貴花甜糖水甜品專門店 (已結業)

在油麻地參加完一個講座後, 約左人又未夠鐘; 下午茶時段, 見有點餓, 來個甜品下午茶先不得不讚派傳單的姐姐, 佷落力. 我是因此才到這裏一試. 這個時段, 叫甜品送咖啡.想試的分別是這款火焰雪山以及這個面包布甸.終於還是先試面包布甸.感覺一般..... 中規中矩; 但不突出. 有機會會再幫襯, 因為 我喜歡食甜品 ^^

一直都十分喜愛有酒味的甜品，聽說貴花甜有多款酒類甜品！尊程來試試！對我這個路癡來說，此間不甚起眼的店鋪十分難找！行了許多冤枉路！但食過後還覺得不枉此行呢！期待以久的火焰雪山等了幾十分鐘才出現。體積細小，表面淋著朱古力醬，一些生果伴碟。果然是得獎作品！加上了橙酒，十分香，加上有些燒焦的香味，已經急不及待了！燃燒的過程很短，很難捕捉這一刻！先食蛋白般的表層，連住內裡蛋糕，好有新鮮感但略嫌橙酒味不夠出。這杯cappuccino 讓你自行加奶咖啡味濃郁，而且好大杯抵！法國櫻桃酒梳乎厘很鬆軟，但同樣，酒味不夠突出。仍然十分滿意！看見menu上還有許多想食，還會再來品嘗其他甜品的！雖然兩款甜品的酒味不夠突出，但仍屬高水平之作！

今次食都未食就要係個到到讚揚一下哩到D幾好SERVICE有幾得~以前曾經食完一次覺得佢地D甜品款式幾多,幾好味,最緊要價錢亦唔算太貴,所以上星期五同左班鐵腳食完飯過黎返黎試下囉~可能星期五既關係,門口其實都有幾班人係到等位,(不過大部份都係6-8個~),其實見咁多人都有諗住轉地方,但山長水遠係朗豪坊行過黎,無理由唔食丫~去到拎位時,門口個哥哥仔都好有禮貌,而且話怕我地一陣要入到去都要等好耐先有得食,所以係門口已經比等餐牌 & HARD SELL佢地有D咩出名比我地揀...等左一陣,我地見到唔見左批8個人,初初都以為佢入去左LA~慢慢又唔見左對上個6個人喎~我地都以為佢地入座率都幾高幾快丫...應該好快到我地...果然唔洗3 MINS就到我地...不過安排我地坐係門口個張枱...其實坐門口無乜所謂,但最大問題係佢比張枱一邊係面向牆既...(即係以前M記咪間唔中有D一條長枱,個個都面向牆坐個D咁囉~),我地4個人黎食野喎~比張咁既枱我地,我地點傾計喎~宜家搭枱咩...所以我地決定唔要個張枱行返出門口繼續等...個時亦發現之前個8人 & 6人根本無入到黎...最多枱都係坐緊D4人 / 2人(

晚飯過後，友人提議去貴花甜食甜品。點了一個十勝紅豆綠茶冰露 $36。紅豆同綠茶向來都係perfect match，依個甜品又如何？紅豆香甜，有口感；綠茶味淡，有微苦，部份冰塊過於大粒。食到最尾d冰溶左好多。其他冰露都有雪糕唯獨依個無，不過依個平d。如果加雪糕或者加mochi (好似宇治金時咁)應該會好食好多。朋友叫的心太軟，要等二十分鐘，沒有試，朱古力非常香。

草莓冰露 -- 店員介紹 , 奶昔 + 思樂冰 max 版 ... 感覺ok . 不覺有什麼太大特別 . 不過.當日由於天氣太凍了 一面吃 一面不停震.....薑汁梳乎厘 -- 樣子很像一隻雞脾茹 , 薑味不濃 , 空氣感十足

食完宜豐之後, 我地就行左去呢度食甜品估唔到響油麻地呢個地方, 仲要唔係響彌敦道上面, 呢間細細既甜品鋪都有ok多人等! 好彩我地等左五分鐘到已經入得者因為仲係好飽, 所以只叫了一個甜品一齊share~ 本身想叫d流質類既甜品黎解渴, 因為食宜豐食到我地好口乾! 但見到火焰雪山係呢度既招牌作, 仲要攞獎添, 無理由唔食!仲以為要等好耐, 點知兩三分鐘已經送到! 老闆好細心甘加上橙酒, 個雪山燒個時幾靚! (當然無師妹甜品熄哂燈燒甘壯觀la) 橙酒好香, 同個甜品好夾~ 雪糕係dreyer's 曲奇味, 好味, 如果再多d仲好 但個蛋糕有D乾~ 有兩粒西瓜同兩粒火龍果, 唔甜又唔夠凍, 可以不吃雖然都幾好食, 但價錢黎講真係偏貴!除左飲品之外, 呢度樣樣野都好似over 三十蚊! 我地食呢個火焰雪山, 一人份量係$42, 兩個人份量要九十幾蚊! 甘比較起上黎, 師妹甜品真係好抵食, 而且仲好食d! 當然響長洲太遠la~不過貴花甜既服務態度唔錯, 特別係老闆, 會同客人細心介紹食物, 但你唔會覺得佢太hardsell~ 我地兩個人share一個甜品又唔會show出唔滿意既樣子 (我試過有d

今日經過見到呢間甜品鋪派傳單,就入去試下,點知......一入去招待真係一流,侍應好詳細介紹有咩甜品出名,我同女朋友叫左一個心太軟同橙酒火焰雪山,先講火焰雪山,一個字"正"因為用橙酒點火後再落個雪山上面,令到有好香橙味,心太軟非常好食,一開D朱古力就流出黎,勁!!!

尋晚陪個 fd 去廟街~因為檔主好忙, 佢為左唔想我地呆等, 就叫我地喺附近逛逛先, 大約一個鐘之後再返去~咁既然有時間, 我就同個 fd 去食甜品啦~唔太熟油麻地, 只係行行下, 見到馬路邊有個易拉架, 既然呢間我同我個 fd 都未試過, 咁就去試下啦~我地大約 9:35pm 到~好 full 丫, 所以要等位~喺我地等位時, 應該係老細既一位人物, 已經同我地推介佢地唔同甜品既用料~大約等左 10mins 左右, 就有位喇**好多朱古力既甜品~對於我呢個朱古力狂迷, 真係唔知揀邊樣好~另一方面, 我又鐘意食咖啡味既甜品~但另一方面, hk 又無乜甜品舖有得食我愛吃既麵包布甸嫁喎!!選擇困難症呀!!!!!!!!!!!!!!!本來想食心太軟,但講真, 我食過好多唔同甜品舖既心太軟,大多令我失望.....始終最好食既都係 "五代同堂" 既心太軟~今次, 我好驚自己會再一次失望, 所以都無揀~最後, 我揀左 "咖啡酒芝士凍餅伴雪糕" (我揀朱古力雪糕)等左幾分鐘, 就有得食喇~件 cake 比我想像中細件囉....味道唔算出眾, 咖啡味同芝士味唔太突出~雪糕係 Dreyer's 既, 一定

食完保仔飯見前面間甜品舖平日都好多人排隊, 就去試試, 反正天氣冷食飽D也不錯. 我們 分別點了三個甜品 share 食...先嚟左個紅豆雪糕綠茶涼粉, D綠茶好冰但幾綿, 綠茶味幾香, D 紅豆大大粒好甜, 好好味, 最得意係D涼粉係一條條, 好似意粉, 好爽好甲D紅豆綠茶好冰, 個雪糕係Dreyer, 好滑好正. 冬天食冰也不錯wor. 跟住嚟嘅系彊味疏乎里, 好高好大個, 成個大菇甘, 好香好鬆軟, 有淡淡彊味, 仲有D彊容係入面, 應該係鮮制, 可惜 彊味不太夠, 可以辣Ｄ. 最後個心太軟好正, 好流心, 朱古力味好濃, 但帶少少苦, 不太甜, 我就覺得剛好, 但Sus就話可以甜D, 整體 已經好好. 這個飯後甜品, 真的為今晚的飯局劃上完美句号, 令我哋暖灑..ha haaa

食完飯之後，就前往我期待已久既甜品舖。其實想去呢度好耐，因為佢地既甜品選擇多之外。仲有好多她得意既甜品，咁入到去唔使等位，真係太好啦。芒果爆珠個名唔係好記得，不過呢個都幾好食。果爐珠會爆出果汁，好得意。而個芒果都唔太酸，不過唔係食得好多，所以唔講咁多啦。橙酒火焰雪山呢個甜品都令我期待，因為佢真係好出位。好似真係有料到。等左一陣，店主表演雜技。將火點著酒，做出火焰既效果。好彩，我及時捕捉到呢個精彩既一刻。面頭係一層甜甜地既忌廉，而且食到陣陣橙香味。之後，食落去係一層既海綿蛋糕，呢度就無乜特別好講。心太軟另一個幾好食既甜品，雖然要等好耐，但都係值得既。因為個蛋糕切出黎會有濃郁既朱古力醬，好似溶岩流落黎一樣。而且朱古力醬味道唔算太甜，食落好有口感。熱既蛋糕配上冰冷既雪糕，一冷一熱口感好惹味。呢餐雖然真係貴左，但食到平時唔會成日食既甜品。點都抵翻哂，而且店員既服務真係幾好。當你無頭緒食咩既時候，會推介心手既甜品俾顧客。店員都幾有禮貌同耐性，甜品真係好正，下次實會翻兜。

間野係廟街附近自然次次食完煲仔飯都過黎食~上次去食的時候叫左個咖啡奶凍咖啡味超濃!!!周圍d點點都好好味~第二次食芒果雪蛤果個~個汁底有啲怪味... 有啲似藥水!但佢一條條的果凍口感超好~但整體成個野唔會想再食, haha我個friend就叫左十勝紅豆果個沙冰~佢話好好味! 淡淡地~ 好消滯 ;)

【16-1-2011】我和家人看完電影，從園方一路走到油麻地。在油麻地港鐵站站口見到有人派傳單。看看那傳單，見到甜品心太軟……好想食啊~~~~~~於是沒什麼猶豫的去了這店品嚐一下~~~家人點了一個咖啡酒芝士凍餅伴雪糕+熱咖啡。我試了一點咖啡酒芝士凍餅，有酒香，咖啡味道都幾重，不過如果個餅底冇咁濕就更加的好。我點了比利時朱古力心太軟+英式紅茶。看上來好似好好食啊~~~~切開個一刻……好多朱古力啊~~~~先講蛋糕，我覺得焗得剛剛好，外表有D脆而內裡不會太過乾身，配上濃郁得來不太甜的朱古力漿，好好食啊~~~(泣)雪糕是Dreyer's的雲尼拿味道，將它和熱騰騰的心太軟一起吃，也是很好吃~~吃了心太軟，再飲一杯紅茶，感覺好圓滿~雖然收費以同區來說是比較貴，但服務上和品質都唔錯~可以再去試試~~~

早聽聞 油麻地有間好玩嘢嘅甜品舖, 一直 都想試, 但地址真係好難揾, 今日唔係 Avis 帶路, 真係唔識嚟!! 好欣賞佢地D 装修, 簡單舒服, 個主色綠色好sharp 好襯. 加分. 講到D甜品, 真係有驚喜. 先嚟左個特級酒香火焰雪山雪糕, 賣相得, 着火下好靚, 但好快燒完, 可能也不可以燒太久, 唔係就燶. 內裹仲好攪鬼, 有 松子仁, 綿花糖, 令到蛋白忌廉又軟又脆, 外面清新橙酒味, 但食到底就食到濃D咖啡酒味, 又好鬼"甲" wor. 難怪這個甜品攞獎la. (曾攞明火食神爭霸戰甜品組金獎同創意大獎) 再嚟一個太極Cream Brulee 一邊特闊脆糖面燉蛋, 脆皮香滑, 另一邊朱古力制造的朱古力燉蛋, 朱古力味濃, 但似mousse 多D。絕配。跟住嚟左兩個朱古力同系甜品, 分別系Brownie 同 迷你朱古力脆煱, 兩個朱古力味都好濃, 個Brownie 外形好得, 成個飛鏢甘, 又有合桃肉唔太甜, 正. 個迷你朱古力脆煱朱古力味超濃, 外皮鬆軟, 裹流心, 濃濃朱古力漿, 點生果和手指餅食最好, 可惜生果太少拉>__< 手指餅又太硬..

因為它的火焰雪山得了獎，所以去開油麻地就試一下。。。Premium Flaming Snow Mountain特級橙酒火焰雪山雪糕（兩人份 ＄88）份量很少。蛋白太甜。橙酒的火焰只2秒。拍不到。只視覺效果沒有橙酒香。沒什麽特別的地方，內裡有兩球Dreye's 雪糕。Coffee woodland咖啡酒芝士凍餅伴雪糕咖啡果凍很普通。除了伴Dreye's 雪糕，找不到特別的地方。那客凍餅好像要＄3X是那位“小二”推介的，但。推介的作品來說。強差人意 可能有別的好吃我不知道，但，甜品店那麽多，未必會再去了。

是夜在廟街飯後與男友漫步到停車位置取車,途經一甜品小店, 男友總喜歡飯後來點甜品才覺得是完成一頓完整的晚餐!店內坐位不多, 看到有幾名年輕人很用心的招呼和介紹出品給每個客人, 服務態度比前陣子熱爆的甜品店"糖百府"好多了! 很欣賞這幾位年輕人的創業精神值得 時下年輕人學習!我們點了鎮店的三款其中兩款! 比利時朱古力心太軟和法國櫻桃酒梳乎厘. 比利時朱古力心太軟 : 很濃的朱古力味! 很滑很香! 法國櫻桃酒梳乎厘 : 很軟綿綿...入口溶化! 酒味略為重了一些! 雖然價錢略為貴! 但無論如何，食甜品令人開心，一定會再來試其他。