影片
屯门兆禧食坊有好多间食店外卖，呢日去咗食越式，听闻师傅来自越南，好正宗嘅越南嘢食！眼见铺间有个烧烤炉，食物即叫即整，一路闻到烧烤味超香呢！🌟烧鸡汤檬一开盒目测有一整块鸡扒，而且仲要好厚身！烧鸡肉质唔会好干，食落啖啖肉！🌟烧牛肉汤檬烧牛肉切到一片一片，虽然烧到干身但质感一啲都唔柴！🌟越式芝麻虾多士见到有新品即刻叫嚟试吓！入口超酥脆，仲有啖啖芝麻香，内里虾肉都几厚，好好味，推荐！！！🌟越南春卷两条馅料份量都好多，内里有粉丝、猪肉、木耳丝等，口感实净又超丰富！
继续阅读
去得葵涌广场行街，当然唔少得扫街，见呢间都几多人等外卖，我哋都买咗啲嘢食下╰☆香茅猪扒拼墨鱼饼饭 $44食越式嘢当然唔少得香茅猪扒，食落唔会好干身同油腻，墨鱼饼都几弹牙，加上佢哋秘制葱油酱汁，非常香口╰☆小食拼盘 $58拼盘包括有香芧鸡翼、虾饼、蔗虾、扎肉同墨鱼饼，一次过就可以试晒几种小食🤤鸡翼皮脆肉嫩，虾饼弹牙有咬口╰☆越式法包 $38+$5拣咗双拼牛肉同札肉，入面仲夹咗萝卜丝、青瓜、紫苏叶、芫荽同埋我最爱嘅蛋黄酱🤤法包外脆内软，口感丰富咬落又够脆口，牛肉入味，唔怪得写住回头率💯╰☆烧鸡翼 $15鸡翼烧得好juicy,肉汁满满，肉质仲好嫩滑下次经过会再买嚟食😋
继续阅读
🍽越式美食 (葵芳)👍🏻烧牛肉越南法包 $38法包内脆内软，好足料🤤牛肉入味有弹性配埋酱汁酸萝卜，好开胃😋.👍🏻越南青桔水 $8味道唔甜偏酸，好清新🌱配上饱肚既法包，好消滞📸19.08.2023.💁🏻♀️#大推有Heart小店💗职员友善又有趣😆即叫即整，制作用心😋
继续阅读
每逢星期日都会去唔同既地方食下野，呢日去左屯门码头呢边，原来兆禧而家好多野食架，向兆禧食坊见到呢间比佢既串烧味道吸引左。烧五花腩捞檬$48初时以为烧五花腩会好油点知咬落脆身又有咬口，坚持要烧出油，烧到好香口，而檬粉汁酸咪咪甘好开胃呀。越式香茅烧鸡法包$38 法包外脆内软，涂了惹味酱料，塞左满满鸡肉、紫苏叶、薄荷叶。鸡肉juicy唔太干身，非常有口感，大件抵食👍小食拼盘$58（越式春卷、虾饼、越式扎肉、香茅鸡翼）春卷咬落非常松化脆卜卜，口感丰富，有虾肉有红萝卜丝同檬粉；鸡翼腌得非常入味。越式青桔水 $8 （跟单+$5）入口清新，非常解渴呢度既食物由越南人厨师主理，向呢度食到正宗越南菜，即叫即整，等耐少少都值啦。职员又nice好好倾。🥢兆禧食坊 -「越式美食」📍屯门湖翠路201号兆禧苑商场地下星期一至日 11:00am - 23:00pm
继续阅读
屯门兆禧坊食越南菜越式烧牛肉法包 $38特别推介呢一个法包，超级足料不在话下，今次仲叫咗双拼烧牛肉加鸡肉，两样都十足惹味，加上新鲜爽口菜嘅配搭，外脆内软嘅法包，整体成个口感层次好分明可以话一流，每一口都好丰富好满足！猪颈肉捞檬 $48食得越南菜点可以唔试吓捞檬，佢个酱汁真系越南人整㗎，味道偏向较为小酸同埋辣口啲，不过正正系咁样先够越南味道，加上烧猪颈肉真系越食越滋味！指定串烧 3件 $38墨丸/ 鸡肉/ 五花腩每一样都系啖啖肉嘅串烧，特别一定要叫五花腩，佢烧香咗之后𠮶啲油脂同肉汁都非常丰富，加上微辣嘅沙嗲汁，慢慢咁带出咗𠮶种香味！蒜蓉多士 $20/4块即叫即整热辣辣嘅蒜蓉多士，真心留意到好有诚意嘅制作，多士超级脆口，上面都有足料嘅蒜蓉，每一啖咬落去脆到卜卜声，加上蒜蓉𠮶种浓郁香气真系冇得弹！越南青桔水 $10可乐 $6
继续阅读
您可能会有兴趣的...