越旺美食 (已結業)

鐘意周圍搵食嘅我，今日同朋友仔去咗大角咀中匯街「越旺美食」餐廳空間感好大坐得舒服同朋友仔傾偈一流。生牛肉湯河 $59 生牛肉新鮮嫩滑，河粉入口順滑唔會一夾就斷，湯底清甜。咖喱牛腩配千層薄餅$59咖喱馥郁濃香，牛腩稔度適中，配上千層薄餅食簡直絕配。馬來奶油蝦$102蝦肉彈牙新鮮，每隻蝦都沾滿奶油非常美味。蒜蓉牛油雞翼$58粉漿超薄炸得非常香脆，食落吾會成口油，超正！飲特飲重可享半價優惠菠蘿紅豆冰，紅豆冰半價後14元/杯，味道不是太甜，啱晒女士們。