超級自助壽司店

营业中

休息中

超級壽司我細細個開始食㗎啦，以前就多數食佢外賣嗰啲壽司，而家間唔中都會去佢嗰度食午餐，發現原來佢啲午餐set都幾抵。今日就叫咗呢個炸水撥配湯烏冬，水撥炸得好好，因為本身水撥油脂比較高，炸完出嚟都唔會話好乾，再配埋個湯烏冬，中和返個油膩感，簡直完美配搭😝

第一次過來的、朋友介紹。魚生刺身不錯。點了個喜之次刺身拼盤、環球生蠔、日本生蠔，再額外點了赤貝、海膽，仲有個唔記得咩貝..😅上剌身時，師傅哥哥刻意提點了，先吃魚後吃其他的，很貼心的服務🤣🤣我和媽媽都笑了。（OpenRice呢個程式裏面有好多嘢都冇辦法揀嘅、推薦菜式又唔得、評分食物味道冇嘅？好奇怪。）

次次喺九龍灣去淘大都會見到依間「超級壽司」嘅招牌，最近終於去拜訪，佢食物嘅質素完全令我十分驚喜！🔸三文魚壽司拼盤 有三文魚壽司、炙燒壽司、飯糰、軍艦、花之戀各2件。食得出三文魚十分新鮮，而且切得厚，壽司飯唔會太多。完全冇呃秤，同出面嘅壽司連鎖店冇得比。飯糰亦係每一啖都食到三文魚！大滿足！🔸鹽燒牛舌 $48牛舌唔靭，軟腍好食，調味剛好，唔會太鹹。個人覺得性價比唔高，但物有所值。🔸芝士明太子玉子燒 $34玉子燒比得大舊，味道正常好食，沒有特別。🔸醬油燒京都豆腐 $38外皮脆，入面口感軟嫩。就咁食冇咩味，點側邊嘅醬，鹹鹹哋好食！餐廳營業到凌晨，夜晚要食宵夜嘅話十分推薦依間餐廳！

平時經過都見到唔少捧場客，但我自己一次都未食過，有日見閒日，又晚上11點無咩人就入去食。（係未睇mm報道之前）見到冷凍櫃有已經包好咗嘅沙律同埋壽司，方便心急嘅食客可以買走用食，慳返時間，坐低填表嘅時候，聽到應該係老闆，佢同員工講：d啲盒點放點放，唔使理佢地點諗，保持食物質素就得甘有執着嘅老闆，食物都應該唔會差去邊。我叫咗個蟹籽沙律，份量相當驚人，但又真係好好食👍松葉蟹膏炒飯，送上嚟新鮮熱辣，份量亦都相當足夠。叫左一串串燒雞軟骨係想試吓佢手串燒如何，但係都相當唔錯。另外再叫咗三文魚腩同埋油甘魚刺身，真係俾《夠》腩你🤣食完相當滿足👍總括嚟講冇一樣嘢令人失望，晚餐一共$286無加一，期待下次再黎

Order左一份加州卷，結果送來了兩份。我跟職員說，他竟然轉頭去問同事們要不要吃加州卷！然後每個人都一個接一個說「我食呀，可以啊」，最後他就開始在我盤子上夾走四塊壽司，重點係我其他order既壽司都係一齊放係個大盤。更離譜的是，他還把我其他的壽司弄得一團糟，夾得那些壽司全部散開，夾既時候隻手仲嗨到其他刺身…見到都唔想食…….我哋晚市兩個人去食飯，我叫個職員幫手加水，佢竟然係拎起我隻杯行入去廚房用個水壺加水，佢真係完全望都冇望過我另外一位朋友隻杯需唔需要加水或者其實係咪拎個水壺過嚟一次過幫其他客人加水會有效率啲？成晚所有女店員都係喺度行行企企，大聲吹水服務態度極差

今日行咗過嚟淘大呢邊食超級壽司嘅午餐。佢午餐嘅選擇都算幾多。叫咗個炸三文魚水撥配炒拉麵，三文魚水撥充滿油香，有三大嚿，份量都唔錯；炒拉麵都OK，炒得都乾身，配埋沙律醬好惹味

無諗過香港今時今日都仲會咁，傷呀，佢會打多左item，第一次order1罐啤酒，1支波子汽水，牛腸鍋，第二次order1支熱清酒+15件壽司同埋刺身（胡麻刺拼+沙甸魚），炒拉麵，第三次order2支熱清酒+1支波子汽車加秋刀刺身。頭果9樣壽司係無叫過，同埋無叫過藍鰭吞拿魚極上壽司盛，店員好古惑呀！！！！！咁多年都無試過咁比人打多左item,第一次中大伏，下次真係要睇清楚慢慢對清楚d單，真係會偷你雞！

同朋友黎左牛頭角呢間超級壽司食晚飯😆估唔到出面望落唔算好大間既地舖，可以食到質素好既食物👍🏻特別係我最中意食既三文魚刺身，十分新鮮同肥美全部都係三文魚腩好好味我地另外仲叫左個刺身拼盤，都一樣好新鮮🤗另外餐廳有唔同品種既生蠔可以選擇，我地都揀左幾款唔同品種既生蠔試下，全部生蠔都好大隻好新鮮今次係呢間超級壽司食晚飯有驚喜呀而且餐廳地點都唔係好偏僻，係地鐵站行幾分鐘就到，好容易就搵到👍🏻會再幫襯（本次光顧不是試食活動）

每次經過都想試，但今日試左後應該冇下次囉，除非嗰日成間鋪得我一個人啦。7點56分落單，等左十幾分鐘左右（當時間鋪有7成滿）見附近兩枱遲過我都有得食，於是叫侍應幫我睇下，佢淨係去左撳電腦話有落單，冇入廚房問…等到8點35分先有得食…D刺身仲有少少冰凍同出水，但整體都OK既

九龍灣呢頭夜D食飯嘅得呢間同隔嚟茶記聽講佢做日本飛機貨刺身好出名但見佢D價錢又幾平民下不過D朋友就話佢D熟野麻麻地我自己親身試過都要幫佢地平反一下甘嘅價錢我認為合理今日腸胃麻麻我就唔食甘多生冷野啦叫左個黑蒜餃子烏冬鹿兒島牛肉炒飯清酒煮大蜆同埋串燒拼盤清酒煮大蜆個湯得食得出佢個湯用左足料sake都幾清甜不過個蜆肉就有少少難咬開鹿兒島牛肉炒飯牛肉有油香飯炒得乾身黑蒜餃子烏冬好似俾錯豬骨湯我但幾好味好家常嘅味道有好多粟米

淘大隔離有間平民日本料理屹立多年，住附近嘅都應該一定有食過；最輝煌時期，曾經有數間舖位。主打價錢親民用料新鮮，穩打穩扎做街坊生意。其中他們的下午茶特別抵食：壽司定食、刺生飯定食、牛肉飯定食⋯各有喜出望外之處。他們都係的午餐也非常吸引，圖中是 師傅發板刺身飯，價錢都係$100多啲，師傅仲會幫你炸埋牡丹蝦頭，脆卜卜，好好味另外佢哋都有凍櫃，有外賣盒裝前菜、壽司、刺身、刺身飯、冷麵、蕎麥麵、生蠔等多款凍食，好讓客人帶回家享用。整體都算可以保持水準

我今晚想食日本野，係屋企附近揀左間日本餐廳試下。1. 壽司拼盤：有三文魚、北寄貝、帆立貝帶子和蟹籽。味道一般。雖然新鮮的魚肉質量不錯，但是味道並沒有給我留下深刻的印象。蟹籽的添加帶來了一些豐富的口感，但整體來說，這道壽司拼盤並沒有給我帶來驚艷的體驗。2. 餃子拼烏冬：餃子的外皮煎得酥脆，內餡口感不錯。烏冬湯熱騰騰，味道標準。整體而言，這道菜品給人一種普通的感覺。3. 軟殼蟹手卷：軟殼蟹唔脆，紫菜唔脆。我覺得軟殼蟹應該有脆脆的口感，但這裡的軟殼蟹卻沒有達到這個標準。紫菜也沒有保持它本應有的酥脆質感。雖然味道還可以，但整體上這道菜品讓我感到有些失望。4. 燒雞泡魚乾：好吃5. 芒果蟹籽沙律：只是普通水準。餐廳給我一種以鄰里為主的街坊風格。雖然部分菜品表現一般，但也有一些好吃的選擇。如果您對於一般水準的日本料理感興趣，這家餐廳可能是一個不錯的選擇。但如果您追求更高水準的日本美食體驗，您可能需要尋找其他餐廳。

今次行過間小店，心諗咁多人排隊係咪真有咩好嘢食？頭先食完，手都未洗就忍唔住要同大家分享啲感受。第一啖入口，生魚片夠晒滑， 而家想起都仲咀嚼緊嗰股鮮味。飯團真係層次分明，飯粒粒分明，最正係配上啲微微醬香，真係咁滋味啊！再講到燒物啦，件烤魚皮酥得嚟肉質保持多汁，外皮輕輕一碰就散開，似開花包。甜品方面，豆腐花嘅滑嫩，加埋淡淡蜜糖嘅甜啖啖沁入心脾。真係嚟到都見到好平民，每樣野都係咁有誠意，吃貨我都要喊出嚟，肚滿滿嘅滿足感。如果你鍾意食得真材實料嘅港式小菜，絕對唔會失望。啲工作人員服務態度親切，環境雖然簡單，但食物一流呀。句句都係肺腑之言，呢間我有時間一定會再嚟食幾轉！👍🍣😋

住九龍東嘅朋友一定識呢間超級壽司，直頭係伴隨九十後嘅成長。Lunch time最啱就係叫定食，個人最喜歡餃子湯拉，餃子炸得好脆，唔洗點餃子汁都已經夠晒味，獨有嘅湯底同特別嘅麵質好夾，食完會想飲晒啲湯。另一款推介嘅係鰻魚飯，$100有找，但份量係比平時多出1/3，絕對夠晒飽肚，鰻魚都好大條，好抵食。堂食嘅話仲可以嗌手握壽司，即嗌即整。特別推薦大家食鵝肝手卷，鵝肝油滲落壽司飯，配上少許沙律醬，非常夾。另外，中華沙律軍艦嘅中華沙律比平時食到嘅係唔一樣，舖滿軍艦。喺呢間超級壽司係絕對唔洗點wasabi! 早一年仲可以品評到勁好食嘅金菇肥牛同埋牛舌烏冬，但晚餐menu兒家轉咗，冇咗呢2個菜式。晚餐推介食蠔同埋海膽！蠔有好多款，好鮮甜，仲有好多套餐揀。另外，仲可以揀串燒，慢慢燒住咁同朋友飲酒傾計，好開心！

🍣 今天，我們來到位於九龍灣的一家超級自助壽司店！一進來見到午市的產品，就叫了他們的主打菜品魚生，是次叫了角切魚生飯，這確實是個驚喜發現。 🐟首先，讓我們談談食物。魚生的新鮮程度令人印象深刻，每一口都散發出海洋的風味。最令人驚喜的是，它的份量十分慷慨，這確保了每一碗都有足夠的食材，讓你品味到每種食材的獨特風味。價格方面，這家自助壽司店絕對物超所值。你可以品嚐到高質素的食材，這絕對是一個適合預算有限的美食愛好者的好去處。 💰（糧尾佳品）雖然餐廳的空間較為窄小，但它有一個十分特別的佈局。一旁擺滿了即賣的海鮮產品，從新鮮的海鮮到珍稀的食材應有盡有。這種設計為用餐體驗增添了一分獨特之處，你可以在用餐後購買新鮮的海鮮帶回家。總之，這次的用餐體驗給我留下了深刻的印象。如果你喜歡美味的壽司，魚生，新鮮的食材，且不想花費太多錢，這家超級自助壽司店絕對值得一試。記得要來逛逛一旁的海鮮產品部分，你會驚訝於他們提供的多樣選擇。