賓墟冰室

营业中

休息中

今日難得去左青衣，就決定係呢到食埋中午飯先，路邊見到賓墟冰室呢間餐廳，見到d野食都幾吸引，就入來試試。呢到服務員唔多，但係佢哋個個都好好禮貌，雖然都差不多坐滿客，但係都唔會話超級嘈吵，就係街坊茶餐廳嘅感覺。個重量級香煎紐西蘭牛柳配意粉真係重量級，份量超級大！牛柳唔會好鹹，意粉個蒜蓉汁都夠濃，唔使叫多汁都足夠。嘢飲就叫咗茶餐廳必備嘅特檸茶，茶底夠濃又唔會苦澀。另外個焗芝士番茄豬扒飯都好好食，雖然要等一陣，但係焗飯都係必然㗎啦，熱辣辣咁出嚟，超級好味！嘢飲就叫咗凍奶茶，夠滑夠濃，不錯。

今日黎呢頭做野，放工已經係20:30……餓到唔餓，所以求其見到餐廳就入~點知好有驚喜!好多選擇，連煲仔飯都有!即刻有返食慾~🔹重量級香煎紐西蘭牛柳配意粉🔹 有令人驚艷嘅感覺~因為牛柳比我預期中大塊~肉質淋得黎有咬口，又好juicy~塊鐵板都夠熱，牛扒表面煎到少少酥脆，入面都保持到啲肉汁~揀左黑椒汁配意粉夠哂香辣，係茶餐廳嘅味道~🔹臘腸滑雞牛肉煲仔飯🔹雖然話連鎖快餐店都食到，但風味就係唔同，喺呢到都食到香噴噴熱辣辣嘅地道風味，唔駛去廟街就食到~臘腸的鹹香同滑雞嘅嫩滑，加上牛肉嘅鮮嫩，好好味~粒粒飯香同煲底嘅飯焦，再加上煲仔飯豉油，絕對值得一試

用餐時間（10:03am breakfast）follow@wojengyea/@wo!正嘢 for more food info🐒 支持我哋發掘更多美食 😋平時都喺屋企食早餐，今朝遲咗起身好趕，係青衣食個肥仔早餐。🐽例牌叫沙嗲牛肉麵，餐肉炒蛋，油多。落單時叫爽麵，夥記做到嘢👍🏽因為好多時都會煮到淋一淋。沙嗲夠濃味，麵夠爽🍜 。可惜個炒蛋凍嘅🍳 超失敗。午餐肉煎得唔夠耐，淋身又晤夠燶，迫唔出啲香味。嚿多士有一浸怪怪的大陸奶油味（喺大陸麵包舖會聞到嗰隻）。最後點埋杯茶☕️🥛，好彩杯奶茶幾好飲，係茶同奶比例適中嘅一杯。

今日去朋友屋企玩，上去之前先喺樓下嘅冰室食個lunch先。呢度嘅裝修都幾特別，有塊牆係display緊啲舊式廣告，都幾有feel。鐵板美國西冷牛扒（配意粉蒜蓉汁）牛扒完全沒有雪味，而且入口鮮嫩多汁，生熟程度亦煎得啱啱好，而且鐵板燒得十分之熱，所以一路食都feel到熱辣辣。意粉軟硬適中，連埋個蒜蓉汁一齊食十分match同掛汁。芝士肉醬雞扒焗飯一上枱已經俾佢厚厚嘅芝士同肉醬吸計，十分之香，熱辣辣咁。而且塊雞扒好厚好多肉，仲好香口。再打開就見到個飯，平時出面食焗飯好多時都一係太乾又或者一係啲飯黐埋一舊。呢度好明顯粒粒分明，食落口又唔會乾爭爭，配合埋個汁勁juicy勁入味。凍華田夠凍之餘味道又十分之濃，絕對無吝嗇。紅豆冰紅豆冰大大杯又足料，紅豆煮得又綿又清甜，唔會有太硬嘅情況，解渴又滿足。

《賓墟冰室》▪️▪️▪️▪️▪️▪️▪️▪️▪️▪️▪️今次到訪一家青衣港式風格既冰室~▪️▪️▪️▪️▪️▪️▪️▪️▪️▪️▪️🔸 窩蛋牛肉煲仔飯（$65）煲仔飯勁大份🫣🫣兩個人都應該夠食🤭🤭 牛肉份量幾多~差D可以cover 成個煲😂😂😳 另外豉油都唔會過咸🥳 算好唔錯🤩🔸菠蘿生炒骨（$75）生沙骨幾脆幾好食😝 以茶餐廳嚟講完全above expectations 😝😝 另外份量上就係正常客飯~🤓▪️▪️▪️▪️▪️▪️▪️▪️▪️▪️▪️不設加一收費▪️▪️▪️▪️▪️▪️▪️▪️▪️▪️▪️今次幫襯: 📍賓墟冰室青衣牙鷹洲街8號灝景灣商場地下1號舖#波比出青衣 #tsingyi #tsingyifood #青衣美食 #煲仔飯 #hkfoodie #hkblogger #foodie #hkfoodblogger #hkinfluencer #hkkol #hkfood #hkfoodlover #hkfoodstagram #hkigfood #igfood #food #hkeat #hkrestaurants #食好西 #香港美食 #餐廳推介 #香港好去處

難得有時間帶做咗20幾年既菲律賓藉屋企人😜去行吓街出街食下嘢買下野叫佢揀餐廳 佢竟然揀左最地道嘅港式茶餐廳🤣第一次嚟賓墟冰室見周圍都有分店今日終於試一試佢中午時間兩三點 人流都算多八成滿 餐廳夠大唔使排隊見佢有期間限定午餐我哋每人叫咗一個餐1️⃣椰香紅咖喱牛腩飯-醬汁香濃 有椰汁味 微辣但唔食辣嘅屋企人都冇問題 份量都算多 有8至10嚿牛腩 餸菜用煲仔上熱辣辣大大份👍🏻2️⃣鐵板雞扒餐配薯菜（黑椒汁另上）-雞扒有兩大塊，薯菜份量都多，不過嚟到微暖未算好脆口，黑椒汁另上勁大兜，用埋嚟點薯條都冇問題，鐵板上嘅配菜份量亦多，其實係見到隔籬枱食，所以跟機，正🤣🤣食得多好嘢，偶然食吓平民地道茶餐廳，係唔錯嘅選擇🤪

天寒地凍🥶當然需要好好暖一下肚子，這個時候來一鍋煲仔飯🍲🍲就再好不過啦～～今天我在青衣發現了寶藏餐廳🤩🤩用實惠價格享用到傳統、正宗的香港🇭🇰煲仔飯！🐽臘腸臘肉煲仔飯（$68）臘腸吃起來油潤多汁，皮脆肉彈，充滿肉汁🤤🤤臘肉半肥半瘦，有咬口，帶微微的咸香😍經過大火烹調，臘肉的肉汁完全滲入米飯中，每一口飯都佈滿油香🍚🍚🐽沙茶牛肉煲仔飯 （$65）必點❗️❕❗️ 煲仔飯開蓋後，充斥著牛肉的香氣，沙茶牛仔是傳統潮洲菜，沙茶醬質感亦偏稠身，牛肉經過醃製後，口感軟淋，味道帶點點鹹香和辛辣🌶️🌶️ 別有一番風味。✨香港傳統舊派吃法：鍋底焦焦脆脆的「飯焦」會倒入茶水🍵做成泡飯

今天和住在灝景灣的朋友吃午飯，她帶我去賓墟餐廳。餐廳窗明几淨，座無虛席。我心想：人客那麼多，食物質素應該有保證吧！我們二話不說便入內坐下。我們點了：香煎美國西冷牛扒配薯條最喜歡聽鐵板餐的「滋滋」聲。醬汁倒下去的一剎那，散發出誘人的香氣，十分治癒。牛扒嫩滑多汁，入口後肉質鮮美。薯條的外層酥脆，內部則保持著軟熟的口感，既有嚼勁又不會太油膩。這道經典的茶餐廳鐵板餐果然十分好味，夠地道，價錢又實惠。雜燴炒米：香噴噴的雜燴炒米有很多配料，有燒肉、蝦、雞肉、豬肚和蘑菇等。燒肉烤燒得香嫩多汁；蝦和雞都鮮甜嫩滑；最出色的是豬肚，爽滑彈牙，非常入味。還有微微燒燶的米粉，又脆又香口，口感綿密，吸收了所有食材的味道，非常入味。一如所料，這間普通的茶餐廳座無虛席，無論價錢地點食物都有一定的質素，怪不得我的朋友把它當「飯堂」呢！

青衣朋友話我知這間冰室是所有青衣街坊的飯堂，因它位置方便，選擇又多。今日隨朋友一試，叫了滿枱食物，有鐵板有焗飯有下午茶，包羅萬有，性價比高。.🏅重量級香煎紐西蘭牛柳（$89）牛柳超大塊，跟一大碟粗薯條（可另選白飯／意粉）和大碗黑椒汁，果然重量級。6成熟的牛柳很嫩滑。🏅芝士焗茄醬石斑飯（$62）很喜歡這個焗飯，尤其那粒粒分明的黃金炒飯，魚柳不算大塊但很厚肉，茄醬加芝士醬也很美味。🏅一口西多（$32）西多可選糖漿或朱古力醬，比較少見。朱古力迷當然選擇後者。西多中層有花生醬餡，麵包的邊位炸得香脆。🏅香茅雞中翼（$30）即叫即炸，香脆入味。🏅紅豆奶茶（+$17）🏅紅豆冰（+$10）🏅熱奶茶（+$0）推薦紅豆飲品，紅豆綿密又多，無論是單純的紅豆冰還是紅豆奶茶都好滿足。下次要試埋紅豆咖啡！

鐵板紐西蘭牛柳 配飯 蒜蓉汁 💰89以呢個價錢食到呢個份量既牛柳真係幾抵食🐮🥩蒜蓉汁好惹味 送飯一流🧄細食嘅豬仔可以同朋友仔share🤭鐵板干炒豬扒烏冬 💰64推薦推薦‼️烏冬炒得好入味 夠乾身 偏咸但好惹味🤪岩哂重口味嘅豬仔 食炒烏冬就係要食重口😚豬扒份量都唔少 師傅比料比得一啲都唔手軟😍紅豆冰 💰10高質紅豆冰🫘🥛飲落有陣煉奶嘅甜香味 紅豆好綿好軟糯😋成件事好夾 係小c妹飲過數一數二嘅紅豆冰👍🏻炸大雞脾薯條 (下午茶) 💰40去茶餐廳梗係要食下熱氣野🔥炸雞脾真係首選 雞脾好香脆同juice🍗🍟簡直係下午茶之鬼🤘🏻

今日去完朋友屋企玩，玩到咁上下肚餓。朋友帶我去佢樓下一間茶餐廳食野。餐廳裝修充滿港式風味，牆上有些舊式廣告，有心思又有特色。我嗌左個下午茶餐：❤脆炸大雞髀配沙律雞髀🍗真係好大隻！😱皮脆肉嫩😚🤤沙律有蘋果、薯仔🥔、菠蘿🍍等水果，夠晒清新😄。下午茶餐奉送熱飲，嗌左杯熱檸檬茶。另嗌左個午市小菜套餐：❤️賓墟一品煲有不同海鮮：魷魚🦑、蝦🦐、青口、魚柳等。還有白菜🥬和豆腐。一個煲一次過食到咁多野，足料又滿足！😙套餐奉送白飯和熱飲。加左$10嗌杯特飲：紅豆冰紅豆🫘佔左杯嘅一半，份量足，夠粉又夠腍。

坐低等個侍應過嚟落單，佢當時有嘢做冇理我收銀當時亦接緊電話我冇打攪佢，我在看着侍應的方向，突然後邊一聲喝食咩啊妳？你講啦。嚇到我成個跳起態度極差,然後餐到，食火腿奄列時…還要有異味….,感覺餐廳的員工完全係唔想客人來幫襯…….有禮貌嘅等候換來一聲呼喝，…唔建議幫襯，完全不懂，尊重客人,尤其是那個收銀員身形比較豐滿的那一位,態度極之惡劣,客人嚟係幫襯妳公司，唔係俾你當狗咁呼喝…….極之不愉快嘅體驗。

尋日去迪士尼之前去咗青衣附近搵野食冇諗到青衣站附近有間咁鬼正嘅冰室😯.打開menu完全花多眼亂, 真係咩菜式都有all day breakfast, 常餐, 扒餐, 滑蛋飯, 泰國粉麵😬😬😬 我哋嗌咗蔥花叉燒滑蛋飯同巨人雞脾扒拼蒜蓉焗青口配薯條叉燒滑蛋大讚呀！滑蛋嫩滑，叉燒入味半肥瘦剛好平時晏就少飯嘅小丸子都差唔多食哂成碟扒夠大塊嫩滑 啖啖肉 青口都有幾隻熱檸水都誠意十足 #hkig #hkfoodie #foodporn #foodphotography #likesforlike #instalike #followforfollowback #香港茶餐廳 #賓墟餐廳 #賓墟冰室

.今晚去左屋企附近嘅人氣茶餐廳 - 賓墟冰室💁🏻‍♀️突然有d懷念港式茶餐廳風味吃港式茶餐廳我一定會來呢度 - 賓墟冰室賓墟係我經常會去吃的茶餐廳，好推薦✨晚餐最推薦!!! 就係脆皮德國咸豬手、蒸魚套餐兩人餐還送青菜!! 四人餐更免費送雞翅呢想食蒸魚/脆豬手套餐一定要早d黎食或者打定電話落去留左先😻脆皮德國咸豬手餸如其名真係好脆口，餐廳更特製左一款芥末醬，份量足夠2個人食，好抵食😆✨餐廳服務好好，一入餐廳店員介紹我食脆皮德國咸豬手🤩，坐隔離嘅食客已經同我講好好食架，咁我一定要試下啦😝餐廳係正青衣城隔離，位置好方便😻……….地址：賓墟冰室 (青衣)青衣牙鷹洲街8號灝景灣購物中心地下1號舖……….

晚飯時間黎到青衣城，突然想食茶餐廳小菜，無意間發現商場外圍有這間冰室，餐廳名仲有個小菜兩隻字，菜單價錢貼地，由於太餓既關係都冇諗甘多就狗衝入去。叫左個二人餐，脆皮德國咸豬手同埋酸辣牛肉窩。包例湯同埋白飯。先送上蘿蔔湯，外表正常發揮，飲落覺得到好有味，應該冇落味精，幾好喎。再送上近年茶餐廳愈來愈少見即真檸檬凍檸水，同凍奶茶，奶茶有茶香，係飲完有下次既質素。到主菜酸菜牛肉，我個人喜觀佢既萵筍，好爽口又冇草青味，牛肉吸入酸辣湯都唔錯既，個人覺得俾鍾意食辣又唔鍾意太辣嘅人食就最岩。來到第二道重頭菜脆皮德國咸豬手。食完番唔到轉頭，有很多西餐廳都做唔到有甘既質素，外脆內軟，脆皮下有適量既肥肉唔會太多唔會太少，整塊咸豬手被師傅切成多塊，一口一塊，岩晒我這些切都懶既人。食完這道菜聯想起食神家燕姐食黯然銷魂飯既反應，好好味呀～～～總括來說CP值極高，就算唔係住係附近，都值得黎試下既地道冰室。