走過十萬八千里找到你

营业中

休息中

首先想講掂左一個套餐，加$35，套餐包括餐湯多士同埋一杯嘢飲，個餐湯同多士我食完個意粉佢都未到。。。等咗成九個字，個餐湯出到嚟，果然冇出乎意料地難飲，得個鹹味，仲要佢所謂嘅多士係一塊麵包嘅10分之一份量，真係衰啲講句食大快活都好過食佢，老實講我對食物嘅要求從來都唔係特別高，但係咁嘅服務質素真係搞唔掂，仲要佢所謂嘅打卡地方，真係唔好俾太大期望，大家喺IG見到嗰啲只係人哋落咗唔知幾多filter嘅一張相，其實我都覺得個地方係有放過心機去佈置，但係食物質素同埋員工質素係真係差到冇人有，單憑呢兩點已經可以扣晒分，我第一次係OpenRice比評語，咁就俾咗你，真係希望如果有員工睇到呢篇食評好好咁處理下你哋嘅問題，本身用餐時間已經短，仲要用晒啲時間嚟等你哋整嘢食，15分鐘20分鐘其實都冇所謂，整個餐湯九個字會唔會過分咗少少，重點係你地用餐時間都好似係60-90分鐘，我一見到意粉嚟咗嗰一刻我就心諗一定唔會有第二次，因為呢個價根本就完全唔值！

走過十萬八千里找到你，餐廳名字夠特出，我覺得是形容另一半較多，當然都可以是友人、親人，不過今晚我還是選擇了男友陪食。整間餐廳用了乾花佈置，每一個角落都是藝術，就是地方細了點。🍴烏魚子意粉 $108台灣來的烏魚子炒至金黃香口，配同意粉同食帶點咸香惹味。加 $37 轉套餐🍴是日餐湯 + 多士餐湯軟滑香甜可口，多士實在太輕食了！🍴南瓜意大利飯配鵝肝 $138南瓜融入意大利飯煮出香甜粉糯，啖啖滋味，男友話鵝肝軟嫩好味。😋花園下細語

很普通，意粉味道很奇怪的酸味想要糖沒有，辣椒仔沒有....飲品種類5多，但都仲要話無...價錢合理，份量少～如果正係梨打卡影相都還ok......無推薦得咁值囉....

最近依間以乾花為主題既cafe非常hit! 相信係不同媒體都見到佢既蹤跡😋天花板吊滿各式各樣既乾花，非常靚🤩 建議日頭去，今次晚上去冇咩光映照落花花到，成個氛圍太暗，影落冇咁靚😂明太子燒蟹棒三文魚籽貓耳朵俾佢個貓耳朵意粉吸引到，煙煙韌韌幾好味，明太子咸香味十足，醬汁好足，略嫌有啲咸，三文魚籽加添了口感，配上岩鹽燒既蟹棒，唔錯。貓耳朵仲有另一款配搭，下次會想試👍🏻慢煮五十四度澳洲草飼和牛依個係需要提早預約的，原本以為係西式，原來係日式定食，食落有驚喜！和牛肉質鮮嫩可口，油脂分佈平均，好中意個種肥美既味道😍亦係我中意和牛多過其他牛扒既原因。定食配有日式蒸水蛋、涼拌小菜同白飯。推介！玫瑰抹茶淡淡玫瑰花香味，抹茶味夠香濃，唔會太苦反而覺得有少少甜，飲到最後都仲有茶粉，玫瑰同抹茶兩者冇互相掩蓋到。

🌾💐🌷走過十萬八千里找到你🌹🌺🌸🌻🌼《旺角》一間超級igable 嘅cafe 成個天花板怖滿乾花 播住周杰倫嘅歌 好浪漫🌹不過留意返 間cafe 好細 好逼岩打卡嘅位置唔多 窗邊位 如果你少人黎 仲有機會要搭枱！所以要影到靚相真係唔易 講返食物先 ： 明太子 岩鹽燒蟹棒🦀三文魚子 貓耳朵（$138） D汁幾好味 好creamy 好多明太子 😚我至愛 不過食到最尾有啲滯同埋個汁鹹咗啲有d重口味 之後要飲勁多水！ 三文魚班尼迪牛角包🥐做底 流心蛋 仲有大量沙律菜都幾好味 😋好包 呢間cafe 試一次打下卡就夠 因為性價比唔高同埋唔好坐 人超多 冇book 位唔洗諗！

走過十萬八千里找到你一間充滿花花的Cafe, 人流湧湧十分受歡迎。的而且確非常適合與好友閒聊打卡過一個下午💕🔸豐滿的早餐 $128🔸白酒鮮大蜆 $128🔸鮮莓醬香脆窩夫配雪糕 $78🔸黑糖紅豆香脆窩夫配抹茶雪糕 $88👍🏻豐滿的早餐顏色搭配鮮豔。有挪威三文魚，仲有黑松露炒蛋😍非常滑～真的好豐足！好滿足🥰👍🏻白酒鮮大蜆好好食😋不過唔小心食到粒辣椒🌶️辣到我噴火😂😂😂不過真係好食👍🏻👍🏻👍🏻兩款窩夫各有千秋🥰窩夫🧇做得香脆，而鮮莓個款卻酸酸甜甜。而黑糖紅豆卻甜甜的，配埋抹茶雪糕中和返味道 不錯😋另外咖啡都唔錯😙而我就點左杯凍朱古力🍫係採用Valrhona的朱古力，濃郁好喝😘而提子🍇梳打好似漸漸咁，又靚又清爽

近期密密見到身邊嘅靚女friend喺呢間充滿永生花嘅cafe打卡，細問之下原來遠在天邊、近在眼前，餐廳就位於潮特斜對面。揀選咗比較輕盈健康嘅A餐，上菜速度快，落單後10分鐘就有得食😋湯碗係柴犬造型，非常可愛😍是日餐湯係南瓜忌廉湯，入口帶濃郁奶油香，加咗南瓜更加香甜，creamy得嚟帶顆粒感。餐包係切片歐包，無多餘調味，反而能夠食到原材料嘅小麥香；口感煙韌帶嚼勁，不同於普通麵包嘅鬆軟空氣感，更有飽足感。一般日式沙律都會以胡麻醬調味，呢度改以沙律醋，酸甜兼備，比胡麻醬來得健康。煙鮭魚有三大片厚切，煙燻味香，伴入三文魚籽增添爆汁口感，同時令整體味道更鮮美；除新鮮沙律菜外，仲加咗無花果，廚師細心地刮去外皮，袪除草青味之餘入口更稔軟。充滿文青氣息嘅設計，加上定價相宜嘅美食，令餐廳長期高朋滿座，想嚟打卡記得要預先book位🤣

幾日前，朋友提議去呢間cafe到食。佢話呢間cafe好岩打卡，因為成間cafe佈滿好多唔同種類既乾花喺天花板上面💐🌷🌹🌺🌸🌼🌻 不過記得要來就要早啲book定位～同朋友叫左個地個lunch set~首先上左是日餐湯，係好濃郁嘅忌廉蘑菇湯之後就分別叫咗一個德國腸鮮茄扁意粉，同埋明太子忌廉扁意粉份量啱啱好，仲要好好味！最後叫埋兩杯凍嘅白桃紅茶同埋蜂蜜檸檬紅茶岩岩好～總結係，非常滿意下次一定會再帶多啲朋友過嚟

見到上網推介呢間花花cafe好似幾靚，我又鐘意花系，所以就訂左呢間餐廳食lunch主要都係因為環境先黎，訂座既時候都因為好多人要book到好後先黎到，而且仲有限時段，如果係想悠閒咁坐就應該難左少少，兩小時就要交枱，想傾計既就唔可以揀呢間。同埋去到係有少少失望既，網上d圖應該係調左好耐色，所以我都調左先放上黎食物就一般cafe味道，唔太特別，試過一次就算，仲叫左一份草莓窩夫，由於太趕要交枱都唔記得左影相，如果追求味道就唔推介呢間cafe啦

朋友介紹說有間佈滿乾花的新開咖啡店，訂了枱上來試試。咖啡店的主題很吸引，因此預約的人數比較多，座位很難訂到，建議提早一星期預約。我們訂了平日晚上來，在旺角與油麻地的中間位置，偏容易找到。餐廳晚上的燈飾比較暗，若想打卡，中午來會比較光，拍攝效果會更好。一進餐廳，滿滿的乾花在頭頂上叫了一杯拿鐵，杯子旁加了一朵小乾花😂點了香煎帶子配蜜糖芥末香草醬義大利飯，份糧多，帶子味道不錯，這個與傳統義大利飯的質感一樣偏硬身，很喜歡。若果喜歡軟身義大利飯的朋友建議選擇其他主食。聽說這裡的義大利麵- 貓耳朵很好吃，也點了一份。比想像中好吃！香濃的明太子醬加上三文魚籽💕十分推薦。我們另外點了黑松露薯條，薯條配上明太子醬也很好吃😋

旺角鬧市中的超美乾花打卡黃店，又平又大份整家餐廳都以乾花做佈置，天花板掛滿唔同種類、顏色嘅乾花女仔影相打卡一流👍🏻👍🏻👍🏻豐富的早餐大大份，2個女仔share 都食唔晒啊🙈整體份量都好多，有黑松露炒蛋、煙三文魚、煙肉、薯餅、德國腸、沙拉、牛角包、大啡菇和焗豆等炒蛋又滑又多蛋汁，配上黑松露醬的香氣大啡菇好juicy 好爽口!!明太子蟹肉棒三文魚子貓耳朵睇個名已經覺得好得意每一粒粉入邊都填滿了明太子同三文魚子啖啖都食到明太子味好多醬汁好creamy 粒粒三文魚子係口內爆開超有口感

同朋友一齊滿心期待地去尼間要預早book既打卡店食晚餐 點知....結論系：伏到無朋友！環境：嘈到阿媽都吾認得.. 隔幾張枱既笑聲都超應聲...仲有啲廚房聲...張張枱系度鬥大聲...吾大聲根本聽吾到同行朋友講野..寶寶，感到好頭痛！ 一入lift 對比大到齊心嘩一聲！夜晚去 環境超級暗 點打卡呢？啲花點影都吾多靚啵 啲燈打到咁 點影🥱食物：菠菜湯-個餐湯超咸..好似左食左鹽咁，個餐飽..吾好食 有啲酸😶😶青檸柚子單骨雞翼-7隻 尼個系唯一正常既食物😅蟹棒明太子貓耳朵-蟹棒一條🤓貓耳朵勁厚粉 🙄🙄溫泉蛋肉醬扁意粉-勁淡味...又勁多水..無咩特別🤥🤥黑松露薯條- excuse me！吾多覺有黑松露味。飲品：白桃紅茶- 一般啦特調花茶- 一包茶包 等左好耐 都無咩色既？飲落都好淡味啵 價值$71 🙄🙄🙄 out of expectation!CP值超低！仲有尼間舖啲員工系咁西面😶吾信邪 執意要去既話...一定！一定！要檢查單！！！隔離枱識人叫既野食會系我張單度出現😤😤咩料～！3個女仔去食竟然1個鐘就逃離現場😑😑極度失望！間舖超級需要檢討！絕對吾建議去～無下次！小妹第一次寫食評。請多多

📸️走過十萬八千里找到你近日係朋友口中提及過依間新的餐廳，主題係花，所以就約左朋友去試下依間店。之後openrice睇原來係收藏No.1，所以大家要訂座要早幾日一入到去環境比較暗，其他餐廳都係會好似咁暗，所以我個人都接受到；預約左8點半，等左一陣就入得去啦。我同朋友總共4位，叫左貓耳朵，香煎帶子芥末香草醬意大利飯，慢煮六十五度羊架及黑松露薯條，每人人均$210左右。基本上所有食都唔錯，原本我覺得意大利飯有少少硬，但聽我有煮開意大利飯款嘅朋友講，本身意大利飯應該係要咁嘅，即刻長知識，不過本身我覺得個飯係幾好食。係食飯過程大致上都滿意，中段都有見到如果客人想影相，Staff都會好樂意幫忙影相，我格離枱嘅客人都讚啲Staff影得幾好同好有耐心影務求客人滿意；除左影相部分Staff貼心之外，基本上嘅服務態度都好好。整體上覺得依間餐廳幾好，另外覺得晏就去同夜晚去嘅感覺應該會唔同，所以希望遲啲試下晏就再次幫襯

朋友話旺角開咗間用花做主題嘅餐廳。身為偽文青，點都要嚟影吓相扮吓氣質美人。提醒一下，大堂有三部，最入面嗰部一號係貨入唔到餐廳，要搭二 or 三號。我就係一開始入錯咗遊咗轉河。Book咗位2:30pm，成間餐廳其實幾細間，我數吓應該一次最多serve 30人左右。環境係幾靚嘅天花板全部都係花，女仔嚟到一定狂影相。室內比較暗，特別係窗邊位置背光，真係想嚟影相嘅朋友最好帶部影相功能好啲嘅電話嚟。而且窗邊位應該係預留俾4位以上有booking嘅客人，我係趁住無人先偷咗少少時間過去影相，影完無耐就有人入座。我估唔少人都係要趁有人入座前偷少少時間過去影相。另外，依間係黃店，店員都好後生，下面張相我只影到少少文宣，因有人响嗰邊食緊野就唔好搞到人。黃店加分 !!講完咁多廢話，終於到講食物。我哋兩個人要咗一個義粉(貓耳朵)同意飯，兩個都+$35轉做套餐(包一餐湯+多士+$40以下飲品)。最先嚟嘅係湯同多士。隻杯好得意，係貓造型，個餐湯都好好飲，雖然份量細咗啲，可接受。份多士就......唔係唔好食，不過得嗰6分1 方包size，我兩啖食完咗。之後上餐飲，我諗住餐廳主題係花，決定試吓個花茶。侍應話

員工一啲都吾專業，幾個𡃁妹成日企埋一堆同傾閒計。。好似玩咁，應該無training過求其請下啲人幫手，走過嚟問我地係咪追加一個飯，啲態度好mk：er ～⋯係咪加左個飯啊？然後 餐廳勁黑！細！花係影吾到嫁，啲燈好有問題，咁暗，又黃燈，無電咩？睇野又難睇，影相又難影，開閃光燈又吾係，吾開又暗到死，好似影緊啲雜草咁，我諗日頭去有自然光會好啲呱😄自己慢慢汁相啦⋯⋯細呢個問題係無一啲位置係安置比人等位，個個企哂lip口，地方已經細同逼，等候安排坐位都做吾好，塞住哂..又話比一個寧靜既地方又寫較靜音，完全吾係呢回事，逼+噪😅⋯⋯睇相仲以為係一個好寫意有返小小高級feel質素好舒服既餐廳。。食物好鹹。。好濃，呢方面可能各人口味不一樣吾會再去，浪費金錢，好彩book左位