貴花甜糖水甜品專門店 (已結業)

前幾日同大o omate 去re u，去左打邊爐，完左等埋其他未join嘅組員想去食糖水，因為係油麻地個邊，唔想行番去旺角咁遠，所以就呢左貴花甜，之前都未食過呢間，意想不到的好好味 因為我好中意食朱古力，見佢個心太軟係有比利時雪糕即刻心郁郁想試，等左一陣，我的比利時雪糕心太軟就黎到啦>< 一切開D朱古力即刻流曬出黎，仲係熱辣辣的，仲有個雪糕好好味，配埋個心太軟一齊食真係冇得彈，下次會再試過

今次同爸爸係廟街食完飯就當然行過來貴花甜食個飯後糖水😋不過去到舖頭好多人，吾想等既我地就選擇坐外面食，不過天氣真係好熱🌚我吃左個香蕉心太軟，超好食！ 首先條香蕉好新鮮同好甜，但最值得讚就係個心太軟，佢吾係平時食開那種普通朱古力心太軟，佢完全係純香蕉心太軟，流出來既餡好香又好食，夠特別👍之後爸爸就食北海道牛乳奶伴紅豆雪糕，爸爸食到讚不絕口，尤其個奶凍，甜度剛好，紅豆一粒粒甘伴住食亦相當有口感👍可能美中不足就係坐出面太熱 雪糕好快溶😂😂

聽好多朋友都講過話呢間舖既心太軟唔錯，但一直冇機會試，我本身係心太軟精黎☺️去所有甜品店都一定會叫心太軟，今次都唔例外。呢次呢個心太軟配上比利時雪糕，認真唔錯。好多人以為心太軟個雪糕唔重要，其實係錯既。因為心太軟好濃好杰，要有雪糕中和返個口感，咁先唔好越食越膩。呢個雪糕好食得黎個心太軟都焗得岩岩好，熱辣辣不特止，中間既流心都好標準，甜得黎都唔會好膩。總括而言係絕對會再幫襯既舖頭，各位鐘意心太軟既人一定要試呀!!

平時自己一向都好鍾意食綠茶類既甜品，所以今次再黎就揀左綠茶心太軟。因為即叫即整，所以都等左二十分鐘先有得食。一黎到就聞到好香的綠茶味，篤開個綠茶牛油蛋糕，D綠茶醬流曬出黎。個蛋糕外脆內軟，焗得岩岩好，唔會太乾，而蛋糕又好鬆化，配埋少少綠茶醬流心，口感好豐富! 呢個綠茶醬唔會太甜又唔會有苦味，因為有時綠茶類既甜品會有苦味，不過呢綠茶心太軟就無咁既問題。心太軟旁邊又有紅豆同Dreyers雪糕，綠茶加紅豆，簡直係完美組合！仲有一樣野值得讚就係員工態度好好，黎咁多次都好有禮貌，值得一讚聽職員講halloween又有D新奇趣怪既甜品，所以會keep住黎試新野，期待!

上次試過佢個BANANA心太軟, 咁有驚喜之後就心思思想試下原味朱古力款我同友人揀左有酒心個款呀, 因為即時焗, 所以都等左15-20分鐘左右 ><之前幾好既印象令我對依個心太軟都抱有期望架!!! 好似上次咁有舊ICE-CREAM係隔離, 我同友人急不及待就食啦由於係朱古力, 所以有D"溜", 但食返啖雪糕就中和返哂 HAHA 一熱一凍其實幾爽!但係D酒心熱食就有少少奇怪啊, 所以搞到有D失望, 佢個價位都唔平架要$6X不過, 依間野D SERVICE真係幾好,好貼心! 都補哂返數既今次到我拎走張9折卡, 下次再去食另一款心太軟!!  

自從上次食完心太軟之後，就對呢間甜品專門店念念不忘想試下佢的其他甜品，所以又約左朋友黎多次因為天氣好熱，想食D凍D既甜品今次點左曲奇雪糕阿華田冰露黎到既時候發現幾大份份量幾多，賣相同menu既一樣佢最底有阿華田冰露同珍珠阿華田冰露同珍珠夾埋一齊食既口味好特別幾Match平時食呢一類型既甜品下面可能會係一D水果味既刨冰，但今次呢個幾新奇面頭有D可可脆米同玉米片，同埋D冰露一齊食令到個口感更豐富，而最上面用左Deryer's 曲奇雪糕正! 如果大家唔想食心太軟想食D消暑既甜品，可以一試冰露系列! 

同朋友系油麻地逛完街想吃甜品，看到貴花甜易拉架就入去試試間店系綠色佈置 以為甜品都是來來去去的幾樣 點知系玩創意 有好多都系未見過例如綠茶心太軟我就點左個藍精靈冰 來到 成個冰都系藍色 以為味道會伏 點知出奇地好吃 系波仔汽水味 對於一D系炎炎夏日想消暑的年輕人食冰類甜品真不錯，我下次一定會再來 試埋其他甜品！

之前買過一次團購嚟食過感覺超值，日日期侍再次有筍野，一見到當然即刻就買，雖然貴花甜距離我屋企真係好遠，有團購就可以補番車費啦！今次我試左個綠茶心太軟，其實我對綠茶嘅食物製成品一向都唔係太like，見未食過就一於試試，好在冇簡錯，佢唔係好甜但係又唔會食到茶嘅苦澀味，側邊又伴左少少紅豆同雪糕，一啖熱、一啖凍真係幾滋味！老公叫左杯唔記得咩名嘅沙冰，我對佢隻颜色冇好感所以冇食，但係佢話唔錯囡囡貫徹始終都係叫薑汁梳芙厘，薑汁好香少少辣，又鬆又軟，三兩吓手勢已經比囡囡食晒落肚又要期待下一次團購喇！

天氣咁熱同個Fd行街行到出晒大汗就想食甜品降降溫，之後見到貴花甜，覺得冷氣好夠之後再睇下openrice啲評語，正評都唔小於是就入去試下啦，入到去員工好nice咁即刻過黎問我地食咩但我地冇咩建議於是就問職員叫佢介紹，佢就介紹北海道牛乳奶凍啦咁我地就試下，好彩唔使等好耐就黎左，個外觀比想像中同比menu入面張相靚窩。之後就食啦，一入口發覺牛奶味好濃好純，比起其他甜品店啲牛奶小一種膠味，而且又唔會覺得好甜，絕對可以降溫嘅感覺。就算減緊肥同唔食得甜嘅人都可以試下，食完會有一種舒服嘅感覺。食完之後同個Fd係到傾一陣計，職員都好好冇趕我地走，埋單之後仲笑住咁同我地講byebye同我地講下次再光臨，今時今日唔係咁多間鋪頭咁有禮貌。(ps如果唔中意食牛奶嘅人都可以試下其他野，佢地啲甜品都係比較創新總會有一種岩你口味)

之前聽朋友推介過呢間甜品專門店既心太軟好味咁岩今日又行經油麻地所以黎一試打開餐牌，見到有OK多款出面無既甜品，款式算多同特別揀左一輪最後點左個比利時雪糕心太軟，等左一陣就有得食未食睇個賣相已經好吸引，熱辣辣既心太軟好香一切開個心太軟，D朱古力醬即刻流曬出黎食左一淡非常好味，無我想像中咁甜咁流食完一啖心太軟再食一啖雪糕，一冷一熱，唔錯終於知道朋友點解推介比我，下次會再黎試其他款式

又去食貴花甜上次淨食左個心太軟 但見到個MENU有晒圖片其他都好似唔錯咁就介紹朋友同我去多次今次店員向我推薦左火焰雪山系列 之前冇試過類似呢D既甜品 唔知係咩黎又見到佢所有雪山系列都有60%橙酒( 見有酒雙眼發光 就點左個 火焰薄荷朱古力雪山甜品到後 店員拎左個勺盛左D酒 然後點火 再張D著緊火既酒淋落雪山度上圖已經淋左酒啦 唔知睇唔睇得出個雪出上面有火燒到咁上下個火會熄 就可以開始食啦因為岩岩燒完所以表面仲暖暖地 有D焦糖味雪山唔係我想像咁係雪或者冰 佢個質感好似係CREAM同豆腐之間冇咩特別既味道 軟軟地配埋表面既朱古力同酒一齊食食到入面會見到一球薄荷朱古力雪糕 就可以撈埋D雪山一齊食啦整體黎講 個雪山同我想像中有點出入 雖然見住個火燒個陣心情有點覺得新奇

第1次黎食 都不錯初時都係聽過朋友食完介紹話幾好 所以同朋友行完街特登行去食下野抖下我當時叫左依個芋泥冰配Haagen Daz曲奇雪糕，天時暑熱超岩，因為超冰凍，但好大份一個人食吾唒而我朋友就叫依3款，都值得一試👍👍👍值得一提，就係伙計的好服務，很細心為我地介紹各項甜品，而且又甜心地送上水，服務很好

天氣咁熱，同男朋友出去行街，當然要搵間甜品食下啦！一入到鋪頭，雖然唔係好大，但老闆，員工都好熱情，味食甜品已經甜入心！我地一開始叫左個比利時朱古力心太軟，朱古力味好濃，我最鐘意啊！食左一個好似唔係太夠，所以叫多個鮮芒椰果盧薈冰露，冰冰涼涼，又解渴，好正啊！

第一次黎呢間野食 見間鋪細細地又唔多人天氣又熱喎 咪入去試下入到去店員即時遞上MENU 仲好熱情咁推薦左幾款甜品比我地推薦左D自家皇牌 夏日岩食既 仲有多女仔同男仔揀搞到都心花眼亂 睇左段時間先落單最後揀左店員推薦既心太軟 百利醉人酒心朱古力心太軟話 面層用左比利時CALLEBAUT 70%既朱古力入面就用左愛爾蘭BALLEY'S 甜酒 同 比利時CALLEBAUT 54%既朱古力流心一黎到同圖片一樣好靚個面層外面配上松子仁口感幾脆 而且好濃味一切開入面既朱古力流心好快流出黎朱古力同面層一樣好濃味 不過就食唔太到酒味不過鐘意食濃味心太軟應該幾BUY呢款而隔離既雪糕係DREYERS'S既一啖朱古力一啖雪糕 一冷一熱口感不錯喔 

同友人係油麻地食完飯，經過見到食間野，就入左去試可能仲早，所以唔洗等STAFF好熱情介紹有咩好食，話新出左隻香蕉心太軟其實好似有D怪，而且我唔鐘意太甜既白CHOCO，但友人話想試，所以叫左一個我就叫左好立克沙冰，可能因為未食過，都幾得意講返個香蕉心太軟，係有驚喜既，佢自製既牛油蛋糕外層，加埋D香蕉流心幾MATCH同兩位友人一人幾啖就食哂LU～ 下次想試返原味