越茶香

营业中

休息中

作為香港人首創的茶飲品牌，堅持「無加工、全天然」的理念，用心挑選4月第一批最上乘春茶，保留茶葉的鮮嫩芬芳，喚醒你的味蕾。每一杯飲品，皆以純冰糖調味，甜而不膩，完美呈現食材本真風味。試試招牌「龍眼桂花冰」，清甜龍眼與桂花的幽香交織，彷彿置身花園，涼爽中帶有一絲溫潤。另一款「茉莉檸檬」，則將茉莉花茶的淡雅與新鮮檸檬的酸爽完美融合，每一口都充滿夏日活力。堅持使用新鮮水果實打，絕不添加果漿，確保每一滴果香都真實純粹，帶給你最自然的享受。VETEA越茶香，不僅是一杯茶飲，更是一種對品質的承諾與對生活的熱愛。

之前飲過一次芝士奶蓋桂花大紅袍加桂花凍已經覺得好好飲，因為我對手搖都好挑剔，覺得香港手搖最大問題就係茶味好淡，溝埋奶蓋就變奶水都唔知自己飲緊乜，越香茶個茶同奶蓋既平衡做得好好，桂花凍係有花香同茶味，之後見到外賣自取有七五折超抵，距離上次飲只係一星期都忍唔住即刻再買，因為唔係成日去中環，但今次想讚既係因為我揀左六點外賣自取，但到七點三都唔得閒拎，店員打比我提醒我訂左奶茶，驚我唔記得，仲一早已經幫我雪住。重點係我去到拎時，佢仲好客氣同我講唔好意思打比我，因為好多客都唔記得拎，仲耐心介紹點飲最好。我記得上次訂單有誤會，都係女店員無講啲咩就爽快地整過一杯比我，而家香港好難有好既服務，而且店員好靚女笑容好sweet, 我會繼續幫襯，希望可以多啲分店就好！

【🌱越茶香VETEA|🌼香港人嘅茶飲】最近行開中環扶手梯都會被那個大外牆廣告和勁香嘅茶味吸引住，原來是新開嘅茶飲店，主打桂花，無落果漿，真才實料香港製造香港品牌！食安有信心，我撐撐先！🌼桂花香水檸檬味道清新，大大杯，香水檸檬果香四溢，唔太甜而且無果漿，飲得安心，感覺清新消暑，好啱夏天感覺。🌼龍眼桂花冰龍眼肉鮮甜口感豐富，啜到粒粒龍眼果肉，真龍眼絕非假香精水果味。雖然冰冰凍飲但有點點養生健康，感覺有益，茶飲飲得健康都重要！

行到中環半山位，見到呢間外圍佈置得幾靚嘅茶飲店，幾多人幫襯，想試下飲飲品選擇幾多款，水果茶，奶茶系列，茗茶等等都有🥤龍眼桂花冰 $38 底層有桂花凍，滑捋捋，有少少嚼口仲幾香，飲落去係甜甜嘅龍眼味，後勁係淡淡桂花香桂花味幾適合女仔飲🍍滿杯金菠蘿 $39屬沙冰系列，大大杯，含茶底四季春，幾清新呢一杯幾唔錯，飲落去每啖都有新鮮菠蘿果肉，甜酸味好fresh,夏天飲好解渴呢2杯飲品本身預設係少甜，好岩想飲返杯但怕甜嘅人呢間店係香港人首創茶飲品牌，主打係桂花味，飲品飲落幾天然，用上新鮮水果🍍，無使用任何果漿，只用純冰糖茶底茶葉係用上乘春茶

終於有機會來飲下中環呢間最近新開嘅大熱茶飲店 — VETEA越茶香！行到鋪頭面前就已經聞到陣陣嘅桂花花香！聽講小店咁受歡迎嘅原因係因為對食材非常之講究，每一杯飲品都係選用咗最上乘春嘅茶茶葉、新鮮水果同埋純冰糖等等嘅全天然食材，絕不加工同埋絕無添加任何果漿～✨龍眼桂花冰（半糖）龍眼桂花冰以龍眼嘅自然果香為主，沙冰嘅質地非常細膩，入口即化 ，底層仲有香甜嘅龍眼肉同埋Q彈嘅桂花凍！有一種好fresh嘅感覺～✨芝芝桂花大紅袍（超微糖、去冰）頂層嘅芝士奶蓋幼滑綿密！茶底係香濃得來又帶有少少口甘嘅大紅袍，茶香之中仲散花住淡淡嘅桂花香味！整體味道充滿層次感～呢到嘅飲品咁有特色，仲要係香港人首創嘅茶飲品牌，以後真係要多多支持下呢個本土品牌先得啦～

夏天到啦🌞茶飲絕不離手！香港人首創茶飲品牌 #越茶香 正式登陸中環閣麟街9號 😍啱晒我呢個港島上班族口痕嘅時候買杯嚟飲佢係純天然 完全冇加工食材 多款唔同嘅新鮮水果打造而成嘅水果茶 總有一款啱你口味 而且即叫即整 飲品用上純冰糖冇用任何果醬 茶葉仲用上四月份第一批嘅優質茶葉—乘春茶 真的非常好喝 率先飲咗佢嘅龍眼桂花冰同鮮芒金露 啖啖果肉口感豐富炎炎夏日飲一啖 真心爽！不過大家要留意返排隊時間都有啲長下次可以整定QR code落單

vetea茶飲店開幕了不久，大受顧客熱愛，長期多人輪候。天氣開始熱，行到咁上下都想買杯凍飲解口渴。Vetea茶飲店無加工，食材全天然、茶葉使用靚茶葉。店外有個「座地魔鏡🪞」供人打卡用。很多女生們刻意打卡。上傳到社交媒體更可以免費獲贈曲奇🍪一粒。曲奇挺脆身香口。龍眼桂花冰桂花冰呈奶白色，甜甜地幾好飲。佢係沙冰🍧類溫度超凍。桂花香水檸檬茶🍋（配西米、桂花凍）可以加配料加強口感。西米同桂花凍依兩款都幾好👍，質感「林」身，西米細細粒飲檸檬茶基本上唔駛點咬就吞左；桂花凍一舊舊，飲落似食緊🥢jelly，口感彈下彈下，桂花味道都突出。桂花香水檸檬茶🍋酸酸地好開胃🤤，獨特既花香味好清新，溫度夠凍好解渴。

上星期同事話公司附近開了間香港人首創嘅茶飲店，買咗杯滿杯芒芒請我飲第一啖飲嘅時候已經覺得好有驚喜，芒果香甜濃郁，似熟成呂宋芒的天然甜味，無人工糖漿感，同事話佢買嘅時候見好多人買龍眼桂花冰今日我地試龍眼桂花冰及滿杯金菠蘿龍眼的清甜與桂花香氣融合得恰到好處，花香自然不人工，甜度適中，龍眼果肉非常多又有桂花寒天搭配增加層次，冰沙細緻，夏日解暑首選新鮮菠蘿的酸甜感突出，果肉纖維明顯，搭配四季春茶感覺平衡膩感，頂層泡沫綿密，底部有原塊菠蘿真材實料、口味創新，價錢相當合理不過人太多可能排隊時間較長

酷熱天氣警告又再出現帶着孩子出外新的要找啲凍飲來消暑， 剛剛行到中環，聞到一間茶香味非常濃的台式飲品店真的被它茶香吸引（5⭐️最高）龍眼桂花冰（5⭐️）當中的龍眼肉非常豐富，而且厚實又多汁，亦都加當中亦都包含着椰子水的香味，熱箇中的桂花香濃入口帶着回金的味道👅。在口腔裏醞釀着😘。滿杯金菠蘿（5⭐️）當中以四季春作茶底，所以飲落茶香味比較清香😘留在口腔嘅長度會較為長。大大塊菠蘿肉片，在飲品當中而且甜度適中，真的很啱消暑。

來到見到見到太多新奇有趣嘅option，唔知揀咩好。店員就同我介紹左，佢地嘅茶最靚嘅春茶（4月份第一批最靚嘅茶）沖嘅🫖糖係用純冰糖，口感味道會更好👍🏻有水果嘅飲品係用新鮮水果打出來，而唔係用糖漿-呢個我欣賞，買得過🍏🍎🍊/龍眼桂花冰$38/勁清香，有眼前一亮嘅感覺👀第一啖係幾濃郁但自然嘅桂花香🌸之後就係甜蜜嘅龍眼冰，超舒爽😉/鮮芒甘露$36/天氣太笠，最後都係抵受唔住芒果嘅誘惑🥭芒果沙冰超酸甜💎入面好多芒果好多西米，口感十足🍹

依家天氣真係勁勁勁熱，喺街行一陣都出晒汗，見到有得賣嘢飲，即刻忍唔住衝埋整返杯😂😂龍眼桂花冰 $38龍眼味好出，加淡淡嘅桂花味，夏天飲好消暑又清涼😍好正，唔記得講少冰，但冰量都算正常，唔會太多！👍🏻👍🏻芝芝芒芒 $41本身想試芝芝莓莓，但店員話近排啲士多啤梨唔靚，咁我就試下芝芝芒芒啦，又出奇哋好飲有驚喜😍😍都好解渴，一流😋😋呢度啲生果用新鮮生果，所以好甜唔會酸，下次試下其他茶😊😊

行過中環見到外牆廣告牌有最新茶飲店嘅banner細心睇吓發現係香港人首創茶飲品牌！正宗本地製造 用上最上乘嘅4月份第一批優質茶葉不但有原茶系列 仲有鮮果茶系列標榜用新鮮水果 食材天然無加工消暑又健康 飲多兩杯都零負擔！🔸龍眼桂花冰喺我心目中龍眼同桂花都係清新嘅食材兩者結合不但有龍眼嘅清甜 桂花香氣都非常出龍眼冰沙幼滑又消暑 夏天必須飲返杯！🔹芝芝桂花大紅袍第一啖飲嘅大紅袍 茶香十足仔細品嚐會飲到淡淡嘅桂花味後勁面層嘅芝士奶蓋口感綿密有芝士同奶香同大紅袍混為一體更加match!!🚩 越茶香 中環閣麟街9-11號地舖

香港天氣開始轉熱，行街有點口喝，最好就係買杯飲品解渴，見到中環閣麟街開了一間香港人品牌的飲品店，鋪面有鮮花打卡，方便影相。店鋪沖調飲品的材料是全天然，用真茶葉，選用上乘春茶，用真鮮奶，純冰糖，用新鮮生果，無加工，感覺非常健康。龍眼桂花冰$38手剝龍眼果肉飽滿多汁，剔透Q彈的自創桂花凍融入淡雅花香，沁人心脾，味道天然純樸，輕甜無負擔。芝芝芒芒$41厚厚的芝士奶蓋入口綿密順滑，現在正值芒果當造季節，超多料厚切果肉真材實料，組成甜中帶鹹的微妙配搭。

中環超靚裝修茶飲店👍🏻👍🏻飲得出材料新鮮中環一路上半山都有好多唔錯嘅小店，夏天就當然少不免試下新開嘅手搖飲品。呢間行過茶味清幽，據說用最上乘嘅春茶（4月收成嘅第一批茶葉），於是決定試試。龍眼桂花冰 $38端午節係龍眼當造嘅季節，果然果味濃郁唔係死甜，係新鮮清甜。估唔到入面仲有驚喜，係綠茶味嘅茶凍，有別於平時一係糖漿味一係滾水味嘅果凍配料，呢款嘅綠茶味香淳撲鼻，吞嘅時候回滲清香，同龍眼亦夾。鮮芒甘露 $36呢杯都係芒果味鮮甜，果肉豐富唔係香精芒果味。而且清楚見到分層，椰味十足。店內有唔少打卡位，裝修精緻，有花同鏡任影好貼心，如果當日唔係落雨，一定會影多幾張自拍。

早排同朋友在中環食生日飯～食飯前我哋經過半山扶手電梯附近見到一間香港人首創茶飲品牌店🤣好似好吸引咁🤣就買2杯飲下先😇我哋叫左一杯店裡推介龍眼桂花冰🙂 龍眼的果肉甜美多汁😬 桂花的香氣讓整體味道更加清新😅飲落去好有清爽的感覺☺️ 另一杯就係蛋糕珍珠真乳茶～蛋糕鬆軟細膩😊 珍珠的口感Q彈有層次感🥰真乳茶它的奶香味濃郁並具有滑順的口感😜Vetea 的產品堅持無加工，選用全天然食材，讓每一口都充滿真實的美味😏新鮮水果實打而成，無添加任何果漿，保留了最原始的風味🥳使用純冰糖，以平衡甜度，讓口感更加純粹😎茶葉方面，選用最上乘的春茶，每一批都來自4月份的優質茶葉，帶來清新香氣與豐富層次🤗品味自然，回歸純粹✨