影片
由旺角行去深水埗途中见到有石磨肠粉就惗住试下，见到个餐牌啲价钱不贵，最贵嘅套餐先至35蚊，有豆浆，有粥，又有肠粉，抵呀！先讲碗瑶柱咸骨粥，好味又足料，有蚝豉，有瑶柱，肠粉拣咗鲜虾肠，肠粉都滑，鲜虾都真系有鲜味，唔系透明虾，总体而言，抵食有品质，Good!
继续阅读
今日揾女朋友食午餐, 最后去左佢屋企附近呢间贝氏古法石磨肠粉王, 佢之前已经推介过话好好食,仲话好食过大埔出名既肠粉铺咁就一定要去试一试佢!呢间铺主要系卖皱皮肠, 佢d肠粉又真系好好食同好滑, 鼓油配埋就更好食~美中不足既系d 粥好早就卖晒仲听到d 街坊话成日都食唔到佢d 粥, 话今日假期好早就卖晒, 本身想试埋佢d 粥都冇机会铺头都有套餐选择, 最平20蚊就有斋肠,4粒烧卖同一杯豆浆而我就叫左鸡蛋鲜肉肠, 4粒烧卖同一个粉果再加杯豆浆味道都好好, 绝对可以encore!
继续阅读
偶尔行过，见到个招牌，有埋解说，虽然唔饿，但都入去试一试。仲记得第一次食皱皮肠粉，系二十几年前在深圳，肠粉热辣辣上而且每一层都好薄，仲有好多豉油同葱花，令人一试难忘。而近年，呢种皱皮肠粉在香港，亦开始流行，所以唔驶北上都食到。除卖相外，皱皮肠粉同传统肠粉，最大分别系个配料会切得好碎，而且好薄身，每一口都可以食到配料，个皮亦能充分吸收豉油的香，而呢到亦都做得到👍🏻👍🏻至于个咸骨粥，同妈妈在家煲的一样，又软又绵，配料又足，总之就是同妈妈在家煲的一样味道。我仲即刻有冲动带阿妈来试，等佢知屋企附近有间咁正既店仔，以后唔驶晨咁早起伸煲俾我地食。
继续阅读
平时每日放狗都会经过界限街每次经过都想试下呢间嘢但一直都揾唔到机会试呢两日见牙痛，想食啲唔使点咬嘅嘢心谂不如买个外卖返去试下都好㖞🤔于是嗌咗佢哋嘅抵食套餐芝麻豆浆好重芝麻味 好香👍瑶柱咸骨粥 味道适中 而且粥底好绵个重点就系佢哋嘅肠粉😍我今次嗌既系鲜虾肠粉超滑超好味肠粉入面有少少菜甫滑得嚟又有少少脆口令到肠粉个口感更有层次淋埋佢哋嘅蒜味豉油简直系超正即使落哂成包豉油，都唔会咸同个肠粉超夹系幸福嘅味道💕
继续阅读
皱皮石磨肠粉的热潮方兴未艾，一间又一间的卖皱皮肠粉的店舖在港九各区开业，一个周末，在附近蹓跶散心的我，路经界限街附近，见对面街这间店舖的亮绿色横幅门面上以蓝色和红色写著「贝氏古法石磨肠粉王」几个大字，耀眼夺目，立刻被它吸引，决定来个皱皮石磨肠粉早餐。原来这间开业不久，地方细小，陈设简单的小店正有套餐优惠，只需 $35，便可在店中售卖的各款肠粉中任择一款，再加「瑶柱咸骨粥」一碗和「豆浆」一杯，价钱颇为经济实惠，于是便点了「鸡蛋鲜肉肠」伴粥吃。店内客人不多，不多时，我的粥、肠粉和豆浆已先后送到。「鸡蛋鲜肉肠」颇有米香与蛋香，肠粉皮薄薄的，味道虽稍淡，吃来仍算满意。「瑶柱咸骨粥」也颇绵滑，咸骨不只得骨，还有肉吃，加上数小粒瑶柱和淡菜，味道比预期中好。「冻豆浆」豆味过得去，在吃过热暖的粥后，喝杯冻豆浆，也不错。
继续阅读