貴花甜糖水甜品專門店 (已結業)

與男朋友吃甜品 由於我飽的關係只是叫了一個香蕉心太軟由點菜後至食物到桌上 大概等了20-30分鐘 首先 賣相 不俗 看起來好像很好吃 我先試了心太軟旁的雲呢拿雪糕 味道還可以 不會太甜 再咬了一口香蕉 繼而再吃了一口心太軟整體來說味道很好 絕對有香蕉的味道 但最失望是 其實像在吃 香蕉鬆糕一樣$58 一個香蕉心太軟 覺得不太值而已因為沒有流心的心太軟 好像少了一個甜品的靈魂而且感覺就好像違反相品說明條例 到結帳時 店長知道心太軟沒有流心後 即時作出了相應道歉並回贈 其實當時男朋友只是輕輕帶過 說出我對甜品的感受心太軟沒有流心 僅是如此男店長便作出相應良好服務態度 再重新弄一個有流心的心太軟可說是留住我的心此舉值得一讚

第一次食呢到既心太軟，叫左百利甜酒朱古力心太軟，黎到個陣店員話估計呢個應該唔夠流心，果然一挖係得好少流心，店員話食住先再整多個比我其實個味道幾好，只係無乜流心姐。之後再黎多個，外層脆，裡面多左流心但係都唔係好多，不過已經食到好飽啦店員話可能酒味呢個無咁流心，我再研究下，原味流心朱古力個個會好流心，食住先再整多個比你不過真係食唔落，一連食兩個好有罪惡感，哈哈，男朋友又唔食得蛋只可自己KO哂兩個。不過感覺到店家好有HEART要做好d甜品，靜係呢樣就已經值得讚下次要黎要試一試綠茶心太軟先，睇到相流心十分多！

係街度收到傳單，無任何折扣，但只係覺得個店名幾得意就去左試下，叫左個心太軟同埋雙色蕉糖燉蛋，例牌糖水鋪大細，坐位逼逼地，不過我都係諗住快食快走，所以無咩所謂，可能心太軟要焗會等比較耐，大約１０分鐘後上台，熱辣辣既朱古力蛋糕切開流心漿唔算多，但幸好味道夠濃，配埋雪糕凍冰冰幾好味。雙色蕉糖燉蛋一邊係普通燉蛋，一邊係朱古力味，碗既厚度其實好薄，所以分量唔算多，基本上一人可以食晒２邊，朱古力味不算重，反而普通燉蛋比較出色，焦糖不太焦，沒有燶味，還算不錯。

聖誕夜友人驅車帶我們到油麻地的「貴花甜」吃甜品，大鄉里平日很少到這區找吃的，原來這店很旺，我們在店外等了約10分鐘呢﹗ (但店員實在超有熱誠，在我們等待期間很耐心地介紹美食，又非常積極地安排座位，超讚﹗)先來「好立克雪糕冰露」(HK$48)，還以為味道一定被冰弄淡了，沒料到啖啖幼滑沙冰帶極濃好立克香，非常滋味，讚﹗身為綠茶迷的我早在外面等候入座時，已點了這個「綠茶心太軟」(HK$58)﹗絕對熱辣辣即叫即焗，一切開，熱燙綠茶濃漿不停湧出，我在兩秒內拍罷這照片便立即大口品嚐﹗外層夠脆，綠茶味香濃，而且絕不會太甜，令我瞬間清碟﹗讚讚讚﹗回味無窮的我忍不住多試一款甜品，在店員的推介下點了這個「薑汁梳乎厘」(忘了價錢)﹗ 又是熱辣辣的上桌，外層香脆，內裡輕盈鬆軟，還夾雜著薑粒粒，非常暖胃，是冬日甜美之選 : ) 小店各人都熱誠滿滿、非常落力又親切友善，在我們吃到中途時，更主動送上暖水讓我們清清味蕾，令人感動，實在值得支持 ^_^P.S. 見到鄰桌客人的「火焰雪山」很吸引，但我已連吃了兩份甜品……希望有機會再來試試吧 : )

上次食過朱古力心太軟番尋味，今次短期再來想食綠茶心太軟。4時多剛開門，我們是第一位顧客。 無意中留意到將店內任何食品upload 上網就會有精美品一客。免費甜品就是這個，雖是普通雪糕配生果，加上彩色糖漿，也擺得幾別具心思。綠茶心太軟配雪糕 $58賣相比朱古力心太軟差一點，因為碟上沒有花花。綠茶味未算較出，不太流心，而且蛋糕有點硬，應該焗得過長時間，發現蛋糕底是燶的。朋友點的紅豆牛乳奶凍雪糕 $40奶凍不是軟滑那種，可能魚膠粉過多吧！而大量紅豆味道好像不太夾。

上回食完暖笠笠煲仔飯後，一定有飯後甜品才是完滿。排隊等煲仔飯時收到貴花甜單張，於是就過去一試。店員態度親切，年輕人的活力，等待約5分鐘已有位。開飯看到、及店員也推介心太軟，每樣口味都好吸引，最好選了較有興趣的百利甜酒。賣相相當不錯，心太軟、雪糕、還有彩色花花配襯。$62外層脆脆地，切開心太軟有朱古力流出來，朱古力濃度剛好，不會太甜，熱心太軟配上冰凍 dreyer 雪糕，雙重感受，花花酸酸甜甜的，比想像中好味。而朋友點的是香蕉心太軟 $58，賣相比朱古力差一點，不過朋友嚐過有超香濃香蕉味，味道相當不錯。下次我會食綠茶心太軟。

椰皇西米露，可加糖水調味。入面既係本身椰皇晚椰水，食得出味道，所以都幾稀，西米同珍珠都冇味。椰子肉唔夠淋好難挖。唔夠雪糕，雪糕空心既，金寶太油膩，食左兩啖唔想食。早知就叫最穩陣既心太軟算。

同女朋友約好當日去試試，由於本人係未食過心太軟既關係，真的想試下去到目的地，店舖不大，勝在環境清潔。     女朋友點了綠茶心太軟，我就叫了朱古力心太軟。 朱古力心太軟:一刀切落去，嘩d朱古力流心係咁流出來，我就唔等啦，立即食了。熱烘烘的，蛋糕好好味，朱古力流心食落仲有少少酒，原來內埋仲有酒心，真係超好食囉。 西瓜沙冰就麻麻地了，好淡，無西瓜咪。 所以下次去唔叫飲品了，只食心太軟，因為這裡的心太軟太好食啦，回味無窮啊

唔使等位，一行到門口，就見到個靚仔派傳單兼好落力甘SALE我地，甘巖我想食心太軟，就入去了，裡面唔算大，幾張臺，可能下午時段，人唔多，叫左個比利時朱古力心太軟，52蚊，即點即做，外面系朱古力蛋糕，裡面系朱古力，外觀比較好睇，不過朱古力蛋糕噶味道相對甜了D，而且一切開蛋糕，朱古力唔會流出黎，尼方面差了D，裡面朱古力較少，蛋糕較多，另外配搭各種水果（芒果，士多啤梨、西瓜），感覺爸爸要左個杏汁蛋白雪蛤，48蚊，蛋白比雪蛤還要多，尼個唔會好甜，但比較漏，可能蛋白多噶緣故，一共100蚊食完之後爸爸個肚發現有DD唔舒服，可能整噶過程中有DD唔系甘乾淨，下次我地都系去第間算了

睇完戲，肥髀想食個甜品，我上網搵到呢間，因為近戲院，而且有個藍色冰露幾特別！去到門口有店員派傳單，我入去見有七成滿，坐近門口收銀旁一張2人枱，唔算闊落，裝修好色彩繽紛，枱櫈乾淨！坐低店員會介紹店內受歡迎甜品，主要係梳夫里、冰露、心太軟，肥髀見到冰露（即沙冰）已經唔肯睇其他，我本來想食熱嘅，但見到個藍色沙冰好靚，又忍唔住叫！肥髀又堅持食芒果，唔肯同我分享一個！冰村藍精靈--上枱藍色好靚，好夢幻，食一啖淨冰，沙冰好幼滑，荔枝味清新，唔會藥水味，上層係鮮荔枝雜莓混合冰露，下層白色係鮮荔枝益力多混合冰露，兩種都好味唔假，自己喜歡益力多多一點，因為味道酸酸甜甜，同益力多味道好夾，上面爆珠爆開感覺得意，但爆珠裡面汁液比較假，唔鍾意，蘆薈太細碎，食唔出味道，亦唔夠口感，荔枝肉只有四粒，雖然話係鮮荔枝，我就覺得似罐頭貨，幸好味道仲算鮮甜，整體好味，但份量多，我食一半已經頂唔順，凍到頭痛！所以放棄！鮮芒椰果蘆薈冰露--黃色冰露，味道清新，唔會藥水味，沙冰幼滑，鮮芒果大粒，果肉好甜，水果天然甜味，椰果煙韌，蘆薈粒都係太碎，完全唔覺佢存在！整體味道唔錯！店員雖然全部都係後生仔，不過勤快有禮，但下次可以提醒客

電影中心睇完戲心思思想食甜品，行過貴花甜，印象中呢間野都唔差，最重要今次係比佢個門口Halloween special個牌吸引到！一入去店員已熱情招呼兼簡介佢地ge熱賣產品，好surprised! 値得一讚！無乜甜品店有呢d service~~我都係掛住睇halloween 果幾款得意造型甜品，最終揀左南瓜心太軟，因為真係無乜機會會食到～甜品到la～ 好香好香！ 蛋糕好牛油好味！ 可惜主角南瓜流心唔夠多，味道也不夠濃，有點失望，配在旁邊的小鬼、蝙蝠造型餅餅可愛！仲有鬼眼啫喱～ dryers雲呢拿雪糕ok，驚喜在凍硬左的朱古力漿是我最愛的dark chocolate，正！食完有位staff俾份意見書我填，埋單交回時才知有9折會員卡送~  令客人也甜在心的experience ~

剛剛係土瓜灣嘆完全羊宴，時間尚早又飽飽地，几個為食嘩鬼決定散步行去旺角，見到商場就走入去，影下相笑餐飽既……其中有人提議話去食甜品，問有無好介紹？！自從琴晚到訪過"貴花甜"後，一直念念不忘! 我即刻拍心口帶佢地去食好野！可能早得濟，今晚無咩人，我地一行六個先可以坐埋一齊 四個人心意相通，一點就四款心太軟齊齊食:-1.綠茶心太軟 : 今次伴碟有好多又甜又熟既紅豆呀！由於大家都掛住輪流相機食先，攤耐左個心太軟，d流心自然流失係碟邊，搞到切開果陣，流心少左，無太大驚喜添！味道依然故我，一個字 ! 不過雲呢拿雪糕就無左層朱古力脆皮囉！2.比利時朱古力心太軟 : 我男朋友最愛朱古力，有機會要帶他來食下！朱古力特別幼滑濃郁，靚女友人掛住拍低流心澎湃既一刻，又搞到流心走哂火喇！3.南瓜心太軟 : 萬勝節題材，插左d十字架餅乾、啫喱糖眼做裝飾。雪糕有朱古力脆皮包住。蛋糕外脆內軟，勁香牛油味，南瓜流心甜入心！4.香蕉心太軟 : 蛋糕同樣熱辣辣香噴噴，流心甜而不膩！四款心太軟，至正係綠茶，其次係朱古力！另外兩款都唔錯，但切忌要盡快一刀切，唔係就會錯過流心精采既一刻！另外兩位朋友點左兩款雪糕甜品

食過生日晚餐後，好朋友跟住帶我去食好正既甜品 ，間甜品店叫"貴花甜"。點知佢無咩記性，記錯左地址，帶左我去佐敦果間同名既西餐廳，結果要坐返地鐵去油麻地，開gps先知最近係C出口。細細間既糖水舖，入夜後都依然勁多人 ，多到要坐到出門口外，好似d大排檔咁。最初我地被安排坐係門口外，後尾舖内埋單有位，後生哥仔好識做，即刻安排我地入内坐，有冷氣自然涼快過坐出面！好朋友話來呢度最好食係心太軟, 即叫即焗架！其他款一般般咋！花心既我，無理由食死一款心太軟姐，反正大家share食，揀個另類既先...1.綠茶心太軟($58） : 一捧上枱，已經聞到香噴噴既牛油味 ，切開後更加不得了, 火山溶岩既綠茶流心，係咁蜂擁而出！食左一啖，發覺蛋糕外皮微脆又香口，緣茶味恰到好處，認真好食到停唔到口 ！另外既朱古力脆皮包住雲呢拿雪糕都好好食！2.咖啡芝士凍餅伴曲奇雪糕($46) : 舖左粒粒綿花糖既芝士凍餅，幼滑軟綿。伴碟既粒粒咖啡啫喱，咖啡味濃。而朱古力脆皮包住既曲奇雪糕，亦好正！下次一定要試多几款心太軟先得！

咁岩黎油麻地補習，補完就又食呢間！上次食完南瓜心太軟上左引，又再叫心太軟！不過系綠茶味嘅！個人鐘意綠茶味多d，佢呢隻個甜度岩岩好，唔會好留，奶味重過茶味dd!同埋今次細心睇menus先知佢原來系用dreyers 雪糕！怪不得咁滑啦～掛住食無影到相

第一次食呢間，見到menu有萬聖節特別推介南瓜心太軟好新鮮所以叫左來試個南瓜無想像中咁膩咁濃，流心出來d南瓜汁味道偏清甜，都幾滑，同佢個佢個vanilla雪糕幾夾，ddecoration好得意有d蝙蝠型餅乾仔，似系自己焗的，但味道也ok，幾香牛油味