貝氏古法石磨腸粉王 (已結業)

由旺角行去深水埗途中見到有石磨腸粉就惗住試下，見到個餐牌啲價錢不貴，最貴嘅套餐先至35蚊，有豆漿，有粥，又有腸粉，抵呀！先講碗瑤柱咸骨粥，好味又足料，有蠔豉，有瑤柱，腸粉揀咗鮮蝦腸，腸粉都滑，鮮蝦都真係有鮮味，唔係透明蝦，總體而言，抵食有品質，Good!

今日搵女朋友食午餐, 最後去左佢屋企附近呢間貝氏古法石磨腸粉王, 佢之前已經推介過話好好食,仲話好食過大埔出名既腸粉鋪咁就一定要去試一試佢!呢間鋪主要係賣皺皮腸, 佢d腸粉又真係好好食同好滑, 鼓油配埋就更好食~美中不足既係d 粥好早就賣晒仲聽到d 街坊話成日都食唔到佢d 粥, 話今日假期好早就賣晒, 本身想試埋佢d 粥都冇機會鋪頭都有套餐選擇, 最平20蚊就有齋腸,4粒燒賣同一杯豆漿而我就叫左雞蛋鮮肉腸, 4粒燒賣同一個粉果再加杯豆漿味道都好好, 絕對可以encore!

偶爾行過，見到個招牌，有埋解說，雖然唔餓，但都入去試一試。仲記得第一次食皺皮腸粉，係二十幾年前在深圳，腸粉熱辣辣上而且每一層都好薄，仲有好多豉油同葱花，令人一試難忘。而近年，呢種皺皮腸粉在香港，亦開始流行，所以唔駛北上都食到。除賣相外，皺皮腸粉同傳統腸粉，最大分別係個配料會切得好碎，而且好薄身，每一口都可以食到配料，個皮亦能充分吸收豉油的香，而呢到亦都做得到👍🏻👍🏻至於個咸骨粥，同媽媽在家煲的一樣，又軟又綿，配料又足，總之就是同媽媽在家煲的一樣味道。我仲即刻有衝動帶阿媽來試，等佢知屋企附近有間咁正既店仔，以後唔駛晨咁早起伸煲俾我地食。

平時每日放狗都會經過界限街每次經過都想試下呢間嘢但一直都搵唔到機會試呢兩日見牙痛，想食啲唔使點咬嘅嘢心諗不如買個外賣返去試下都好喎🤔於是嗌咗佢哋嘅抵食套餐芝麻豆漿好重芝麻味 好香👍瑤柱咸骨粥 味道適中 而且粥底好綿個重點就係佢哋嘅腸粉😍我今次嗌既係鮮蝦腸粉超滑超好味腸粉入面有少少菜甫滑得嚟又有少少脆口令到腸粉個口感更有層次淋埋佢哋嘅蒜味豉油簡直係超正即使落哂成包豉油，都唔會咸同個腸粉超夾係幸福嘅味道💕

皺皮石磨腸粉的熱潮方興未艾，一間又一間的賣皺皮腸粉的店舖在港九各區開業，一個周末，在附近蹓躂散心的我，路經界限街附近，見對面街這間店舖的亮綠色橫幅門面上以藍色和紅色寫著「貝氏古法石磨腸粉王」幾個大字，耀眼奪目，立刻被它吸引，決定來個皺皮石磨腸粉早餐。原來這間開業不久，地方細小，陳設簡單的小店正有套餐優惠，只需 $35，便可在店中售賣的各款腸粉中任擇一款，再加「瑤柱鹹骨粥」一碗和「豆漿」一杯，價錢頗為經濟實惠，於是便點了「雞蛋鮮肉腸」伴粥吃。店內客人不多，不多時，我的粥、腸粉和豆漿已先後送到。「雞蛋鮮肉腸」頗有米香與蛋香，腸粉皮薄薄的，味道雖稍淡，吃來仍算滿意。「瑤柱鹹骨粥」也頗綿滑，鹹骨不只得骨，還有肉吃，加上數小粒瑤柱和淡菜，味道比預期中好。「凍豆漿」豆味過得去，在吃過熱暖的粥後，喝杯凍豆漿，也不錯。

仲記得細個嘅時候返廣州一定會食呢隻皺皮腸粉個陣成盒都只不過係5蚊咋😜真係超級懷念依家經過見到有間新開嘅石磨腸粉😆-腸粉熱辣辣再淋上豉油，香噴噴豉油係偏淡，加多d都唔怕每次食呢隻腸粉都一定一定加蛋🥚最好就加埋鮮肉啦，呢個係我嘅堅持✊😆加蛋令到腸粉有d蛋香，而且食落都唔會得軟淋淋嘅口感，正好多中間仲有d鮮肉碎🌟雖然味道都同之前食過嘅有少少差別，不過呢度d姐姐都幾好係咁問夠唔夠豉油使唔使加多d，係有人情味嘅！

原來是新開業第一篇食評 😋位於街角的貝氏古法石磨腸粉經過好幾次，最近有機會堂食試下佢地嘅石磨腸粉! 雖然係其他地方都食過, 本身又對石磨腸粉都無乜好感.. 不過仍然好奇想試下依間水準如何可能新開業關係, 餐廳都好新淨, 腸粉選擇都多點了雞蛋玉米腸 $20/份仲送左杯豆漿比我石磨腸粉特色除了即叫即蒸, 粉皮透薄一刮即上碟, 吃它的新鮮熱辣是不錯的, 饀料份量我又覺得比起深水埗另一間被雜誌吹捧的更公道！只可惜唔係近地鐵比較少人知..大家有機會可以試下