貴花甜糖水甜品專門店 (已結業)

剛剛係土瓜灣嘆完全羊宴，時間尚早又飽飽地，几個為食嘩鬼決定散步行去旺角，見到商場就走入去，影下相笑餐飽既……其中有人提議話去食甜品，問有無好介紹？！自從琴晚到訪過"貴花甜"後，一直念念不忘! 我即刻拍心口帶佢地去食好野！可能早得濟，今晚無咩人，我地一行六個先可以坐埋一齊 四個人心意相通，一點就四款心太軟齊齊食:-1.綠茶心太軟 : 今次伴碟有好多又甜又熟既紅豆呀！由於大家都掛住輪流相機食先，攤耐左個心太軟，d流心自然流失係碟邊，搞到切開果陣，流心少左，無太大驚喜添！味道依然故我，一個字 ! 不過雲呢拿雪糕就無左層朱古力脆皮囉！2.比利時朱古力心太軟 : 我男朋友最愛朱古力，有機會要帶他來食下！朱古力特別幼滑濃郁，靚女友人掛住拍低流心澎湃既一刻，又搞到流心走哂火喇！3.南瓜心太軟 : 萬勝節題材，插左d十字架餅乾、啫喱糖眼做裝飾。雪糕有朱古力脆皮包住。蛋糕外脆內軟，勁香牛油味，南瓜流心甜入心！4.香蕉心太軟 : 蛋糕同樣熱辣辣香噴噴，流心甜而不膩！四款心太軟，至正係綠茶，其次係朱古力！另外兩款都唔錯，但切忌要盡快一刀切，唔係就會錯過流心精采既一刻！另外兩位朋友點左兩款雪糕甜品