超級食得開心

营业中

休息中

今天晚上在灣仔接我老公收工，晚上9時多已沒有太多餐廳選擇，便隨便到選一間泰國菜吃晚餐。餐廳位於大街旁，沒有冷氣，天氣熱不要來吃，我們點了泰式金邊粉，豬肉乾炒河和雞+豬+牛三拼串燒。泰式金邊粉的份量不算多，雖然蝦肉都算爽口，金邊粉亦煙煙靭靭，可惜卻不夠惹味，感覺上味道淡了一些，沒有什麼味道，味道只是一般。豬肉乾炒河便濃味一點了，豬肉亦算柔軟，但是乾炒河的質感仍然略為濕了一些，味道亦只是一般。串燒分別點了雞肉、豬肉和牛肉，豬肉和牛肉的口感很堅韌，而且沒有什麼肉汁，雞肉雖然嫩滑可口，但是醬汁卻很難吃。總結來說，今次總共$270，價錢不算太便宜，環境又很比較差，食物味道又很一般，不會有下次。

今次誤打誤撞闖入呢間隱世小店，睇個門口仲以為係外賣檔入到去先發現係間寶藏店✨【泰式打拋肉碎飯🌿】肉碎炒到乾身惹味，九層塔同辣椒碎爆炸性香濃仲落咗超多脆口豆角粒，撈埋流心蛋黃同香飯🍳辣中帶甜，5分鐘清碗唔係夢🤣【 即燒串燒🍖】串燒全部即叫即燒，炭火香超足串串都有驚喜😆😆✅ 牛肉串：肉質軟嫩唔韌，焦邊鎖住肉汁✅ 雞肉串：秘製香茅醃過，啖啖嫩滑帶清香雙醬神助攻：➀ 沙爹醬🥜——花生碎＋椰香超濃，帶微甜➁ 泰式辣醬🌶——青檸酸辣醒胃，嗜辣必點！！

肉碎煎蛋飯，味道非常好食，但係有少少辣，整體味道都唔錯，同泰國一樣！好惹味，送飯好match! 係我哋想食嘅味道！泰式炒飯（牛肉），我哋就揀咗牛肉，牛肉質素都正常唔會太硬，炒飯非常有鑊氣炒到粒粒分明，我口感都非常好，加咗好多唔同嘅配料串燒雞！我哋叫咗半打，呢個質素嚟講真係非常好食，加埋餐廳特別配製嘅沙嗲醬，呢個真係同泰式街頭一樣，鍾意食嘅朋友唔可以錯過！蝦餅，大大件而且非常厚肉，加埋泰式辣醬，簡直係另一個層次！好彈牙！

呢間嘢門口冇中文餐廳名上openrice search先知原來個名咁搞笑😂事源灣仔lunchtime周圍都爆多人突然見到間唔使等位又平嘅泰國嘢諗都唔諗就入去 不過缺點係冇冷氣泰式雞肉湯麵 ($48)揀左金邊粉 都幾大碗個粉煮得有口感 都幾好食不過略厭湯底咸左d雞肉係雞絲咁 唔算好多 冇咩特別另外有芽菜、生菜、蘿蔔令成碗粉更加豐富😎港島區黎講都算ok啦小插曲 我唔夠現金佢俾我去撳錢再返嚟埋單佢又唔驚我走咗去😝 有人情味🥰

中午行過，外賣，近似2餸飯$78冇飲品，超貴，冇問題，佢連比餸都唔捨得，咖哩雞飯，連嚿似樣有雞肉都沒有！，得3嚿背脊骨，離譜到一個點！仲要唔係熱辣辣…要叮熱。差到一個點

喺灣仔同朋友食完飯，之後想買個甜品返屋企食， 喺修頓道附近行咗一陣， 因為多嘢好多舖頭都關咗門。見到一間賣泰國嘢食嘅小店仲未關門， 咁梗係支持小店啦，就諗住買個芒果糯米飯返去食下。問下個芒果糯米飯幾多錢，都要49蚊（ 太耐冇食泰國菜，唔係好知價, 覺得都唔平）, 都 諗咗一陣買唔買， 既然都想食當支持返本地消費啦！滿心歡喜打開嚟食， 個芒果糯米飯嘅汁都唔錯，個芒果都甜， 點知食咗舊芒果， 發現佢有一嚿核響度墊高咗。。。當堂無語。。咩事呀？！食芒果糯米飯從來都未試過連埋核一齊出，唔夠芒果可以講呀麻。。俾多小小飯都好。有點失望。買外賣真係冇得講

餐廳門面得泰文名同英文名Racha Moo Yang，中文名只在OpenRice找到，唔知係Google Translate定點，但這間不起眼的小店絕對是隱世地道泰國菜無誤，舖面有個泰式甜點櫃，室內空間只擺放到四張二人枱，宵夜時段會在街上開枱坐，據OpenRice顯示餐廳24小時營業！.上次睇完舞台劇朋友帶我黎宵夜，今次睇演唱會前黎食，絕對係快靚正！① 泰式炒金邊粉 $75足料炒金邊粉，唔係特別但就係好食。我真係好鍾意食Pad Thai。② 泰式串燒沙爹（半打） $108相對黎講串燒唔平，但每串都大大串，雞牛豬都好好味，肉質夠嫩，沙爹醬花生味濃。③ 芒果糯米飯 $48椰汁鋪滿飯面，糯米飯好軟，食起黎唔會好甜。反而芒果就夠晒甜，正！④ 泰式奶茶 / 珍多冰 $25正常發揮，已經夠好飲。.泰國人主理，但都識聽識講廣東話，正宗泰菜，未算特別出色，價錢唔貴，最緊要食得開心！我覺得宵夜坐街邊仲有風味，但大前提係小強唔好行埋黎～.

行過修頓球場對面見到一間好有九龍城同泰國feel既餐廳👀👀即刻入去睇下，價錢係灣仔黎講都算平見到個芒果糯米飯🥭🥭即刻心心眼😍😍😍好多椰汁，唔會太甜，糯米飯即刻翻熱，夠曬軟糯芒果會切粒上，好驚喜，芒果好甜，強烈建議大家下次經過一定要試下

成日經過都無留意有間泰國餐廳，睇外面嘅裝修可能會讓人擔憂它嘅味道。但你只要鼓起勇氣落order，包你一試再試今次就試咗碗豬頸肉清湯河粉，打開發現原來河粉係寬嗰款，同平時食開嘅唔同！湯鮮甜得嚟又夠濃郁，配埋啲粉真係好好味🤤豬頸肉都夠油香，唔柴，配落湯粉一齊食夠曬夾，浸到最後，咬嘅時候都係仲食到佢嘅油脂香，完全不會濕咗之後唔好食。仲有啲芽菜同生菜，嗦曬啲汁，正！下次再試其他先！望落佢啲串燒應該都不錯！

💥 As I walked through the doors of RA CHA MOO YANG, I couldn't help but notice the vibrant energy and the multitude of non-locals enjoying their meals. The walls adorned with pictures of celebrities who have graced this establishment only added to the excitement. Eager to try the food, I sat down and began perusing the menu. However, my enthusiasm quickly waned when the Thai lady waitress approached me with a less-than-welcoming attitude. It seemed she was in a rush, demanding my order after jus

📍 Racha Moo Yang #超級食得開心 #RachaMooYang #MFJ灣仔 #MFJ泰國菜人均消費: ~HKD80以前飲完酒朋友都會帶我去食宵夜，最鍾意就係佢個螄蛤！今次去同兩個泰國人去食宵夜😍💯泰式螄蛤沙律 第一次食螄蛤沙律！拆咗肉啲螄蛤，加上好多沙律菜，洋蔥，乾蔥，同勁多辣椒!!!!!! OH MY GOODNESS!真係好味到喊！ 螄蛤勁多勁鮮甜，菜類又爽口，個汁有少少青檸香，正到爆炸！雖然勁辣，但真之必食！⭐️泰式青木瓜沙律 成座山咁高嘅青木瓜沙律！裡面仲有蕃茄，青檸，同有啲米線！當然仲有好多辣椒😂 青木瓜好爽口，成個沙律味道好Fresh好清新！💯泰式海鮮炒飯 好多魷魚，爽口同埋魷魚好鮮好入味！個飯都係充滿辣椒😂 裡面仲有好多豆角粒增加口感！個飯有少少汁，撈起飯勁惹味勁正！⭐️烤香腸 我都唔個泰菜有烤香腸😂 食咁兩款，其中粉紅色果個好好味，食落好似煎午餐肉咁好好味！同泰國人食泰國菜真係唔易，因為真係辣到HH！🤣🤣🤣 但真係可以食到原汁原味嘅泰菜！依間真心推介，價格又平選擇又多，仲要出色惹樣，真心性價比極高！必食之選！💯#mfoodjournal #instagf

同女朋友去灣仔Staycation, 夜晚估唔到好多大間少少GE 酒樓、食肆都收晒, 果陣只係8點左右, 疫情之下GE香港真係變左好多呀好彩, 女朋友同我去GE呢間泰菜小店仲有打開門做生意, 仲要得我地一檯, 可以任揀任坐XD成程雖然無冷氣不過有風扇都OK 啦我地叫左有螄蚶、生蝦、雜錦串燒、蝦餅魚餅仲有燒魚, 好豐富好開心呀。螄蚶同生蝦都係新鮮野, 螄蚶大隻得嚟仲要洗得好乾淨, 值得一讚。生蝦仲要有擺心形, 個辣醬惹味又提到鮮, 好好食串燒好多肉大大串, 食完唔會口乾, 肉質都好彈牙, 唔會好似D發水牛扒咁, 調味濃得嚟又唔會好咸燒魚係鹽燒, 上菜時店家已經細心咁剪開魚皮打開左佢, 燒魚勁多肉汁, D肉又嫩, 惟一不足可能係D泰國香草味唔夠勁 (太掛住泰國啦!), 不過百零蚊呢個質素真係無得頂最後食左個$48 有5件嘅椰汁西米糕, 雖然佢面頭無左粒粟米, 不過味道都好純正地道, 西米唔會融融爛爛咁, 味道同口感都好好

一間係街邊毫不起眼嘅泰國餐廳，令我喜出望外，totally exceeded my expectations!! 我唔係誇張，但係佢全部嘢都好好食，有啲後悔得兩個人去，食唔晒所有嘢。冬陰功夠辣同埋酸，入邊亦都有超級多材料。例如蝦，大量嘅草菇，香茅。其次就係佢個串燒，個沙嗲汁好好食，雞腎亦會配第二種酸汁。超好食！下一次會試埋佢嘅炒粉絲，船河，蝦餅。綠咖喱雞飯，亦都夠辣同埋酸，lime味好重，同其他泰國餐廳唔同，佢真係好地道！

早在差不多十年前，經常光顧此店，由於在中環地區收工收得晏，附近有車回家，便利又好味的關係。今晚在附近，突意買個外賣。招牌十年如一，晚上都開到出路口。海南雞飯，以前必點的，以前才不過三四十，現在已六十多。遺憾是大不如前。首先以前的雞無咁黃，天然顏色。而家坊間買到咁黃都係上咗黃薑，而唔係用三黃雞。份量正常，雞就普通。然後飯，以前食係好香蒜味，而家係無乜味。汁醬就大致相同，酸酸甜甜辣辣，基本上靠佢先食得唒兜飯。整體而言，由有特色變得一般過一般。果然有些回憶還是留給過去就好。

來Racha Moo Yang咁多次，而家先知道原來中文名係食得超級開心😂。好多時去到灣仔如果想快速解決一餐又食啲好味嘅，我都鍾意黎呢度，而且幾乎每次都會點蝦肉炒金邊粉。食左至少有4,5年，水準都係保持得咁好。佢地鋪面好細，得兩張台，人多嘅時候就會係街度開台俾客人坐低。之前從來未試過坐出街，今次係演藝學院睇完舞台劇過來食，終於可以喺街邊開台h感覺真系有啲似係曼谷街頭。佢地嘅沙爹也做得好好，醬汁嘅花生味濃郁，食過其他地方嘅沙爹都係覺得呢度嘅最好食。