貴花甜糖水甜品專門店 (已結業)

我不是第一次這家店,所以今次都帶朋友來給他們試,本人頗為喜歡食心太軟,但這家的我未試過,今次就試一下,我還推介我的朋友試芒之戀,(他說是因為有益力多才點,是我知他會喜歡才推介)另一個朋友點了北海道牛乳奶凍,喜歡牛乳食品的人也可一試,我們還相約下次再來,(因為店員說遲些還有新食品推出)

行行下廟街見有間新糖水舖咪同阿媽同阿妹入去試下, 啲嘢都幾得加。我叫左個芒之戀, 阿妹就叫左紅粉兵團貪佢張相好靚又粉紅色, 阿媽就叫左個椰皇杏汁蛋白雪蛤膏, 我地仲叫左個法式燉蛋一齊食. 先講我個芒之戀, 係芒 果汁加益力多打成冰, 好香芒果味, 酸酸甜甜, 裏面撈左好多珠珠同布丁, 好味又冰凍好啱今日甘熱嘅天氣. 阿妹個紅粉兵團個賣相好得, 係士多啤梨冰露 加 益力多, 嘩好酸, 裏面仲有的乳酸味嘅脆珠, 食落口好多乳酸汁係口到爆幾得意嘅但我就覺得 酸左的. 不過阿妹同阿媽就話好正. 哈....... 個椰皇杏汁蛋白雪蛤膏阿媽話好得, 好香杏仁味同椰子味, 仲有蛋白係裏面, 好少見阿媽食糖水食得甘開們拉. 而個法式燉蛋都ok嘅, 個面好脆不過裏面實左少少, 可以滑啲, 阿媽話都係食慣中式燉蛋多啲, 仲問中式燉蛋可唔可以做脆面...哈.......唔識答佢....

住係朋友窩八既朋友話比我知, 佢屋企附近開咗間新甜品店, 佢試過都好 ok, 佢仲每晚都會買一碗蛋白杏仁茶返屋企, 對皮膚好好喎...咁我今日放工就去咗試吓, 點知真係唔錯. 味道好清新, 蛋白有d 成固體狀, 口感好唔錯. 其實我都好怕好甜既甜品, 但呢個甜品甜啱啱好, 食完個口無話甜到 "張" 住晒....讚 ~~

見到新店開張，便入去一試，怎知浪費了23蚊！好火！起初企起門口望下先，乜都冇，冇乜食品介紹，又唔知價錢多少，都心大心細架。有條友出來介紹話出名蛋白杏仁茶，於是一試。怎知「唔試冇事，一試就出事」！個様都ok，因為都是白色，但試入口就冇味！冇感覺！冇杏仁味！有蛋白味，就係冇味。但總算有甜味。如果大家有去過稻香就知道杏仁茶係乜味，就係杏仁味！呢碗$23蚊，大家千萬不要試，包你失望到極！

剛新開張個陣去食, 有9折環境同砵蘭街確係有d格格不入, 幾光猛又有好別緻既燈光, 但d野食...同d人...唔駛睇就知係d唔知乜鬼80定90後開, 慢手慢腳最睇唔過眼係坐正收銀隔離, 本來諗住叫野但個烚烚地既收銀不停響部POS度gum黎gum去好心啦, 咁細間舖, 10張枱都無, 走去整架POS...打開餐牌, 嘩, souffle係高級地方價錢, 紅豆沙居然寫用十勝紅豆用下腦啦, 中國糖水梗係用天津紅豆, 盲目崇日用十勝紅豆就好食架拿叫左碗乜鬼綠茶紅豆奶露, 甜到嘔, 仲要紅豆聊聊幾粒, 家陣十勝紅豆真係好貴?個souffle, 由落單到食落我肚, 足足半個鐘有突, 本來成舖係人結果坐到得返我地1枱, 收尾搞左鬼死咁耐先知係漏單...呢d咪叫廢POS, 間野用埋d無謂錢放落d無謂野度, 漏單咁耐都完全無人黎so我地等到我藐爆先有人走黎醒左碟乜鬼糯米卷過黎...一夾即散, 皮還皮餡還餡...又係落左十斤糖咁甜...個souffle...唔脹, 唔香, 個皮仲要唔脆!!! 收我30幾蚊食d咁野, 唔該佢去九龍城sweetacy學下野先無下次

到廟街吃完晚飯, 最開心是去找甜點延續餘興...在油麻地找到這家特別的甜店點, 著實有點驚喜...當然是不用再嘗一般中式甜點...試齊3款梳乎喱, 個人最鐘意櫻桃酒梳吐乎喱, 酒味最濃又不太甜..而baileys 的較甜一點點, 但對於一般愛甜的朋友會是首選吧..椰皇杏仁茶湯圓 及 蛋白杏仁茶也不錯, 沒有想到杏仁茶跟蛋白是如此匹配..天作之合..

估唔到油麻地區有間甘正嘅甜品店, 好多特式甜品好似 心太軟同 綠荼十勝紅豆意大利涼粉, 好特別但又好鬼match, D.紅豆好好味..ha..haa ^^ .. 個心太軟仲好鬼流心, 比我係 Grand Hyatt 食個仲好味, 價錢仲好低...下次去百老匯電影中心睇戲會再去試下個 Bailey 疏乎里先...^^

今日同男朋友去油麻地食完tea之後, 無意中係廟街附近發現左一間新開既甜品店....我地兩個人膽粗粗咁入左去試吓......店裡的裝修簡簡單單帶比人一種好relex既感覺.....我特別鐘意佢盞吊燈.....但男朋友話佢另外的一盞掛檣燈靚d喎!! 一睇到個menu選擇都ok多.....有中式糖水又有西式甜品, 而價錢都合理.....(而家仲有9折) 抵呀! 最後我地決定食我兩個至愛甜品......梳乎厘 & 心太軟出乎意料.....兩個都做得好好味, 特別係個梳乎厘....因為係用左BAILEYS酒去做可能酒精經過加熱味道冇想中濃.....輕輕的酒香和軟綿綿既旦白, 配合都好好.... .而個心太軟就有濃濃既朱古力香....我地都忍唔住問個店員點解咁香,原來佢地用左高濃度既朱古力, 所以出來既甜品香咪濃郁但不會太甜....下次要試吓佢地既招牌菜....朱古力火鍋 第時去完廟街食煲仔飯, 可以食返個美味既甜品....正呀!

椰皇杏汁蛋白雪蛤膏 $48有好香椰子味道，又是即叫即做，特別新鮮。杏汁味夠濃。雪蛤膏份量都可以。但整洩份量不算多，因為個椰皇不是大個蛋白杏仁茶 $23好吃，夠香濃的杏仁味道。當中又有蛋白食得健康。十勝紅豆綠茶奶露意式涼粉 $32綠茶即抹茶，我鍾意，夠香濃抹茶味紅豆不算細粒。涼粉也彈牙。因為新開所以有9折優惠都算抵食。有機會會試其他款式。