赤丸製麵所 (已結業)

差不多次次到apm 都會吃赤丸, 雖然好多人等, 多人時等成個鐘都入唔到, 因舖實在太細; 但勝在夠平, 又有日本feel。不過這次experience 不太好, 因為坐了在方桌, 不能自行加水, waitress 又不會替你加水, 叫了多次都是含糊應道, 唯有自行拿"迥轉式"桌上的水壺加水。但waitress見到竟然立即來取回水壺!! 心想"加水又唔見你咁快反應"。最喜歡的是牛肉薯餅, 好香好好味, 又平。其他吉列豬扒、雞扒其實是很普通的。烏冬很平, 但其實有d "粉", 不太好吃。成餐飲左6-7 杯水, 因為實在太口渴... 下次再想去不知會是何時, 因為味精多得很不健康呢。

5個女仔約左夜晚gathering兼補祝生日，其中3個返工，我同翠茜姐走去apm買禮物。次次同佢黎親apm，大多數都會揀呢度，貪佢夠平。今日2個人要兩個大冷烏冬($15@)，炸雞扒($10)、炸豬扒($12)同牛肉薯餅($8)，加多罐汽水($5)。第一次食呢度冷烏冬，覺得比熱既好食，幾鍾意佢d冷面汁；雞扒豬扒唔算油，仲幾脆，但覺得食一次就夠；牛肉薯餅好有薯味，好抵食。

Undo...唔好食...好彩只是order細size, 係無咬口...如果真係人做手打的話唔合格啦...一d都唔彈牙。service 都ok啦...

我自己認為要食佢就一定唔好嗌其他有配料既烏冬好唔抵又唔好食有次嗌左個唔知咩親子烏冬$3X 又唔好食相反$10, $15一個冷烏冬/熱的都好好食加D 小食PREFECT! (我推介雞翼!)又平攪到我都唔會去其他地方食冷烏冬=.=佢賣$10-$15 人地賣$3X物超所值!係排隊排得耐左小小LOR...

每次經過都被長長人龍嚇怕(證明好食才多人啦),今天終於有幸於非繁忙時間去食set lunch,不用排長龍$38不用加一,選了細天婦羅雜菇飯,滑蛋吉列豬扒湯烏冬,及罐裝汽水烏冬: 有點兒像媽咪自己親手搣麵粉的味道,好有自家風味滑蛋吉列豬扒及雜菇都做得好,飯亦夠黏因舖位細,要坐得幾迫,亦沒有多餘地方放隨身物品,不過最大問題都是假期時人龍太長,唔係咁多friend願意陪我等咁長時間

上次同個ｆｄ睇完ｆｌｉｍ　又餓就入左呢間野都食ｄ冷烏冬好好味　大冷烏冬（＄１５）好平牙　又低食ｄ小食又平　我們食左＄７０到ｄ服務又唔錯呀　雖然系慢左ｄ但我好喜歡呢間野有機會我會再去食

咩都唔洗講~嚟食咁耐赤丸仍賺到我錢的就係本人指定動作：傳統白色冷烏冬($15)！真係有嚼勁煙韌彈牙的。嗯…這價值$15冷烏冬純粹只係”入場券”！份量係曖昧的(徘徊飽與唔飽)。咁通常會另搭叫日本餃子或其他小食就解決一餐炎炎夏日~我除了慣食壽司…這間赤丸亦幫上了忙！因為我不用吓吓都係米線、河粉、米粉~睇怕只有冷烏冬冇油冇肉最適合我的食慾…今餐二人共$69(冷烏冬+中華冷麵+日式餃子+碎海藻)

d人講到咁好食, 咁咪四個朋友去試下law, 點知......個湯鳥冬味精到痴線, 佢個自家烏冬唔好食, d小食又唔特別無下次啦大佬

食壽司同食飯麵係分開2條隊既咁上次我係去食飯既~睇到個menu見到唔貴就去試下以為會細細份將貨就價又唔係喎~叫左個set dinner $45(一個飯+一個烏冬+一罐汽水)d烏冬好特別好味應該係鎮店之寶黎架仲叫左d小食即叫即炸熱辣辣架推介推介

第2次黎呢度食,上次係同好朋友A同佢bf...今次有男朋友仔同我食,好開心呢!去到12點3左右,要等位,好多學生呀~等左4個字就有位我諗左好內要熱/凍好!不過出面咁熱,都係凍!15蚊,大大碟男朋友仔點左熱的~都好食,因為上次試過今次想試下凍!凍都好正,好煙un呀!仲叫左牛肉薯餅<$8>,好食!好新鮮,令我想起日本的味道!仲叫埋炸雞粒<$12>,男朋友仔話好食過KFC~haha~~of coz啦!叫埋豬排也不錯呢!而且唔洗加一!好抵我覺得,希望佢可以開多d分店!

呢間野入座一如以住都係要等!!!我同朋友兩個等左半小時就有位!!!我就試左佢地今個月新O既烏冬叫做辣味烏冬$15蚊份量好似少D..但係入口口感不錯..朋友就食返本身既烏冬...伴菜..牛肉薯餅一如以住加一點吉列汁好味..厚燒玉子冇以前咁好食了...吉列豬扒都係一般啦...炸雞翼可以不食-.-佢地樓面d人成日係度自己吹水...叫柯打我要叫左好耐入有人應我囉....收得咁既價錢d野食都可以...但係佢地d服務就...見人見智啦...

在5月底跟朋友小聚…本來是想去譚仔吃米線的…但太多人的關係…所以才會轉移陣地到這一間店吃晚飯…去到該店門口…便開始排隊…排隊時間還好，可能邊聊天的關係…時間快點過吧！【超不滿的事來了】再過了一會，有個女店員就示意我們有位子…帶我們去位子那…但…去到才發現沒位置…要走到店的另一邊…那時已經覺得怪怪…然後去到另一邊的時候，有個高級女店員…就向著我們這邊問：“邊個叫你地坐呢到?”我跟朋友沒回應…以為他在問他自己店的職員…然後那高級女店員再問同樣的問題…我想至少３，４次…在他在問第３次的時候我已經跟身邊的朋友說：不如我們先回去排隊那，等他們店內的人搞清楚情況吧…然而那高級的女店員說：不用，誰示意你們坐這的？這時候…那個帶位的女店員才走來…我就跟那高級的示意是這店員叫我們坐這的…之後女店員便跟高級的解釋一大堆的…最後高級便跟我們道歉之類的…拜託！“邊個叫你地坐呢到？”這句話已經扣了印象分了！事後的道歉沒用的了＝　＝然後，我跟朋友就回了２個set dinner,一客墨魚丸跟腸仔(?)【食物方面】老實說…烏冬麵質不ｏｋ…好像有點糊糊（林patpat就是了）…噹ｘ的麵質還要比他好…那晚點了的滑蛋豬扒烏

d烏冬唔彈牙，又冇味，ｄ湯仲差過街邊車仔麵果ｄ，牛肉又冇味兼太熟，ｄ配菜又唔得，好似超市ｄ雪藏野。完全唔好食，搵笨！

兩人share左一個大烏冬($15)，餃子($12)同厚燒玉子($8)。烏冬唔錯，但唔算太驚喜。餃子有四隻，都係普通。厚燒玉子都係普通，可以不試。整體質素普通，但勝在夠平。不過五點半去到都好多人，真旺場。

每次去都食冷烏冬架~~~佢d清湯汁真係非常好食~~!! 建議大家食冷烏冬不要食湯烏冬, 因為湯烏冬度度都有得食, 手打的冷烏冬真的一流~~不過排隊就耐d, 建議大家唔好極肚餓時先排隊, 否則就會餓親~~全就當然無咁舒服架喇, 細細既area有三十個位, 晚飯通常都坐九個字度要埋單架喇~~