越北牛肉粉專門店 (已結業)

之前都食過兩次呢間，食過撈檬無咩汁，而枱面既醬汁又怪怪咁，不太討好。另外，海南雞飯又太凍。聽男友講早餐ok,所以今次試早餐～我就叫左個麥皮餐配牛角包、火腿、炒蛋。男友極力推薦個牛角包，咁食落又ok鬆化。炒蛋算滑，而火腿正常👌🏻麥皮唔記得左影，係南瓜麥皮，係無咩味既，好大碗下，我食左3份1😅男友叫左個黑毛豬排早餐，有炒蛋、粟米、牛角包、火腿同一大塊豬排。黑毛豬扒都幾鬆化，而且都幾大件，係ok既。

順化香茅牛肉飯$55牛肉份量多，而且入味，但就比較油啲順化香茅豬排撈檬$48大大份，豬排炸得香口鬆脆，肉質有咬口但唔算韌，而且醃得夠味。落左餐廳酸酸甜甜的汁，幾適合夏天，而且撈檬的菜舖滿成碟感覺幾健康😂午市可另外加小食，越式炸春捲兩件$12，太油，而且唔算太好食，可以慳反😂評分:6🐷#hkfooddetector

辛勞工作後，放工已無哂胃口🤮，仲要加上天氣酷熱🤦🏻‍♀️，行左幾條街都揾唔到食突然看到，原來土瓜灣開了間越北🤩 正👍🏻👍🏻 越南湯河啱哂無胃口的我和男友外觀裝修舒服，光猛寬敞，枱與枱好有空間感，無壓迫的感覺員工招乎有禮，晚市仲唔洗加一，好底食，十分滿意的晚餐越南生牛肉湯河 $48 牛肉薄片好多好滑，河粉滑而不太粗牛肉份量好多，食得好滿足無骨海南雞飯 $62 咁不本來都不太有期望，不過不失已滿足怎料上枱，眼觀已好滿意，雞肉仲好滑及無雪味絕對底食，加$11仲有凍飲

下午三點，同朋友都未食午餐就一齊入去食個粉，下午茶時間，見到店內都幾乎坐滿了人呢間分店開業不久，新裝修，坐得幾舒服。牛肉河個湯幾清甜，加埋香葉、洋蔥等配料，牛肉唔太厚唔太薄，用熱湯淥熟岩岩好，唔錯！炎炎夏日 加埋杯椰汁冰，夠哂冰凍消消暑 爽👍🏻杯椰汁冰夠濃味😍，加左碎冰都冇變淡，下午茶都幾抵食，埋單一人先40幾蚊👍🏻

我見佢開左咁耐，未食過依間，就去睇下，一望菜單價值合理，於是入去食，間餐牌好豐富!店員仲好好笑容!最近熱氣，本來想飲椰青因為賣晒只好飲西瓜，開始已黎西瓜，一黎真係好大個，出面買一個都48蚊，佢下午茶加28就有啦!之後黎牛肉粉，碗野唔太咸岩岩好!仲有落香葉，真係好正宗!!我食過其他店勁咸!食埋 越南粉果，點埋辛辣醬，好好味，其實唔點醬都好好食!有機會一定食帽子火鍋!!同佢既 越南咖啡!如果佢有1人晚餐就好啦!

我食咗個越式燒豬頸肉撈檬$52，同事食越北生牛肉湯河$48，仲叫咗個越式炸蝦餅(跟餐加$28)。撈檬一個字，正！同事碗河湯底正，粉夠滑，一流水準，蝦餅好食而且唔油膩，好足料，值得推薦!

經常搭車經過這間新店，見到店內又大又開揚，網友的評語亦不錯，故今早特別去試試。店內環境企理，佈置簡潔地方寬敞，坐得很舒服。檯上放置了幾瓶越式調味料，集團經營，果然是間頗正宗的越式食肆。餐牌有港式和越式早餐，我當然選越式來試。點了香茅牛肉沙嗲湯米粉，配茶走。香茅豬扒吃得多了，未知香茅牛肉又是怎樣的呢？奶茶（走淡奶）先上，比一般茶記的大杯。我已有心理準備，味道不會正宗甚至難飲，但出乎我意料之外，這杯奶茶比一般茶記還要好喝。茶味不算濃郁，但煉奶甚香，混在一起又香又滑，不錯。那碟香茅牛肉沙嗲湯米粉，送來時還冒著煙熱辣辣，不是用碗來盛載，卻用了一隻白色的大湯碟，賣相已經甚佳。沙嗲汁極濃又多，但又不是泰式、印式甚至港式那樣，我只知道十分好味。牛肉除了近筋位有些韌外，其他都很滑但亦有肉味，而不是「乸」到牛不似牛。加上米粉也「林」滑，整碟米粉只有一個好字！這個餐價錢是$28，可加$6配火腿炒蛋或牛角包，但我覺得單吃粉麵，已經夠飽了。

越南嘢食得多，越南火鍋就未試過，今晚即興3 pair 人一齊去。火鍋如其名，如倒轉帽子一樣，帽邊佈滿牛肉、坑腩、貢丸、扎肉、香料。還有生菜、粉另上，湯底有3款，清湯、酸湯、沙爹。店員建議我們先叫2個先，真的好足份量。這個價錢絕對超值。我本身不吃辣，所以比較喜歡酸湯底，好有酸辣湯味道但冇辣味，有的是牛骨湯味，吃起肉來特別開胃。加上食物質素真的不錯。同場還食了牛油雞翼、軟㲄蟹米紙卷、春卷味道一流。值得推薦。平均每人$100

越北牛肉粉專門店，是我公司的舊地址， 剛剛完成裝修開業，店面採光度高，店內為19世紀法屬越南的殖民地風格。採用木質條ceiling 及吊燈，吸引聚焦目光。餐牌大概48至60蚊不等， 越北生牛肉湯河$48為我首選，半生熟牛肉引誘萬分，下次會點河內無骨海南雞飯$62。越北原個菠蘿冰+$28， 價錢頗貴， 味道應該蠻好的。最後點了個新鮮直送泰國椰青+$18新鮮淆製牛骨湯，湯底略帶苦味，牛骨放太多是原兇之一，生牛肉微紅，清甜牛骨湯把牛肉浸熟，將肉味牢牢鎖住。河粉偏厚而彈牙，不似港式河粉及沙河粉嫩滑，視乎各人口味。醬汁配料十分齊全，最後惠顧了66元。

今日去了土瓜灣工作，下午見到附近開了間新鋪（越北牛肉粉)好像幾好咁lunch就食依到啦～鋪內裝修得都幾好，坐得又舒服看個餐牌又有粉，麵，飯同晚市火煱都真係好多選擇，看見順化香茅牛肉撈檬好吸引所以就點了再加個凍檬七，同事點了順化香茅豬扒湯河，估不到送到上枱發現係咁大碟的順化香茅牛肉撈檬，又多蔬菜正合我口味，而且加上撈檬醬汁同辣汁食正係感覺到食撈檬得來又像沙律一樣好豐富，而且香茅牛肉又香又有肉汁正⋯⋯另外同事的順化香茅豬扒同湯河係分開上的，豬扒又切好方便食客同事一樣讚香茅好香而且豬扒好好味整體服務滿意，食物滿意，價錢同份量都合理，一定會再黎光顧

本來想去食泰國嘢但冇開到，見到呢間新開嘅越南店就去試吓。新裝修望落去幾好，但點知期望越高失望越大。叫咗個生牛肉湯河，但河粉的數量好少，底下有塊蘿蔔墊底。豬扒撈檬，粉就好多但黐埋曬一齊。早知行多幾步返去翔龍灣嗰邊食！

今早同老公去左新開一個月左右嘅土瓜灣越北分店食早餐，呢間分店環境算寬敞，早餐種類都幾多，我地點左鮮茄濃湯牛腩通粉同濃番茄鮮牛肉米粉，分別都加6元多份牛角包🥐、火腿炒蛋，味道都唔錯，每份早餐40蚊有找，唔平唔貴。特別推薦生薑牛肉通粉同生薑豬潤通粉，其他餐廳比較少見，最啱冬天食。