越男仔 (已結業)

完全唔知點解有人可以話好食，食牛河同自己屋企打邊爐一樣。好似食緊車仔麵咁。牛河冇味，生牛肉就係普通超級市場買到嘅。Open rice 寫八十字，只能夠用一字型容「差」!!!

之前見有新開越南食店一直想試, 但坦白講唔會再去,食物唔可以話好好食只屬普通選擇算多亦可自由加配, 這亦是吸引我的地方,但服務真的很差, 比大排檔還要差,進店時並不是繁忙時間, 但多次示意服務員都可以視而不見,辛苦叫到有位男待應, 點知態度好似見到仇人咁,送餐時更猛力地放低餐點和飲品, 好像想把餐具弄破般椰汁湯, 其實唔太夾, 椰味雖突出但和整體的味道組合隔和唔到濛粉好碎, 食到中段已經夾到好辛苦,老實講, 如果一間食店, 食物好好食但服務態度差都會令人卻步,可況一間食品普通而態度差的, 不會再來!

本來想上去「V Point」樓上開飯，但又揀唔啱心水餐廳，結果去了「V Point」地舖的「越南仔」。推門入去就見到一張高身長木枱，兩邊各擺了一排矮背靠的高腳櫈，很明顯要盡量利用空間、增加座位；附近有不少辦公室，這個佈局最啱搶攻午市生意。天花上吊著幾頂用草及幼竹編織而成的經典越南笠帽，雖然餐廳談不上甚麼越南特色裝修，但多了這些尖頂笠帽，再加上直接了當的名字「越南仔」，已毋需多講。餐牌簡單，只有一張A2尺寸。主菜全部都係河粉（湯）或檬粉（湯/撈），湯底有雞湯及牛骨兩款口味，每款主菜又可以用特惠價追加一個迷你版小食及飲品，各有十幾個款式，變成自選套餐；大胃王或食肉獸擔心唔夠飽？原來可以添加配料，有肉有菜揀。搞完一輪，揀好一份越式湯河套餐，每人大約 $90（早午晚同價），以銅鑼灣來說，唔算特別貴。這種既有變化、又簡單快捷的組合式套餐（有點似 food court 兩餸飯?!），最適合面積細小的黃金地段地舖，大部分人食完碗粉就埋單，可以做多幾轉生意。餐廳重點推介兼自創口味胡志明市紅番茄四寶湯檬粉（$78），又話係自創，即係越南肯定搵唔到，名字卻多了「胡志明市」，似乎自相矛盾。檬粉湯底呈瘀紅色，

喺銅鑼灣搵地方食飯想價錢唔貴又坐得舒服一啲都唔簡單，上次去過呢間喺時代廣場嘅越男仔，覺得質素都唔錯，所以再訪。週六晚好早就黎到，避開晚市人潮，當日牛餐食得比較飽肚，所以未能試到好多款式餐廳空間感足，有部分卡座，有部分係高枱高櫈，都適合自己用餐嘅朋友。店內光線充足，店員都挺有禮餐牌供應多款越式湯粉、檬粉，定價$48-98，怕唔夠食嘅朋友仲可以加麵底(+$5) ，另外惠價湯粉，仲可以有優惠價配一款小食及飲品，價錢大眾化。小食選擇多樣，有雞翼、蝦餅、蒜蓉包、越式春卷、蝦多士等。越式火車頭河粉 $78火車頭份量正常，一個人都食得哂，裡面有牛丸、生牛肉、牛筋、牛栢葉、烤牛肉，見到店內大部分人都有點呢款。生牛肉入口嫩滑，即時浸熟都唔會話好韌；而我同男朋友最喜歡就係當中嘅烤牛肉，食落香口，而且腍身其餘牛丸都幾重口味，略嫌細粒左少少；其餘牛筋、牛栢葉中規中矩。湯底都幾鮮甜，可能因為加有蘿蔔，都唔會太鹹。河粉份量都頗多，男士也足夠。蒜香牛油雞翼 $16/2件(跟餐價)跟餐有優惠價，所以點左一客，雞翼嘅牛油味幾重，而且香口。不過怕油膩嘅人士唔太建議，仲有炸漿都比較厚身。招牌原隻軟殼蟹 $78軟殼蟹原隻上，

喺銅鑼灣轉來轉去唔知食咩好想食啲有得食又平民價又滿足嘅晚餐終於搵到呢間毫不猶豫咁行咗入去三絲撈檬佢分別係有豬頸肉，雞絲，扎肉絲去混成的一碗麵有三種唔同嘅口感都幾新奇 而且另一方面，有啲青瓜同蘿蔔絲一齊食口感多咗少少清新嘅感覺佢枱面仲有啲辣椒可以俾你另外加落去 適合唔同口味嘅人群.雞翼隻雞翼令我有少少失望 佢冇我想像中嗰種重蒜頭同辣椒嘅香口感覺而且裏面啲肉一啲都唔入味 好似食緊白恰嘅雞肉咁而且炸皮 太油太利食完之後成口都係油但係佢價錢算係幾平 如果跟餐嘅話＄16有兩隻所以，呢個價錢呢個質素都尚算接受到.兩個人食每個人連野飲平均大概七十幾蚊左右喺銅鑼灣貴價地段來講都算滿足而又飽頭而且啲粉面都非常之大碗 我一個人食咗一半已經飽算是不過不失的一餐

同朋友在銅鑼灣做完facial, 想近近哋在附近食一餐清清哋, 朋友係銅鑼灣地膽，很快建議去新開的越男仔。店內裝潢舒適，給人清新的感覺，有點文青FEEL，啱晒我哋兩個文青，可能時間較晚 (接近9點)兩個人被安排坐近門口第一張卡位，啱晒我哋想傾耐小小，我們不約而同叫了雞絲金邊粉，咸檸七，份量夠晒大，賣相不錯，可惜湯粉太重味精，略嫌鹹了一點，除此外，湯粉質地也算爽口；反而咸檸七味道不錯，而且解渴。下次會再來，或者叫生牛河試試。

平時比較少接觸越菜，碰巧在銅記逛街，見到「越南仔」搶眼的招牌，所以就入去試試。個人覺得整體格局帶點小清新，加上輕快的流行曲背景音樂，令人坐得幾舒服。點了兩款麵及一款小食。手撕雞檬紙卷這是推介食物之一，一於試試。檬卷粉皮好薄，包住灑上黑胡椒的雞肉、清涼開胃的甘筍絲青瓜絲，不沾醬汁來吃也感覺清新，好適合做頭盤。胡志明市紅蕃茄四寶湯檬粉檬粉份量好大，湯底是頗濃的蕃茄湯，配上四寶，即是扎肉、豬排、豬頸肉及口感好特別的「脆豬肉」。必試脆豬肉，香脆爽口，味道一流！而檬粉同樣爽口，質素不錯。招牌手撕雞扎肉椰汁酸湯湯檬粉檬粉配傳統越式雞絲扎肉，更特別是其湯底酸酸溜溜，又有椰漿的香味，好開胃！雞絲偏碎，所以口感爭少少。越式咖啡吃越南菜，又怎少得越式咖啡！咖啡一送到枱上，咖啡香味撲鼻，配上煉奶，香滑濃郁，飲完整個人都好精神。餐牌

今日由大埔去銅鑼灣返炒散.下晝4點放工後原本打算去坐下.點知搵唔到想去果間.行下行下經過見到依間餐廳裝修幾好.價錢合理.就入左去食個tea.叫左個生牛肉湯河粉$42+$5轉左杯特飲薄荷龍眼冰.杯野飲又幾好飲喎.個生牛河都唔錯.大大碗好夠份量

近日看了個越南的旅遊節目，加上夏日炎炎今晚一於決定食越南菜。這間越南菜在路邊非常就腳，地鐵站出去行幾分鐘就到。餐廳內白色的燈光加上單車及藍色的裝修令人有越南夏日的感覺。看着Menu是一些越式簡餐，一般的越式前菜、小食、麵食以及一些新穎的小食都有，創意非常。我們倆點了兩個小食：-      越式蝦餅 蝦餅一共有四件，看得出是一件新鮮大蝦餅切成四份。蝦餅炸香噴噴，蝦的香味十分濃郁，能做到外脆內軟且非常彈牙！不會太鹹，蝦餅上的香蔥加上配料再點上越式甜酸汁，非常清新可口。-       三文魚檬紙卷三文魚檬紙卷也是有四件，三文魚塊滿滿的鋪在紙卷上面，貪心的我忍不住要吃一口了！三文魚用料非常新鮮，而且三文魚份量十分多，一片一片堆對成一個球體放在紙卷 。香蔥能為三文魚加倍的提鮮👍🏻紙卷內的粉條及配料也堆積得十分結實。一口吃下去令人十分滿足，不用再點任何醬汁，味道巳夠突出！-       海膽越式春卷  春卷設計十分新穎！傳統的春卷炸成一件再 一分為二，上面鋪滿新鮮的海膽及傳統的越式春卷配料，一口咬下去海膽濃郁而特有鹹香與十分熱的越式春卷配合又是一種非常新穎的嘗試，像是日本與越南的結合。  用上新鮮

今日突然幾想食麵，同媽咪行完街就去咗登龍街嗰邊諗住食拉麵之類。經過街口嘅時候見到呢間新開嘅越男仔又好似幾多人食咁，同埋大部分拉麵店都大排長龍，所以最後決定試新野😋入面有分卡位、普通座位同埋bar枱位。主打越南湯粉、撈檬同越式小食～眼闊肚窄，所以叫咗一個湯檬再叫小食！招牌手撕雞拼扎肉椰汁酸湯湯檬粉（$62）🙆🏻首先湯檬嘅份量好多，個湯底酸酸地，好開胃，椰汁味相對就無咁濃👍🏻扎肉切得比較細片同薄，如果係黑椒味會更吸引～手撕雞嘅份量好似唔太多，可能因為手撕咗比較碎🤔招牌原隻軟殼蟹（正價$78）新鮮即炸，食嘅時候要小心，真係好熱🔥面頭有好多黃金蒜，軟殼蟹炸得夠透同埋炸粉都唔多👍🏻入面都幾多蟹肉，幾嫩，仲有少少蟹膏😍雖然個外殼嘅味道有啲澀，但係整體唔錯😋法式芝心蝦多士（跟餐+$28，正價$38）芝麻鋪滿成件多士，蝦膠好爽口彈牙，多士烘到好脆，口感同層次無得彈👏🏻中間仲有少少流心嘅芝士，不過凍得比較快，芝士好快就變韌🙁越式素春卷（跟餐+$14，正價$20）夠熱又脆卜卜，不過比較多油。素菜份量可以再多啲，價錢就有啲貴🤔香茅薑蜜（跟餐+$18，正價$25）三個味道都幾突出，幾match，啱我口味👍🏻熱

在銅鑼灣見到這間開了不久的越南粉，決定跟朋友一齊試試。招牌手撕雞拼扎肉椰汁酸湯湯檬粉：湯底除了有椰汁的香味，還帶有越南的醋酸味，配上手撕雞及扎肉，兩者肉質嫩腍，酸酸地感覺非常開胃。越式火車頭河粉：湯底是用牛骨熬製而成，所以有濃郁的牛湯味，而餸菜包括牛丸，生牛肉，牛筋，牛柏葉及烤牛肉，河粉很滑， 食到最後都依然保持現狀，加上餸菜份量十足，非常飽肚。沙嗲烤鴛鴦肉撈檬：撈檬淋上越式醋汁後，帶有酸甜味道再加上少許的辣椒碎，非常惹味， 烤肉切得比較碎，所以容易跟檬粉撈在一起， 每啖都能吃到烤肉及檬粉，適合夏天食用，非常開胃。手撕雞檬紙卷：裏面是手撕雞及檬粉，加上外皮的越南紙包製而成，味道清新淡口絕不油膩。越式蝦餅：蝦餅爽口彈牙，炸過後以椰菜墊底不會太油膩。香茅薑蜜：薑味濃郁但蓋過香茅的味道，甜度適中。三檸七喜：有青檸檬，黃檸檬及鹹檸檬，三種酸味混合在一起，配上七喜一起飲，非常解渴。總結：食物質素中上，款式甚多，抵食夾大件。

今日行完銅鑼灣，想食d香口野，又想食下d酸野，所以就去左v point樓下食下越南菜。紅蕃茄雙牛湯牛河 $70: 用上肥牛同牛扒做既越南河粉都係第一次食，平時食開只用肥牛，但這裡用上牛扒切片同肥牛，加上鮮蕃茄湯底，食落酸酸甜甜，非常濃烈既茄味。招牌原隻軟殻蟹$70: 這裡的軟殻蟹非常軟身，食落唔會有殻,加上蟹味十足，蟹肉又軟身，食落好有越南風味。越南蝦餅$28:蝦餅不但烤得香口，而且唔會太多粉，蝦肉十足，而且又夠彈牙，用黎送啤酒簡直一流。三絲撈檬$53: 用上豬頸肉，越南窄肉，豬肉絲，加上甜酸既汁，撈起上黎，簡直係夏天必食既食物。總括來說，這裡既食物非常有越南風味，而且又大份，絕對係來開必到之地。

銅鑼灣除了是多國菜的集中地之一，亦都是多國遊客的購物中心，多個大型商場內都是國際品牌的連鎖名店，而附近的大廈內亦都有大量的餐廳，包括我今晚去的越男仔，都是位處於銅鑼灣附近，在鵝頸橋底的地舖。餐廳裝修簡約，除了有少許的卡位外，其餘的都是設計成吧枱的款式，感覺上似是吃快餐，速食速走。越式生牛肉牛骨湯河牛骨湯底濃郁，湯底夠熱，基本上生牛肉浸一浸就已經熟，但牛肉依然保持嫩滑，牛肉不是肥牛，所以油膏不多，感覺不油膩，河粉很滑，不會浸到很腍。胡志明市紅蕃茄四寶湯檬粉整碗粉都舖滿著蕃茄，蕃茄湯底非常濃郁，酸味適中易入口，餸料有豬頸肉，扎肉等，非常足料，檬粉很爽口。法式芝心蝦多士芝士份量較少，多士薄薄一層，反而釀有很厚的蝦膠，質感彈牙，不會太油膩。三色雞翼拼盤 分別有蒜香牛油，火辣蒜椒及金蒜味的脆雞翼， 蒜香牛油及金蒜味的脆雞翼味道較淡， 而火辣蒜椒應使用泰式辣椒醬，味道較濃及有點辣。香茅薑蜜香茅味較淡反而似薑茶，薑味很濃，整體較甜。薄荷龍眼冰薄荷味十足，好似食緊香口膠，非常清新。龍眼肉應是冰過當冰用。整體而言，食物質素中上，分量十足跟價錢成正比，絕對可以翻吃。

點了個推介的生牛肉牛骨湯河，見佢咁寫以為個湯底會好濃味，點知一飲之下，只是比清水有味一點 當日咁岩有位女士埋單時同收銀 理論，那位收銀肥哥哥繼而走出來跟樓面及廚房同事們投訴一番。及後到我埋單，不知那位收銀肥哥哥是否仍未下氣，黑面之餘找錢時竟用力將硬幣掉在桌上！話晒都係新開無耐，奉勸檢討一下服務態度！

吃午飯，在銅鑼灣鬧市的新店，裝修特別，繁忙時間要排隊。由於在公司附近，故取道一試。越南菜對我來說，最顯功夫是一碗生牛肉河，所以很執著牛河的優劣。湯底、牛肉、配菜與河粉比例全部都很重要。結果令人生氣：湯沒有味、牛肉麻麻、太多河粉、不夠芽菜、沒有香葉、洋蔥變紅蔥、沒有青檸只有檸檬，沒有提供紅椒粒。根本不能算是越南生牛河。就這樣一碗已夠令人失望，其他菜式已沒有心情再試了。埋單50多元，不是餐，沒有飲品。