貓之眼

营业中

休息中

工作日中午同友人一齊排隊一探貓之眼。排左半個鐘總算有得入座。我點了<和牛漢堡蛋包飯>，朋友則點了<和牛漢堡咖喱豬肉蛋包飯>。<和牛漢堡蛋包飯> HKD 88漢堡扒偏硬身，但都算有肉味。燒汁配上滑蛋，好夾。滑蛋薄薄一層，蛋味唔重，勝在夠滑。美中不足醬汁唔夠多，唔夠撈飯。<和牛漢堡咖喱豬肉蛋包飯> HKD 95多左另一邊的咖喱豬肉，終於構成“貓眼“。醬汁目測也足夠撈飯了😝咖喱微甜，經典日式咖喱味道。💁🏻‍♀️店內座位少，中午時分排隊時間長💁🏻‍♀️會禮貌地趕客，所以儘管環境舒適也不適宜久坐聊天💁🏻‍♀️上菜時間飛快💁🏻‍♀️滑蛋係薄薄一層💁🏻‍♀️感覺咖喱汁比和牛燒汁更襯蛋包飯💁🏻‍♀️如果唔需要排隊，會考慮再食 回頭率：3.5/5環境：3.5/5服務：3/5份量：4/5味道：3.5/5等候時間：30min價錢：HKD 79-108/pal

在openrice加了這餐廳在未去過已經有一段時間，今次終於有機會去，平日晚上大概六時多接近七時去，人不算多。蛋包飯來說也頗多選擇，我選擇了忌廉雞+咖哩豬蛋包飯，朋友選了番茄牛+咖哩豬蛋包飯。蛋是滑蛋，比得上茶餐廳的滑蛋，用來配飯一流。而忌廉雞/咖哩豬/番茄牛之中，我認為忌廉雞最好，是我曾經在日本餐廳吃過的味道。😋😋所有汁都很好配飯，所以很快便吃完整個。可以叫多飯或少飯都不用加錢。服務很好，侍應都很有禮貌很親切，真的很有日本feel😂正常份量都頗多，細食的女生可以叫少飯。十分推薦這家餐廳，會再來～價錢還已經加了一，灣仔區來說性價比很高

放假去湾仔睇展覽。。之前梗要食飽飽先。。路過呢閒店鋪見。。見佢註明用日本米。。心諗呢間應該穩陣。。好立刻入去小小店鋪。。主要吧枱位。。點了個手打漢堡牛扒配咖哩豬肉蛋包飯。。茄汁牛肉配咖哩豬肉蛋包飯。。加個三色腸漢堡扒吾會好油。。肉質亦不會鬆散。。吾錯咖哩豬肉甜而不辣。。一日式風味茄汁牛肉。。牛肉軟滑可口。。蛋包飯。。米飯粒粒軟熟。。雖然蛋亦係日本蛋。。但吾夠香及不能包哂D飯。。我覺得叫白飯仲好三色腸。。各有特色味道。。可以一試

其實唔知點解好鐘意食蛋包飯哈哈，聽到依度開佐間就黎試下啦。.細細間類似居酒屋既風格，我地等佐一陣就有位了，佢有好多款蛋包飯可以簡😍 仲有啲沙律同小食可以點，最後我地簡佐盡可能試晒咁多款醬料😚 唔知有無人同我一樣覺得咖哩蛋包飯係一定要配漢堡扒😆.13 - 咖哩豬肉。濃茄牛肉。和牛漢堡蛋包飯 $108嗌一個可以試到咁多種，簡直係懶人恩物😚 一上菜就已經感覺到好juicy🤤 濃茄牛肉 - 除佐食到濃郁嘅蕃茄味，仲有日式牛肉都幾煙un，口感更加豐富咖哩豬肉 - 1d都唔辣既咖哩而且送飯真係一流，不過就稍為普通，啲豬肉既份量都比得幾多和牛漢堡 - 啖啖肉超大舊好有份量，但感覺應該唔係全牛肉，所以牛味偏淡，但係勝在夠有肉汁，而且同滑滑既蛋包飯仲有佢秘製啲醬汁加埋簡直perfect match 😍 .12 燴牛肉汁。和牛漢堡蛋包飯 $98主要係想試晒咁多種汁😆 最出眾最特別既竟然係依個汁，入面包含佐洋葱，仲有肥牛做配料😚 有種吸引人不停食落去既魔力，連平時唔鐘意食飯既我都食到停唔到口🙈 不過有啲流😂.總結，食完之後完全覺得大滿足😚 好似好耐無食過咁正既漢堡扒蛋包飯🤤 強推！

收藏了很久的貓之眼，趁今天在灣仔放工，一個人來享用吧。靜靜的街道，小店門外卻有人等候著，是這小店的魅力。還好，很快便能安排入座。門外已點好餐，進入餐廳後落單，食物很快送到。咖哩豬肉、濃茄牛肉蛋包飯$79造型就是一隻貓眼，很趣緻。日本咖哩香而不辣，喜歡這種純粹的味道，多於很多香料的咖哩，豬肉薄薄的，另一邊蕃茄醬汁，酸甜有緻，牛肉塊也鬆化，中間的貓眼珠是滑蛋蓋上日本珍珠米飯上，蛋非常嫩滑，兩旁有豐富的醬汁很好伴飯，咖哩和蕃茄其實很夾，混在一起也沒問題。4.3度特濃牛乳$18去日本旅遊很喜歡喝它的特濃牛乳，這4.3度果然夠濃，也夠大杯，另外給飲管我選擇不要，環保一點。總結，很有日本風味，價錢也相宜，可以一吃再吃，回味。

位於灣仔的貓之眼，是一間超出名的咖喱蛋包飯店。已經聽過這間餐廳的大名很久了，今天是星期五，決定吃點期待已久的美食，補償自已唷。咖喱豬肉配濃茄牛肉飯$79八時來到，人龍依然不斷，大慨要等十五個人，太誇張了吧。餐牌的選擇不多，主要是蛋包飯，然後自行選擇醬汁。咖喱豬肉的質感濃郁稠密，賣相跟日本餐廳製造的相似。咖喱不辣，味道帶甜，但濃厚度可以再作改善。蕃茄醬味道較清新，味道重一點更好。米飯煮得有點過腍，若選擇用甘甜一點的米飯，就更美味啦。

蛋包飯一向都有佢嘅魅力💕個蛋好嫩滑😍而且兩個汁都好好味😋個忌廉雖然唔特別但好好味😌個咖哩就夠濃味又唔辣😋Egg omelette rice is always an attractive choice💕 The egg is cooked to a smooth and soft texture and layered on top of the rice😍 The cream sauce is quite the typical sauce but it tasted good😌 The curry is also very flavourful and not spicy at all😋

放工後約左朋友去灣仔食飯，朋友上網見到有間蛋包飯好似幾多人推介，就叫左我同佢去食，我地去到，入面已經坐滿哂人，仲有客人係出面等緊添~ 我地都係出面排隊果時佢張貼左MENU，我地已經諗好食咩喇~ 之後等左一陣就入得去。我就叫左咖哩豬肉+濃茄牛肉蛋包飯，兩個都係我的最愛，一次可以食哂兩種味，岩哂我呢啲為食妹，食蛋包飯緊係要配100%橙汁啦~咖哩豬肉+濃茄牛肉蛋包飯來了~ 份量都幾大，兩邊嘅醬汁都好濃郁而且好足料，蛋好滑，咖哩豬肉好香，好惹味! 濃茄牛肉煮到入口即溶，食哂成個飯都夠哂飽。100%橙汁配蛋包飯簡直係絕配呀

這家店以前就有經過，朋友說味道不錯的，有日本的味道。今天有時間約朋友到這裡嚐嚐，是日式醬汁蛋包飯，店舖名字‘貓之眼’和菜式形象很像，食材擺放成和貓眼睛一樣👁店裡的佈置就像日式家庭餐廳，小小的很溫馨，店員也很熱情，好像去了日本，老闆說的廣東話很可愛，尾音是日本腔☺️醬汁種類有5種，都是老闆自己製作的哦，有多種配搭，我點了一份手打和牛漢堡扒蛋包飯，份量還蠻多的，蛋很滑很香，醬汁是日本食漢堡扒配的那種醬，有點像食炸豬扒會點的梅子醬，但是沒有那麼酸，和飯拌在一起食剛剛好，漢堡扒口感不會很紮實，還有肉汁，有牛肉味香，整個搭配都很好。另外還要了一份芝麻醬沙拉，很清新，很適合搭配著食。朋友點了咖哩豬肉和濃咖牛肉，咖哩超好吃👍🏻下次一定要吃咖哩😆

係灣仔又多個飯堂啦🙊‼️‼️店內大概只有廿個位 每次經過都見到有唔少人排隊今次12點半去到都等左成半個鐘😢蛋包飯選用日本米🇯🇵 醬汁/配料既選擇有:1️⃣ 咖哩豬肉 🐷2️⃣ 忌廉雞肉 🐥3️⃣ 濃茄牛肉 🐮4️⃣ 燴牛肉 🐮5️⃣ 手打和牛漢堡 🐮我揀左 咖哩豬肉和牛漢堡蛋包飯 🍛咖哩豬肉唔辣帶少少甜 汁較稀 比較普通蛋控 注意⚠️ 重點係個蛋 真 係 好 香 好 滑‼️ 牛乳味超重🍳手打和牛漢堡好足料 夠厚身 質感好軟熟🤤

星期六例牌做完gym就去搵好野食，今次我gym buddy介紹呢間蛋包飯專門店－貓之眼，門口有一道印左餐廳名字的簾，令我諗起日本既傳統小店。店內比較細，有2人枱同吧枱，吧枱對住開放式廚房，可以見到製作蛋包飯既過程。點菜紙細細張，但圖文並茂，並且有多種蛋包飯選擇。我同gym buddy各叫左一個飯。我叫左手打和牛漢堡扒蛋包飯。炒蛋呈半熟形態，非常香滑，蛋香味濃。漢堡非常厚身，咬落去非常鬆軟juicy，咖哩汁係日本傳統微甜唔辣嗰隻，撈飯食一流。我朋友就叫左咖喱豬肉燴牛肉蛋包飯，賣相非常吸引，咖喱汁同蛋呢兩方面保持水準，更特別嘅係牛肉用紅酒燴，更加惹味，兩邊既汁撈飯食都係一流！我地仲叫左鏗魚汁冷豆腐，豆腐上面鋪左木魚，鏗魚汁甘甜帶點微鹹，一齊食非常鮮甜。上一次食頂級蛋包飯要大約$150左右，但今餐每人一個蛋色飯加小食share都係$100，絕對抵食！P.S.可以叫多飯撈咖哩汁！而且係免費！

咁岩行完書展，難得過海，當然要係灣仔覓食啦！間唔中都會貪得意想食下咖哩飯，上網搵到呢間野未睇啲人既評價，就咁睇相已經流哂口水，之後好快就決定黎呢間♥貓之眼♥雖然有點偏僻，但絕不能錯過🤟🏻可惜的是佢無得BOOK台，所有客人都要WALK IN排隊，鋪面唔大，一眼睇哂，有一半係獨立坐位，排隊時間比較長。。。呢晚我就係大熱天既情況下排左半個鐘😥排隊既時候已經有落單紙比我地落定單，一人一張。忌廉雞肉＋濃茄牛肉＋蛋包飯 $79真心呢個配搭超級讚！！真係超級非常好食💯💯💯首先講下佢既忌廉雞肉，佢既忌廉係好CREAMY，好香口，再加上佢啲雞肉好滑身，好易入口，好淋，一啲都唔硬！仲配上少許既西蘭花，每啖入口都充滿佢好CREAMY既忌廉，真係好正😍而佢係濃茄牛肉也是不得了，係我一直搵左好耐既茄味🍅佢呢濃茄唔係酸，而係帶甜甜的，有兒時既味道，有難去形容，而且佢既牛肉同樣都係好香口，好軟淋淋，也是非常易入口，呢2個汁配飯一齊食，我絕對可以配到起碼2碗飯，真係好好食呀！！！👍🏻👍🏻當然唔少我佢啲蛋🍳又係整得滑～～有少少奶味，配上個飯真係好香口，加埋2個汁，除左好食都唔知仲可以講咩！咖哩豬肉＋和牛漢堡蛋包飯 $9

係灣仔吃午餐，有時候為了避免星期四五在QRE大排長龍搭升降機，就會到附近的地下店舖覓食，亦有不少選擇。今次蜜桃小丸子就介紹位於汕頭街嘅貓之眼，只係係QRE附近，如果你見到舖頭外有小人龍的話，應該就是該店了。蜜桃小丸子從來沒有特別喜歡吃蛋包飯，但這間店舖令我對蛋包飯的觀感刮目相看！蛋包飯的蛋很香很滑，識得煮野食嘅人都知道，好吃的蛋其實很難煮，太熟的話蛋質就粗粗的不好吃，太碎又沒有口感，火候控制得要很好。貓之眼蛋包飯的蛋就煮得剛剛好，又滑又香，正！蛋包飯的左邊是日式咖哩，甜甜的，一點兒都不會辣，內有牛肉、洋蔥和紅蘿蔔粒，餸菜份量還可以接受。右邊是漢堡扒，配上燒汁，都幾香。一啖啖飯撈埋啲咖哩汁同滑蛋，真係好好食。不過整道菜啲汁係偏多，如果啲飯都可以多啲嘅話，應該就剛剛好。因為舖頭其實好細，好多時都要排隊等，如果係夏天來，最好帶定風扇仔，咁就唔會熱親喇！食客都知道舖頭細，所以好多時食完就走，想坐底傾下計就要去第二度喇！

從老公口中得知灣仔修頓球場附近開了一間新的〈日式蛋包飯〉專門店，仲要用我最愛嘅〈貓〉名命，今天就特登抽空來試一下。地點有點難搵，大概是在修頓球場那邊電車站再行入少少，幸好路口有這個指示牌。喵喵吖！喵喵吖！喵喵吖！！！😍😍😍傳統的日式家庭小店風格，主要有咖喱豬肉，茄汁牛肉，忌廉雞肉及和牛漢堡扒給大家隨心而配搭，雖然選擇不多但勝在好吃。最欣賞是小飯或多飯都可以隨意，電視都有教啦，咪做大嘥鬼！而且和其他日本食店一樣，使用日本產米〈咖喱忌廉雞肉汁蛋包飯〉正正就是這個味道，這個賣相！！甜甜的日式咖喱加上豬肉片，香甜惹味。忌廉雞肉則非常香滑，還加了蔬菜，口感更豐富。蛋包飯的蛋真係滑到一個點。〈咖喱汁漢堡扒蛋包飯（雙倍豬肉）〉胃口大的他還加了雙倍豬肉。和牛漢堡扒非常厚，啖啖肉，食肉獸老公表示非常滿足。味道好，價錢合理，絕對值得再來光顧。

之前經過一次呢間餐廳，本來無特別留意，但係竟然見到門外排左一條隊。係一條內街而且可以唔係繁忙時間都吸引到咁多人排隊，我諗一定有佢吸引既地方。原來呢間餐廳係專門食咖喱蛋包飯🍛！店面唔係好大，大概得20個座位。我叫左咖哩豬肉+和牛漢堡蛋包飯，望望下又真係幾似貓的眼🐱米係用日本米，所以d米肥大d 食落特別香。因為係日式咖哩的關係，所以唔會覺得好辣，反而有少少甜甜的味道。整個飯份量真係好大，但係又唔貴，所以都真係幾抵食。