赤丸製麵所 (已結業)

舊年啱啱開既時候, 見佢咁平, 咁多人, 應該都幾好食, 食過幾次, 覺得都好滿意。今次同友人經, 佢未食過, 又係見平平哋, 幾得意, 咁就再去食。我哋叫一個辣幼冷烏冬, 滑蛋豬扒撈烏冬, 配菜有：天婦羅鮮菇, 魷魚, 小食：牛肉碎薯餅, 燒排骨。辣幼冷烏冬：調味唔錯, 可惜烏冬唔爽口。滑蛋豬扒撈烏冬：講真個賣相真係...但我深信己經比滑蟨蟹肉撈烏冬好樣...烏冬都係唔係爽口, "淋"身, 味道略淡。天婦羅鮮菇：$5, 得一舊, 好似貴咗少少。味道, 可以啦。***天婦羅魷魚：呢個簡直極品！佢真係無呃你, 真係一舊魷魚, 鬚都無條！都唔梗要, 最勁原來佢係一舊無味香口膠, 大家明啦！！！燒排骨：味道都質感都好好, 仲要有豬軟骨。牛肉碎薯餅：唯一得呢個保持到水準~食物唔係咁好食已經無乜翻兜機會, 佢既致命傷係要親自排隊, 而唔係攞飛仔, 所以己經無乜好留戀！

見成日人生人海，　我好好奇提早返學前試下．．．個冷烏冬．．．＄１０．．個烏冬真係唔係好得．．．叫做平咋．．．．排就真係無必要．．．＠＠

聽d fd講話佢d烏冬好食就黎試下啦!咁我就叫左個滑蛋豬排飯套餐,有個迷你烏冬一黎到我就食左個烏冬先啦,fd話好好食呀ma點知一食落覺得唔知咩黎囉,d口感好怪都唔煙韌同唔彈牙囉,食落似麵團...個飯係好難食囉,d飯勁似槳咁食落勁一pat野咁,d飯勁濕...好彩件豬排好食好爽口..唔係真係想死

唔係價錢便宜就等於要接受差既食物質素~個人好鐘意食烏冬,雖然十五蚊一碟冷烏冬真係好平,但係真係好難食~好似食粉團咁~~~餃子"林"既,自己返屋企買包"公子"餃子煮都一定好食過佢~~唔明點解仲有人排隊~~~如果你對烏冬都有要求,個人介紹紅磡既百喜屋,包你有驚喜.

早前多次經過這食肆，經常都有很多人排隊，一直都希望試試。今天因為有時間，所以就排隊等等。等的時間頗久，大約二十分鐘左右。要注意，人未到齊是不能入座的。我和女友叫了的食物如下：咖喱牛肉烏冬（不錯，咖喱不會太濃）天婦羅蝦烏冬（我沒有食，女友話可以，但賣相有待改善）厚燒玉子（好味道，可以一試）煎餃子（差，好似煎定好耐）芝士蛋（可以la…..如果你當普通一隻烚蛋食。坦白講，唔係咁食得出芝士味law）煎腸仔（普通la…）炸薯餅（我沒有食，因為太飽了）總的來說，我覺得一試無妨的。烏冬的確係唔錯的（以這個價錢計），夠彈牙，味道不會太濃，不錯。小食方面期望就唔可以太高了，餃子尤其係敗筆（在APM食餃子都係去Food Court 那間…….死…..唔記得咩名tim…..位置係真近三聯書店那一間，有天津飯賣的那間），份芝士蛋仲同我漏左單tim。還有，最可惜係等得耐，如果今天唔係時間太多，我都唔會排隊。

食過幾次，一次比一次差。岩岩開果時，d鳥冬真係幾好食架，又抵食。但係之後去多幾次，就發覺愈來愈唔好食，食鳥冬好似食緊一團粉咁~應該唔會再特登去了

叫左個加大冷鳥冬，真係好彈牙，雖然係淨烏冬但都好鮮味！至於其他炸物．．．雖然平但唔好食囉！炸魷魚個炸漿太重，魷魚就勁細條。ｄ「吉列」野先離譜，吉列雞扒個皮勁林，完全唔脆，似係炸完好耐返叮！而滑蛋吉列豬扒飯都有同樣情況！塊豬扒勁林囉，隻蛋炒到鞋哂，個飯又冇蛋汁，真係要點豉油去撈飯先夠。唔知點解咁多人排隊，唔洗加一，得個平字囉。除左出名烏冬之外，炸物同飯都係質素之下。

每次去親APM 都必食呢間雖然間唔中要排隊,但都算快有位呢度食鳥冬有SET,但亦可散叫再叫小食~烏冬的確好彈牙~但小食就暫時食過魚餅,雞翼等等....只係暫時覺得天婦羅個蝦最好味新出的辣味烏冬唔太算特別,只係得細SIZE 同埋加左D 辣,我勸大家不試仲好...因唔太抵食另外加5蚊可以有野飲~都算OK~

今日同老公去APM行街，由於買了貴野，所以決定揀一間平平地的餐廳，所以選了赤丸，因爲上次黎，都係幾十蚊就買到單。呢度的烏冬主要有兩种，熱湯烏冬同凍烏冬。可以選擇淨烏冬，再選配菜或者小食，亦可以揀配搭左的，譬如滑蛋豬扒湯烏冬之類，個人認爲叫淨烏冬自己配較化算，因爲一個淨烏冬$10, 或者加大的係$15, 可以選多款配菜小食，食得開心d^^今次叫左熱湯烏冬加大（兩個人share），烏冬的口感不錯，好彈牙，又叫左幾款小食，包括煎餃子，吉列雞扒，牛肉薯餅, 同天婦儸炸蝦。這幾款味道都一般，炸蝦較好d, 不過最主要的烏冬好食，又好平（唔收加一），所以都係俾個笑面佢啦。不足之處係要排隊，服務也不太好，收銀的一路收錢，一路大大聲同其他人又講又笑。

尋晚同朋友0黎呢度食dinner, 因為時間早, 唔洗等位. Share 0左個厚燒玉子, 自己食0左一個牛肉湯烏冬, 朋友就要0左個親子滑蛋雞肉丼飯定食.厚燒玉子賣相嚇了我一跳, 三件中間都有瘀黑色. 食落味道超甜, 無蛋味. 咁甜, 個人真係唔鍾意.我個牛肉烏冬... d 烏冬幾有咬口, 味道食落其實同吉之島買0個d 急凍烏冬返屋企煮分別唔大... 個人就覺得滑溜d 會好d. 湯亦太鹹. 不過d 牛肉真係絕頂咁難食, 肥牛片整到又乾又硬, 我去吉野家好過. 結果全碗0野最好食係d 洋蔥! 朋友話佢個親子滑蛋雞肉丼飯係「無味蛋+雞肉湯飯」, 因為1) 無味... 我第一次見人食日式飯要好似廣東人咁自己落豉油. -_-" 2) 碗飯最底下有好多水(會唔會係d 飯落得太多水?), 多到似湯. 賣相亦不敢恭維.Service 幾差, 店員同經理好似0係度鬥黑面咁, serve 0野食/埋單時都有餵狗0既感覺, 分分鐘茶餐廳伙計都無咁悔氣.食完其實幾一肚氣, 不過算啦, 咁0既價錢咁0既質素, 都算成正比! 睇0黎以後都係唔好0黎喇. >_<

沈日同弟弟行apm,唔知食咩好,但突然諗到apm有間手打烏冬,而且見個食評幾好咪試吓law,叫o左個大o既冷烏冬,海苔,厚燒玉子,日式餃子,同牛肉薯仔餅.個烏冬嚟o左,一食,好um.....都唔係好好食,都係無o係日本食o個do甘彈.而個冷面汁就咸o左d. 個厚燒玉子完全唔得,超甜,無強味,好難頂.而個餃子就ok啦.最好食係個牛肉薯仔餅同海苔,$5@,好抵呀,仰好大件,好多tim.

之前幫襯了和花亭好多次,反而次次見外邊的赤丸排長龍,所以咁耐都未試過,但亦由於人龍常現,加上佢打正招牌大sell日本手打烏冬,一心以為超正,點知...嘩! 完全唔掂! 烏冬樣唔靚不特止,口感也差,而我所點的那個蟹肉滑蛋烏冬,所謂的蟹肉是一埋碎到唔碎的蟹肉渣,而那所謂滑蛋,更是化身成一灘麵粉水,差點以為自己飲緊「西湖牛肉羹」之類。可能係我見識少,又或者日本正宗既滑蛋就是如此,但講真,我完全無諗過d滑蛋會係呈咁既狀態出來見我!另外單點的吉烈豬排都唔好得去邊,炸得太燶又乾爭爭,即使只係收10蚊一件都俾多佢!下次真係咪使旨意再幫襯,都係食返和花亭好過!

見佢日日排長龍, 的起心肝食一次. 唉!所謂北海道烏冬, 只係呃d未去過北海道o既人,烏冬硬硬實實, 同超市三蚊包o既無分別. 最好笑係食天婦羅, 問佢要天婦羅汁點, 佢叫我落鹽…….激到啤啤聲! 真係唔寫個服字都唔得.

和朋友第一次幫襯, 朋友叫了蟹肉滑蛋湯烏冬(熱),我叫了冷烏冬一客, 另加牛肉薯餅及餃子.冷烏冬上桌,一看便覺得不對勁.烏冬個樣"乾爭爭",同埋條烏冬既"橫切面"竟然呈4方型,望落好似一堆生既麵粉條放左上碟咁.落到已經唔開胃.都要食既,點了醬冷烏冬專用醬汁+wasabi再放入口,食落果然實的的,麵條中間直頭好似未熟咁,好硬,仲有少少陣生麵粉味.朋友的蟹肉滑蛋湯烏冬,我都試了一小碗. 因為熱食,烏冬"林"好多,但依然唔算得上好食,中間都仲係覺得生生地.除左烏冬本身,其餘蟹肉+滑蛋+湯底其實都算好味.牛肉薯餅及餃子都合格,無咩特別. 價錢這麼抵,唔會要求太高.平時見$10一個烏冬,係唔會批評咁多,但係呢樣係佢招牌菜,打正旗號日本正宗製法,所以失望越大.所謂日本正宗,可能只係佢地d小麥粉係黎自日本,其餘製麵及烹調工序就未必跟隨總公司的standard了.

成日行apm都見佢勁多人排, 尋日晏晝大約一點倒唔駛排就入左去食lunch我食左滑蛋豬paa2 set (飯加碗烏冬, 勁飽), 都ok, 唔會太炸, 如果唔鍾意食比較硬o既豬paa2就可能唔太like this food, 不過我覺得都ok, 起碼唔係太硬. 汁唔會太salty, 都ok. 個烏冬淡返d會更好, 我個fd話太salty. 有饅魚就更好啦, out of stock.都好低呀, 個set只係$35, 又冇charge.下次有胃口可以試埋個凍烏冬同其他小食.