起鍋 (已結業)

好耐冇去灣仔，原來近排開左間新既火鍋店！餐廳既裝飾好有東南亞既感覺，而餐廳亦有2、4、8人餐可以俾客人選擇！這裡的火鍋醬料是自助形式，種類也很多，而且還有泰式調味，如青檸、檸檬葉、金不換、泰式辣椒等，更有東南亞風味!2人餐包括有湯底、牛肉、豬肉、本地有機蔬菜拼盤、自製手包餃子、自製特色丸、水雲麵、凍豆腐、自家炸魚腐，而且還送五頭南非鮑魚和新鮮游水沙巴龍躉魚片呢!椰子花膠螺片雞湯，這個湯底味道非常鮮甜，內裡有椰子肉、大大片花膠、螺片和半隻雞。雞跟湯是分開上的，那就不怕雞肉會變老，雞肉口感嫩滑而且juicy!而湯的味道非常鮮甜，就像飲緊雞燉翅那種味道，令人不禁飲多兩碗才開始打邊爐!牛肉部位可以揀兩款，我們揀選了腩頭和牛頸脊。這裡的牛肉是騸牯牛，騸牯牛的味道會較平時食到的牛濃郁，而且脂肪分佈都很平均!腩頭的肉質較煙韌，味道香濃!而牛頸脊口感鬆軟，有入口即溶的感覺，而且再點上青檸汁、香茅、檸檬葉等泰式香料的醬汁，味道更突出，更惹味!牛舌，牛舌厚薄適中，味道濃郁，而且還有點juicy，十分美味!自家炸魚腐，上枱時剛剛炸起熱辣辣，即食味道咸香而且有點脆身，浸湯幾秒再食更吸收了湯的鮮味!西班牙黑毛豬

天氣凍凍地，係極佳打邊爐季節。雖然疫情關係少咗大班朋友火鍋聚餐，但係都無阻我呢一個火鍋控約埋知己去火鍋店「烚吓烚吓」。最近有網友介紹係灣仔駱克道新開左一間幾有特色既火鍋店，賣點之一係提供坊間火鍋店少有嘅「本地騸牯牛」，作為火鍋達人當然無懸念安排去試下。.位於灣仔市中心商業大廈2樓嘅ʟᴇᴛꜱ ᴘᴏᴛ雖然唔算太大，但係裝修別緻。無論裝修、所用鍋具碗碟器皿，應該都係精心挑選有滿滿既舊式老情懷。值得一提係餐廳最少提供左上二十款不同嘅火鍋調味料，調味區非常之壯觀。.火鍋二人餐 💲1280⭐4.2/5.🍲湯底想滋補一下所以挑選左🐔椰子花膠螺片雞湯底 。椰子湯底如想像中清甜，配埋花膠、螺片同瑤柱養生健康，而雞件肉質嫩滑。飲咗好唔少湯先正式開始打邊爐。其實套餐仲有其他高級湯底選擇，例如🦞水煮小龍蝦同用上騸牯牛 🐮胡椒蘿蔔牛腩筋，下次有機會可以試吓。.🥢食品🔸 本地騸牯牛 - 提供不同部位，今次試到池板、牛腩心同牛舌🔸本地有機蔬菜盤🔸手工餃子 (4隻)🔸特色丸子 (4粒)🔸西班牙黑毛豬🔸五頭南非鮑魚1隻🔸新鮮游水沙巴龍躉魚片🔸凍豆腐🔸自家炸魚腐🔸水雲麵1個.🐮作為牛魔王，打邊爐最睇重既絕對係要痛靚牛。餐

對於食牛有追求嘅牛魔王，一定要睇我今次嘅心水推介🤤一向好少火鍋店會令我覺得有驚喜，難得依間有令我眼前一亮嘅感覺，由湯底、配料以至醬料都係心機之作，好有誠意😳• 起至尊四人套餐 $1380打邊爐嘅重點當然唔少得牛肉，店家採用嘅騸牯牛喺香港非常罕見，全港每日就只有大約八隻供應，喺飼養過程之中，牛仔會喺大約1歲嘅時候進行閹割，激素減少下令脂肪比例更均勻！牛極拼中包括有吊龍、池板、腩頭、挽手、腩心、牛頸脊同牛舌，部位刁鑽，牛味比平時食到嘅更香更濃，而且食得出非常新鮮，每一款都好出色，當中我最鍾意挽手，亦即係牛前腿連心口位置嘅肉，油脂豐富甘香同時牛味兼具，口感又腍滑，如果要形容佢，我會話佢係牛肉界嘅拖羅，拍得住和牛冇誇張😚除咗牛肉，湯底固然係打邊爐嘅靈魂，胡椒蘿蔔牛筋腩湯底使用騸牯牛骨、牛筋腩、白蘿蔔等熬製，涮肉前先𢳂一碗，飲落清甜自然，帶有胡椒微辛，零味精好real！配料方面可選兩款餃子同兩款丸子，韭菜豬肉餃正常發揮，香葉肉碎餃融合泰式風情，香料味濃郁獨特。梅菜豬肉手工丸有家常風味，九層塔蝦丸帶清新感覺。另外仲有由本地農場供應嘅有機蔬菜，支持本土農業讚讚😌食到最後落埋Signature嘅水雲麵