走過十萬八千里找到你

营业中

休息中

☆ 走過十萬八千里找到你旺角彌敦道575號Ladder Dundas10樓一直都覺得呢間野個名幾有feel，不過上網成日見到好多人鬧呢到d職員態度差之類，所以未敢去，咁岩有日出開旺角又唔知食咩，就抱住打大佬嘅心態試一試。✦ 豐滿的早餐第一樣要讚嘅係個牛角包，我用叉吉落去嘅時候已經好滿意，好酥脆，食落都好好味，然後炒蛋好滑溜，沙律菜好新鮮，整體成個ADB都好好(*¯︶¯*)✦ 自家製龍蝦鮮茄醬·活海蝦·墨魚意粉意粉質地軟硬適中，每一條都掛到汁，醬汁調味都好好，食得幾開胃，而且份量剛剛好，海蝦又夠彈牙，好食！✦ 鮮奶焙茶(凍)我真係好鍾意飲hojicha latte，呢到都整得好好飲，hojicha味都好出，無苦澀味。✦ 手工黑芝麻呢杯又幾好飲喎，好濃嘅黑芝麻味，有d似食緊芝麻湖，但係就稀身嘅，幾得意。食完之後我又無好似網上講個d比店員無禮貌對待，或者d野好難食之類，可能真係個別例子啦，但我第一身感受就覺得不錯，環境都幾舒服tim嘅。

呢間Cafe好出名，次次都想來食但係每一次都好多人今次難得晏晝經過又冇乜人，即刻入嚟試吓！今次我就嗌咗明太子貓耳朵同埋抹茶拿鐵☕️明太子貓耳朵：其實幾好味，但係對我來講個汁偏膩，食到一半左右已經覺得好飽上面有啲三文魚子同埋一條蟹棒，如果可以有多啲料會更加好抹茶拿鐵：今次加咗CBD，店員話會有啲橙味，同埋會有寧神嘅功效。但其實我都飲唔出有咩分別😆 杯咖啡味道就正常水準啦！整體來講我覺得中規中矩~ 冇特別感到驚喜

本身係去同一座大廈入面另一間餐廳，但無位所以求其去左呢間🥲餐廳佈置用乾花做主打，但燈光好昏暗，望落無舒適的感覺，浪費左😟 而且餐廳抽氣系統好差，好勁油煙🙊 🌾香草忌廉汁藍青口配薯條 $108😋😋青口無鮮味，淨係食到咸味，仲要幾咸下薯條無落鹽，好淡，仲要浸係d忌廉汁度淋曬🌚🌾煙三文魚沙律 $78😋😋😋😋d三文魚望落唔太新鮮但食落ok有機沙律菜幾新鮮，配和風沙律汁，酸酸地幾開胃，仲有d三文魚子添😊🌾明太子鹽燒蟹棒鮭魚籽貓耳朵 $138😋😋味道上洋葱味重過明太子味，呢個似忌廉洋蔥汁多d😅d貓耳朵粉感好重🙈🌾日式炸魷魚圈 $58😋😋😋炸得過窿，炸粉過厚🌾温泉蛋卡邦尼焙根扁意粉 $108😋😋一上枱已經聞到好重芝士味🧀食得出係冇加忌廉，真正用雞蛋同巴馬臣芝士煮既汁👍🏻煙肉係用左豬臉肉做，咸香得來又嫩滑！可惜煮得太杰同太濃，食左2啖已經頂唔順🙈🌾Valrhona摩卡 $56😋😋😋😋我好中意呢個牌子的朱古力，用佢沖的mocha都好香好好飲😊店主對咖啡有一種堅持，就係唔會供應糖🤔🌾玫瑰抹茶拿鐵 $56😋😋打卡ok，抹茶同玫瑰味都ok，但太甜🌚整體黎講: 千祈唔到走十萬八千里黎食🤣

今日同朋友去左間以乾花做主題既cafe, 位置方便，而且好多打卡位，同朋友食飯吹水感覺環境同氣氛都好唔錯👍🏻我地食晚餐，一早book 左枱，閒日唔算多人，1.5用餐時間，有設最低消費$160～餐廳唔算好大，大約有8/9張枱到，不過環境比較暗，影相都可能要自己打燈啦😂今次叫左:明太子貓耳朵（$128)素食既黑松露蘑菇Risotto($118)抺茶拿鐵 （$56）芝麻拿鐵 （$56）明太子貓耳朵呢個意粉份量正常，面質好Q,口感同味道都夾👍🏻Risotto 黑松露味好突出，不過比較喊同有啲膩～呢都算係正常水平既cafe，意粉款式都算多，不過小食/主食款式都算少～環境：7/10食物：7/10推介度：⭐️⭐️⭐️（滿分5星）

走過十萬八千里找到你👫🏻有時食嘢，除左食味道，仲會食個氛圍，同埋個餐廳名🤣呢間餐廳名就夠吸引喇，餐廳環境裝飾都唔錯🌸💐仲要係良心小店添💛點都值得介紹下掛————————————————🥇自家製龍蝦鮮茄。活海蝦。墨魚意粉（$128）👍🏻 食蝦最怕剝殼，呢個開好晒殼嘅就非常方便食用喇，墨魚意粉軟硬適中，加左$45轉套餐，包餐湯、多士同一杯$55以下飲品🥈黑芝麻。鮮奶拿鐵（$56）👌🏻 配合返墨魚意粉黑色主題，叫左黑芝麻Latte! 黑芝麻味非常濃，拉花都好精緻，尾韻帶有輕微咖啡味，似飲黑芝麻豆漿多過咖啡☕️🥉溫泉蛋。香辣肉醬。薯粒（$58）👌🏻 驚唔飽叫多左個薯粒諗住塞飽自己，配上香辣肉醬幾惹味，但就有少少蓋過蛋味———————————————💡 真係走過十萬八千里先找到你ga👫🏻📍走過十萬八千里找到你：旺角彌敦道575號Ladder Dundas10樓

與久未見面的姊妹們飯聚，想找有心的小店。經朋友推介後就book咗呢間名字有趣的餐廳。這名字，我想如果只是行街路過樓下，應不會選這店吧 XD (Walkin 應該也很難，因booking其實本身已很full, 也要限時交枱) 店內都由不同的乾花佈置，很少女味，很適合打卡。時間所限，也由於懶得用腦，就選擇了一個二人餐。二人餐本身的主菜選擇已不少，加上亦可隨意在main menu 作任意選意粉/意大利燉，整體感覺很開心。每樣菜式的擺盤都很精緻有心，飲品配上小巧的薰衣草一紥，讓我的毛公仔也可以抱著打卡。不要以為是小店，食物水準就很一般。各項菜式都十分美味可口，份量也很適中。最後因為嘴饞，後加了一客意大利雲吞。搞到最後點甜品時，離交枱時間只剩十分鐘。店主也很體貼，知道我們的顧慮，通融多半小時才交枱，才能輕輕鬆鬆的完成晚餐。可能由於我們坐在角落頭位置，聊天時也很舒適方便，未覺環境太嘈吵。但若坐在店中央的話，小店的立體聲應該會有點嘈吵的感覺。

好鐘意有花既餐廳，而家呢間係旺角，好就腳。所以預約同朋友打卡，食午飯。大家記得啦! 如果你地既目的主要係打卡，真係一定要日間黎呀，因為夜晚真係太黑了。我係以WhatsApp 預約的，佢地會好清楚係WhatsApp 講一切注意事項我特別要求要座window  seat , 因為先夠光影相，去到就唔俾調位架! 帶子刺身意大利燉兩粒大大粒北海道帶子，外面煎香左，但裏面少少生。我好鐘意呢個煮法。意大利飯軟硬適中湯碗係柴犬造型，好可愛呀! 又係打卡之選

呢間餐廳都hit左好一段日子，出名係天花上面有好多乾花可以打卡。佢lunch book位係得2個時段；12點同2點。好好彩我哋冇book位都直接有位可以入😜豐滿的早餐 $128都係試佢個all day breakfast~ 炒蛋上面加左啲黑松露醬，有啲驚喜😆其他都唔錯嘅，感覺佢會比較balance，唔會好多都係澱粉質填飽你個胃咁。可能因為坐嗰個位係最入，加左黑色格版，成個感覺好黑好暗，而且餐廳燈光都比較弱，食嗰時唔係好feel到係下午，食到有啲眼瞓😂

在OpenRice search 旺角附件餐廳，見到呢間嘅店名好特別，同埋睇相個環境唔錯，可以打卡。我哋叫咗個2人餐，開頭以為係西式，所以叫多個明太子貓耳朵，上菜先發現原來好似日式定食配埋飯。野食嘅味係幾好的。呢個貓耳朵軟硬度對我來講岩岩好，有少少「趙」口。野飲都唔錯，呢個玫瑰抹茶latte, 幾香抹茶味。另外個野飲叫左花茶係無限添水的。最後食埋個跟餐甜品，我加錢配窝夫，個抺茶雪糕好夠濃。正啊。係價錢有少貴，食物質素唔錯的。

星期六同男朋友去完果欄睇過大禮既果籃，想搵間coffee shop坐低慢慢傾，於是去左呢間走過十萬八千里找到你。呢到有WiFi提供，方便我地上網搵資料。去到已經係四點半，餐廳只有提供小食、窩夫同飲品，其它都賣晒啦。相信好多人都係為左花花天花板而黎。我地叫左自家製鮮草莓醬·鮮雜莓·日本手工焙茶冰淇淋香脆窩夫同巨峰提子梳打。自家製鮮草莓醬·鮮雜莓·日本手工焙茶冰淇淋香脆窩夫賣相幾靚，焙茶雪糕焙茶味幾出，口感軟滑，雜莓真係幾新鮮，個醬都好食，窩夫又真係香脆，美味可口。巨峰提子梳打顏色幾靚，但定價進取，我覺得有啲太甜。

今日五點嚟到呢間好長嘅店名““走過十萬八千里找到你”入到嚟原來好細間，五點入座，六點轉晚餐，冇問題，我哋都係志在打卡有一part係特別靚嘅　呢個時間入座，原來係員工休息時間，所以我哋都唔太大聲講嘢菠蘿柚子梳打$58白桃梳打$48兩杯飲品嚟到嘅時候係用木托盤盤上束小花可以買$38兩杯飲品都好清新，這樣擺設，影相好靚柚香青檸雞翼$48雞翼其實唔多，因為一隻分開兩邊，其實實質係四隻左右，但味道唔錯的日式章魚燒薯條$68薯條上面鋪滿章魚燒嘅醬汁、木魚、紫菜碎味道可以香蕉窩夫$85窩夫面鋪上香蕉、朱古力醬、烘茶味雪糕，窩夫熱辣辣幾好食呢間確實打卡唔錯，不過就真係好細間，食物唔錯，服務都好好

呢間樓上cafe以乾花裝飾為主題，餐廳裝飾係大量乾花下，食餐飯都特別有情調。餐廳有最低消費，諗住share食物嘅朋友仔要留意呀。是日餐湯係磨菇湯， 以狗仔碗盛上熱湯，好得意。磨菇湯味道香濃，有好多蘑菇粒粒，幾好飲。黑松露薯條份量足夠， 炸得香脆，唔錯。飲品各有特色，我飲嘅係巨峰梳打， 比較普通。抹茶latte 就比較香濃。柚子青檸雞翼，外脆肉滑， 唔會炸得太乾，仲可保持雞肉肉汁， 加上柚子蜜糖，雞翼甜甜的，好開胃。明太子貓耳朵。 貓耳朵原來係係貝殼粉，鮭魚籽精瑩，加上蟹棒， 好足料。 特別鍾意呢個醬汁，好creamy，好滑， 每粒貓耳朵都好掛汁。意大利燉，就揀左咗北海道帶子， 帶子大粒有咬口， 但燉飯太濕，食唔到飯嘅質感， 而且醬汁冇乜特別。甜品窩夫， 無驚喜，唔特別，可以不試。

一直都想去這家餐廳充滿花的餐廳很適合去打卡 在一片花海下用餐很浪漫但記得要提前預訂梳化位置頭頂上都是花拍出來的照片也比較好看明太子鹽燒蟹柳鮭魚子貓耳朵 $138形狀可愛 口感煙韌 醬汁很creamy 有濃濃明太子味蟹柳灸燒過好吃 但只有一條豐滿的早餐 $128真得很豐富哈哈黑松露炒蛋 香腸 焙根 煙鮭魚 大啡菇 車厘茄 沙拉 烤薯 茄汁豆 牛角包一個女生吃不完 份量足夠兩個人吃柚香青檸雞翅 $48單骨雞翅的做法很細心有柚子和青檸的味道 酸酸甜甜挺好吃紅寶石巧克力草莓鮮奶 $68有玫瑰花瓣點綴  滿足少女心 味道不會太甜 除了相機吃自己也能吃柚香菠蘿檸檬梳打 $58一般梳打飲料都不會難喝這杯不會太甜 清爽解膩餐廳座位不多 常常爆滿一定要記得提前預訂喔 ～～～

果日星期日晏就去，唔算好多人，所以唔洗等位 ～不過覺得擺滿乾花係天花板，覺得環境有啲暗，可能成個光啲會好啲 ～打卡影相靚啲叫左個黑醋鵝肝南瓜燴飯 同埋北海道海膽意粉 個 risotto真係超好食，一黎到未食已經覺得好正 ！因為唔食得海鮮，所以海膽意粉就係朋友食嘅，因為朋友平啲都好怕食到啲腥嘅海膽，但佢話呢個完全無呢個感覺 好新鮮 ，撈埋意粉真係好食 ～！員工都好好，好有禮貌

【走過十萬八千里找到你】失望risotto🤢話說一直想食佢好耐，之前都去過幾次，但逢週末時間去都座無虛席，所以一直未有機會食到。今日平日無乜人就終於比我食到啦，但岀乎意料地令我大失所望😔 除咗價值貴，食物質素都一般，雖然環境唔錯，但性價比低，唔明點解佢岀名到我之前去過幾次都full booking咁誇張。講反食物先，我地食lunch set +$45就會有埋餐湯🫕 餐包同一杯 $55內既野飲個湯係蘑菇湯，湯底好濃郁，而且有好多蘑菇係入面，配埋個餐包又soft，兩者味道都唔錯，令我對佢之後既主食好高expectation可惜事與願違，主食先係個敗筆位🤧北海道刺身帶子•蜜糖芥茉香草醬意大利飯 💰$138一上到枱已經唔對路，我fd覺得乜野味咁臭，係到索緊來源，後面先周到係個飯😂 而且個飯係綠色，個賣相一pat再加陣味都相當唔開胃🤢 好彩一食落去冇想像中咁難食😂 味道都算正路嘅，帶子都大大粒，但唔知點解蜜糖芥茉溝出嚟有陣酸味😂 大家可以試想一下食一個酸味仲要臭臭地嘅燉飯係咩感覺😂🤣 Overall 味道唔算話好差既，但震撼到我哋嘅嗅覺同埋視覺😂🤣 如果接受到嘅勇士可以去trytry💯明太子•