超級自助壽司店

营业中

休息中

整體黎講都算滿意生蠔$78一隻，幾大隻同新鮮🥰 海膽手卷好鮮好甜燒牛手卷感覺一般，無咩特別燒三文魚炒烏冬，有小小油，不過都大致ok店內可以自行買已pack既既壽司盤入店食。 平過堂食叫小小，不過無咁新鮮，都可以接受😜

奉勸大家唔好再去 我同個friend去食感覺都唔太新鮮 個阿姐推薦我哋石恒貝 $98兩隻食完斷估應該係賣唔出 因為食落去唔係好好食嘅感覺 好似死咗咁樣我食到入醫院 兩個鐘一到昏迷 當中有抽搐抽筋情況 除咗食咗呢間嘢我就冇再食其他而今次嘅經驗搞到我差啲死 舖頭亦都冇話負責啲乜嘢我個男仔friend有同我嗌一模一樣嘅嘢，佢冇乜嘢但係我係身體敏感少少嘅體質 所以可能食完反應大啲 但係大家都唔想食完唔舒服㗎 所以寧願斬腳趾避沙蟲唔好食算啦 食返啲大小小嘅鋪頭可能會好啲 起碼佢食物嘅turn over快啲 嘢食都會新鮮啲

今日突然間好想食壽司就專登搭車出去幫襯 買咗一盒八爪魚$75 得6小片😓😓 😓因為不嬲有幫襯開 越做越差😓😓😓 以後唔會再幫襯 出門口行多兩步 爭鮮又多款式 價錢又抵食

本身都相安無事，之後後加叫左四件蝦二食就搞到成餐飯都冇晒心情。間鋪既蝦二食即係一件壽司加一個炸蝦頭, 本身上咗枱之後問佢點解得4件壽司，佢話啲蝦頭分開上炸緊，見有枱有叫都有蝦頭比,之後前後追左四次等左半個鐘以上, 樓面有用心追, 廚房點都無出蝦頭 好了, 最後幾經辛苦終於等到不過只有一隻唔係四隻, 但唔知係邊執出來, 炸蝦頭都可以凍到冷盤一樣.唔係話一定要有, 但無都可以講聲, 唔係咁hae人無交代, 覺得有d過份, 小事可以睇得出餐廳對人尊唔尊重 野食都一般普普通通 唔會再去食一間唔尊重食客,當客人水魚既餐廳.

𝕀𝔾: 𝕙𝕜𝕡𝕝𝕒𝕪𝕝𝕚𝕤𝕥📍超級自助壽司店平民價錢性價比高，蕎麥麵🍜份量好足，麵質爽口，加杯蜂蜜綠茶先50蚊～三文魚刺身新鮮大塊，食落好滿足炸天婦羅啲粉唔會好厚，又脆又香口～呢個價錢黎講算好抵食🤭

呢間其實都食咗唔少次因為佢有一個範圍，可以自己揀蠔🦪同海鮮🐟覺得幾好而佢午市都會有提供lunch set多種選擇今次就喺出邊啲櫃度，揀咗令和怪物蠔🦪同活內紫貝另外仲揀咗最右邊嗰盒圓形鹽水海膽隻蠔勁大隻好正至於個海膽好鮮甜比平時喺出邊食嘅真係爭好遠而活內紫貝就加咗刺身拼盤咁樣上之前有試過揀啲鯛魚啊，嗰啲都好正而佢嘅茶甜甜地都幾好整體嚟講好值得encore每次嚟都係揀唔同嘅海鮮去試比喺出邊做多啲選擇囉

同老公今日諗住試下呢個係牛頭角已經好多年既壽司店，諗住佢都開左咁耐應該唔錯啦。大約8點左右入座，其實入座無耐已經落左單，叫左一個$228既set，散叫左少量壽司咁，過左半個鐘都未有就追啦，個阿姐話:好快有喇，等多陣!!等左又等，又過半個鐘，終於到左個set同散叫壽司，散叫壽司仲要有兩樣嘢未嚟，又再追啦，阿姐同我地講軟殼蟹手卷同埋牛油果軟殼蟹卷要等多10幾分鐘，我個刻真係忍唔住同佢講我要取消，我唔食，唔洗再上。重點係，等咗成個鐘嘅壽司係一啲都唔好食，飯散既，刺身普通野，我食連鎖店好過，食到一到氣！唔會再去食！

送咗杯凍茶六十幾蚊你講算係幾抵食因為飯量都好多全部食曬都係飽到不得了可能我黑仔啦唔小心食到一片魚鱗又唔知類似清魚有啲蝦有三文魚裏面好似類似清遠嗰種魚最好食返上亦有少量嘅芝麻嘅香口唔錯好耐以前買佢有優惠係好抵食㗎有啲折扣唔知以後會唔會openrice重新合作再搞優惠呢

老實講呢間野啲野食唔難食 亦都幫襯左好多年 但係就越做越差🙂食開舊幾水嘅三文魚籽飯 一向好正常 價錢同個分量都成正比例就算加左價差唔多兩舊水一個飯都照幫襯 最緊要食得開心價錢唔係問題每次收工特登搭車去九龍灣買完再搭車返屋企點知個分量縮水縮到我幾啖已經食完 連個壽司飯都縮埋水 食完係完全唔飽好似無食過野落肚 唔好咁離譜呀大佬！個餐牌寫［三文魚籽飯（跟紫菜飯）］ 但係就成日都比漏包紫菜嘅 其實樓面同事都有責任對清楚無執漏先比客人啦！加左價但係就縮哂水 同佢地whatsapp講返希望留意一下（所謂嘅寫字樓）睇完仲隻字不回一啲誠意都無🤷🏻‍♀️ 唔係附近半夜無其他壽司鋪焗住食你地真心唔想再幫襯 啲態度又唔係十分之很好（除左個老細）

晚飯冇時間食，宵夜特登想叫個凍烏冬，順便買咪其他野食生蠔串燒同刺生成700蚊，等左我45分鐘，火都黎，啦啦林攞反屋企食，發覺漏左個凍烏冬，打去同佢講，佢話係呀漏左呀，下次黎比反你，冇下次，下次希望妳執左佢

「禾是窮鬼whita 醉愛買抵野」🛖超級壽司🥞一盒盒外賣壽司🍣📍九龍灣牛頭角道33號宏光樓8號地下💰 前 $118 後$78性價比:🐘🐘🐘🐘🐘/5(窮鬼表示覺得好食過壽司郎)呢間壽司店有分外賣同埋堂食，極度建議大家一定要買外賣一盒盒，壽司飯大嚿過堂食好多🍣，感覺上更加抵食~🥰佢啲魚生都好新鮮🤤，一啲都唔薄，一盒有15-16件左右！加埋都唔使$200！真係好抵好值得試！💗快啲safe低搵日去試吓啦！🔥🔥

話說我就肚痛左成個星期又痾又嘔，但係我係唔怕死，繼續食生冷野🤣今日我就同路人甲黎左以前成日拍拖既食堂 - 超級壽司🍣今日叫左呢d野食：1.  日本活青柳2.  北海道活鳥貝3.  活青柳4.  宮城真蠔5. 三文魚腩壽司6. 北寄貝壽司7. 帆立貝壽司8. 大拖羅壽司9. 粟米沙律壽司10. 九洲叉燒湯烏冬壽司類🍣同之前食既冇咩分別，都係咁新鮮，對於我細食黎講，份量岩岩好，特別推介佢地既拖羅，雖然有d貴 (都係$55到🤣)，但食左落口，個種鮮甜味，已經值回票價👍貝殼類🐚今次聽左姐姐講要三活鳥貝同埋活清柳，活鳥貝真係好食，連平時覺得咩海鮮都會話腥既路人甲 ，都大讚唔腥好食，所以極到推介俾怕腥既人👍路人甲話活清柳都唔腥，不過輪爽口同好食程度，活鳥貝略勝一籌👍😋蠔類🦪姐姐話今期日本蠔靚，所以我地都叫左日本蠔，就係宮城真蠔，黎到既時候，俾佢既大隻嚇親，諗住大隻冇咁好食？No，一樣咁鮮甜同埋佢唔太多海水味，所以路人甲食得好開心，如果怕腥同海水味既朋友可以1試😎烏冬類🍜每次食佢既烏冬，都會飲埋佢d湯，因為佢個湯好香，好甜，每次都會飲埋落肚，搞到自己飲左好多湯咁🥰叉燒亦同以往1樣，非常鬆軟😋總結：呢

超級壽司店屹立二十年，只因它的餐點種類繁多，例如：壽司、串燒、燒物及限定直送魚鮮。能夠顧及不同年齡層的需要。(1) 胡麻醬冷麵壽司便當如圖所示，喬麥冷麵、刺身、壽司應有盡有。位於市中心的午市便當實屬不錯，性價比高。(2) 鹽燒三文魚水撥拉麵魚脂豐富、肉質嫩滑。豬骨濃湯偏向火鍋預拌湯包，但也十分滿足。假若在入秋時分品嚐，感受熱騰騰的水撥，味道更佳。地點便利，但人數眾多唯恐坐得較擠擁。餐廳能夠長年站立於鬧市之中，定有吸引之處。

朋友一直成日去食，終於到我去左試4個人去，可以盡情咁叫串燒覺得非常好味，燒到剛剛好，唔乾，叫得太少了，下次去要再叫多啲壽司魚生非常新鮮，飯仲係暖刺身都好新鮮，同厚切烏冬雖然平較普通，但都係唔差

知道好多人外賣都唔會嗌壽司，擔心新鮮 衛生問題，但嗰排疫情真係好想食，嗌過一次千兩，價錢比較貴，12件已經三百幾蚊，但係出奇地質素非常之好。今次就揀一間質素林比較好一啲，見呢間嘢竟然有一啲阿媽家姐嘅壽司揀，同其他嗰啲得三文魚蟹柳相比，$28-32 一件，以為應該好啲。自己睇圖，舊魚切到核突，仲要唔新鮮， 舊飯散兼時大時細，沙律醬卷黐埋一齊!再講過炸蠔壽司卷，始食醬同食飯多過似食炸蠔，都係嗰句有圖有真相。差唔多成四百蚊，早知來回的士去夢之丼食好過。