越北牛肉粉專門店 (已結業)

街頭香芧豬扒飯一餐在茶記食到的煎豬扒都比較乾巴巴同硬，今次呢塊豬扒又入味又淋，口感鬆軟，一咬就可以撕開，開上香芧香同甜豉油，味道唔錯。越北炸春卷春卷餡料非常足，皮薄多饀，炸完之後還有一些燶邊，咬落好脆，墊底的生菜吸左炸完流出黎嘅油，令春卷冇乜油溢味。三色鹹檸七檸檬，青檸和鹹檸造出唔同的酸味，最後有咸檸檬的咸味中和七起汽水的甜。香茅雞扒湯河粉同豬扒一樣，煎得好軟熟，好入味，配埋越南湯河，一淋另一樣更淋，啱晒食唔到硬嘢嘅朋友。椰青新鮮椰青，飲完椰汁仲可以用匙羹取椰果出黎食。

在土瓜灣做完野，一個人，是但食，見呢間幾是正，睇格局似開左無幾耐，裝修望落幾新淨。見menu 全日免加一，雖然未到下午時段，但價錢都唔算好貴。估唔到服務同衛生都好周到，意外地一坐低，店員就遞上一片包裝濕紙巾，同口罩袋🥰🥰 比你，而且擺餐具既櫃桶，好乾淨，仲擺得好整齊。真心抵讚。▫️順化湯檬$68 （套餐可以優惠價加小吃）以$28加左一份蜆港蝦餅。漸份湯檬都幾大碗，材料都幾多下，牛腩片好淋身，另外有牛丸，扎肉同扎蹄。湯底比較濃味，因為加左芽菜一齊食，咸味即刻中和返。餐飲叫左，凍奶茶，香滑感有，略微過甜（下次可叫小甜🤏）比起很多茶餐廳的奶茶好多了。蝦餅熱辣辣，彈牙，小吃黎講，都叫唔錯～其實呢間越北牛肉檬粉店都見有好幾間分店，今次係第一次亂打亂撞入左黎食。估唔到體驗唔錯。特別是店員的默契很好，見佢地一個汁枱，另一個就會入客，再馬上根據人數遞上口罩袋同濕紙巾，好流暢。屋企附近都有一間，睇黎可以去幫襯下～～

今日同爸爸撐台腳😚黎到食越北菜晚市有套餐，1人1個小食仲可以share黎食爸爸要左綜合牛肉湯河粉有生牛肉，牛腩片同埋牛丸生牛肉好嫩，岩岩好比湯浸熟牛腩片唔靭，有咬口牛丸彈牙而我要左河內香茅烤雞扒湯粉本身想食撈檬，但天氣咁涼，想飲d熱湯果然無揀錯，碗粉上台好熱，飲啖湯暖到落胃佢湯底真係好正，好鮮甜食頭幾啖原味，之後可以加入附上既青檸同辣椒仔，層次豐富好多雞扒烤得岩岩好，唔會太鞋，好入味另外小食叫左越南海蜇沙律同會安蓮藕蝦餅2樣小食都幾好，海蜇係涼拌，好重芫荽味蓮藕蝦餅香脆，配上泰式辣醬好好味咁既價錢可以食到咁豐富既晚餐，我覺得好抵食呀👍🏻

原來依家有個餐晚既餐牌：清新配搭A+B+C (18:00-22:00)，即係主食+小食+飲品🤩🌟綜合牛肉湯河粉 $88🌟無湯不歡既我，就點咗呢個綜合牛肉湯河粉，裡面有生牛肉、牛腩片、牛肉丸；好豐富😍可以試到咁多款😋個牛肉湯底真係好香濃，應該胖咗好耐時間去熬先咁濃郁，忍唔住都飲咗好幾啖湯底😋😂🌟札肉米紙卷🌟小食就揀咗扎肉米紙卷，侍應姐姐仲好貼心比咗個碗仔嚟點汁醬食，落咗甜酸汁之後，口感更好唔會乾淨淨👍🏻🌟薄荷青檸梳打🌟薄荷青檸梳打，如果唔想額外加糖水可以特別要求，餐廳會因應客人需要去調整返，呢樣幾好，要讚一讚💯🌟越北三寶飯 (香茅雞扒、扎肉、香茅雞翼) $68🌟媽媽就點咗呢個三寶飯，好大碟😳，肉全部都係肉，鐘意食肉既朋友見到會好開心😍試咗一塊香茅雞扒，個人認為淡味返少少會好啲👍🏻🌟雜菜 (魚露灼) $32🌟最後，order多一碟菜就剛剛好了，有馬拉盞、蝦頭膏、魚露揀，想清淡少少，就揀咗魚露，真係好清淡，感覺好健康🤩😌

發現越北越來越多分店，特然想食個越南粉就入左餐廳。個粉無咩特別，唔會好勁重香料味，個湯都好清，食完粉唔會口渴，不過個湯唔夠熱。食左河內香茅”烤”雞扒，但應該係炸雞扒，幾多油。

經過餐廳，見堂食坐得吾迫，客人與客人之間保持距離，入左去試下入座餐枱衛生還可以。。。服務員較主動落單，舉手點單好快有服務員過黎餐牌越式河粉太多選擇，多到吾知簡邊款最後簡左較多人點既牛丸生牛肉河食物上枱碗粉夠熱，美中不足河粉較粗身不滑湯底有點咸😑有點中伏感覺無乜特別外，味道一般只有生牛肉同牛丸味道正常少少🤏🏻另一款散叫小食越式扎肉米紙卷，都吾洗點提淡而無味兩款都係好睇吾好食😂得個賣相以平民餐廳比較。。。要改善一下食物味道

中午去土瓜灣搵朋友食午餐，由於朋友住土瓜灣，所以由佢揀食咩。因為我地都好耐無食越南野，所以最後揀左越北。我地接近2點先食，所以去到時人唔算多，唔駛等，即刻有位。而且有卡位，坐得比較舒服。環境都舒服，安靜，好啱食野傾計。我地都叫左撈檬，份量好足😁，可惜用黎撈檬個汁好淡，唔夠味。個雞翼同豬扒都係香茅醃制，味道本身係香既，可惜過咸。😓佢炸得剛剛好，唔會炸到太乾身，如果唔係咁咸就好喇。另外我地叫左個無骨鳳爪，份量唔算多，夠辣，酸味唔夠。叫左2杯熱既咸吉水，潤喉。👍呢餐2個人，埋單$149

今日去朋友個新屋 之後一齊落樓下食晚飯呢間餐廳唔使等我哋就入去試我哋四個人一人一碗粉再加埋個小食先至$243 抵食我哋叫咗以下幾碗食物香茅牛肉撈檬生牛肉湯檬咖哩牛腩飯鮮茄牛腩湯粉鮮蝦米紙卷朋友話個生牛肉湯檬個湯底非常之濃郁 有香料香味 我個撈檬都好食 牛肉超級多 朋友個鮮茄牛腩 都份量好足夠 湯底好味

全家都愛的金邊軟殼蟹米紙卷軟殼蟹酥脆夠味超好吃~曾試過全家點了四份來吃~真的很厲害米紙皮薄Q彈，蔬菜量很夠，青瓜完全沒有噁心的菜味，新鮮好吃來自不愛吃生菜的我給予的肯定是道清爽 美味 健康的好選擇~超推全家的必點其他像是生牛肉河粉，堂食才會好吃~還有牛肉牛肉球河粉也好吃，裡面的蘿蔔燉得軟爛入味香甜，是我目前在香港吃到最好吃的蘿蔔，蘿蔔真的很難遇到好吃不過用餐時間，客人真的很多，可能等待的時間會比較長，不過有點飲料的話會先上，喝飲料吹水~期待餐點吧👍

加班加到夜晚八點幾，同老公返到土瓜灣差不多大部份嘅餐廳都關門，見越北重未收，立即入去醫下個肚先。我叫咗個香茅豬扒飯，老公叫咗蕃茄牛腩飯。豬扒唔糸厚，有D薄，不過D肉質都好鬆化。蝦片淋晒，可能放得太耐。其他無乜特別，不過和地道的越南菜差很遠。老公叫嘅蕃茄牛腩飯，牛腩燜得唔夠軟嫰，有筋，不過蕃茄汁好香，用來餸飯一流。嘢飮普普通通，跟餐價有D貴，而且無乜特別。兩個人132蚊唔算街坊價。不過服務好OK, 差不多收鋪D店員都好禮貌同好nice.

肚餓行過呢間餐廳好似幾令就入左去食個飯，叫左生牛河加個豬頸肉，仲有杯菜蜜，杯野飲比起平時個d大杯好扺飲，佢個牛肉片隻味有d怪但個河粉係唔錯既，至於個豬頸肉就好食得多喇，佢有個醬跟，又有d炸蒜蔥花調味，正丫，埋單64都ok!

今日去潮樓教會參加boxing love 探訪活動，出隊前去食過快飯先。不過因為我太晏先系屋企食左個lunch嘅原固，所以我都系叫左一個小小嘅野食算了。叫左呢個扎肉蒸粉包。個扎肉就普通啦，同平時系超級市場買返屋企煮果啲冇乜分別。個蒸包我就覺得麻麻地。個皮就似潮周粉果個皮咁啦，而入面嘅餡胡椒粉好似多得濟，啲肉碎變左冇味......

我好鐘意食撈濛，一黎食野心急唔鐘意食好熱既野，二黎酸酸甜甜好開胃平時食開間間都差唔多，冇話邊間特別但係越北真係令我對撈濛有個新既認識首先佢用既材料真係好新鮮其次用左好多既配菜，感覺上好似食緊沙拉咁，而且全部切絲好方便食用再者豬扒雞翼都係好入味，配料足完美

今早大約十時許來到土瓜灣越北吃早餐。店內亦頗多顧客。早餐供應時間是由上午六時四十五分至十一時三十分。早餐供應種類分為越式、港式、英式和歐陸式。最後我們二人分別選了港式和英式早餐，各配飲品一杯。三十元的港式早餐有火腿通粉、農塲煎蛋和法式牛角包。三十八元的英式早餐有香煎黑毛豬扒、火腿、炒滑蛋、粟米和法式牛角包。火腿通粉份量頗多，火腿絲亦不少；浸在濃湯內的通粉仍彈牙。煎蛋只是一般。牛角包非常松脆，富有牛油香氣。但今早我選的熱好立克就只是一般，水較多，好立克味較淡。香煎黑毛豬扒非常大塊，味道適中。火腿一般；炒蛋亦滑；放在牛角包內更好吃。熱檸蜜味道清新。離開越北時，門口已掛上午市的餐牌了。

夜晚唔知食咩，就同媽咪同細妹黎呢間越北食越南河，經過幾次都想試好耐。媽咪之前唔知係邊度拎左d優惠券，岩哂！🤑🤑我叫左個檬要，係湯檬入面有鮮茄蟹粉同扎肉。上枱見到大大碗就好滿足，我係蕃茄湯控，所以覺得呢個幾好食！不過蟹粉就冇咩特別，大碗到食唔哂媽咪就要普通生牛肉湯河，湯底清清地又幾甜，都唔錯既，不過我自己鐘意蕃茄湯多d細妹叫左個燒豬頸肉湯河，豬頸肉另上，好好食！整體黎講唔錯既，會再幫襯！價錢都合理，大約45-60蚊