影片
更多
2008-08-04
8 浏览
一生人點都要去見識吓佢地嘅服務態度 好難搵到一間餐廰由上至下（經理至傳菜）無論說話語氣、眼神同態度都係會係咁一致～＂串＂。今次我係第二次晚飯時間幫趁，第一次係平日，得二個人去，都費時理佢地咁多。今次總共四個人，叫多左嘢食，問題就好大，星期六，6:30PM都開始算繁忙時間，我地一行四人，安排座門口大枱，座低比碗仔待應A已經係BANG BANG聲咁劈落枱。落單，本人同另一個朋友唔食芽菜，落單時同落單嘅男經理講話走芽菜，佢好寸咁話，＂我地呢度Ｄ芽菜係分開上！＂。 OK! FINE~ 但問題係佢究竟明唔明白客人話要走芽菜嘅意思係唔食芽菜唔想浪費食物先叫要求走芽菜呢？最後，當然芽菜係照上。落單後，見有另人六人等位，好心同知客嗰位女待應B話有需要我地唔介意比張大枱佢地，唉～ 好人無好報，換來嘅只怪我多事，待應B：“人地要座梳化位呀！＂上菜，朋友第一次食，落魚露，佢本身個樽個設計都有小小誤導別人唔洗開蓋，我朋友又唔係倒唔出，就算Ｄ待應見到都可以有Ｄ禮貌咁提醒個客，但唔洗一句就DUK埋黎＂小姐，要開蓋架！＂食食吓，相安無事，無喇喇傳茶姐姐走黎話你，＂爭你個粉包黎左未呀？＂，我地只可以無奈咁望住佢，因為
好難搵到一間餐廰由上至下（經理至傳菜）無論說話語氣、眼神同態度都係會係咁一致～＂串＂。
今次我係第二次晚飯時間幫趁，第一次係平日，得二個人去，都費時理佢地咁多。
今次總共四個人，叫多左嘢食，問題就好大，
星期六，6:30PM都開始算繁忙時間，我地一行四人，安排座門口大枱，座低比碗仔待應A已經係BANG BANG聲咁劈落枱。
落單，本人同另一個朋友唔食芽菜，落單時同落單嘅男經理講話走芽菜，佢好寸咁話，＂我地呢度Ｄ芽菜係分開上！＂。 OK! FINE~ 但問題係佢究竟明唔明白客人話要走芽菜嘅意思係唔食芽菜唔想浪費食物先叫要求走芽菜呢？最後，當然芽菜係照上。
落單後，見有另人六人等位，好心同知客嗰位女待應B話有需要我地唔介意比張大枱佢地，唉～ 好人無好報，換來嘅只怪我多事，待應B：“人地要座梳化位呀！＂
上菜，朋友第一次食，落魚露，佢本身個樽個設計都有小小誤導別人唔洗開蓋，我朋友又唔係倒唔出，就算Ｄ待應見到都可以有Ｄ禮貌咁提醒個客，但唔洗一句就DUK埋黎＂小姐，要開蓋架！＂
食食吓，相安無事，無喇喇傳茶姐姐走黎話你，＂爭你個粉包黎左未呀？＂，我地只可以無奈咁望住佢，因為我地都無追過嘢。其他搭枱嘅客人都睇到目定口呆。
呢度比我嘅感覺係，佢地絕對唔歡迎你食緊中途或者食完唔夠再叫甜品。
我地食緊牛河中途想加個串燒，眼望望搵待應嘅時候，經理就碌大雙眼咁望實你，睇你做乜；之後加甜品就諗住你會埋單，由入去座低至埋單都唔洗一粒鐘，我地都唔係霸左張枱好耐啫。
牛肉河Ｘ４
越南粉包
炒通菜
雞串燒
牛串燒（勁難食，用油浸咁）
芒果糯米飯
张贴