影片
营业时间
今日营业
07:00 - 23:00
星期一至日
07:00 - 23:00
以上资料只供参考，请与餐厅确认详情
之前食过中环分店，好食有礼貌。 见到旺角有分店就入去食。 牛扒意粉好好好差，接待差， 阿姐十问九唔应，牛扒中伏，比嚿咬唔开，跟一嚿白色肥膏，嗱西求其，厨房点搅，见到都唔想食，牛扒咬唔开，唔通旺角系有特别煮法。翠华所净无几分店，开另一条line，贰号冰室，唉....伏伏伏
继续阅读
食咗四日白粥顶唔顺。攞完药睇到2号咁多人即刻去食。🥢【葱油鸡扒饭】鸡扒就够大，同我手掌差唔多。食落去外皮脆口内嫩滑，好耐未食到肉味，配埋啲香葱及油劲香，只蛋就正常水准。🥢【炒牛河】饱得滞就食咗一啖试下味，都系香味比较重。如果唔中意食太油腻可以只系夹面头度唔夹到底度。🥄【嘢饮】我就饮咗一啖牙痛就唔评价。听朋友话D嘢饮素质唔会差都算OK。（当时唔记得饮低）特别好食又唔至于，有70水准。食完之后搭van仔FIN吓FIN吓咁返屋企冲凉训觉。
继续阅读
今日放工后，心血来潮决定去旺角觅食，就见到间人头涌涌嘅贰号冰室我点咗个猪小排木耳米线、猪仔包同冻奶茶。猪小排木耳米线，米线口感爽滑，猪小排炆得好稔，咬落去肉质软嫩，味道调得刚刚好，咸香适中，木耳又爽脆，同猪小排搭配得天衣无缝。跟住食猪仔包，面包外皮金黄酥脆，一咬落去「咯咯」声，入面嘅猪肉馅料香喷喷，多汁又鲜美。最后一定要赞下佢哋嘅冻奶茶，茶味浓郁，奶味香滑，入口先苦后甜，冰冻嘅口感将奶茶嘅味道凸显得更加出色，饮完一口，成个人都精神晒。
继续阅读
今日去咗间叫“贰号冰室（旺角）”嘅餐厅，就系银行中心隔离一入到去，餐厅环境都几有港式冰室嘅feel，绿白相间嘅装修讲下嘢食啦，嗌咗个“鲜蕃茄鸡粒通粉·炒滑蛋/套餐，价钱$42。𠮶个蕃茄鸡粒通粉，汤底浓浓嘅番茄味，通粉煮得啱啱好，唔会太腍，鸡粒都几多下，咬落去有啲口感，不过如果蕃茄味再酸啲就更正啦，感觉有少少偏甜。炒滑蛋真系超级滑，好似食紧云朵咁，蛋香十足，配埋个上面撒咗黑芝麻嘅日式汤种包，包软绵绵，黑芝麻又香，简直系绝配。仲有杯奶茶，茶味浓郁，奶味又够香滑，冲出嚟𠮶啲泡泡都好靓，不过就觉得有少少偏甜，如果可以调节甜度就perfect啦。总体嚟讲，呢间冰室嘅嘢食都几有水准，价钱都合理，下次可以再嚟试下其他嘢食。
继续阅读
就喺朗豪坊对面，食饱饱过条马路去朗豪坊睇新出嘅异形超正👻🐔嫩滑海南鸡（半只）细嫩味浓，鸡大大只咁，每次入口都啖啖肉好满足，调料都俾咗两份，唔使争😋🥩牛肉眼煎蛋饭（黑椒汁）超大嘅肉眼扒占满大半只碟嘅位置🤤将饭与黑椒汁混合埋一齐够晒味😋🍤虾球酸汤米线一定要捞晕晒先正！米粉中带有酸菜好好食🤤一啖虾一啖汤咁好过瘾，食完都忍唔住饮多两啖汤🤣🍦升呢西多配雪糕（黑糖）西多士占满黑糖炼奶（底部超多），再加上雪糕，甜食爱好者狂喜，旁边仲配有棉花糖更加开心😝🫘雪糕红豆冰夏日行到热辣辣呢个系我嘅最爱，搅拌杯底软绵绵嘅红豆和牛奶混合，仲有香草味嘅雪糕球喺面超开心😚🍍菠萝油一大片巨厚嘅冰凉黄油和菠萝包果然绝配🤤外面有张纸，搦起食完全唔怕整污糟只手超方便👏🏻🧋冰镇冻奶茶奶茶里面冇再加冰， 成支满满份量足🤩连著冰桶一齐上嚟，饮到后面都仲系冰冰咁😋成餐落嚟巨满足，每样嘅量真嘅足，整体性价比超高，柜桶都有备纸巾，呢点抵赞👍🏻不愧过咗饭点都依然咁多人😝
继续阅读