越色牛肉粉餐廳 (已結業)

這個火車頭的碗也很大，但整體不及「可以接受」的味佳居，牛筋比較軟，沒有爽或彈的感覺，是比較少見的做法，喜愛與否就見人見志。其餘的配菜就ok。燒豬肉配蝦片，豬肉燒得很香很香，記得趁熱吃，唯一可惜的是配的蝦片好像放了很久，不脆的。中間的蝦雞米卷，味道很淡。味道一般之餘，員工的士氣有點低落，這也難怪，這個商場加上這個位置，和這樣的質素，唉。至目前為止，也未吃到megabox的正餐有比較突出吸引的。

經東隊回家的話，Mega Box是我和老公吃飯的好地方。如果選中光顧越色的話，茄汁牛腩河是我們必叫的產品。一個人一碗茄汁牛腩河，好滿足啊！其他只是配角。適合和我一樣行多步都懶的駕駛人士

一生人點都要去見識吓佢地嘅服務態度 好難搵到一間餐廰由上至下（經理至傳菜）無論說話語氣、眼神同態度都係會係咁一致～＂串＂。今次我係第二次晚飯時間幫趁，第一次係平日，得二個人去，都費時理佢地咁多。今次總共四個人，叫多左嘢食，問題就好大，星期六，6:30PM都開始算繁忙時間，我地一行四人，安排座門口大枱，座低比碗仔待應A已經係BANG BANG聲咁劈落枱。落單，本人同另一個朋友唔食芽菜，落單時同落單嘅男經理講話走芽菜，佢好寸咁話，＂我地呢度Ｄ芽菜係分開上！＂。 OK! FINE~ 但問題係佢究竟明唔明白客人話要走芽菜嘅意思係唔食芽菜唔想浪費食物先叫要求走芽菜呢？最後，當然芽菜係照上。落單後，見有另人六人等位，好心同知客嗰位女待應B話有需要我地唔介意比張大枱佢地，唉～　好人無好報，換來嘅只怪我多事，待應B：“人地要座梳化位呀！＂上菜，朋友第一次食，落魚露，佢本身個樽個設計都有小小誤導別人唔洗開蓋，我朋友又唔係倒唔出，就算Ｄ待應見到都可以有Ｄ禮貌咁提醒個客，但唔洗一句就DUK埋黎＂小姐，要開蓋架！＂食食吓，相安無事，無喇喇傳茶姐姐走黎話你，＂爭你個粉包黎左未呀？＂，我地只可以無奈咁望住佢，因為

去到 Megabox 唔知食乜好, 睇完個 leaflet , 略嫌有 D 「點指兵兵」, 就決定去呢個試下。平日的 Megabox 食肆無乜人都係好正常現象, 不過可能呢間舖位處偏辟死角位, 所以更加無乜人。來到即管一試! 坐低睇睇, 原來有套餐, 我呢 D 師奶仔, 即刻計下套餐抵定散叫抵, 都平幾十蚊架喎! 一於叫套餐, 另外叫左個蝦餅。食物有：雞絲+海蜇沙律、春卷、生牛肉湯檬、蕃茄牛腩湯檬、蝦餅兩個湯檬個湯底都非常正! 好香好味! D 炸野好熱 (好重要), 又大件, 幾好!兩個人埋單二百蚊唔洗

兩日前行megabox,想食越南野醫肚,於是入左嚟試試佢地個生牛粉(pho)除左pho之外,仲叫左個蒜蓉牛油大頭蝦食,同女友一人一碗牛粉,份量都0算好大碗,不過湯底味道唔係太差,如果淡番少少會更好!我碗粉個湯夠熱,所以生牛肉可以熟得到,蒜蓉牛油大頭蝦肉質唔錯,蝦肉都爽口,蒜蓉味好香,大家都可以一試因為唔係太肚睋,而且得兩個人,下次再嚟試埋其他野

越南生牛河吃過幾間，呢間都算最對辨，因為真的見到牛肉是生的至於河粉不算太滑，但幾企身，不會淨兩下就腍哂，不過我個人口味則愛滑的，不過湯則太濃味友伴點鮮茄牛腩河，極正，牛腩夠腍夠入味，湯則茄味濃郁也點了牙車快沙律，即柚子雞絲海哲沙律，都幾清，還點了豬肉碎生茶飽，但原來都幾辣下，我只能吃下一個最後還點了越南春光冰(即芒果綠茶)及青檸梳打，不過不失枱與枱之間都幾逼，但服務不錯，執枱快，上菜快，即使想要多杯水，都好快有反應，還會請小孩吃糖這可能因為侍應人手都幾充足，間鋪大概只能坐四五十人，但總共有五個樓面，所以即使星期日繁忙時間，我見侍應都幾好禮貌，同埋侍應都有講笑有默契，唔錯唔知點解下面的食評寫得咁差，我覺得呢間都唔錯，還是因為我食過其他更差的？

我叫咗個雞絲湯河，但佢嚟咗雞扒湯河。算喇！我見個賣相都唔錯！好彩我今日唔係好肚餓，啲河粉其實好少，食2啖都冇咗。雞扒好入味，都唔錯嘅。飲品叫咗熱柠蜜，但好淡口，好似係好少菜蜜加幾塊檸檬咁，好難飲！我一向嘛嘛哋食越南嘢，不過同事話試吓，就試吓喇！

食左生牛肉檬(我食越南野必食)下午茶, 30幾蚊幾好食喎, 清清地, 味道唔會太濃, 牛肉恰到好處, 唔un~美中不足就係碗野太細喇~食兩啖就食完嚕~咁就30幾蚊~覺得唔夠喉同唔抵囉!!!!!!講真佢又冇乜人黎食, 比多d檬粉, 我又開心, 你又好做姐~有得揀, 我都係寧願係小x黎用十幾蚊嘆碗飽肚既生牛肉檬~

星期日下午來了megabox shopping, 朋友想食越南嘢, 點了生牛河及雞肉湅檸。檸幾好香。生牛河一般,不過配菜的確有越式香葉,算係咁;不過,下次正餐不會幫襯這裏

因為唔知咩原因，呢期好興開越南食肆，越南菜尤其是係生/熟牛河就開到成行成市。事緣我要去B&Q要幫公司搵d野所以就去左個頭睇下，咁我就未食野，就入去諗住唔好食得太多啦，就叫左一碗生牛河同埋一個柚子蝦沙律，男友就要一杯咸檸七(因為佢食左飯啦)。以上叫既野，我諗大家都食過所以大概都知個味係點啦。個湯好重味精，因為通常芽菜、青檸、辣椒、同九層塔係另外上架麻，佢已經無新鮮辣椒粒(新鮮既同辣椒醬係兩件事)，個青檸榨晒汁落去，到頭來都係食唔到有青檸既清香，咁你話個湯幾勁咁蓋個晒d味呢。我好懷疑如果佢有辣椒粒，加埋落去的話，會唔會食得出呢???!!!!個沙律真係可以用難食黎形容，隻蝦係霉既，一d都唔爽/ 彈牙，我情願佢唔落。柚子唔甜亦唔酸，嚴格黎講係無味~~ 個汁，魚露無因應個柚子唔甜/酸而酌量減低，結果係個沙律汁係咸架囉。呢餐真係食得辛苦，不過亦加速令我想去蘭杜街食碗真係好食既生牛河。

碗越式生牛肉河好蘇，又無芽菜，湯又唔夠清。杯三式冰太濃，味道一般。

昨晚同朋友行MEGABOX時發現呢間越菜管，心想平時都少機會吃，一心入去好好品嚐。於是選了一份二人套餐(HK$156、未計加一)，第一份木瓜沙津已經食唔落口，第二份越式春卷跟快餐店沒有分別(完全無特色)，第三份是上湯菜(好彩都食得入口)，其次是每人一碗越式河粉，味道就真係一般，配料又少，最後份點品是成晚最理想的。不過，呢個二人餐係無飲品提供的。本人就覺得唔底食，而且我同我朋友回家後分別都有腹瀉症狀。

見登龍街的未有得寫食評，入埋落呢度先啦，同一個集團﹗星期二收工去左登龍街食個簡餐，見到呢間野﹗自從上次0係寶x巷食左個難食的牛肉粉之後深深不忿，一於試下呢間，間野原來呢度對面都有間呢.....點左生熟牛肉河同埋粉絲，湯底好清甜，應該有好多肉或骨煲出來﹗食完最緊要唔會好口渴，無咩味精呱﹗牛肉好淋無渣不韌，好食﹗試番支咩33啤酒，無咩特別淡淡的﹗呢度環境都好迫，台與台之間差不多是無空間的﹗值得推介，最起碼一切滿意食得開心﹗

話說小妺前幾日体息到九龍灣Mega Box行街,無意中去到一間越南菜館,本來正在品嘗一碗越式牛肉金邊粉慨時候,忽然傳來一陣抖紛慨聲音,於是八掛偷聽吓,原來有一抬客正在同一個黑衫理論一些事情,本以為有關食物質素問題,於是再細心偷聽一吓,才發現原來是結帳問題。話說原來其中一位食客想以信用卡結帳, 那位黑衫哥哥同佢解釋話要消費滿二百蚊才可以用信用卡埋單,但那位食客堅持要用信卡,其怪地那位食客姐姐另一隻手攞住一張五百蚊紙...於是嗰位黑衫哥哥叫咗另外一個黑衫哥哥嚟解釋, 誰不知個位食客姐姐話門口無寫明要消費二百蚊先至可以碌卡,於是個位黑衫哥哥禮貌地再解釋唔好意思,這是公司規定,希望体諒。最後個位食客姐姐都係比現金埋單。食一餐晏仔,唔使咁大件事呀, 要兩個黑衫嚟解釋兩次呀, 不如招乎多兩枱客好過啦!真喺揾食艱難呀!

和媽咪行咗一陣emax d 傢俬舖, 到這邊找點東西吃.1.牛肉, 牛腩火車頭金邊粉: 湯底頗濃, 但牛肉一般, 跟嫰滑有一般距離.2.海南雞飯: 有部份雞不熟, 當然不知其味啦!3.越南滴滴咖啡: 這是全餐\最合格的. 咖啡味濃, 香滑, 唔錯!價錢偏貴, 我想不會再有下次了,.