影片
营业时间
今日营业
07:00 - 23:00
星期一至日
07:00 - 23:00
以上资料只供参考，请与餐厅确认详情
一个人入到旺角分店，但系冇人带位于是坐咗卡位，有个后生嘅女客户服务员态度恶劣嘅语气叫我转返坐单人位，当时已经晚上八点半几，整个厅面十分多空枱，咁都要人转返位，实在系好差嘅客户服务。相反在中环分店亦在同样时间帮衬过，客户服务员的话而家唔系繁忙时间，你坐卡位哋，可以坐得舒服啲。同一个集团两间分店，两个完全不同嘅客户服务体验，简直天渊之别。建议帮衬中环分店。
继续阅读
之前食过中环分店，好食有礼貌。 见到旺角有分店就入去食。 牛扒意粉好好好差，接待差， 阿姐十问九唔应，牛扒中伏，比嚿咬唔开，跟一嚿白色肥膏，嗱西求其，厨房点搅，见到都唔想食，牛扒咬唔开，唔通旺角系有特别煮法。翠华所净无几分店，开另一条line，贰号冰室，唉....伏伏伏
继续阅读
食咗四日白粥顶唔顺。攞完药睇到2号咁多人即刻去食。🥢【葱油鸡扒饭】鸡扒就够大，同我手掌差唔多。食落去外皮脆口内嫩滑，好耐未食到肉味，配埋啲香葱及油劲香，只蛋就正常水准。🥢【炒牛河】饱得滞就食咗一啖试下味，都系香味比较重。如果唔中意食太油腻可以只系夹面头度唔夹到底度。🥄【嘢饮】我就饮咗一啖牙痛就唔评价。听朋友话D嘢饮素质唔会差都算OK。（当时唔记得饮低）特别好食又唔至于，有70水准。食完之后搭van仔FIN吓FIN吓咁返屋企冲凉训觉。
继续阅读
今日放工后，心血来潮决定去旺角觅食，就见到间人头涌涌嘅贰号冰室我点咗个猪小排木耳米线、猪仔包同冻奶茶。猪小排木耳米线，米线口感爽滑，猪小排炆得好稔，咬落去肉质软嫩，味道调得刚刚好，咸香适中，木耳又爽脆，同猪小排搭配得天衣无缝。跟住食猪仔包，面包外皮金黄酥脆，一咬落去「咯咯」声，入面嘅猪肉馅料香喷喷，多汁又鲜美。最后一定要赞下佢哋嘅冻奶茶，茶味浓郁，奶味香滑，入口先苦后甜，冰冻嘅口感将奶茶嘅味道凸显得更加出色，饮完一口，成个人都精神晒。
继续阅读
今日去咗间叫“贰号冰室（旺角）”嘅餐厅，就系银行中心隔离一入到去，餐厅环境都几有港式冰室嘅feel，绿白相间嘅装修讲下嘢食啦，嗌咗个“鲜蕃茄鸡粒通粉·炒滑蛋/套餐，价钱$42。𠮶个蕃茄鸡粒通粉，汤底浓浓嘅番茄味，通粉煮得啱啱好，唔会太腍，鸡粒都几多下，咬落去有啲口感，不过如果蕃茄味再酸啲就更正啦，感觉有少少偏甜。炒滑蛋真系超级滑，好似食紧云朵咁，蛋香十足，配埋个上面撒咗黑芝麻嘅日式汤种包，包软绵绵，黑芝麻又香，简直系绝配。仲有杯奶茶，茶味浓郁，奶味又够香滑，冲出嚟𠮶啲泡泡都好靓，不过就觉得有少少偏甜，如果可以调节甜度就perfect啦。总体嚟讲，呢间冰室嘅嘢食都几有水准，价钱都合理，下次可以再嚟试下其他嘢食。
继续阅读