赤

营业中

休息中

午市套餐，牛肉壽喜燒，湯底好濃，牛肉好軟滑，配菜有紹菜、金菇、白蘿蔔、紅蘿蔔、洋蔥等等，吸收晒壽喜燒汁嘅味道，好入味。太好味，用嚟送飯，食一碗白飯都唔夠。套餐配嘅飯，並唔係白飯，上面加咗紫菜、芝麻飯素，好好味。套餐仲包含蒸蛋，非常香滑。午餐仲有馬糞海膽吞拿魚蓉丼飯，海膽好鮮甜，吞拿魚蓉配合蔥花，好新鮮，好好味。每份套餐仲有一碗蒸水蛋，好香滑，有上湯嘅味道。一夜干燒黃花魚，做到外脆內軟，熱辣辣，魚肉好Juicy、好新鮮。呢度串燒好出名，我哋揀咗牛舌芯串燒、豚肉秋葵卷串燒、雞翼串燒、雞軟骨串燒、豆腐串燒、鰻魚串燒。好鍾意餐廳係一串一串咁燒烤，燒完即刻上枱，非常新鮮熱辣，食完一串，再上一串，唔會因為食得慢，而凍咗。

離遠就見到$39一杯大啤酒🍻所以吸引咗入嚟😌😍原來呢間餐廳係主打串燒 同埋各類型嘅日本正宗料理😙😙雞肉方面 我哋鍾意食日本薩摩赤雞雞皮，塊皮燒得好脆 完全冇油膩嘅感覺🐣仲有汁燒日本長崎雞頸肉 好有口感仲可以自己加埋啲胡椒 令到雞肉更加惹味🐤自家製免治難肉棒 係我哋每次去居酒屋必食隻蛋真係好正剩低嘅汁仲可以點埋其他串燒😉😉柚子胡椒雞肉汁燒大蔥雞肉🐷豬肉方面，叫左大蔥豬腩、荔枝豚肉卷，荔枝好爽甜🐽芝士年糕有軟腍腍嘅感覺，每次食都覺得好滋味白鱔芝麻雞翼總共有三隻 仲有啲沙律醬掂燒青魚🥘櫻花蝦鰹魚湯泡飯暖笠笠 鰹魚湯鹹鹹地 同啲飯好匹配 我哋仲嗌咗天河蝦 撈埋一齊嚟食🤣

銅鑼灣百德新街轉角就見到有唔同款式嘅串燒 啤酒 刺身環境企理有梳化坐 都幾舒服呢度有雞嘅唔同部份，夠特別日本薩摩赤雞雞皮燒得外脆內軟 幾正汁燒日本長崎雞頸肉、自家製免治難肉棒都係必食大蔥豬腩 燒到冇乜肥膩，咁但係又好軟身 柚子胡椒雞肉汁燒大蔥雞肉芝士年糕係最鍾意食嘅 你可以話佢係甜品 但係其實又有啲鹹鹹地 入邊軟身嘅白鱔芝麻雞翼炸天河蝦配啤酒就一流燒青魚都好正宗 櫻花蝦鰹魚湯泡飯 食完一系列嘅串燒，最好就係食返啲濕濕地嘅嘢個湯同埋飯係分開嘅自己入去滋味

「赤」是一家位於銅鑼灣百德新街新張不久既居酒屋，門面木系設計甚有日式風味，內裏裝潢休閒，牆上放滿多款清酒樽，午市主要食定食套餐，方便上班一族，晚市就會做居酒屋，主打各款串燒、日式小食、刺身等等應有盡有，當然唔少得可以飲吓清酒，放咗工可以嚟輕鬆一下👍▪️馬糞海膽吞拿魚蓉丼 $ 178午市套餐（椰菜絲沙律、茶碗蒸、漬物、麵豉湯）相當抵食，丼飯份量大，而且馬糞海膽吞拿魚蓉質素亦相當高，海膽細細粒但好清甜，吞拿魚蓉入口肥美，配上香蔥和芝麻常美味，而且會有清新嘅椰絲沙律可以無限Refill ，茶碗蒸伴入香菇，香滑充滿蛋香，食飽飽飲返一碗熱辣辣嘅麵豉湯，非常豐盛嘅午餐▪️唐揚日本薩摩赤雞皮 $ 78餐廳必食推介，一上枱份量嚇死人，超級慷慨好大塊，日本雞皮即叫即炸，香脆得黎帶一點點脂肪，充滿鹽香，亦可沾上沙律醬增添風味，做小食或者送走一流▪️手羽先 $ 38香濃雞香雞油味，外皮香脆，雞肉嫩滑，燒得好有功架，只用鹽調味，就是美味▪️大蔥豬腩 $ 38豬腩半肥瘦，油香四射，肉質爽口又彈牙，配上濃濃香味嘅大蔥，高質素▪️燒牛油粟米 $ 38粟米外層焦香，味道清甜，加上最佳拍檔牛油，香味滿瀉

今日我同男朋友去咗銅鑼灣海旁一間日式餐廳，聽講國慶節期間都有set lunch，而且價錢唔貴，每個set lunch大約一百零蚊，真係好抵食！我哋行完山，肚子餓得很，所以決定叫三個餐！一入去餐廳，就已經感受到日本風格嘅舒適氛圍，裝潢簡潔又有格調，服務員都好有禮貌，佢哋嘅set lunch包括任食椰菜絲、茶碗蒸、麵豉湯，仲有一款主食！首先，我哋叫咗一個角切魚生丼，裡面有甜蛋、吞拿魚、三文魚同油甘魚，魚生份量十足，色彩繽紛！魚生新鮮，特別係三文魚，肉質滑嫩，搭配上甜蛋，味道更加出色。另外一個餐係豚肉關東煮，豚肉煮得非常入味，肉質軟嫩，湯底清淡又有香氣，裡面仲有些椰菜，洋蔥，同白蘿蔔，吸收咗湯汁嘅味道，食落去好舒服。至於我哋第三個餐就係吉列豬扒配凍烏冬，吉列豬扒外脆內嫩，豬肉嘅味道非常香，搭配住特製嘅醬汁，真係好正！凍烏冬就滑順可口，配上清爽的蔥花，鵪鶉蛋，食落去唔會覺得膩。然後，任食嘅椰菜絲同茶碗蒸都係唔可忽視。椰菜絲新鮮爽口，有柚子醋或者胡麻醬你揀，食落去好開胃。而茶碗蒸則滑嫩無比，裡面仲有一D菇，味道鮮美，真係好舒服！仲有，麵豉湯嘅味道亦都幾出色，湯底濃郁，豆腐軟滑，每一口都令人感到暖

上網睇呢間居酒屋新開，而裝修又幾靚，於是入嚟試吓鮮蔬菜條應該係每間居酒屋必備的一款前菜，再配上自家製麵豉醬汁，尤其開胃！芝士年糕一上菜都係熱辣辣，外脆內軟，裡面有芝士拉絲效果日本長畸雞胸軟骨雞胸軟骨新鮮爽脆，不會太韌，口感幾新奇！雞皮蝦大葉卷大葉姐係紫蘇葉，師傅將雞皮包裹住蝦肉，每啖蝦肉都有啖啖的紫蘇香葉味，層次感很豐富豚肉荔枝卷豚肉juicy, 配上清甜的荔枝, 可以中和一下肥膩感汁燒大蔥雞肉雞髀肉嫩滑juicy ，配上口感爽脆的大蔥，一口雞肉一口大蔥，感覺唔會太肥膩自家製免治雞肉棒免治雞肉口感彈牙，配上拌勻的雞蛋黃一齊食，更有提鮮作品！玉子燒表面放上木魚絲，玉子燒得好嫩，口感不會太粗糙鱔魚鱔魚皮香脆，魚肉肉質口感juicy，非常新鮮燒原條明太子明太子表面燒得好香脆，味道稍為微辣，配上青瓜一齊食，感覺無咁膩燒原隻魷魚筒超大隻魷魚🦑口感幾彈牙，再配上自家製柚子醬汁，帶有提鮮作用櫻花蝦鰹魚湯泡飯超濃郁的櫻花蝦香味，淋上鰹魚湯，鮮味更豐富！中意飲清湯的朋友，一定要飲晒一整壺湯呀～

OpenRice搵到呢間新開日式居酒屋🏮呢日係Cwb 行完街就同fd 試下～晚上7點去到都小full 因為餐廳係新開 所以裝潢都好新淨 仲有一幅Sake 牆🍶• 鮮蔬菜條呢個係典型日式居酒屋前菜, 蔬菜都新鮮, 配埋自家製麵豉醬, 都幾開胃· 玉子燒⭐️⭐️⭐️⭐️玉子燒的口感軟熟 蛋香味濃· 燒芝士年糕⭐️⭐️⭐️⭐️• 燒日本長畸雞胸軟骨⭐️⭐️⭐️⭐️本人鐘意食雞胸軟骨🙊軟骨經過燒烤後仲保持到脆度，幾有嚼勁• 雞皮蝦大葉卷⭐️⭐️⭐️⭐️⭐️雞皮經過烤製後酥脆，內層因保留了一定的油脂而更加香潤。紫蘇葉就中和返個油膩感 • 豚肉荔枝卷⭐️⭐️⭐️典型串燒 豬肉的鹹香與荔枝的甜味配合埋一齊又幾夾🤣🍢 • 自家製免治雞肉棒⭐️⭐️⭐️⭐️⭐️呢個係我地居酒屋必點🍢 免治雞肉肉質都幾嫩，配上原隻蛋黃，口感更加順滑～ • 燒原條明太子⭐️⭐️⭐️• 燒原隻魷魚筒 ⭐️⭐️⭐️⭐️• 櫻花蝦鰹魚湯泡飯⭐️⭐️⭐️⭐️香脆櫻花蝦配上鏗魚湯 加上小小wasabi 幾開胃忍唔住就同fd食晒成碗

今日晏晝嚟到銅鑼灣搵嘢食，上openrice 見附近有間新開日本嘢🥢「赤」位於百德新街lunch set 價錢約百零蚊一個人到 入到餐廳環境幾舒服好有日本居酒屋feel 🍻座位都好闊落🏮店員會先送上椰菜絲沙律 好清爽 可以refill的🥗提供兩種醬汁包括胡麻醬和柚子油醋🫙午市套餐仲有麵豉湯 漬物 同埋茶碗蒸🥚店員服務態度好好 不停幫我地refill茶🍵茶碗滑到食完想encore 🤫🥩 牛肉漢堡定食漢堡好厚身 牛味重有肉汁 會配上溫泉蛋🍲牛肉壽喜燒鍋定食香甜壽喜燒湯 牛肉唔會好肥 份量好多 配上洋蔥 豆腐 蘿蔔 全部都好入味 🐔炸雞皮 一定要試吓呢個小食 香脆惹味 炸得好出色🦐唐揚河蝦脆卜卜好香口 唔經唔覺就食晒 配上啤酒一流🍻📍 赤 (銅鑼灣)銅鑼灣百德新街66-72號地下A號舖

同同事經過呢間新開嘅日本餐廳，見有午餐定食，就決定試吓。豚肉壽喜燒：等了60分鐘才現身的壽喜燒，豬肉有五片，但十分硬，而且壽喜燒汁完全不是壽喜燒的味道。而當中的蔬菜，份量不太多。吉列豬扒滑蛋飯等了45分鐘的滑蛋豬扒扒飯，正正常常，份量嘅正常，中規中矩，$98價錢，味道方面性價比就不算太高。定食當中有茶碗蒸，可能是全個套餐入邊味道最正常的一樣食物。麵豉湯上枱時候不是太熱，但等了相當的時間，有什麼變吃什麼。總括而言，不是10分愉快的一餐，坐低45分鐘開始才有食物。真心說環境是不錯的，可惜想食物製作時間太長的話，午餐絕對冇下次。

這晚來到位於銅鑼灣清靜的街道上，一間裝潢很有格調的日式居酒屋。前菜是一碗生蔬菜，青瓜令人有驚喜，十分鮮甜，其他蔬菜也不錯，可解膩。要留意它是default的前菜，若不想要記得主動告知店員。先來的是玉子燒，味道香甜，燒過的邊皮好脆，不錯。接下來的芝士年糕，是友人和我覺得最好吃的！一上台已聞到香濃的芝士果，食落囗外脆內軟，年糕很煙韌，外皮香脆，芝士咸度適中，入囗很驚豔，十分推薦！！燒花魚一夜干，份量好足，魚肉香脆！豚肉鵪鶉蛋，十分特別的配搭。柚子雞肉牛肉烏冬，烏冬囗感煙韌，牛肉質素不錯。燒帆立貝大大粒，有醬油及味噌可選，我們選了醬油。新鮮嫰滑，好味好味！關於食物，推介燒物那一頁的，雖然整體略略偏咸，但適合配酒。另外見到不少人點了鍋物，有靚肉有蔬菜，可惜這次未有機會嘗試。總括而言，此處十分適合和三朋好友邊喝酒邊聊天，悠閒地待一個晚上，餐廳營業到很晚，不用怕需要趕著離開，店員服務態度良好。

赤居食屋⭐️豚肉荔枝卷⭐️雞皮蝦大葉卷⭐️柚子胡椒雞肉⭐️自家製免治雞肉棒⭐️豚肉蘆筍卷⭐️醬油燒扇貝⭐️明太子豆腐⭐️蘑菇串燒⭐️雞翼串燒Weekend 係銅鑼灣行街，想搵間餐廳食dinner真係唔容易，路過見到呢間新開嘅串燒店咁啱有位就Walk in一試。餐廳串燒選擇都多，除咗自己平時鍾意食嘅幾款串燒之外，我都試咗一d比較少見嘅款式。醬油燒扇貝厚身多肉，而且扇貝燒完之後口感竟然仲係好嫩，食落去鮮味十足。免治雞肉棒係自家製，唔係急凍貨，偏腍身少少，因為落左雞軟骨，所以保持住一定嘅爽脆口感。明太子豆腐係用上炸豆腐，再加上明太子嘅醬汁去燒。豆腐外脆內嫩配上鹹鹹地嘅明太子醬，成個味道都好夾。豚肉荔枝卷係每次食串燒必點，甜甜地嘅荔枝配上鹹香嘅豚肉片，又鹹又甜好好食。

前幾日中秋節，幾位老人家都吾得閒，唯有我同另一半自己出去撐枱腳，行經一間新開居酒屋🏮個名好簡單叫「赤」，就去試試先。龍蝦沙律吾多日式餐廳有，龍蝦好新鮮🦞食到粒粒龍蝦肉🧡用紫菜包住更美味。唐揚日本薩摩赤雞皮系店員極力推介，食落完全吾油膩，十分香脆可口🐔食食吓吾經吾覺就食曬。呢度嘅燒白鱔真系好驚艷外皮香脆得很，白鱔有嚼勁又juicy。牛舌芯系向來大家食串燒亦好中意食，牛味香濃，牛舌芯又充滿嚼勁🐮柚子胡椒雞肉🐔落咗柚子胡椒鹽，有點罕見嘅日式調味料，雞肉本身夠嫩滑，加上柚子胡椒鹽鹹味剛好。另一半食日本菜最中意食油甘魚餃，魚皮好脆卜卜，魚肉香嫩細滑🐟原隻魷魚筒🦑好壯觀😆燒得一啲都吾乾，魷魚新鮮又帶點甜味，好中意食魷魚圈！魷魚鬚夠曬爽口。櫻花蝦鰹魚湯泡飯，意念新穎🦐櫻花蝦數量頗多，鰹魚湯好開胃，做泡飯一流🍚

家附近新開的日本餐廳，今日假期就去試試午餐，餐廳有八九成滿座，我沒有訂位，差點沒有位。點了一個角切魚生丼$128， 服務員先給我椰菜絲沙律作為前菜，要提一提這個椰菜絲是可以免費添加的，同時提供兩種醬汁給客人選擇，分別是柚子油醋和胡麻醬，椰菜絲新鮮爽脆，這個沙律菜我refill 咗兩次，扺👍，讚。個餐還有跟漬物，麵豉湯和日式蒸蛋。個主角角切魚生飯，分別是有吞拿魚，三文魚，油甘魚，都很新鮮色澤很靚，有圖有真相。如果以$128在銅鑼灣有這樣質素和套餐嘅配套，還有無限添加沙律，是抵食的，又坐得舒服。

去完水上樂園玩 就黎試吓呢間新開嘅居酒屋✨Grilled Riceball $30✨Ox Tongue $78✨Grilled Chicken with Yuzu Kosho $36✨Lychee wrapped with pork $36✨Japan Chicken Gizzard $36✨Japan Chicken Chochin $58✨Grilled atka mackerel $138✨Fresh vegetables $30🍻Sapporo*2 $78串燒都唔錯👍🏻 牛脷幾軟腍 juicy 雞腎調味唔錯 😋😋 豚肉包荔枝好甜 燒飯團啲飯都燒到脆脆咁好香口柚子雞肉個雞肉就略嫌乾左少少 如果雞肉滑啲 多汁啲會更好食同埋提燈個蛋煮得太熟 一食落口冇爆汁嘅感覺燒花魚一夜乾條魚都幾大條同埋厚肉😋😋 魚味香濃 同埋實肉 係我鍾意嘅質感🥰🥰🥰總括黎講味道都唔錯😋 環境舒服 冇乜人食 有段時間試過淨係得我地一枱 又唔會嘈 味道❤️❤️❤️❤️抵食❤️❤️❤️💔服務❤️❤️❤️💔環境❤️❤️❤️❤️💰晚餐人均～$286（包括+1）

小編今次同老婆嚟到呢一間位於銅鑼灣百德新街嘅居酒屋食晚餐，小編前菜order咗炸雞皮同埋龍蝦沙律，雞皮炸得相當乾身，龍蝦沙律相當Creamy，配合埋紫菜相當美味。串燒方面，小編order咗柚子胡椒雞肉，雞心，牛舌芯，燒白鱔，每一款串燒都烹調得相當美味，尤其是燒白鱔同埋牛舌芯，絕對值得一試。小編另外亦order咗燒油甘魚餃，同埋燒魷魚，油甘魚餃燒得相當美味啖啖肉相當Juicy，燒魷魚味動唔會太濃，配合埋特製醬汁，成件事相當美味。另外喺煮食方面，小編order咗櫻花蝦鰹魚湯泡飯，鰹魚湯相當濃郁，配合埋櫻花蝦同飯有解膩嘅作用，再加上整晚店員嘅服務相當好，相當滿意嘅一餐。