越茶香

营业中

休息中

之前飲過一次芝士奶蓋桂花大紅袍加桂花凍已經覺得好好飲，因為我對手搖都好挑剔，覺得香港手搖最大問題就係茶味好淡，溝埋奶蓋就變奶水都唔知自己飲緊乜，越香茶個茶同奶蓋既平衡做得好好，桂花凍係有花香同茶味，之後見到外賣自取有七五折超抵，距離上次飲只係一星期都忍唔住即刻再買，因為唔係成日去中環，但今次想讚既係因為我揀左六點外賣自取，但到七點三都唔得閒拎，店員打比我提醒我訂左奶茶，驚我唔記得，仲一早已經幫我雪住。重點係我去到拎時，佢仲好客氣同我講唔好意思打比我，因為好多客都唔記得拎，仲耐心介紹點飲最好。我記得上次訂單有誤會，都係女店員無講啲咩就爽快地整過一杯比我，而家香港好難有好既服務，而且店員好靚女笑容好sweet, 我會繼續幫襯，希望可以多啲分店就好！