賓墟冰室

营业中

休息中

呢間冰室夜晚除咗有普通一人套餐之外，另外仲有二至六人餐🍚可以喺幾十款小菜入面揀，今次想試單點餐牌嘅其中一個餸，所以就揀咗散叫😂沙爹金菰斑腩煲 $75呢個有啲驚喜，個沙嗲汁帶有花生味，唔會覺得辣🥜好啱撈飯，個煲入邊除咗有斑腩之外🐟亦都有好多三色椒、洋蔥等嘅配料🧅而入面嘅粉絲都吸晒啲汁好入味😝芝麻燒汁薯仔牛柳粒 $78經典嘅大排檔小菜，通常個精粹在於啲薯仔多過牛柳粒🐮薯仔先煮熟再炸，再裏上燒汁🥔鹹鹹甜甜咁令人一啖接一啖，牛柳粒嘅份量幾多，而且每件都切得幾大嚿🤓另外仲叫多咗個XO醬炒油麥菜🥬就咁睇以為隻碟唔係好深，點知食吓食吓發現都幾多菜喺入邊🙈芒果鳳仙特飲 $26見餐牌後邊仲有幾款特飲🥤就叫咗一杯試吓，呢杯就係芒果+椰汁，幾解渴🥭柑桔檸檬蜜 $18好少見茶餐廳有鹹柑桔，啱晒想養生潤下喉嚨嘅人🤣

我都比較少同大家介紹茶記，因為我真係好少食茶記，今次為咗快就同朋友食茶記，感覺都唔錯可以同大家介紹下。———————————————🌟香煎西冷牛扒(鐵板) $68呢個餐一開始我冇睇清楚以為係純扒餐，佢上面已經包埋例湯、薯蓉同沙律菜，但原來佢仲有主食提供，因為我叫嘅時候冇特別講佢就比咗白飯我，但我後知後覺想要求轉返意粉，餐廳都好好態度幫我拎返入廚房換一份意粉比我。感覺牛扒味道好香，雖然唔可以同出面西餐廳比，但茶記佢都煎得好腍而且份量又唔細，感覺都好抵食。另外值得一提係佢仲有沙律菜係鐵板上，都係一個幾特別嘅食法。.🌟椒絲腐乳通菜炒肥牛 $75呢個小菜好有鑊氣，個通菜亦都睇得出唔係用差嘅材料﹐炒出嚟非常翠綠又爽口。肥牛份量相對比較少，不過食落都唔錯，唔係果種好韌嘅肉，食落都非常唔錯。.🌟班蘭玉露特飲 跟餐+$8見幾特別又唔貴就叫咗杯試，上台個顏色係翠綠色加漸變，真係冇諗過茶記都可以打卡🤣飲落有好香椰香味，但味道就偏甜少少，如果可以少甜就更好喇！

二人餐 💰$150二人套餐都幾抵食 每人一百蚊都唔洗可以食到大排檔咁嘅小菜二人餐包括兩個小菜 包白飯、湯同野飲~-🐟椒鹽脆鯛魚片外皮酥脆 內裡鮮嫩 搭配椒鹽嘅味道非常開胃不過如果可以配一啲醬汁食就更好！-🥘咖喱牛腩煲牛肉燉得非常軟爛 咖喱味道濃郁香辣加上三色椒嘅鮮甜 口感豐富

眼見時下越黎越多fusion菜餐廳, 越黎越多cafe, 有時都想品味一下傳統既冰室或者茶餐廳位於青衣既呢間賓墟冰室, 無論係裝橫定係食物都充滿傳統冰室既氣息常餐 - 沙嗲牛肉麵配牛油西多士及火腿忌廉奄列黎到傳統冰室，叫個常餐既沙嗲牛肉麵先！沙嗲濃郁，每片牛肉都係大大塊既，正多士好香脆，加上鮮牛油既香味，除左菠蘿包之外就一定要試牛油西多呢個奄列就比較有趣，佢係有忌廉蘑菇汁喺入邊，幾有特色小食 - 吉列魚柳炸得非常香脆既吉列魚柳，口感非常好魚肉豐厚，每啖都係每口魚肉，正啦紅豆冰黎到傳統冰室，講真，唔叫杯紅豆冰真係對唔住自己呢度既紅豆冰起沙起得好夠味道甜美，好適合係週末為繁忙既你叉一叉電鹹檸七鹹檸七可以話係傳統冰室另一樣必叫嘅傳統飲品鹹檸味非常濃，配合七喜既清爽感覺，飲杯鹹檸七真係人間樂事可以好好享受一下呢個下午茶時光啦

朝早番工時段，要搞掂個早餐既話都莫過於係去茶餐廳到坐低慢慢嘆杯茶🪑除左方便之外仲已經set好哂有齊全部野食，不論輕食定豪食都滿足到全部人🍳。今日就係青衣呢度搵食，餐廳明顯係行街坊路線，因為都見到有唔少熟客同店員閒聊🫶同一貫茶仔一樣都係有唔同套餐選擇🅰️咁我當然要豪食一下歐陸早餐啦🥣。🐒香煎雞扒配香脆牛油厚多士+煎雙蛋💰$41👉🏻熱咖啡如果大胃王怕唔夠食仲可以+$8配迷你湯粉/無糖牛奶麥皮🥛非常健康亦十分人性化食物方面都好正常，同出面既茶餐廳一樣，不過我好欣賞佢既雞排醃製得好好👍🏼而on top既汁都好有港式風味🇭🇰其他多士同雙蛋都正常發揮，就係一貫茶餐廳既風格🍴快靚正，如果係住附近過去食個飯都好方便🏃🏻‍♂️食飽飽又係時候開始忙碌的一天嚕

趁放假就同屋企人出街食個早餐好耐冇食沙嗲牛肉 我見到餐牌有就叫嚟食而屋企人就叫咗個歐陸早餐香煎牛扒餐✨招牌沙爹牛肉通粉餐(💰$38)沙嗲牛肉🐮食落唔韌 微微香辣 之後仲食到有啲花生香味🥜幾惹味個餐配2個餸 我揀咗要煎蛋同雞肉腸 +$6將多士轉豬仔包 食落幾脆同幾香牛油味而個餐仲包咗杯熱飲 我揀咗熱檸水✨歐陸早餐香煎牛扒餐屋企人叫咗呢個做早餐 +$8要多碗米粉配埋香滑炒蛋 午餐肉同香脆牛油厚多士呢個餐包咗杯嘢飲 佢都揀咗要熱檸水

早幾年移民左去英國，今次番黎探父母點知就帶左我黎呢間野到食，一入店入面好多卡位，感覺闊敞舒服，點知我明明係叫豉汁蒸倉魚，我知道蒸魚係要等，所以我無催到，但最嬲既係隔離抬係大陸人明明遲黎過我地，但條魚又會早上過我地，我見到呢個員工好聲好氣招呼完呢抬大陸客，我就多口問句我條魚得未，個侍應竟然敷衍我一句蒸緊啦，咁就走左去，再過五分鐘我再問另一個員工，佢先行入廚房拎出黎比我，食落口就知係蒸過龍，其實唔明點解客人唔多，但上菜咁慢，原來佢地主要做外賣生意同大陸人生意，呢間野一定無下次😡

呢間餐廳就腳，都唔係試過一兩次。朝早收銀阿姐黑口黑面又串，打電話去落order，聲大夾惡係咁追住我快啲嗌！好似打佢工咁問多兩句就俾佢惡，大佬我俾錢你賺幫襯你，唔係受理氣嘅，我唔係你下人，搞清楚主次好冇？！之前有一次，我阿媽落嚟攞外賣，問多一句外賣得未，個阿姐大大聲咁講：呢嗰啲炸豬扒，冇咁快熟㗎你係咪想生食啊？！超級惡又串！他大佬問多句姐使唔使對住老人家咁呀？咁勞氣唔好做呢行啦！！見到老人家就恰，見到麻甩佬就好聲好氣！

好耐无帮襯了，点解？緊係因以唔掂，但今日再比多次機会😮‍💨再一次失望😞……我叫左个雙拼麵，酸菜肉碎餐肉公仔面👎🏻👎🏻大家見到嗎肉碎得果少少，餐肉薄薄－片完全無煎的😤杯奶茶倒到周圍都係😩只可以講句：完全唔掂😢ps. 只收cash or octopus 🤔 今时今日連alipay 都唔收🫣OUT

難得食早餐，好耐未試過星期日咁早起身落街食早餐😂 叫咗香煎雞扒配腸仔太陽蛋，朋友就叫咗吉列魚柳餐加米粉😂 其實自從上次返工前買外賣，等咗15分鐘吹佢，佢話整緊，等咗30分鐘再問，先入廚房睇，先知漏單，話落單個System冇入到廚房，真係激到一肚氣，之後就好耐無嚟過😅今次佢嗰雞扒係整得唔錯👍🏻，仲真係有聽你落單係要太陽蛋，但扣分位係佢杯奶茶變得有啲難飲😮‍💨 以前呢度嘅奶茶好正架！ 仲有就係吉列魚柳嗰個早餐漏咗香脆牛油厚多士🥲 加$8嘅米粉，真係就咁有碗無乜味嘅米粉🥹 呢個質素加$5都唔值😅

呢個早餐係我最常食豬扒包+熱檸茶本身食肉獸唔想叫麵食就會叫呢個有菜有肉幾好.個豬扒唔係炸定架！次次都即整無失望過.職員態度好好有次雖然落錯單但係職員幫我改返啱之餘，仲同我say sorry其實真係好少事同埋我見到會請下老人家或者媽媽級大家街坊嘅話，可以支持一下

最近去咗青衣探朋友，到夜晚佢就帶咗我去灝景灣附近一間全新裝修，非常光鮮嘅中式茶餐廳食晚餐。餐廳簡單裝修，非常舒適，座位之間非常寬闊。晚上除了可叫傳統嘅中式餸套餐外，仲有可叫咖喱系列、懷舊系列（例如福建炒飯、銀芽肉絲炒麵、枝竹火腩飯）。如叫小菜晚餐，仲可以加錢叫酸菜魚食，非常創新。啱晒我呢啲要選擇嘅。好耐無食中菜，就叫咗個$156 - 2人晚餐。酸菜鯛魚片湯窩（C先選）（套餐另加$18）鯛魚非常新鮮，超有魚味。魚嘅肉質非常彈滑，色澤非常通透，鯛魚冇乜骨。酸菜亦夠多，魚肉吸收晒酸菜嘅味道，再帶少少辣味非常惹味。魚湯亦非常清甜，送白飯非常一流。西檸軟雞 （B自選）西寧軟雞炸到非常鬆脆，雞肉非常新鮮滑溜。 檸檬味超夠唔會過酸，食落非常清新可口，酸酸甜甜非常開胃。 一道非常好味的中式小菜。附送菜心一碟，菜心非常新鮮，食落脆爽，白灼非常健康。跟套餐仲有傳統中式青紅蘿蔔湯同兩杯熱飲附送，非常夠飽。好適合住係青衣城/長安一帶嘅一家大細懶得煮時，落去食飯。

今日諗住試吓呢間鋸扒，點知18:02落單，18:44都未到，問多兩句，佢哋啲服務差到冇朋友，問多兩句又黑口黑面，足足坐左成九個字先嚟有嘢食，成杯嘢飲已經飲咗差唔多九成，一句唔好意思都冇，呢間嘢真係冇下次，一定唔會再幫襯😡成個扒餐塊雞扒又細塊又成陣冰鮮味，我叫黑椒汁，佢又嚟蒜蓉汁，等成九個字，仲要錯晒單，又要收埋啲咁嘅服務態度，完全接受唔到😡呢間嘢服務態度差，食物又難食，仲好意思收呢個價錢，我一定會再幫襯，絕對唔推介大家嚟😡

趁放低小朋友學野，食過下午茶滿足下自己先想又食西多又想食沙牛麵，就去左附近既餐廳賓墟冰室。呢度裝修都幾懷舊，座位闊落。一口西多士配薯條/沙律 熱華田$37）一口西多 平時只有糖漿,呢度有得揀朱古力醬 當然要試下啦。擺盤賣相都幾靚。件件都炸至金黃色，多士內餡加有花生醬，沙律不是罐頭水果而係用新鮮生果有蘋果薯仔哈蜜瓜，可以減減多士既油膩。奶茶夠香滑懷舊裝修另外我地叫左沙嗲牛肉五香肉丁麵配凍奶茶$39沙嗲味濃好香，牛肉唔韌容易咬開，公仔麵唔會煮到淋晒好食。下午茶都食物選擇比較多輕食麵餐飯餐鐵板餐都有價錢親民。**餐廳地下多用防滑膠但佈滿油行走時要小心**

眼見時下越黎越多fusion菜餐廳, 越黎越多cafe, 有時都想品味一下傳統既冰室或者茶餐廳今次黎到位於青衣既呢間賓墟冰室, 無論係裝橫定係食物都充滿傳統冰室/茶餐廳既氣息 (其實我到今時今日都唔算好識分冰室同茶餐廳)咁講到傳統冰室, 就一定要黎個菠蘿油先啦再黎整返個下午茶雙拼粉麵, 沙嗲牛肉拼腸仔通心粉, 正更更更唔少得我最鍾意既星洲炒米, 哈哈哈哈哈飲品就唔少得凍檸茶, 鴦走, 同阿華田!!咁就可以好好享受一下呢個下午茶時光啦