越一越南牛肉粉專門店 (已結業)

收左工後又去左荃灣食嘢，平時等車時成日都見到呢間幾多人下，又標明唔用味精，所以今日一於試下呢間杯椰汁三色冰，D料勁少，椰汁味勁濃，覺得麻麻呢個係個餐跟埋既小食香茅豬扒同扎肉濱海，濱海幾好食，料夠足又香。但豬扒就唔夠香茅同一塊普遍炸豬扒冇分別個火車頭D湯食落真係唔覺有味精，同埋D九層塔好香，但牛肉非常韌，好難咬柚子鮮蝦沙津，D柚子唔酸但D蝦有幾隻冇挑腸食物質數都還可以，但當晚去時大概九點幾、十點，每次有客人入黎，員工們都好似唔多開心咁。怕阻住佢地收工？

我認識一個越南朋友,佢昨日 就帶我去食佢個家鄉菜,一間叫越一越南菜館,首先梗係要試佢個招牌菜越一火車頭湯河set$168,配料非常豐富,有生牛 肉,牛腩片,牛丸,牛筋,牛柏葉,一上枱見到新鮮紅潤嘅生牛肉,咬下去鮮甜無比,肉汁豐盛。牛腩片煙韌得嚟，又爽又脆口又淋甜，牛肉味香濃，牛丸爽口彈牙，咬開後肉汁源源不絕地流出來，美味無比。牛筋食得出用好多時間淆製出嚟，夠淋味濃又有豐富嘅膠質。牛柏葉好爽口時間調教得非常到位，唔會靭，又容易咬開，脆脆爽甜。仲有佢嘅湯底用吾少時間餚製出嚟，可粉爽滑。還有附設兩款小食一款炸蝦餅，外邊卜卜脆，裏面蝦肉軟淋甜，又夠新鮮，非常可口。一個扎肉蒸粉包，粉皮煙煙韌韌，晶瑩通透，扎肉味道正斗，兩款小食都處理得咁有心思，一個就脆卜卜，一個就軟綿綿，有兩款嘅口感，食後令你好有滿足感。仲有一個招牌嘅越式椒鹽軟殼蟹$98炒起嚟香噴噴，好惹味，選料新鮮，火路時間啱啱好，呢間師傅嘅手勢唔係間間食到，你哋一定要嚟試吓。佢哋飲品都好出色㗎，只要加$28就有原個西瓜冰，西瓜清甜多汁，涼冰冰，當你食完濃味嘅嘢再飲埋呢一個西瓜冰，簡直係人生一大享受。另外椰汁三色冰，不會偷工減料一樣出色，椰汁

荃灣真係好多野食，同事鍾意食越南野，是晚黎到力生廣場的越一，近巴士站港鐵站，地點好方便😘坐低睇下餐牌先，嘩，好多小食想食添，一口氣點左好多野。慢慢等食，枱上有兩種辣醬同豉油，綠色辣醬好少見呢，越式豉油更係未見過😅青檸疏打（$18）＆熱鹹柑桔水（$18）青檸疏打好清爽，柑桔水鹹鹹香香，兩杯都好飲。越式酸辣鳳爪（$48）酸酸辣辣勁惹味，鳳爪爽口，最正係多芹菜，好香呀，配菜都好好味。越一扎肉蒸粉包（$42）一客四件，粉包煙煙韌韌，內餡有粉葛，甜甜硬硬口感好正，粉包厚身，但餡料豐富，食落很滿足。香茅豬肉蝦片（$38）香茅味好正呀，豬肉嫩口，在豬肉同蝦片中間夾了檬粉，仲有青瓜絲，口感有層次，味道豐富，好味😋越式春卷撈檬（$46）同事叫了撈檬，嘩，勁大碗，唔止個碗大，內裏檬粉亦勁多，檬粉爽口，春卷新鮮炸起熱辣辣，好香脆，落了大量酸汁好正呀。越一生牛肉湯河（$42）自己叫了生牛河，生牛肉好嫩滑，半肥瘦有牛味又甘香，湯底清甜好味，河粉也是很多，大大碗勁飽肚。河粉彈牙掛湯，好味好味，連湯都飲哂。叫太多好飽呀，暖笠笠勁滿足😘

同朋友去荃灣行街, 可能真係黎得唔岩時候, 今日晚市時段度度都要排隊, 真係見到都驚呀.逛下逛下見到呢間越一, 有位就即刻入去喇!呢度地方唔大, 但係都幾企理, 竟然仲有d 擺設, 又有單車, 又有d 植物咁~雖然D台都放得幾密, 但尚算舒服~餐牌都幾多野食, 我最欣賞呢度真係好多越式特飲, 連越南啤都有..我都叫左一個原個西瓜冰, 之前成日係D小食店見到, 但又唔想拎住個西瓜周圍走,今日終於可以試下啦!個西瓜冰個造型好誇張呀, 平時係街見到個D 係整個洞, 轉爛哂D 肉汁黎飲~呢個係成個西瓜仲要上面放滿哂 D 西瓜肉同西瓜冰, 黎到真係有少少呆呀, 又大份~~因為驚D 冰溶左會整到周圍都係, 所以我地係咁密密食哂上面D 冰~~好甜好解渴, 夏天飲真係正爆!之後仲有叫左米紙卷, 佢個餡係軟殼蟹.. 呢個第一次食~凍冰冰既外皮包住微脆既軟殼蟹, 甜菜, 點埋醬味道幾清新~~值得一叫~之後仲有食三寶飯~ 三寶係豬扒, 雞翼同埋札肉~~個飯唔算好大, 紮肉有兩片, 豬扒有一大塊同埋雞翼~個豬扒幾正, 醃得好味; 炸到好香口,  撈飯真係幾正~ 

荃灣真是個臥虎藏龍既地方，到處都是有水準的美食，前陣子也開了一間越式餐廳，吸引了不少人來排隊，作為附近的居民我當然要來試試。基本上晚餐時間都一定坐無虛席，門外可以取票等位。價錢公道合理，並沒有晚市套餐，全部都是單點的。越式餐廳都必定有的生牛肉湯河，份量中等，湯底濃郁清香，牛肉薄切肥瘦適中，加了不少香草配料，也有辣椒青檸調味，味道方面值７分，取勝在於湯底。豬頸肉撈檬份量相對比較大，而且豬頸肉是炭燒很香，肉質夠嫩，完全唔會乾，加上秘調的醬汁，味道酸酸甜甜，有輕微少辣，吃起來更加野味。炸軟殼蟹米紙卷，真材實料，整份吃完就像吃了一份正餐那麼飽肚。蒜香牛油炸雞中翼，有很香的蒜片一起炸，肉質嫩滑，外層香脆，當小食或送飯都一流。飲品方面可以試試看原個西瓜冰，非常有誠意之作，真的以原個小西瓜打成沙冰，清涼香甜，夏日消暑的好選擇，而且我看到廚房真的即叫即整，絕對新鮮！

是打算吃晚餐，沒有半點打算吃下午茶，入到去全場在打扙，客人cher住要幫佢地寫埋下午茶，員工頭期將個餐放低（即係明明你地幾個已經有餐飲仲放落黎，又或明明果枱都吾會叫果樣野佢又放落黎）環境所逼，我地都叫左下午茶，$28加菠蘿冰，好正（菠蘿水既甜令到裏面沙冰都有味） 檬粉好清新，好過越x,香茅豬扒用大量香茅碎醃過夜，吾薄，半煎炸恰到好處。好味。 越南河粉pho一向都好味，湯都飲埋，不過香港有人食越南野都係要走檸檬葉，走蔥，佢都放得吾夠我（對於超鐘意食越南檸檬葉，蔥就有d吾夠） 鳳瓜可能要就大眾口味，所以再正d的話應該要再辣dd,鳳爪都吾係好貴姐，但比得勁小，扣分。 一直都係，個店長點，班員工點，個店長「喝」人做野，個別一兩個員工自以為事，團結先做得好。

好耐都冇去過荃灣，行行下見到哩間越南野，又見咁多人爆哂場咁，於是就同男朋友入去試試佢！我地都叫左好多野食，食左around$300，大家都已經勁飽~~ "三寶飯"係我地叫既唯一一個主食，有札肉、香茅雞亦同豬扒，札肉略嫌薄左少少，但係豬扒同雞亦都唔錯，豬扒唔會好韌，亦唔會好乾，雞亦都好濃既香茅味，50幾蚊係幾抵食。香茅豬肉+蝦片口感都幾豐富，有蝦片既脆口，又有香茅豬肉既香口，再加啲青瓜絲同魚露，可以balance返肉既肥"利"，仲有啲花生碎，豐富到唔識形容...... 哩個蒜蓉牛油雞亦，又係雞亦哈哈~~~ 都幾surprise，因為同以往食過既好唔同，之前食既都係冇蒜蓉係面亦食唔到有蒜蓉味，但係哩個好明顯勁濃既蒜味，雞亦都炸得好脆好香口，唔會有種好油既感覺！哩個札肉下面既野我形容為腸粉與糕點之間既野哈哈，因為有啲似厚皮既腸粉，入面有啲炸蒜呀葱呀咁，加埋札肉一齊放入口，種感覺都幾新鮮..炸軟殼蟹米卷好足料，大大隻蟹腳，又唔會淋哂，上到枱都仲好新鮮，菜既比例都岩岩好重點推介哩個西瓜冰，初頭唸住只係一杯西瓜刨冰，點知係成個西瓜上，好有驚喜，好甜好多汁，飲完都仲有肉可以食，十分抵飲，

忽然好想食越南野，行街行到好熱見到呢間即刻沖入去喇！由於太肚餓，叫左好野食。牛油蒜蓉雞翼-有4隻同8隻選擇，我地人唔多就選了4隻，每隻都好有份量，係啖啖肉個種！炸得好香，好重牛油味！配埋乾蒜勁夾，我地食完都後悔無叫8隻😂😂椰青-清甜之選，唔想飲咁多糖份ge 飲品，椰青真係一流！綜合牛肉湯金邊粉-有牛腩，牛丸，生牛肉，一次過滿足幾個願望，份量唔小，各有3,4件，食牛都飽左，而且仲好好食，配埋個湯好夾。越式金邊湯金邊粉-有蝦，有札肉，又一款比d 有選擇困難ge 朋友，蝦非常新鮮，爽口彈牙，麵質淋身！香芧豬頸肉河粉-豬頸肉煎得非常香口，香芧味突出，一定要試！熱菜蜜-唔會過甜，好潤喉牛油蒜蓉法包-烘得乾脆，配上蒜蓉，倍覺滋味呢間係食lunch 好地方，唔怪得咁多人食喇

店名：越一越南牛肉粉專門店 PHO 1 Vietnamese Restaurant地點：荃灣青山公路275號富裕樓地下G4-6號舖，電話：2816 6608(1)      生牛肉拼坑腩片湯河粉，$46；(2) 茄豬扒湯河粉，$46；(3)    越一春卷，$38，合共：一百三十元。食物的整體評價：(甲)   味道/烹調：整體而言，是正宗的越南餐館，食物大致上不算油膩。(1)     生牛肉拼坑腩片湯河粉，這樣的組合頗新穎，牛腩片軟腍，而且味道可口，可惜坑腩只有數片，是昂的現象。(2)     茄豬扒湯河粉的茄湯酸度很適中， 所以很醒胃。(3)     春卷夠脆，伴隨著檸檬葉，賣相好。(乙)   種類方面：可供選擇的食品算多，除了河粉，還有飯等。環境：裝修精緻，全店外牆採用玻璃，故看上去較高尚；而且店內燈火光猛。服 務：有水準。衛生：良好。抵食：較昂貴。

荃灣越來越多人, 所以食肆又特別多, 之前搭車經過知道開左新越南野, 今晚放工無野搞, 順路過黎食下先.環境好光猛, 坐位唔算太迫, 感覺清新舒服.口淡淡想食濃味野, 要左個沙嗲雞絲湯河, 沙嗲味好香濃, 飲一下湯唔會太搶口, 唔錯.河粉夠滑溜爽口, 唔會太稔或黏埋一舊舊. 雞絲肉都好多, 唔會太乾.春卷好脆口, 即炸熱辣辣, 唔會好油膩. 個餡有肉同紅蘿蔔絲, 份量配搭剛好, 食落嫩得黎爽口, 唔會太飽濟.夏天真係好鍾意飲生果冰, 要左個原個菠蘿冰, 夠晒大, 面頭好多菠蘿肉, 唔太酸, 底部係沙冰狀, 夠凍唔會太甜, 好解喝.一路食都好多唔同年紀既人幫趁, 可能價錢平又坐得舒服, 感覺唔錯.

同媽媽出咗荃灣買波鞋後，媽媽想食越式湯粉，我地就去咗越一食晚餐。餐廳食物選擇多，價錢吾貴，而且店員服務非常好。我地點咗兩個湯粉，三個小食，兩杯飲品，三百蚊都吾晒，性格比非常高。飲品：我選擇飲原個西瓜冰，炎炎夏日，絕對有消署功效。媽媽就飲原隻泰國椰青，飲到停吾到口，味道非常清甜，28一個原隻椰青，真係好抵。香茅雞翼湯金邊粉同香茅豬肉湯金邊粉份量很足。香茅雞翼很香口，雞肉很滑，而香茅豬肉份量很多，味道不錯。湯金邊粉煮得剛剛好炸蝦餅：蝦餅外層炸得很金黃，點理泰式辣醬一齊食，味道更佳越式春卷：香脆可囗，餡料很豐富，有紅蘿白、雲耳等，用生菜包住食、為春卷加點清新感泰式無骨鳳爪：我同媽媽超喜歡食，鳳爪很爽口、而且鳳爪係無骨，食起上來很方便。味道辣辣地，很開胃下次去荃灣，一定再光顧

琴晚同個朋友系路德圍食飯，剛剛收工好熱甘就想試這間越一牛肉粉好耐架啦～甘就試下啦，好運的事就系唔洗等位，一入到去，都無咩位置選擇、一坐底先叫個西瓜冰飲下先，因為入到去都覺得好熱、然後簡單叫了一個生牛肉河粉和豬扒凍檬粉，份量都可以既，但個湯味就重左小小，豬扒就乾左小小、甘同我個fd傾計中、特然聽到有一個男人客大聲罵緊個店長，但我見到個店長都系有笑容的，菊哂恭甘，我本身以為系咩要行甘大禮、原來系坐枱問題。。。我自己都做這行，有時候真的覺得食餐飯要甘勞氣為甚麼、唔鐘意咪去第二間食囉，但宜家既飲食業俾客甘罵還充滿笑容，難得，加上這間餐廳收費算平，四十幾蚊都埋到單無加一有甘既服務，難得，已好過附近的餐廳服務多多聲，但要改善既系部冷氣，唔夠凍，希望下一次會好d啦

又到荃灣了，最近去得特別頻密。主因是交通方便。搭巴士從荃灣回家，車程只需半小時，跟從旺角回家的時間差不多，而且感覺上荃灣的非連鎖店較多，所以最近蠻常來到這裡。我們點了168的2人套餐，有一大碗火車頭河粉，及兩款小食。朋友說這家店，算是近期開的，他亦只是試過一次，食物質素中尚、價錢實惠，是值得再去的餐廳。河粉份量多，湯底美味，有不少餸，當中最出色的是蘿蔔。小食分別是蝦餅及扎肉蒸粉包。蝦餅比較一般，但粉包十分出色。我十分喜歡這款扎肉，肉類的質感較重。咸檸七，味道正常，但不用加錢。這家餐廳不錯，食物份量足，味道不俗，頗抵食。

荃灣分店開業不久已光顧無數次，店內乾淨精緻，淡淡透著東南亞風格。侍應年青勤快，有禮熱情，而且十分細心，今次見到我的飲品漏了出來，會主動送上紙巾，幫我擦乾淨。全店不用味精自然是我最欣賞之處，另外，當然也是喜歡其美味的越南河粉。還有，我最喜歡的撈檬汁。香茅豬頸肉湯河粉越一的湯河粉是無得彈，無論那一款都同樣出色。今次吃香茅豬頸肉，豬頸肉切得非常精緻，煎得外脆內軟，肉汁豐富，還透著淡淡的香茅香味。湯，不用說，非常美味。牛肉湯底，牛肉味十分香濃，而且清清的，一點都不油膩，加上不同的香料，令香濃的牛肉湯味道更豐富。河粉，也相當軟滑可口。鮮蝦米紙卷因為叫了湯河，所以就吃不下多一碗撈檬，這個米紙卷就滿足了我吃撈檬的慾望。把紙卷咬開，把撈檬汁加入檬粉中，就成為一小碗撈檬。另外，紙卷非常彈牙煙靭，配上鮮美蝦肉一起吃，好像又一菜式一樣。椒鹽軟殼蟹一看就知道份量十足，炸得非常香脆，炸醬薄薄的，包裹著熱騰騰，又鮮甜的軟殼蟹。蟹肉意想不到的豐腴。越一春卷春卷餡料十分野味，既爽口，又豐富。用生菜包裹著吃又另一風味。原個西瓜冰這款西瓜冰，就是夏天的好朋友。既冰凍，又清甜。清甜到無法抗拒。

新開張不久，就已經經常很多人等位。有幸今天等位不久，就入去試試啦！餐廳差不多三面都係玻璃幕牆，食落額外精神爽快嘅！ 而且，剛剛到下午茶時段，就已經差唔多全餐廳都滿座，而且店員都忙過不停！ 睇黎，呢間嘢應該好唔錯呀！1. 火車頭 (生牛肉﹑牛腩片﹑牛柏葉﹑牛筋和牛丸)越南菜，小編就至愛火車頭，不但因為有幾走配菜，而且生牛肉片的功夫，可以顯示餐廳水準有多高呀！提提大家，這家標榜｢不落味精｣，可算是香港僅有呀！ 讚！在｢不落味精｣的情況下，湯底較清淡，但依然有著香料﹑牛肉味道，可算食得自然呀！至於生牛肉片，很多餐廳的火車頭，都會送上差一不多全生的牛肉，但這間的生熟程度適中，不太愛吃生牛的朋友，應該好喜歡！2. 無骨鳳爪小編最愛就是無骨鳳爪，不但香脆易入口，而且辣味有點似泰國當地的辣味！在香港尋少見！3. 夏日必食菠蘿冰下午茶只要加$28 ,就有原隻細菠蘿，而且沙並不是色素，而是果汁和果肉！ 超新鮮和爽甜！