越北牛肉粉專門店 (已結業)

越北，是食越南菜的食店，主要是以湯粉為主，今次叫左個肥牛湯的檬粉，肥牛都係生生地（正確，不喜全熟），不是全熟果種，但我覺得佢肥牛可以再生啲，個湯可以再熱啲，咁先夠新鮮，另外，食店個碗勝在夠大，粉量算多，內容夠充實，食到人都好飽，基本上湯底啖啖都夠味，但係咪牛肉湯底就不得而知了。

返工悶悶哋喺下午茶時間走咗去新都城買零食順便食晏，由於天氣太熱，我哋又懶唔想行，揀咗喺零食店隔離，口感清淡適合夏天食嘅越南餐廳食嘢。下午茶時間客人唔多，食物價錢同普通午餐差唔多，都係粉類飯類，份量亦唔算少。我哋追加咗三款小食，每份兩件，唔夠Share。蜆港炸蝦餅，大概係一塊豬扒大細，斜切薄片，爽口但唔似彈牙嗰種。河內炸春卷，一大件一開二，又熱又脆。順化香茅雞翼，外表乾身，裏面仲保持唔太乾。順化香茅牛肉撈檬粉，魚露喺每張枱有一樽，鹹淡自己調味，自我感覺清新健康。越式烤豬頸肉配飯，豬頸肉稍乾無平時食豬頸肉嘅油膩感，飯要靠醬油調味。海防蕃茄牛腩湯金湯粉，食得湯底少調味，清新嘅蕃茄味，牛腩半肥瘦，份量較少，整體無特別。椰汁綠豆冰，椰汁紅豆冰試得多，第一次綠豆味，飲成杯打成沙冰，綠豆味更清涼。

星期六日喺將軍澳區嘅食肆大多數都要等位，見尋日平日又提早收工，即刻就去間想食好耐嘅越南餐廳...入到去裝修簡約，感覺舒適。有午市套餐約5-60 一碗粉，價錢尚可，仲可以追加小食...我揀咗牛肉撈檬，岩晒宜家嘅天氣，酸酸哋幾開胃，味道一般！

今晚唔想煮出街搵食呢間越南菜幾抵食坐得又舒服叫左生牛肉加牛丸粉幾有牛味 牛丸都好彈 河粉好滑湯底幾甜 仲附送一舊蘿蔔 另外叫左兩個小食炸春卷 同 炸蝦餅都唔錯 香口得黎唔油膩

這天剛好到寶林買東西，路過順便吃個下午茶，下午茶的餐牌其實和午餐差不多，只是便宜了不少，相當抵食平日3點左右到，客人不算太多，可享受一個寧靜的下午，食物方面因為喜歡吃辣，今天點了順化湯河粉，湯底辣度夠，配料很多，非常香口，河粉和配菜的份量很多，相當飽肚，只需$48還有餐飲真的非常抵食。其實下午茶還可以優惠價錢另加小食，例如雞翼、豬頸肉等等……不過一碗河粉已相當飽肚，今天一個人吃不了那麼多，下次朋友一起再來。

4 個人dinner 齊齊揾野食， 見到間越南野， 心思思 想試下， 星期日晚上8 點左右拎飛都係等兩張枱， 唔算多人等， 等左約十零分鐘就有位lu環境係幾好， 座位就剛剛好， 唔會有鬆比你🤣我就叫左個生牛肉牛丸河， 同行友人叫左豬排河， 雞翼河， 小食分別叫左蝦餅， 馬拉盞炒生菜， 軟殼蟹紙米卷🤤生牛肉份量大約有5 片左右， 牛丸有3 粒， 但好細粒， 一啖就唔見左， 但味道係唔錯， 湯底亦好味， 我最愛既蝦餅份量好少， 得大約6 片， 配泰式辣醬， 味道係好食， 到軟殼蟹紙米卷， 呢個味道普通， 唔識欣賞🤣，馬拉盞炒生菜， 好食， 份量又係勁少， 邊夠喉呀 ， 最後整體係可以， 不過小食份量太少了

星期日晚又係餐廳大排長龍的日子， 對於我呢啲懶人嚟講， 又係尋找冷門食店嘅好機會。今次搵到嘅呢一間餐廳， 就係位於寶琳地鐵站附近商場嘅一間越南湯粉餐廳， 到舖頭表面感覺都幾衛生， 又夠光猛， 不過啲餐具聞落去就有一陣味。 越南湯粉我都試得多， 就用最經典嘅生牛肉湯河嚟到評價下呢間鋪頭嘅質素。 呢間舖算係幾貼心， 因為佢有供應專點牛肉嘅醬汁， 配搭是拉差醬， 牛肉食落去係幾好味。 不過個湯呢度就唔係好夠熱， 令到牛肉浸極都未熟。 佢嘅牛骨湯， 算係幾夠味 ，睇得出用咗好多牛骨淆製。飯友點左一個香茅雞翼飯， 雞翼裏面有汁， 都幾好味。 略嫌太少雞翼， 最後食淨好多飯。

返工前諗食乜真係一個煩惱尼，咁岩經過尼間賣越南粉既鋪頭，就入左去食返碗！作為牛肉愛好者，諗左唔夠十秒，已經決定要食返過生牛肉金邊粉。過左三分鐘左邊，個粉即刻送到，佢仲送左一小碟青檸同辣椒尼，加落個面到恰到好處。 首先，飲左個湯先，熱辣辣，唔會太咸，都幾好。再夾d金邊粉一齊食，都算係正正常常。牛肉方面，份量都唔少，宜家都有牛味！飲品方面，叫左杯凍奶茶，都算係一杯有茶味好飲既奶茶，唔會淨係得陣甜味下次返工前一定再試其他款！

晚飯時間經過見有卡位就入黎試下，平時星期六日都見幾多人排隊下，，餐牌都幾多選擇，，價錢5-60蚊一個主食，叫埋碟菜廿幾蚊，，唔算平，中中間間朋友嗌左個蕃茄蟹膏蝦丸札肉湯檬，，試左小小湯底，覺得一般般，而且整體唔係好吸引個菜就幾好味，平平地同埋都幾多下，兩個人食幾好，我叫左個南瓜椰香豬肋骨飯，，個汁好香，，肉都煎得好惹味，，餸飯食係一流，而且好多肉唔係舊舊骨咁，，有小小追住黎食，，無試到招牌生牛湯河，或者下次可以黎試下

今天選擇咗食呢間，因為食到無嘢好食了！ 有lunch set，價錢都算合理😃我就㨂咗魚餅湯檬，女友見到蝦丸就揀咗呢蕃茄蟹膏蝦丸扎肉湯檬😄。。。開頭都諗緊叫唔叫，怕蟹膏腥。 但最後，問咗一聲店員腥唔腥，佢一句話唔，就決定落單😝女友個黎先，🤔🤔🤔咁’希’ feel 嘅，好彩食落都係好味嘅，但個湯就油咗少少😛，蝦丸扎肉都好味😋 到我個個，個魚餅整得唔錯😋👍🏼 因好多都有少腥味🙊碗湯檬就正常味道😅

今日想食清啲，就揀左生牛肉湯朦~估唔到呢間又做得幾唔錯喎～首先佢個湯底係比較清甜既，見到湯面個層薄油，就知佢有用真野去煲啦!配料都係新鮮既，係得芽菜唔夠脆，牛肉好重牛味，份量都算多，脂肪少得嚟薄薄地~湯底好夠熱整熟啲生牛肉!個朦粉份量好足，而且條條都好完整，絕對唔會碎濕濕一夾就散，呢個好加分~驚喜位係佢有舊大既白蘿白，吸哂湯入面啲精華之餘喺冇渣嘅，味道好清甜，贊👍🏼呢到仲好貼心咁跟左青紅辣椒、青檸，鐘意食辣野既我當然加哂入去啦😋

兩個lunch set嘅飲品嚟先，有熱嘅鹹桔水同凍嘅鹹桔水味道都幾鹹，濃味，落得幾重料香茅豬扒飯有好多豬扒，切件，再灑上乾蔥食落好香，外表燒得好乾，入面肉質都尚算juicy不過冷氣太勁，食到一半啲豬扒已經放涼白飯偏硬，整體食落都有點dry，好彩有啲醃菜中和下生牛肉河味道都幾impressed牛肉切得真係好薄，比較瘦，但又唔會鞋配上金不換，青檸汁等嘅調味，好有越南粉嘅風味而且牛肉湯好香，整體個粉都幾好食反而白蘿蔔唔甜，不推介

今日都幾多人兩人餐食野我食咗呢個 呢番茄蟹膏嗰個通粉，蟹膏味唔算話好濃嘅，同埋佢個湯就比較偏油香茅豬扒湯檬湯底都ok嘅， 好似普通嗰啲湯檬(泰國菜式果隻), 香茅豬扒唔會太硬嘅，但可以juicy d就好啦牛油雞翼就ok, 肉唔係太硬有汁 有牛油蒜香，整體okay餐廳menu

本來之前同女友食開對呢間野食覺得唔錯，但今日領略到咩叫態度惡劣！女友喺附近返工放1：30，我地喺果度附近會合左再行過去間店大約1：5x分，見冇乜人所以入去坐低，水都冇杯嚟，坐左大約三分鐘，見佢哋有職員換緊餐牌，但唯獨我哋張枱唔換？？我問佢係咪2：00有新餐牌或下午茶？佢答案係：你哋坐低左幾個字所以要叫午餐！！當時反應唔切亦都覺得無謂咁計較所以繼續點餐，但之後諗番覺得個理由越來越北知所謂...#下午茶時間#強迫食午餐#咁下午茶時間入座係咪可以坐到夜晚叫埋晚餐#以為入左間茶樓囉

已經第二次encore食呢間越南野了！佢下午茶時間真係幾抵食👍🏻👍🏻 今次叫左個外賣返屋企慢慢食 我叫嘅係燒豬頸肉飯 套餐送一杯野飲👍🏻個份量都多 大約有十幾片豬頸肉 飯方面就正常一碗多啲 豬頸肉真係好好味 個皮燒到有小小脆口 同埋有啲甜甜地 應該係加左啲蜜汁 切嘅厚度適中 好有咬口 如果太簿就唔好味了 豬頸肉上面加左啲炸蒜同蔥油 配合起上黎真係一流😍😍 豬頸肉就100分 不過略嫌個飯太硬 唔知係唔係外賣拎到返屋企啲飯凍左硬左呢... 不過成個飯我比85分👍🏻 好味