影片
员工态度极差，成个lunch都系咁串人，唔想食完一肚气建议食另一间1. 我同家人一行6人，员工送餐时递个饭去枱正中间ga凌空位置(位置系睇唔到个饭系咩)，问我哋xxxx饭系边个叫，我哋未听清楚佢讲咩饭，未有人反应得切，我妹见无人应就话可能系佢，员工无啦啦串我妹系大小姐，然后好态度好差咁扔低个饭。其实你放低个饭喺枱面讲底系咩饭我哋自己会认头，喺呢度食饭都无要求要有咩服务2. 比钱时佢行埋黎一轮咀讲d饭既价钱，边个饮咩就几$，听唔清楚价钱比少左几蚊，黑口黑面伸大手板同你讲唔够，比返够之后到佢找钱又再串一串你。自问一直都系有礼貌既人，我哋叫野食都系唔该前唔该去，见佢未写完都系逐个叫，但就无啦啦成餐饭比佢串，我哋都唔知发生咩事，员工姨姨可能更年期我哋住附近食咗好多年，但近年员工态度真系极差，唔想再帮衬
继续阅读
次次lunch个阵经过都见到好多学生哥帮衬所以我终于都揾到机会食下嗌左咖哩汁鸡扒肠仔饭咖哩汁好惹味 好香 唔会辣 最重要系多汁唔怕食到最后得白饭鸡扒炸得好juicy 都几大块肠仔就系普通鸡肉肠成碟份量真系大份 好饱肚仲可以加少少钱仲有杯野饮除左咖啡奶茶柠水仲有珍珠奶茶个d台式饮品拣我拣左巨峰提子 ，原来本身会送椰果最后埋单都唔使$50真系好抵食😋😋😋😋😋😋唔怪得咁多学生帮衬喇！! 粮尾首选呀😂😂😂
继续阅读
#搞串个pantry#屯门码头 🛳️一带嘅屋苑商场入面收埋咗好多食店🥢，我哋上次都介绍过一间街坊餐厅🏡。今次就去另一间，试下佢嘅嘢食点样啦🥳。舖头主要卖港式 #碟头饭 🇭🇰，而餐饮全部都系特饮🍹，好特别。我哋嗌咗🔴沙嗲肥牛米线($38)，同埋🔵茄汁猪扒煎蛋饭($38)。舖头系街坊小店嘅风格，而且食饭时间🍴都几多附近嘅街坊帮衬。沙嗲肥牛米线🌟🌟米线🍜煮得几滑，口感几好😛。而且平时煮沙嗲嘅系滑牛，不过而家换咗肥牛🐮，牛味同油脂味更加重😍。而沙嗲汤🥘一般般，可以再浓郁啲，加埋蔬菜🥬偏向硬身，同埋冇癖到菜嘅味🤨。茄汁猪扒煎蛋饭🌟🌟茄汁系茶餐厅碟头饭现成嘅茄汁🥫，味道正正常常。而煎蛋全熟嘅蛋🍳，冇咗最吸引嘅蛋黄，不过味道正常😗。猪扒比较薄身🐷，而且食落干同埋硬啲，麻麻哋🧐。
继续阅读
话说今日去食下午茶碟头饭，见佢餐牌写$40，收钱就同我讲收$46！问返佢佢先话今日系假期，但系我唔见佢有写假期会收贵啲！其实呢，如果你假期会收贵啲，写返清楚啦好吗？讲真，$46喺呢个商场大把选择，仲要好食过你！碟饭仲要系唔热嘅，无下次！
继续阅读
3点钟谂住入去食个下午茶，鸡亦红薯粉，珍奶，到俾钱时见到系正价收费43元，问下阿姐就话：你叫咩我落咩啰，下午茶冇红薯粉架！真系好嬲，其实讲多句啫，话俾人知下午茶餐唔叫得红薯粉咪得啰，为赚钱，唔老实，好唔得啰！
继续阅读