超級自助壽司店

营业中

休息中

呢間壽司店開得都幾夜質素亦唔錯所以都吸引好多人嚟食餐廳冇乜裝修，但魚生刺生非常新鮮今次叫咗十件壽司，一碟鰻魚小卷，炸雞軟骨，同廣島蠔粥食得出係手握壽司，壽司飯醋味適中。魚生好新鮮！仲大大塊，呢到好似$7 件，鰻魚小卷$22 一條。其實我唔識分鱆紅魚同油甘魚，但2件都好好味，又夠厚，冇腥味！雞軟骨就爭少少啦，炸得太乾，份量少，要$50。感覺唔太抵。最後係廣島蠔粥，等咗勁耐。等到想放棄走人嗰下就到咗有5隻蠔，仲有啲粟米同蛋，幾甜，但覺得似廣島蠔湯多啲，因為冇乜米係入面。但啲蠔都算大隻。大概$8x

平時好鍾意去呢間食晚飯通常兩個人去我哋都會叫一碟海鮮炒烏冬，一兜蟹粥，同埋炸雞軟骨炸雞軟骨越嚟越貴，$50不過真係好食嘅，但係份量可以多啲囉另外兩個唔記得咗影相海鮮炒烏冬都正常味道嘅，不過烏冬又係好少另外嗰個蟹粥就有啲失望，平時啲蟹好新鮮，啖啖肉。今日啲蟹好霉，好唔新鮮。不過我都會再俾機會佢嘅，希望下次會好味啲啦

已經係熟客 食咗都有2至3年 平時買壽司外賣都會喺嗰度買 因為壽司同刺身真係好食好新鮮但今日真係有個好唔愉快嘅經歷 之前食嘢都有位員工過嚟sale嘢 咁埋單嘅時候我哋都有留意 張單上面多咗一樣我哋冇食同埋冇叫嘅嘢 但嗰位員工就有過嚟sale過呢樣野 但今次佢竟然係張單度加咗四樣我哋冇食過嘅嘢 個四樣食物加埋$520 有一樣係佢行過嚟sale 我哋話唔要 佢都照加咗落張單度 然後我哋叫咗個焗青口 等左一個鐘 枱面啲嘢都食完 之後嗌走 埋單 話取消個青口 起身走佢先係廚房拎出嚟 check單嘅時候 我哋明明冇食到個螺 佢就話廚房出咗俾我哋 最後好彩老闆有退返錢同講sorry真係希望下次各位員工sale還sale 唔好落咗單先sale 然後我哋話唔要佢又唔幫我地取消

超級壽司喺九龍灣將近20年，好多街坊/上班族幫襯，皆因佢哋嘅午餐算係經濟實惠，最平都只係$48蚊起，免加一，仲有凍/熱綠茶。午餐時間佢哋經常爆滿嫁，街坊、上班族、學生...咩類型嘅客都有，就証明咗佢哋係幾咁受歡迎啦。我最中意就係佢哋嘅$68雜錦魚生飯。依個飯一定會有五片三文魚，再加上雜錦刺身五款各兩件。五款刺身次次依都唔會完全一樣，俾到你期待嘅心情。飯量好充足，刺身亦好新鮮。依個價錢食到咁嘅質素，實在無咩嘢可以彈嫁喇。

呢間係學生時代既飯堂，幾乎每一個星期最少有一次都尼呢到食野。今日有機會返尼九龍灣，緊係去望望呢間野仲係唔係到，結果仲在生！！間野出名刺身抵食又新鮮，愛蠔者應該都會聽過下呢間野。咁我咁多年尼只係食佢既午餐，因為果陣做學生嘛～ 今次嗌左68蚊魚生飯，跟餐有杯凍既蜂蜜綠茶。價錢無點貴過，但食落去啖啖都係回憶既鮮味，呢d咁有心做既小店真係要多多支持下，呢個時勢好難做，難得佢地肯堅持，他朝連呢d小店都放棄我地香港真係咩都無....

每次當我宵夜時間想食壽司, 就會想係佢, 雖然佢只係一間小舖, 但壽司材料最緊要係新鮮, 而且佢夠新鮮, 仲有係可能因為做街坊生意, 店員好親切, 我下單點了三文魚子壽司, 店員同我講筋子岩岩今日返,夠新鮮, 轉唔轉筋子, 咁我當然轉啦, 的確係好新鮮. 但如果點串燒, 要早D叫, 宵夜時間人唔多, 串燒都要時間即制, 如果人多, 等候時間真係有D 長. 雖然等多耐, 但蒲燒鰻魚好肥美, 水準好好. 壽司方便, 我個人幾鐘意醋青魚同芝士紅蟹籽. 非常適合宵夜既一間餐廳

築地刺身定食 $198呢間日式小店開咗好耐 次次經過但係都冇試過 有次終於去試左🤪 呢間野價錢幾親民 仲有幾多選擇下～抵讚嘅係我覺得佢份量真係好大 魚生其實算OK新鮮 同埋呢一個定食好豐富 當中最深刻印象嘅係三文魚腩同油甘魚 三文魚腩好肥美同埋油甘魚好厚切 質感唔錯！ 其他都正常水準 最正係佢飯量超多 實夠食 仲會配飯素等你食得唔好咁寡除此之外其實都試咗佢啲壽司 不過覺得食刺身會抵食啲 因為佢壽司飯嘅質素麻麻 醋落得比較少同埋包得比較散 所以都係推薦食佢嘅刺身多啲😂 仲有一樣野係 等送餐係要等幾耐下架 所以最好早啲嚟 同埋一次過諗好食啲咩🤪

壽司刺身都好新鮮，火炙左口魚壽司好好味，價錢適中！但料靚！最喜歡他們的燒物，特別是報銷鰻魚、鹽燒牛舌、鹽燒三文魚頭，最好味！還有食過海膽壽司，一定食試日本的海膽！

九龍灣有間壽司店屹立淘大旁邊多年，今日終於有幸一試，其實都勁多人選擇，而且仲有不同價錢的師傅發辦，我就選左最平價的壽司拼盤同冷稻庭烏冬配冷麵汁。.📍師傅發辦壽司拼盤（$138/10件）🔸喜出望外，性價比高。🔸有池魚、油甘魚、竹筴魚、青魚、帶子、八爪魚、油甘魚魚絞位同埋幾款不知名的魚。🔸全部材料都非常新鮮、而且有一半款式都並非市面常見的材料。🔸下次想試$298的師博發辦。.📍冷稻庭烏冬配冷麵汁$60🔸彈牙的冷烏冬加上紅色的蟹柳及蟹子裝飾，非常搶眼。🔸冷麵汁酸鹹度適中，貼心的是冷麵汁內有冰塊，不會影響烏冬的冰凍程度，值得一讚。.😋味道：7/10🙃回頭：7/10💰消費：$200

十幾年前已經開始幫襯，由午餐廿幾蚊個食到現在五十幾蚊一個，食物品質同埋服務愈黎愈差，一向幫襯都係貪呢度地點方便，快靚正，有時間中壽司飯過硬/未煮熟透都由佢，但最近真係差既程度係再接受唔到對上一次未到5點入去食個晚餐，唸住咁少人快快趣有得食，叫左10件壽司，廿幾分鐘先出到，前題係間舖當時連埋我先得2台人，都算，見到黎個2件赤貝隻顏色暗啞又怪異，同平時隻顏色完全唔同，同一名肥女職員講個情況，佢竟然一句就話：唔要就同你cancel, 隻顏色係咁既！ 我個人其實食野好悶，次次去都食返幾乎一樣既食物，赤貝都係一向食開，隻顏色唔係咁既，我話除非你地話轉左供應商啦，佢無理我轉身就走,個次已經好嬲嫁啦，過左幾個月又忘記左個次既不快，今日又再黎幫襯好！講返今次一入到去，5點幾，人唔多，又係叫左11件壽司，等左26分鐘先出到壽司，但有3件係黎錯左既，個8件壽司品質係唔錯嘅，剩低嗰三件壽司係鰻魚，之後我哋繼續等，等到40分鐘嘅時候先來咗個三件壽司，我一食落去發現又腥臭又有𤓓味，又係同嗰位肥女職員講，佢問我係咪淨係呢一件，我話唔係，我同朋友都食咗一件，發現好有問題，佢冇出聲拎返嗰一件入廚房，之後出嚟同我講話幫

 又同老公黎最鍾意既食堂,老公眼利,發現佢改左名叫和食堂。點左一個$258一人前晚餐﹑$368極上一人餐丼聽店內姨姨講今日新鮮返左d生蠔,作為生蠔愛好者既我,點會錯過,所以我另外加多個$288一人生蠔拼盤。每一個餐我就唔詳細打出黎,附上圖片比大家睇。$368極上一人餐丼食材新鮮係我一直光顧既原因,雖然價錢有人會覺得貴左小小,但我地又覺得值得。個大拖羅真係好肥美,油脂感滿滿,香口四溢。$258一人前晚餐成個餐超豐富,個魚湯真係好濃郁超級鮮味, 一定要熱飲,凍左會有腥感。成隻手掌咁大既蜆係湯入面~$288一人生蠔拼盤呢個晚餐令我地好滿足,期待下一次黎又轉menu又有新野~超級壽司和食堂地址:牛頭角牛頭角道33號宏光樓8號地下電話號碼:27590393營業時間:星期一至日07:00 - 02:00

其實睇得出d貨系正同埋系好update日本seasonal嘅時間表 🥳🥳🤙🏻🤙🏻不過可能師傅真系差小小 浪費左d咁好ge食材🤢🤢服務比我想像中好呀 因為睇食評就話服務麻麻不過老闆同三個姨姨都好好服務呀 我地4個人都食左千五蚊 都算系貴 食左個雞泡魚肝蟹籽沙律🥗超級大份帶子群邊 一板海膽 Kinmetai刺身拼盤冷稻庭烏冬 TORO壽司拼盤串燒牛脷雞皮雞軟骨其實魚生系靚料系唔識運用🤢🤢好可惜

同事介紹我試下呢間超級壽司🍣咁岩行開九龍灣，所以就黎試下啦😄佢啲刺身睇落都幾新鮮，但因為堂食壽司會貴小小嘅關係，最後都係叫左個饅魚飯同海鮮烏冬再加個海膽卷，好想叫埋佢個花之戀壽司，六大舊$68真係幾抵，諗住下次去佐敦谷公園野餐買黎試下😀

原先見佢餐牌有燒銀雪魚骨$48落咗order 5分鐘有個阿姐走埋嚟佢話銀雪魚扒好食啲而且價錢爭小小梗係食銀雪魚扒啦，咁我話是但啦試吓啦，阿姐話要兩份啦你咁多人，我話唔使試吓先，點知埋單見到手掌咁大嘅銀雪魚扒$188！$188同$48叫爭少少錢？錢都唔係問題但係唔覺有咩特別😅食食吓仲走埋嚟話有啲新鮮魚可以做壽司俾我哋食，我話唔需要！講真你明碼實價就算貴我都心甘命抵！！！本人個人認為呢間野非常搵笨，絕無下次！

一直很想試試吃師傅發辦，奈何本人先生是個不愛魚... 所以去過日本好多遍都未試過。今晚從超級壽司和食堂訂外賣，就試一試這個$200都唔洗嘅師傅發辦！食材很新鮮，個人特別喜歡八爪魚和劍魚壽司。