貓之眼

营业中

休息中

Went there for a two sauce rice and although it was OK in taste I wouldn't go back.  For HK$88, I could get better food elsewhere.  The two sauces were pork curry and tomato beef; next to no meat in the curry side and a couple pieces of beef on the tomato side.  

貓之眼我想食好耐，因為我喜歡蛋包飯，但很少有機會去wanchai，今次終於有機會！所以見到人龍有約十人我照等！ 我點了茄牛+咖哩豬。有3件牛腩，不過全都很"un"。免治豬肉份量少得可憐，少到數得出來，加埋都冇半件牛咁多。所以我是食飯飽，唔係食肉飽。兩個醬汁都很一般般，可幸的是吃完不口乾！主角蛋呢，是很滑，有蛋味。但overall 不值得排隊，更不值$78。試了友人的漢堡扒，黑椒味很重，我們都很失望。唔明點解咁多好評

招牌三色蛋包飯 ＄78蛋夠香滑汁夠多忌廉汁幾香幾滑咖哩豬唔會鞋口最重要汁多過飯食到最後唔會無曬汁飯唔多．女仔最啱食．小店特色地方唔大座位唔算寛敞．有人覺好好味有人覺得唔值同感情一樣各有口味要試過先知個中苦與樂Rating: 8/ 10．*午飯時間總有人龍等候．12:30後大約等10-30分鐘

下雨天的午飯時間竟然還要排隊才能進去小等大約5分鐘左右就有位了剔選了：招牌三色蛋包飯（$78）咖喱豬肉+忌廉雞肉老實說賣相是不錯的份量就一般吧男生可能不夠吃由於太多汁的關係最尾幾口就是汁比飯多地吃咖喱汁和忌廉汁都普普通通配料好少豬肉切小粒+雞肉兩小塊蛋包飯的蛋還過得去我覺得有點「漏」可能是用了牛奶炒的緣故吧所以我下了少許辣椒油伴著吃效果反而不錯如果下次要排隊才能吃我會寧願去對面的cupping room

飢腸轆轆之下，急上Openrice搵地方醫肚。眼見食評不俗，又豈知會中伏...睇落貌相係幾吸引，d蛋睇落好多好滑，個飯又多汁，以為撈飯無得輸之際...哈你哈哈！個蛋得一片，不過唔緊要，因為我仲炒得好食過佢，無錯，係「炒」蛋，只不過係鴛鴦飯加炒蛋，而唔係蛋包飯💩個汁仲勁，陣味呢...帶起左我童年回憶。話說細個食日清包即食咖哩就係哩隻味...每一啖放入口我都好感觸，淚盈於睫。😫太感動啦...唔洗一舊水就可以幫我搵返兒時回憶！太感動啦！😢**希望大家誠實地打食評，俾人誤導真心嬲同失望😡**

今日同女朋友請左半日假去婚紗展, 去之前佢見我中意食蛋包飯, 去左灣仔呢一間朝聖。我去到佢已經排緊隊, 真係好多人, 唔知係唔係咁好食, 仲有兩個日本人經過但無行入去食。排緊隊都已經有職員比定ORDER紙我地，睇住門口既彩既MENU 就落單，透過玻璃見到唔係日本人又有少少失望。為左可以令女朋友試到最多既款，每次我地都係食唔同既嘢, 叫左個忌廉濃茄汁蛋包飯, 手打和牛漢堡燉肉汁, 凍豆腐凍豆腐先上，夠凍但唔係好夠滑，好適合今日咁熱食，但隔左一陣唔凍變得好差……忌廉濃茄汁蛋包飯兩個汁都正常，雞肉同牛肉都好嫩，但茄汁唔係濃。重點係唔係蛋包飯係蛋花舖飯，得一面有蛋…… 呢個係失望位 ，唔係唔好食，都無特別，唔值78蚊同等咁耐。手打和牛漢堡燉肉汁呢個汁有燶味……成個飯變得唔好食，個肉都係正常啦，78蚊俾多個唯有講朝聖呢D嘢，都係一試就算

友人知道我是蛋包飯的忠實粉絲所以推介到這裡午餐 😉店子很細座位不多所以要排隊~ 不過大約十五分鐘就可以入座了 😌 款式不多只有三種汁配蛋包飯~ 牛肉蕃茄汁、雞肉忌廉汁同豬肉咖哩汁~ 今次選了蕃茄配忌廉 (有點似中式鴛鴦炒飯的配搭 😂)蛋是對辦的，夠滑夠嫩不過蛋味不足，而且真的是太太薄了，厚多一點才可以"包"飯嘛😁是次主角竟然是友人極力推薦的雞肉忌廉汁 👍🏻超級好吃！野菜ok多比較適合女仔~ 而且奶味香濃而不膩~想不到忌廉汁有清淡的感覺! 😋 比較起來，蕃茄汁就顯得普通，不夠蕃茄味而且牛肉很少😔可惜漢堡扒很早就賣光了，所以未能品嚐. 不過，反正是會再訪的店子，機會總是有的 😏

路過灣仔，經過貓之眼。朋友酷愛蛋包飯，為解決午餐，決定一試。餐廳有日本风格，我們坐向玻璃窗外，細看餐牌，蛋包飯可配搭不同醬汁，又可二選。我選擇特選漢堡扒蛋包飯左邊係忌廉野菜雞肉汁右邊係咖喱豚肉汁，漢堡扒大大件，肉質包含大量肉汁加上炒蛋配珍珠飯。超級好味！友人都食到晤停， 不過她右邊的漢堡扒燒汁有點咸。重囗味者啱食還有牛肉豆腐，牛肉煮不過火，有的干。但豆腐和洋蔥勁入味！

不怎麼是飯桶的我，除了煲仔飯和丼物外，還有另一樣會令我心甘情願、大口大口的把白飯拌進口的，是蛋包飯。去過日本數次，每次起碼待一個星期，自由行的好處就是能讓你不用給團餐綁著，容許我盡力去嚐更多不同種類的日本料理；但可惜，旅行時眼中盡是海產呀拉麵呀燒肉呀，我沒有在日本吃過蛋包飯，現在只由得在網絡和書上鑽研著。蛋包飯就像丼物，是很平民的一種洋食料理，配料不會用上矜貴的海產，而是蛋、飯、醬汁這三大元素，當然基於這個組合，亦衍生出很多創意的版本。蛋包飯在日本相當「入屋」，可以類比作我媽把冷飯和剩菜弄個炒飯般隨心的家庭料理。在香港專做蛋包飯的店不算多，屈指可數。「摱車邊」說有蛋包飯的，有些根本是把炒蛋鋪在飯上，飯粒全露，撇除這些非認真製作的，心中只剩下數間，首寫的是長期人龍店貓之眼。在附近上班而常到灣仔覓食，如果純粹即興吃個飯又來不及訂枱，汕頭街和大王東街這兩條集聚不少食肆的街道，成了即興飯局的不二之選。相比船街，這兩條街的食肆在食物和價錢上都較親民，包括這家百元有找、不能訂枱的蛋包飯店。貓眼的名字和logo，莫過於道出其招牌的三色蛋包飯，蛋包就像眼珠，上下兩款汁料就是眼白（不是白色的…很可怕吧？

事緣知道灣仔好似搞左個戶外活動於是就約個朋友去 咁去之前就一定係附近搵下野食啦 做定research 見到呢間個餐牌好得意 就決定去試下一入到去就見到間店都係正常大小 但人都幾多下坐低左幾分鐘就出面有條隊了...我地叫左忌廉咖哩汁蛋包飯hkd78咖哩漢堡蛋包飯hkd94佢既漢堡吾算實 都算有口感但一個飯可以試到兩隻醬真係幾化算佢既咖哩相對都係日本風 偏甜同淡口個忌廉都吾錯 吾會話好lau口當然 蛋包飯最緊要就係d蛋 相信佢落左牛奶 好滑 想食個吾會好濟既蛋包飯可以考慮下呢間

肥髀生日正日要返學，放早接佢同好同學出來玩過生日，第一站去醫肚先！由學校搭車去餐廳，餐廳仲預備中，我哋在門口等，天氣熱等咗15分鐘就入得，地方唔大，不過光猛乾淨！正常日式西餐廳格局，淺木色簡潔！等待時睇了餐牌！食物款式唔算多！主要係幾款汁嘅配搭！再在點餐紙上圈好給店員落單！4）手打和牛漢堡扒蛋包飯（$78）煎蛋好滑，好似溫泉蛋嘅感覺！蛋白熟又滑！蛋黃篤穿撈飯，手打漢堡扒好鬆軟肥美！沾上香濃嘅牛肉汁，味道似無咁酸嘅中式牛柳醬汁！撈飯一流！9）咖哩汁漢堡扒蛋包飯（$94）蛋皮好嫩滑，又唔會唔熟，包住珍珠米粒粒彈牙！咖哩汁好杰身，味道一啲都唔辣，甜甜地嘅日式咖哩！中央夾雜啲炆到透嘅薯仔蘿蔔，手打漢堡扒好鬆軟，唔會好實！沾上香濃嘅牛肉汁，味道似唔係咁酸嘅中式牛柳醬汁！撈飯可以送三碗飯！蟹籽蟹柳粟米沙律（$32） 賣相靚，蟹籽落得多，粒粒卜卜脆，粟米粒唔多，全部跌晒落最底，蟹柳撕得幼細！雖然無乜味！青瓜絲刨得好幼長，沙律醬均勻包裹，酸酸地開胃！4.3度特濃牛奶（$18）小花飲忌廉（$10）支裝汽水，小花飲Zero可樂（$10）玻璃瓶支裝可樂最正！唔使加一小費，店員斯文有禮，攞碗仔好爽手，三朵小花

同事提議黎食蛋包飯， 一行7人就黎左呢個貓之眼舖面唔大，我諗最多只可以坐20 人。 一行7人去都幾難等位，最後要分開坐，之後店員陸續安排坐番埋一齊。 但講真，個個拎住個袋，都幾迫。Menurder 紙：4.3 牛乳4.3 應該特濃，但我唔覺得佢特別濃，都係似平時d 牛奶味，唔好用你係日本飲過果d 標準去度，否則你會想反枱。滑菇波菜沙律一睇碟野就知道，唔知放左幾耐。d 菠菜黃晒，面個汁開頭食到d 麻油味，之後d 酸味供出黎，你可以話係有層次，我就唔係太接受到。蛋包飯揀左2號餐， 左邊係忌廉雞，右邊係咖哩豬，中間係蛋包飯。先講個蛋包飯，d 雞蛋係超水同薄到無可能包到d成舊飯。我其實懷疑係咪就甘炒蛋舖面扮蛋包飯。再加埋旁邊果2個汁，成個飯超水， 個忌廉汁同咖哩汁入面我只食到一舊雞同豬肉碎。水到食完最尾應該會見到果句多謝我都要撥開d 汁先見到。 我諗呢個要70 幾蚊既飯岩小朋友食多d.成餐飯要人頭百幾蚊，坐又坐得唔舒服， 又唔坐得耐食完要即走，因為出面會keep 住有人排隊等位。 甘既質素都有人排，竟然係舖面細keep住要排隊，定係人類總要犯同樣既錯誤(好似本人甘) 呢？

又係時候係灣仔搵下新野試, 路過幾次但Lunch時總是排長龍. 所以每次望見人龍都只好放棄. 今日唔理, 一心想黎試就排啦... 足足等左20分鐘有多...由於唔食辣的關係, 所以就算見到咖哩出名都無試. 叫左個"忌廉濃茄汁蛋包飯"上枱時三色分明, 一邊係雞肉及野菜忌廉汁. 另一邊係話用左八小時慢煮牛肋濃茄汁.再加上中間的蛋包飯. 講下個忌廉汁先. 好滑. 而且亦能找到雞肉.(排隊時聽到後面的人話會唔會只有汁無料. 變左齋飯架? 原來唔係架, 有肉架. 放心. 但肉的份量唔算多). 同事話忌廉汁比茄汁更好味. 個人覺得兩樣汁的味都唔算好濃. 重點我覺得係個蛋, 超creamy, 好似落左好多牛奶落去. 啖啖飯都食到蛋. 食左一半我已經覺得超濟.. (就算個飯唔算大). 講埋佢的牛肉先. 唔un但唔算話十分入味.. 同事叫左"咖哩濃茄汁蛋包飯"怕辣的我都試左d咖哩. 答案係唔多感到辣, 所以怕辣的亦可以一試. 不過呢個咖哩就無咩肉食. 若想要辣的感覺, 枱上有一樽辣椒油. 愛辣的同事十分推介, 味道有d似XO醬. 什至有同事話賣左一樽自己回家吃. (唔吃辣的人實在解釋唔到怎好吃. 大家去

日式蛋包飯 聽落只係簡單既材料 越簡單材料往往越難掌握技巧貓之眼 一開始聽名字以為係以貓做主題既店但原來係將食物擺設同設計擬物化同一般蛋包飯唔同 呢到蛋包飯可以選擇既組合有好多基本上有1. 蛋 2.日式咖哩豬肉 3. 濃茄牛肉 4.忌廉雞肉 5.漢堡扒對於有選擇困難症既我 真係有幾多選擇當然蛋列入必選 而兩種配汁就用直覺選擇由落單到上菜時間都幾快 大約五分鐘首先嘗試原汁原味既蛋 真係好滑☺之後再試下同咖哩一齊食 相比之下咖哩未有太大驚喜 而忌廉係自己比較偏愛既醬汁 都幾重奶味同香♥雞件數量都可以 而且都幾滑 整體黎講 蛋係最出色 所以必選蛋為其中一個組件而其他組件可因應自己鐘意既味道而選擇份量同飯量比較少 平時已經唔算大食 食完都重有D位靜如果係男仕就應該真係唔太夠食 'ʘ=ʘ'漢堡扒睇到隔離位食都幾大件 不過就未知味道如何 =P題外話: 食食下傳黎奇怪既廁所味 (AMMONIA)           未知係店舖內傳出定街出面既味道

3月在大阪吃了美味的蛋包飯，一直念念不忘。所以在香港看到日式蛋包飯也會好想一試。日式咖哩+忌廉汁蛋包飯($78)蛋包飯就像貓眼一般～日式咖哩不太辣蠻好吃，忌廉汁味道不錯❤️同時試到兩款美味的汁料，配上軟滑的蛋包飯，這樣的晚餐雖然簡單，但很完美。很快就吃清光，看到碟上印了貓咪和「感謝吃光光」的字句～好温暖～～下次再來的時候，要試試別的款式！因為其他的蛋包飯也是超吸引的@@