走過十萬八千里找到你

营业中

休息中

朋友就快離開香港，所以約係呢間Cafe聚一聚🙈因為平日嘅關係，Cafe唔係好多人，大約有3-4枱客，所以感覺上relax啲🥰餐廳樓頂佈置咗唔少乾花，但想打卡就要坐喺窗邊位，我哋被安排坐得較入、又有膠板隔住，所以影相都唔係好夠光，鍾意打卡嘅朋友就要留意呢點😉我同朋友都叫咗素食早餐($98)，有沙律菜、黑松露炒蛋、車厘茄、大烤菇、牛角包同餐牌冇列出嘅薯角，份量比我想像中大，食完超飽肚😛因為我要遲少少到所以食物係朋友叫定先，但食嘅時候都仲係微微熱👍🏻牛角包好鬆軟，薯角唔係炸到好脆嗰種，但烤到表皮乾身又保留薯仔嘅口感，調味適中唔會太重手😋炒蛋夠嫩滑，仲有少少蛋汁，一啖牛角包一啖炒蛋就最正😎其他食物正常👌🏻嚟到Cafe當然要叫返杯Latte，朋友order咗幾特別嘅手工黑芝麻($56)、我就要咗玫瑰抹茶($56)，精緻拉花加埋擺盤賣相100分😍黑芝麻幾香，一放低已經聞到陣陣香味，朋友話好似芝麻糊嘅味道🤣抹茶味夠濃郁，加埋清新嘅玫瑰花，話咁快就飲曬，好想叫多杯其他味道嘅繼續飲🤪觀察吓其他客人嘅食物，見到意粉嘅份量相對地少好多，但睇得出係彈牙嘅貓耳朵，相信味道會唔錯，有興趣嘅朋友可以嚟試吓👍🏻

朋友和我慶祝生日，我們選了這間有名的花海打卡Cafe，但晚上的環境很黑，並不適合影靚相。黑松露薯條是即炸、熱騰騰的。配上香噴噴的黑松露醬，很適合黑松露迷。可惜醬不夠多，食到最後不夠沾。推薦指數: 3/5.「鵝肝南瓜意大利飯」是朋友選的，我不太吃南瓜，但這個飯煮的不重南瓜味。飯不會太硬，入口質感剛剛好，很飽肚。主角鵝肝很肥美，吃得出那種脂肪出油的感覺，配飯吃一點也不油膩。第一次見意大利飯會加秋葵，值得加分。推薦指數: 4/5.看食評上的熱門菜式有「明太子貓耳朵」，所以我都試一下。貓耳朵可以形容為厚版的貝殼粉，有點煙靭，更有口感。味道整體上不錯，但沒有什麼層次，配菜也很一般。與剛才的意大利飯比較，很普通，有些失望。推薦指數: 3/5.右: 冰蜂蜜檸檬茶朋友的，所以不作評論。.左: 熱鮮奶培茶平日多數飲鮮奶抹茶，培茶較少見。這個茶味香、重，沒有被鮮奶沖淡，沖得不錯。推薦指數:3/5.整體來說，價錢合理，會考慮再來，想再吃「鵝肝南意大利飯」和試其他菜式。但下次會來吃午餐，才適合影那些花。

俾佢個餐廳名同all day breakfast 吸引左。點知晚餐無All day breakfast，唔係all day 架咩🙈🙈落單先發現比錯餐牌🥲然後杯拿鐵阿華田仲差過茶餐廳凍華田亦係生平飲過最貴既凍華田🤣勁失望。旁邊既花原來要另外收費🙈同埋個環境好迫，以為坐梳化好舒服點知對正兩張梳化中的間仲要滴水勁辛苦。最後係野食，卡邦尼份量好少，龍蝦茄醬蝦墨魚意大利粉唔夾，不過隻蝦係幾好既。整體而言，對於呢間餐廳，係不可一不可再👎🏿

乾花花世界圍繞住花中乾花伴花茶重菌忌廉湯太子貓耳朵不過也不失世隱式氛圍享受著食物品味著花茶走過萬千鬧市休憩Edaciousness 5/10Cafe應該要飲咖啡吧

同兩個frds黎食生日飯叫咗明太子蟹肉魚子貓耳朵、帶子青醬燉飯(錯名但大概係呢啲)、黑松露醬薯條都好好食唯獨一坐低趁壽星未嚟向一個男staff pre-order定甜品寫生日字同名 可能staff之間缺乏溝通最後有另外一個女staff當住我同我啲朋友面問 個甜品上得未 (我啲frd明明冇叫甜品)秒出崩多謝晒😂以後同frd慶祝生日如果要整甜品surprise會去其他餐廳😂😂😂🤦🏻‍♀️不過個玉桂蘋果窩夫配培茶雪糕真係好好好食

前排朋友仔請食生日飯黎到呢間打卡一流既叫左個卡邦尼意粉加水牛雞翼再加左個薯條再加左兩杯梳打兩人食就夠哂不過價錢就正常 未去到好扺食因為份量都未知好多 對於比較大食既朋友就要再叫多d野食啦不過打卡都值既😜

前幾日去呢幢大廈見到有好多新嘅餐廳都未試過，都好想逐間逐間試吓，今次就去咗食西餐，見呢間Cafe嘅環境好似幾特別，以好多乾花對齊為主，我諗幾適合閨蜜、情侶來打卡影相。講返食物質素先，今次點左煎魚柳、牛扒、意粉、甜品窩夫。三個人食都夠食，因為佢哋兩款主菜都有另外配飯。牛扒我個人覺得太過生，而且送到黎嘅時候只係微微戀戀地，唔夠熱，於是我哋又叫店員幫我哋返熱，煎魚柳味道都可以，不過有好多骨所以要自己小心啲食，味道OK，意粉嘅份量唔太多，但係都係感覺食物唔夠熱，都係微微暖暖地，最後甜品略嫌佢蘋果味道太過甜，整體感覺三個人食咗千幾蚊左右屬於OK，但性價比真係唔係特別高。

今天與好姊妹相約外出敘舊，並一同享用個下午茶餐，而女生們的聚會自然是要選擇環境精緻優美的餐廳，以便可以拍照打卡，因而是次好友便帶我來到旺角這間高質的咖啡店。餐廳裝潢以木材為主，並用上倒吊的乾花作為整店佈置，其種類繁多且繽紛多彩的色澤，讓人感到愉悅，再配搭上發光月球的裝飾，整體環境絕對是少女心十足。香草鮮奶 油藍青口 薯條大廚使用鐵平底鑊盛載食材，令菜餚賣相更顯型格。菜式的青口和薯條各佔一半，青口用上香草鮮奶、青蔥粒、洋蔥粒作調味，食用時新鮮香甜，入味濃郁，肉厚滑溜。薯條使用高溫炸製而成，外觀寬粗金黃，入口薯味甚濃，香脆內嫩。白酒活大蜆扁意粉意粉放置於石形碟子之中，並用心地把大蜆圍邊擺盤裝飾，可見是甚具心思。中間的意粉用上蒜蓉、青蔥調味，口感製作軟硬適中，柔韌順滑，並帶有陣陣白酒清香。而大蜆肉質新鮮無沙，滑溜鮮美，清甜香嫩。香脆窩夫窩夫用上多種配料製作而成，其頂層加入了日本手工焙茶冰淇淋、香蕉，並再灑上朱古力粒粒、朱古力醬作為調味，令整體味道層次甚是豐富。窩夫外層酥脆香口，內裏則煙韌香濃，而且每口皆伴隨着朱古力的香甜濃郁氣味。而來自日本手工焙茶的冰淇淋入口即化，香甜絲滑，且富有茶味的濃醇

星期六晚6點鐘2位準時入座🥳可能因為時間尚早唔係太多人環境清靜坐得舒服👍🏻不過我坐比較角落嘅位周圍唔多花要某啲角度影先打到卡🙈如果想打卡嘅可能訂位要同定餐廳講安排返中間位📷今次我同朋友叫咗一個2人套餐有餐湯、2個小食、2份主食、飲品、甜品開頭以為會食得哂所以先叫套餐點知真係睇小咗佢啲份量😨餐湯係蘑菇湯冇諗過個湯係咁好飲！😋勁多蘑菇碎 同埋質感好creamy 係「傑傑地」一飲就知唔係罐頭🤩餐湯仲有跟2個餐包嘅然後小食叫咗黑松露薯條+龍蝦沙律小法包黑松露薯條個人覺得唔算好出色就咁食薯條冇味 而個黑松露醬唔算好重黑松露味😕龍蝦包得2小舊 味道可以的 不過不失👌🏻主食 叫咗最出名嘅明太子貓耳朵+蜜糖芥末risotto 如果唔鐘意食芝士 千其唔好叫呢款risotto佢個menu冇寫有 但一上就勁大陣芝士味結果我只係勉強食咗小小😢明太子貓耳朵係好食！👍🏻有勁多蟹籽同三文魚籽😚飲品就叫咗荔枝紅茶開頭以為佢係用果汁溝嘅果茶但飲落一啲都唔甜 同埋真係幾有荔枝香幾啱解濟😝最後甜品食培茶同抹茶雪糕個人覺得培茶比較冇咁甜同重茶味啲！

第一次同朋友去食晚飯， 又貴又重味精， 我見入面煮湯個後生仔， 可以超過20 分鐘都唔帶口罩煮湯， 不停試湯， 飲d d 隻匙羹入面d 湯又倒返落去。 係個黑松露薯條同個玫瑰抹茶真的可以， 其他意大利飯，牛扒配燒汁係超咸，但牛扒本身都還可以既，不過真係感覺到超重味精， 口渴到不停起身飲水。 現在早上6點31 分就要起身飲足一杯水，仍然覺得口渴。 本身我覺得入面裝修都好舒適， 但現在試完一次應該唔會再有第2次， 希望可以改善一下就好.

🍴輕明太子 檸香 扁意粉 HKD 88呢個意粉雖然係輕食size 但明太子份量就一啲都唔孤寒😂撈完都係啖啖都食到❗️cream得黎又唔會好膩 而且唔會好鹹🙈🍴龍蝦沙律 牛角包 班尼迪蛋 HKD 88龍蝦沙律又係冇得輸既組合😛食到有龍蝦肉 而且肉既份量一樣都係唔少架🥳 班尼迪蛋蛋汁好香 而且半熟岩岩好！有流心效果～🤤但因為有沙律醬又有蛋汁關系 個牛角包就比較淋🥐不過都唔影響整體味道😆好食😗🍴紅寶石巧力草莓鮮奶 HKD 68限量供應✨ 其實就係士多啤梨奶🍓🥛因為要keep住個質素係做到每杯一樣甜度 所以冇得少冰😌底部有士多啤梨肉👍🏻 但💩就覺得奶味較重 反而可以再甜啲🙈🍴Cappuccino HKD 42靚拉花加分🤍味道正常 咖啡濃味足夠☕️奶泡都夠滑 但cappuccino黎講奶泡再多啲就更好了😛

諗住同朋友慶祝生日。網上見到個環境唔差已經滿心歡喜可以諗住打卡。點知真係比佢啲相呃咗。首先我哋搭𨋢上到去10樓先發現係後門，只供送貨嘅人用，門口有張人手寫嘅紙話要搭2、3號𨋢。搞到又要落返去再等過，真係唔好彩，3號𨋢維修，啫係得一部可以搭到去正門入去，全場眼望得5、6張枱。因為book左位，有得坐sofa位。因為朋友生日所以買左個蛋糕諗住上去食，事先都知係有額外切餅費，一坐低就問係咪可以雪住個蛋糕先，但因為話要相同立場先可以係現場雪/切個蛋糕，店員要確定間蛋糕立場先，咁我因為都唔肯定個立場咁所以等待店員肯定左先，過左大概1分鐘後佢行過黎講間野應該係藍所以唔可以係現場食或者雪。我明白所以都冇咩所謂。但過左大概5分鐘，佢先再行過黎講話唔好意思，同事記錯左，依間蛋糕係中立冇表明立場，場面少尷尬。落單時服務員態度差（另一位服務員），因為隔離枱嗌得貴過我哋，因為反而冇咁態度差。Menu選擇唔多意粉都係得大概10款，點左3款，每碟$138-$128得一款係最好食，但個份量真係唔值依個價，女仔食都覺得唔太飽，仲嗌埋雞翼同薯條。朋友嗌左個淹沒（抹茶紅豆）但啲紅豆一入口係酸嘅唔肯定係壞左定係佢嘅特色啦。

早有聽聞呢間黃店嘅存在，但個名尷尬到我好唔想去試。今日返工食lunch行到太熱，可能撞邪啦竟然上咗去試，呢個故事教訓我哋，有時真係相信自己直覺比較好：1. 明太子貓耳朵（$138）汁係夠味嘅，但貓耳朵真係完全failed，唔知係自家製定入貨差，明顯粉味好重，咬落去係煮過頭嘅厚餃子皮感覺，加埋嗰幾粒魚子同一條急凍蟹柳（相係食咗兩啖意粉嘅樣，但餸係冇食過嘅），$138真係好過份。2. 煙三文魚手捲粉（$108）話賣哂手捲粉，轉咗扁意粉，質地普通料，煙三文魚全熟碎上，成碟嘢真係冇咩重點，感覺係食緊蕃茄醬。自問對食唔係好高要求，euro gogo會好味啲。你以為食物唔得環境搭夠？sorry，花藝呢回事唔係就咁吊哂啲花上去就係靚，嘩眾取寵到一個極致。題外話：邊食邊睇返openrice 啲評論，諗住睇吓有冇同路人，點知最大嘅批評竟然只係得服務態度唔好，平心而論我又唔覺得有好大問題，只係一路坐一路聽到個疑似老細嘅人邊入數邊唱歌囉。

在openrice搜尋打卡餐廳跟閨密聚會，再網上找資料，最後決定挑選這餐廳。店內以天花吊起不同的乾花，窗口位有稻草，朋友看到照片都說想不到閙市中有如此美麗的打卡餐廳重點是打卡，所以一定要確保預約一個有利拍照的位置預約及拍照注意事項1️⃣窗口位 ： 以WhatsApp 訂位時，職員回覆時列出注意事項。請不要被“我們暫時不設劃位 ”誤導，因為有朋友誤以為不可以訂窗口位。其實是可以的。我要求窗口位，意外驚喜，最後坐了以下窗口位中之最佳位置，是窗口位近最入的卡座 （不是靠牆的4人座位）兩隻柴犬碗是餐湯，很可愛，打卡一流。這位置可以避開黑板拍攝，感覺開揚多。另一邊，沒有窗的位置，很黑。店舖空間不大，沒窗那邊，枱與枱距離比較近，拍照時難免影到其他人。2️⃣必須日間 ： 我們預約時只有3點後，拍照效果都可以，在窗口位有充足陽光。但接近黃昏時，光線不足，加上店內燈光較昏暗，照片都是漆黑一片。我朋友晚上光顧，很失望，跟我的照片相差很遠，乾花拍出來都是黑黑的。3️⃣用濾鏡 🤣：其實網上照片比親眼看的美，乾花實際看比較陰沉，必須要用濾鏡4️⃣一定要預約，大部份walk-in 應該都沒機會有位食物質素整體不錯，我們點了兩個套

用乾花裝飾的天花板，以紙花點綴的木製欄杆，木桌上的蠟燭和淡淡香薰，整個cafe的氣氛使人一步入就愛上。°玫瑰鮮奶抹茶一上桌，未飲已經感到滿足。杯旁的一小束乾花，加上杯面隨意散落的玫瑰花瓣，所有元素配搭起來非常賞心悅目。°黑糖•十勝紅豆•日本宇治抹茶冰淇淋窩夫後悔沒有加麻糬，不過可以嘗試到脆脆的窩夫，配上黑糖紅豆雪糕，適度的甜味令人一試愛上，心情亦變得愉快。°法式鮮茄醬•煙鮭魚•菠菜•手卷意粉手卷意粉幾特別，加上濃濃的蕃茄味，微微的酸味使人忍不住一口接着一口。若然將來與朋友在下午無聊之際，上來這cafe，點一杯飲料，享受這個悠閒的地方，也不失為一個好選擇。