越旺美食 (已結業)

今日去大角咀食越南嘢，餐廳裝修都幾開揚，空間感都幾大，最最緊要個價錢都幾平，300蚊落樓食到好多嘢朋友最鍾意食印度咖哩，尤其是配埋薄餅，咖哩海鮮嘅份量都非常之多，有蝦有魷魚，魚柳，最緊要係個醬汁，佢印度咖哩汁非常之香濃，點埋薄餅，脆卜卜嘅薄餅一齊食，真係滋味無窮另外就係鹽油水煮蜆，佢個份量都幾多，個蜆冇沙之餘，用鹽油水嚟煮，令到非常的鮮甜，個底層仲有好多粉絲添，真係夠曬飽肚，之後就食過燒雞，可以配埋米線㖭，嘅湯頭都幾清甜，飲落去冇味精，另外佢個米線都幾q,但最緊要個雞燒得非常之香，不錯不錯另外佢嘅紅豆冰都幾大杯，配跟餐嘅話都係十蚊左右，夠凍涼. 又香甜