，一直都覺得難以抗拒。最近去到位於佐敦廟街的🇻🇳越式小店，嘗嘗越南美食。場內亦都掛了越南帽的裝飾另外光是看客人所點，都覺得性價比很高，大大碗，價錢也不貴呢🤭！最後點了如下：🥢照燒雞扒豬頸肉撈檬 $56相當大碗的主食，光看着已經覺得豐富呢！面頭鋪上了紅蘿蔔絲、菜絲、蔥等等，雞扒🐓燒得很入味、啖啖肉，至於豬頸肉🐷也很入味，撈上醬汁特別惹味。🥢手切扎肉、豬肉丸牛骨檬粉 $50🐮湯底很入味，而且有種淡淡的越式清香。扎肉有回彈、🐷豬肉丸的豬味很出，裡面亦都鎖住肉汁，配上檬粉就最飽肚了。🥢越萊蒜香牛油雞翼 3件 $26它用充滿越式的器皿裝住雞翼，感覺很有心思。蒜香牛油雞翼🐓炸得很香，外脆內熱，而蒜香和牛油交融在一起，真的很惹味，絕對是必點小食。🥢西貢馬拉盞炒通菜 $28通菜🥬上有點辣汁在面，相當滋味，加上不算太辣，所以吃很多也沒問題。🍵熱柑桔蜜吃了這麼多，當然要喝一杯熱柑桔蜜消消滯，而且也有潤喉作用呢！總的來說，性價比很高，而且大大碗，所以一定夠飽🤪！

成日食西餐、日本野，間唔中都想轉下口味，呢晚就同男朋友去左呢間抵食黃店。我地叫到成張枱都係，埋單唔過$200 ，好平🥰>越萊經典撈檬：牛肉、豬扒、豬頸肉鋪滿晒成個碗，仲要係厚切，岩哂食肉獸，豬扒燒到好香口，富有油脂甘香。檬粉超多，我覺得夠2個人share，6x蚊碗真係好抵食🤤>沙沙汁魚柳包：以為越南菜得札肉包，估唔到仲有魚柳包食，魚柳好大塊+好厚，外皮金黃香脆，內裡軟嫩多汁，配埋沙沙汁清爽開胃。>蒜香牛油雞翼：有蒜蓉味，又有牛油香味，外皮香脆，雞翼都幾大隻，會用個竹藍裝住，影相靚！>河內蝦仁米紙卷：見到佢五顏六色，用黎打卡的，個皮好透見到隻蝦，點醬汁食都幾好味。>椰汁紅豆冰：椰汁味幾重，紅豆煲到好腍，而且唔太甜，出色過唔少茶記😆>熱越南咖啡：酸味較淡，香醇得黎有少少苦，味道都幾好！

平時去尖沙咀多，食嘢嘅價位真係偏高，而鄰近嘅佐敦隱藏住好多好食嘅小店，價格定位平民番啲，菜式亦都有好多選擇。例如今日嚟咗好近九龍公園嘅 越萊 食好耐無食過嘅越南菜！講起越南菜，相信你第一個諗起就係生牛肉湯河，呢度都有得揀，仲要有一款巨量版本俾大胃王挑戰。但今次就叫咗其他菜式，生牛肉就留待下次食啦。因為太餓嘅關係，叫咗份豬頸肉飯、蝦仁米紙卷同雞串燒，再叫一杯椰子水，滿足～🥳先講豬頸肉飯，佢嘅飯底加咗款鮮甜嘅汁，一啖肉一啖飯非常夾，而豬頸肉都烤得恰到好處，入面夠嫩有肉汁，出面都夠脆夠香口。米紙卷係越南菜另一個icon吧，米紙卷本身係清爽的，配上酸甜微辛嘅汁好開胃，作為前菜定過場菜都啱。雞串燒燒得好好，香口亦不在話下，配咗有好多花生碎嘅沙嗲醬，係能夠還原你想像中嘅好食！食咁多野，飲品揀咗椰子水好明智，一邊食一邊解膩。佢仲有好多款小食/特色飲品今次未食得晒，再嚟再試！🤤成餐都食得好舒服，環境有feel，店員好nice，上菜速度都好快，讚～😎炭燒豬頸肉煎蛋飯賣相：⭐️⭐️⭐️⭐️味道：⭐️⭐️⭐️⭐️價錢：⭐️⭐️⭐️⭐️⭐️河內蝦仁米紙卷賣相：⭐️⭐️⭐️味道：⭐️⭐️⭐️價錢：⭐️⭐️⭐️⭐️越萊串雞賣相：⭐️⭐️⭐️⭐️味道：⭐️⭐️⭐️⭐️⭐️價錢：

冇得去旅行突然好掛住東南亞菜式，經過佐敦見到一間叫越萊嘅餐廳，望望餐牌見CP值幾高，即刻同朋友衝入去食！舖頭面積唔大，但充滿越南風味，牆上掛住好多越南傳統嘅斗笠，係一間充滿越南風嘅溫馨小店。食越南嘢點可以唔嗌Phở，叫咗個自選粉麵嘅越式湯河，配料選擇亦都非常多，我叫左必食嘅生牛肉，牛腩同埋豬肉丸招牌牛骨湯河粉。勁大碗，芽菜同青檸係另上，方便食客自己添加，配料嘅數量亦都唔馬虎，全部都起碼有三舊以上，性價比極高，招牌牛骨湯清甜可口，完全冇味精，仲飲到淡淡嘅牛肉利味，生牛肉亦都恰到好處，放得耐都冇即刻熟，而且一啲都唔硬; 牛腩超級大嚿，吸滿湯汁,又香又軟, 仲好有咬口，超正！豬肉丸爽口彈牙，同樣吸曬啲湯汁，又暖心又滿足。朋友叫咗個照燒豬扒蝦餅撈檬，又係超級大碗，本身撈檬凍食配合醬汁已經好開胃，配料豬扒大塊而且清香可口，肥美而唔油膩，真係食到停唔到口；蝦餅煎到金黃色蝦味鮮香，表面爽脆，蝦餡有彈性，愈咬愈鮮甜，配埋醬汁真係食到上癮。我哋仲叫咗一人一條自家製春卷，炸得香脆，配合入面嘅蔬菜粉絲餡料，香口開胃又充滿酥脆口感，值得推介。總括嚟講越萊性價比極高，大件夾抵食，食物份量大而且味道正宗，我哋食嘅

之前都有聽過朋友介紹呢一間餐廳，話佢嘅越南菜都幾好味，因為一直都幾鍾意食越南嘢於是今日就叫咗外賣嘅呢一間餐廳試吓😆😆😆叫咗呢個越萊經典撈檬，因為上網見到好多人都話好食而呢個評價比較高😀😀其實佢嘅撈檬仲有好多其他餸揀💁🏻‍♀️同埋佢嘅湯麵都有好多款餸☺️下次可以試埋其他款式🤭🤭🤭佢嘅燒牛肉同燒豬頸肉都吾錯，佢嘅豬頸肉唔會話燒到好乾身🤏而且嗰個牛肉都好嫩滑加埋個汁一齊撈埋嚟食都好好味☺️☺️😋😋

餐廳位置喺佐敦廟街，十分方便😊👍今日陪屋企人喺佐敦睇醫生，睇完之後就諗住喺佐敦食埋嘢，屋企人話冇乜胃口，想食啲濕濕地嘅嘢，經過見到呢度有河粉食，同埋個門面都幾靚，所以就入咗嚟啦😂😅💡餐廳入面比較細，我入去嘅時候已經錯咗一半人🙈🙈；餐廳入面既裝修有啲特色，除咗普通四人位，亦有吧枱位坐；📝餐牌既嘢食選擇唔算多，都係一般越南餐廳有嘅嘢食我地order左以下食物💁‍♀️👇越式清雞湯生牛肉木耳絲檬粉HK$54越式牛骨湯生牛肉豬軟骨河粉HK$54河內蝦仁米紙卷2件 跟餐加HK12越萊串燒3串(雞) HK$40熱柑橘蜜 跟餐送HK$0凍檸茶 跟餐加HK$6檬粉、河粉嘅份量好大碗，食唔晒😆😆，生牛肉上枱用湯浸住一陣，啱啱好熟，放落口唔韌❤️🥰，木耳絲嘅份量亦都好多，佔咗半個碗😂😂，豬軟骨亦夠林，清雞湯底比較清，牛骨湯底就濃啲，好好味😋😋；另外跟餐可以加HK12就有幾款小食可以揀，例如雞翼2件、春卷2件等等，而我哋就揀咗河內蝦仁米紙卷，我最鍾意食呢一個，透明嘅米紙煙煙韌韌，蝦仁彈牙，配埋青瓜同橙色酸酸地嘅醬汁一齊食，正😌😌；越萊串燒3串，有豬同雞選擇，串燒上枱熱辣辣，再加埋個全串燒沙嗲醬汁，冇得頂👍👍；熱柑

冇諗過成條街咁多餐廳居然得呢間要排隊,好彩唔係排左好耐已經有位👍🏽 舖頭唔大, 但係都會盡量善用每一個位置, 所以係會坐得有啲逼🙈 食物以撈檬同湯河為主, 配搭都幾多, 所以揀到頭都大埋😂越式自選湯河($46)湯河都幾大碗, 可以揀一至三款餸, 因為唔太肚餓, 所以只係揀左一餸☺️ 湯有兩款我就揀左清雞湯加雞絲, 清清地幾好食, 另外當然有唔少得既香葉, 青檸, 辣椒🌶️ 河粉都幾爽身, 完全唔會係油淋淋果隻👍🏽 越萊經典撈檬($66)呢個撈檬真係勁大份, 有大量香茅牛肉, 厚切豬扒, 豬頸肉, 份量完全同張相一樣咁多😲 三款肉入面個人覺得豬頸肉燒得最香最好食😋 我諗女仔一個人未必食得曬, 男仔食完應該都會好飽😂
越萊炸春卷🫔(+12)跟餐加$12就可以食到呢個小食, 春卷炸到勁鬆脆, 肉餡好豐富, 仲要新鮮炸出黎真係特好食😍大部分既粉麵都會跟一杯免費既熱柑桔蜜🍊 呢間越南野真係勁抵食, CP值勁高, 大大碗又高質, 黎開佐敦既話一定要食🤤

佐敦不嬲多抵食又好食嘅野，今日咁岩經開呢頭。呢間下午茶呢間性價比好高，四十幾蚊就食到超飽，估佢唔到。.下午茶餐有小食、主菜加飲品。小食係炸蝦餅，不過不失。主食我叫左扎肉包，個豬肝醬油香好足。個包好大個，足料，飽感十足。飲品就係椰子水，同支裝飲品一樣味。.估唔到會飽到咁，我仲另外叫左個米紙卷，入面有隻蝦同粉絲。.整體黎講，大件夾抵食，又幾好食，坐得企企理理，呢個價錢無咩可以批評。下次經過都會再食呀。

之前都冇乜俾過食評 。以前都唔係太鍾意食越南嘢 ，最近幾個月開始鍾意咗食越南嘢 都比較清淡唔油膩 我鍾意食一啲開胃嘅嘢 。啲份量都幾足 味道幾好！不過味精好似重少少 ，因為個人比較鍾意清淡 。同男朋友食過兩次都係叫外賣，一次係下午茶一次係夜晚 ，呢一次就係喺尖沙咀海港城買完野跟住揸車過去都係一兩分鐘超近，外賣有九折都幾抵 。加上OpenRice有啲積分可以扣 ，餐廳食物價錢相宜 呢間係抵食所以之後都會幫襯。希望可以保持到水準！