越旺美食 (已結業)

原來越旺搬左舖位去中匯街，新店光猛，設計寬敞，空間感強，座位之間夠闊落。燒豬頸肉炒紅飯 $64大碟，豬頸肉軟腍，配香蔥油及炸蒜片，再撈埋紅飯(茄汁炒飯)一齊食，夠香口！馬來奶油蝦 $102必食招牌菜之一！奶油大蝦有6隻，蝦殻炸得酥脆，蝦肉結實，有彈性，廚師更細心剪走蝦頭刺，食時唔怕會拮口！👍🏻 奶油醬汁以牛油、奶、蒜、咖哩葉等調配，聞落好香炸乾蔥蒜味，入口蒜香味和奶味香濃，醬汁濃稠度亦調得剛剛好，撈埋伴碟的檬粉一齊食，掛汁惹味！紅燒腩肉 $68份量多，肉和肥膏入口軟腍，烹煮得好入味，餸飯食一流！馬拉盞炒時菜 $63時菜可選 ： 通菜 / 生菜 / 芥蘭馬拉盞，唔辣，微微甜甜鹹鹹，質地不稀水，好惹味！炒得鑊氣十足！而且通菜份量多！_______________越旺美食 (大角咀)大角咀中匯街37-39號地舖_______________

喺大角咀開咗不少年日嘅越式飯堂，終於細舖搬大舖，大胃唔使坐喺斬叉燒佬嘅摺檯隔離食咖喱喇雖然冇咗陣頹風，但環境靚咗寬敞咗，食個飯都舒服啲啦嚟呢度，大胃不外乎推介呢兩樣嘢，第一係炒紅飯，大胃只遇過呢間越南餐廳有做，鑊氣十足每啖飯都有蕃茄同炒蛋香，毫不簡單第二就係咖喱，佢地有得揀越式同印度咖喱，同埋0-5嘅辣度大胃怕辣就偏好越式，比較有椰香，咖喱汁夠杰，餡料又夠晒多肉如果撈飯都唔夠喉，可以加多碟薄餅，浸吓咖喱食就唔會嘥咗啲咖喱啦想試呢間粉包好耐，呢間嘅粉包大大包，皮薄爆晒餡，充滿肉碎，點吓醬汁更滋味串燒雖然得四串，但每串幾粗大幾多肉，燒得脆脆地，淋上沙嗲醬好惹味，一碟仲可以揀兩款肉𠻹食啲咁濃味嘅一餐，點都要飲返啲特色飲品解解膩龍眼冰幾足料，好多好入味嘅龍眼肉

餐廳雖然位於較靜嘅大街，但門面招牌好光猛，一眼就會見到，店舖裝潢比較簡單，而座位之間空間好夠，好闊落坐得舒服。😊餐廳主打東南亞美食，食物選擇幾多，價錢亦好大眾化。😊馬來奶油蝦 （$102）呢道菜係餐廳推介，感覺有啲似上湯龍蝦，必須要讚個醬汁好好味，濃稠適中，食到牛油及蒜香味。而蝦嘅size幾大隻，蝦肉夠爽脆鮮甜，底仲鋪咗啲檬粉，撈埋個汁真係好正喎。💖越式咖哩牛腩配印度薄餅 （$59）餐廳咖哩有印度或越式兩款，印度風味會較重香料及洋蔥，而越式椰汁味濃啲。今次揀咗溫和啲嘅越式，咖哩味道甜甜地，牛腩好軟腍好入味，而且份量好多！👍越南炸春卷 （$48）一份有6條，同時配埋生菜包住食，春卷餡料都係大路嘅芋頭、粉絲等，味道正常發揮。😉餐廳整體性價比非常高，份量亦好慷慨，真係好抵食！另外見到隔離枱點咗蝦麵，望落唔錯，店員話都係餐廳推介，有機會想試下。😋

其實之前舊址食過幾次, 有時外賣都諗起佢呢間嘅咖哩無得輸之後搬左都係第一次再黎, 比舊址大間光猛左好多, 而且闊落多枱, 唔駛再搭枱食得更自在無加一, 有dinner set 都唔貴. 最後散叫左幾個小菜燒豬頸肉炒河 $64好大碟，其實夠2個人share. 豬頸肉少肥帶點爽口. 炒河夠鑊氣。 個人覺得加辣醬好食d馬拉盞炒芥蘭 $62好鐘意馬拉盞炒菜，好惹味香口，咸香配芥蘭👍🏼豉椒炒蜆 $72其實本身想食蟶子不過賣哂. 好在炒蜆都唔錯，好大碟，豉椒炒完再勾左芡所以汁包都每粒蜆都好夠味越南炸蝦餅 $58有兩塊再切片，有趣地仲切左蔥碎係頂。蝦餅都算彈牙朋友叫左杯龍眼冰好甜，不過都多龍眼肉. 我見過菠蘿紅豆冰好似幾特別，不過最後好似黎錯左菠蘿冰？ 有切片甜甜菠蘿，都甜

充滿空間感的木系設計，令食客感到清新、舒服，有in / outdoor 任你選擇流水鏡子，可供打卡餐廳座位闊落，充滿空間感，枱與枱之間不會過迫，坐得舒服😌 環境光猛、整潔無異味，店員有禮，空調溫度適中，各方面十分平穩！餐目選擇甚多，各式其適除了選擇多外，價錢亦相當大眾化咖哩惹味必食小食亦相當吸引，吸引我二訪的衝動越式炸蝦餅 $58份量多，而且味道亦十分岀色。蝦餅炸至金黃色，外面甘香鬆脆，內裏的蝦餅亦十分新鮮且充滿咬口，配上甜酸醬，更顯鮮味，十分開胃！豉椒炒蜆 $72無錯！!係$72蚊大大蝶，分量足，夠穫氣，蜆肉沒有過熟而變得太韌。蜆肉已徹底吐沙，絕無沙石，可放心食用！❤️越式咖哩青口配千層薄餅 $59咖哩可選辣度 0-5級，所以不吃辣的朋友也不用擔心招架不住！是次選了一級辣，已經十分惹味，咖哩帶椰香蒜香，微甜而不太油膩，口感細滑，內有數件已炆焾的薯仔，不論送飯或薄餅，也回味無窮😋越式炒雜菜 $61 十分香口，雜菜不會過生或硬，蔬菜款式繁多，西蘭花、椰菜 、洋蔥、蕃茄📣📣📣必食推介📣📣📣馬來奶油蝦 $102由牛油、奶、蒜、咖喱葉烹調而成，大蝦十分鮮味，蝦肉雪白彈牙，配上岀色的秘製醬汁，齒頰

老友搬咗嚟奧海城，佢一直都話住得好舒服，吃喝玩樂乜都有，佢今晚帶我嚟呢間餐廳，晚上約7點喺門口見到差不多坐滿人。餐牌選擇多，有檬粉、飯、亦有小菜。我哋點咗：🦐越南烤蔗蝦$60食越南菜，我第一時間就係想食蔗蝦，以蝦肉、香茅碎等打成膠蝦，食得出真材實料，而且仲係珍寶size，口感外脆內嫩，好正😋。🐷蝦片豬肉$58蝦片上有香茅豬肉、越南檬粉、香蔥及乾蔥碎等，風味十味。🐥越香雞$128 半隻已去骨嘅越香雞，食得好方便，啖啖肉，雞肉很嫩滑。✨豉椒炒蟶子王$138蟶子王以洋蔥🧅、青椒🫑、指天椒🌶️、蒜頭豆豉等炒得爽甜惹味，而且份量足。這間小店，沒有豪華裝修，但帶著街坊餐廳風情，而且食得出每道菜式都用料十足及用心製作，會再來💓😋。

同朋友一齊喺大角咀覓食，呢頭有好多有質素嘅小餐廳，呢日我同朋友都想試吓新嘢，搵間大家都未食過嘅餐廳，發揮一下冒險精神，喺橫街行吓行吓，見到呢間，裏面相當闊落，越南菜🇻🇳亦都啱我哋胃口，咁就決定入去試吓😆$138 嘅「豉椒炒蟶子皇」：蟶子皇新鮮、唔腥、洗得乾淨冇沙😆，爽脆得嚟又有啲煙韌😋，仲幾厚肉😆，加埋豉椒 一齊炒🔥，特別香口惹味😆$128 嘅「越香雞 🐓（半隻）」：雞肉白雪雪滑脫脫，好雞味😋；雞皮就 黃黚黚更加滑，我忍唔住食咗兩塊😆；仲有嗰一小碟薑蓉同香蔥粒，要嚟沾雞食就更加惹味😋$140嘅「蒜蓉🧄焗大頭蝦🦐」：「大頭蝦🦐」真係冇改錯名個頭好大😆，蝦肉新鮮🦐肉質結實😆，蝦頭仲有好多蝦膏😋，真係食到舔舔脷😆$28嘅「鹹檸檬🍋梳打」：因為係梳打，所以完全唔甜，清新好飲😆呢餐真係有小驚喜，每一個餸都好好味，朋友同我都非常滿足😆

餐廳環境舒適寬敞晚市二人套餐有三款，唔同價錢唔同配搭，仲有三人餐任君選擇💁🏻‍♀️小食都有好多選擇我揀左C餐 $240 越式小食：越式豬頸肉/蝦餅（二選一）越式豬頸肉質軟硬適中，有炭香炒時菜：馬拉盞/蒜蓉炒馬拉盞炒生菜馬拉盞咸香惹味，用嚟炒生菜味道一流小菜：紅燒排骨/香茅豬扒/炆牛腩/生菜包（四選一）炆牛腩好腍好香濃，份量好多粉麵或炒飯：金牛河/喇沙/金蒜炒飯/蝦醬炒飯金牛河有牛丸、熟牛肉，仲有牛腩，用料豐富，湯底鮮甜奉送熱飲兩杯/凍飲加$3/特飲半價珍多冰 & 益力多梳打特飲夠哂清涼消暑越南炸春卷 $48用越南米紙炸成嘅春卷好酥脆，皮薄餡靚，必叫之選

聽朋友講大角咀中匯街有間「越旺美食」好食，今日同家姐一於去試吓，餐大空間大又光亮乾淨。生牛肉河粉 $59 牛肉新鮮，湯底清甜吾油。蒜蓉牛油雞翼$58 炸得香脆，不過牛油味吾太岀。咖喱牛腩配千層薄餅$59 牛腩夠稔，咖哩濃香加上煎脆薄餅同食非常惹味！👍👍👍👍👍紅頭冰同紅豆菠蘿冰㗎紅豆夠稔吾會硬，可以甜多小小就最好

大角咀幾有名氣嘅一間越南餐廳，聽講係細舖搬大舖，新裝修光線充足，除左街坊之外都有好多年輕情侶甚至外國人黎幫襯🥰　♡ 秘製咖喱牛尾 (印度洋蔥) 配千層薄餅 $70雖然呢間係越南餐廳，但係呢個印度咖喱非常正宗.辣度有分0-5級(0最唔辣) .我驚太辣所以叫左1級試試，覺得平時食開小小辣嘅朋友都接受到，愈辣愈想食👅 肉量有好多，仲有薯仔好入味，配埋薄餅一齊食好惹味！.♡ 馬來奶油蝦 $102足足有成6隻大蝦係上面🦐 大蝦炸到好脆 蝦殼亦好貼心咁剪開左方便剝殼；大蝦肉質彈牙 沾上滿滿嘅奶油好邪惡😍 下面仲有少量檬粉撈埋奶油既精華一齊食💯.♡ 香茅雞翼炒河 $59無諗過係咁大碟，仲有成4隻即炸嘅香茅雞翼😍 河粉炒得好夠鑊氣 條條分明唔會痴埋一舊.♡ 越南炸春卷 (6件) $48炸春卷香脆可口，睇得出唔係喺外面買急凍果啲春卷；下面生菜好新鮮，可以包住食減少油膩感～.♡ 青檸梳打 $28♡ 三色冰 $28

放假約咗朋友去奧海城shopping,食晚餐時段，朋友話大角咀嗰邊開咗好多有質素嘅餐廳，越旺美食就係其中之一，主打越南菜，食物好味又抵食，我決定過嚟試吓！餐廳地方寬躺整潔。招呼週到！香茅豬扒炒河，上檯已聞到香噴噴，炒得好夠鑊氣，河粉係用幼身河粉炒，特別滑溜，一大件豬扒切成數塊，肉質入味唔鞋口。喇沙海鮮河用料豐富，兩隻大青口最吸睛，蝦已去殻爽口鮮甜，螄蚶鮮味，魚片彈牙，喇沙湯濃郁鮮甜，豆卜索左湯底，一咬落去，滿口湯汁，滋味無窮！馬來濃湯蝦麵，配油麵。蝦麵靈魂在於蝦高湯，有獨特香氣，味道濃郁鮮香，材料有大蝦、豬腩片、魚片都爽口彈牙。豆卜吸收蝦湯精華，鮮甜美味！另外老闆娘介紹匙內有秘製蝦湯嘅精華，加入湯內可令整個蝦湯升華，味道鮮上加鮮，極之美味！蒜蓉牛油雞翼，雞翼外層香脆，雞肉入味有肉汁，食落有好香嘅蒜蓉牛油味！菠蘿紅豆冰，紅豆林甜奶味香，再加埋菠蘿嘅香甜味，無論口感和味道都多了層次感！鹹檸七，味道鹹甜交雜，清涼解渴！

#fafafoodblog大角咀 #fafafoodblog越南菜 呢間食越南菜既越旺美食 以前食過一次 好似不在呢條街 而家呢間係新開 環境燈火通明 都幾閣落 有好多張長方枱 , 佢選擇都好多 menu好多野食 有好多小食 炒野 粉麵 仲有二人餐 好多選擇🍴二人 c餐 240 蚊1.越式蝦餅 🦐蝦餅上面有 d蝦乾碎 葱花 蝦味香 蝦餅外面香脆。入面彈牙 夠厚肉 點 d甜醬好食2. 馬拉盞炒通菜🥬大大碟通菜 夠哂新鮮 馬拉盞味香濃 炒得好夠鑊氣 通菜夠哂入味 正👍🏻3. 紅燒排骨🐷排骨足料 啖咪肉 香濃既豬肉側邊有 d肥膏 食落好香 醬汁 入味 甜咸度適中 正4. 叻沙大碗叻沙 河粉好爽口同多 海鮮叻沙 好多海鮮 大蝦肉 魷魚 魚片 豆卜 青口 菇 夠哂足料 材料新鮮 佢個湯底椰香味夠 叻沙味好夠香甜 正👍🏻👍🏻 🍴咖喱牛腩河 54 蚊🐂平時咖喱牛腩通常係飯 但河第一次試 個人覺得要整河浸落湯 佢既咖喱汁濃度要有番甘上下信心先得 佢地既咖喱汁夠哂香濃 密度高 , 河粉足料爽口 牛腩整得好淋又多 仲有彈牙既牛根 加埋洋葱 葱花 香茅調味 中和番咖哩牛腩既濃味 好正#越南菜 #咖喱

成日都經過呢間新開嘅越南餐廳，見到佢門口餐牌有大大碗嘅叻沙，想食好耐，一直都未有機會，今次就終於約到朋友一齊嚟試下啦。Menu實在太多選擇，無論二人餐定散叫都諗咗好耐，最後都係決定散叫。第一樣就梗係叫我想叫好耐嘅叻沙河鮮河($95)，原來都有分越式定泰式，職員會問你，我就揀咗個越式。平時叫叻沙通常都會係摻摻，呢度就好特別，嚟到居然係河粉。佢都幾大碗下，咩餸都有，連青口同蝦都有幾舊。個湯底嘅顏色都見到會係好深色，偏濃烈，但唔會太辣食豆卜個啲特別索到啲汁。之前係啲Group見到，有介紹呢度嘅咖哩配千層薄餅，就叫咗個嚟試，佢有得揀印式或者越式，我就都係繼續叫咗個越式嘅千層薄餅配豬頸肉($78)，雖然唔係真係太知道印同越式嘅分別，但我估就係佢嘅薄餅會比較碎啲、散啲，其實咁樣點咖喱嚟食都唔錯，可以點到多啲咖喱嚟食添。咖喱好濃但唔辣，係我鐘意嘅感覺，豬頸肉都超多，啲嘢全部都好足料。最後就叫埋個越南小食拼盤，我見其實都只係$88，上枱後更加覺得超值。佢有豬肉、札肉、雞翼、春卷同埋蝦片扎肉，蝦片扎肉我都係第一次試，好新奇。脆卜卜嘅蝦片再配咸咸地嘅扎肉上去，口感好得意。本身嘅札肉再配咗蔥油，呢個配搭都係

鐘意周圍搵食嘅我，今日同朋友仔去咗大角咀中匯街「越旺美食」餐廳空間感好大坐得舒服同朋友仔傾偈一流。生牛肉湯河 $59 生牛肉新鮮嫩滑，河粉入口順滑唔會一夾就斷，湯底清甜。咖喱牛腩配千層薄餅$59咖喱馥郁濃香，牛腩稔度適中，配上千層薄餅食簡直絕配。馬來奶油蝦$102蝦肉彈牙新鮮，每隻蝦都沾滿奶油非常美味。蒜蓉牛油雞翼$58粉漿超薄炸得非常香脆，食落吾會成口油，超正！飲特飲重可享半價優惠菠蘿紅豆冰，紅豆冰半價後14元/杯，味道不是太甜，啱晒女士們。

今日去大角咀食越南嘢，餐廳裝修都幾開揚，空間感都幾大，最最緊要個價錢都幾平，300蚊落樓食到好多嘢朋友最鍾意食印度咖哩，尤其是配埋薄餅，咖哩海鮮嘅份量都非常之多，有蝦有魷魚，魚柳，最緊要係個醬汁，佢印度咖哩汁非常之香濃，點埋薄餅，脆卜卜嘅薄餅一齊食，真係滋味無窮另外就係鹽油水煮蜆，佢個份量都幾多，個蜆冇沙之餘，用鹽油水嚟煮，令到非常的鮮甜，個底層仲有好多粉絲添，真係夠曬飽肚，之後就食過燒雞，可以配埋米線㖭，嘅湯頭都幾清甜，飲落去冇味精，另外佢個米線都幾q,但最緊要個雞燒得非常之香，不錯不錯另外佢嘅紅豆冰都幾大杯，配跟餐嘅話都係十蚊左右，夠凍涼. 又香甜