貓之眼

营业中

休息中

貓之眼係灣仔比較出名嘅餐廳之一，繁忙時間門外常常出現人龍。呢日早少少夜晚6:00嚟到，成功避開人潮。漢堡扒係一種令人欲罷不能嘅美食。聽聞貓之眼嘅和牛漢堡係賣完即止，所以有幸可以品嚐和牛漢堡，當然唔會錯失呢個機會。蛋包飯嘅三種醬汁分別係忌廉汁、咖喱汁，同埋茄汁。對於初次嚟到貓之眼嘅我，三種都好吸引。但係見到食評嘅照片，似乎忌廉汁有比較多嘅蔬菜，所以就決定咗試一試忌廉雞肉。和牛漢堡果然名不虛傳，漢堡厚身，但唔會太實淨。調味唔多嘅漢堡扒食落充滿肉汁，令人一口接着一口。至於忌廉雞肉更加係有驚喜。本身有啲怕個忌廉汁會係金寶湯質素，但結果食落有甜味又唔會太膩，送飯一流。而最好食嘅就係個蛋包飯，半熟嘅蛋漿除咗滑之外就諗唔到其他形容詞。

去完會展睇展唔知食咩好醒起之前有frd話諗住專登嚟灣仔食蛋包飯心諗有冇咁大吸引力😂😂問個啱啱收展嘅frd佢話佢lunch 都食過係好食 於是帶我地去😂😂哩度最出名係鴛鴦蛋包飯即一半咖哩 一半忌廉汁其實佢仲有燒牛汁、濃茄味揀不過一場嚟到梗係食招牌舖頭位唔多聽講平時係要排隊我地今晚唔使實在太好彩😍講真 首次覺得忌廉係可以煮得好食過咖哩 真係好creamy好濃又唔會太鹹個蛋係滑到想食多碗飯咖哩第一啖食係好正後尾食咗忌廉就覺啲味真係比佢搶晒總括而言 好正！！好好味呀

十二點八分到門口，齊人才可以入坐，等到搭半，好好彩。差少少就要再等，細鋪，遲來就要 就要等多20分鐘， 因為附近都有中學生同埋oa ，所以呢遲少少嚟就唔使食。 旁旁邊也有 幾間 食肆， 一趕急 我見到其他舖頭光顧，如拉麵，但都要排隊。不過，咗遠水路嚟，都係為咗佢，落雨都無阻一堆香港人， 擔住遮 都企喺度排隊。服務員態度十分好 你入到去經講解我哋入咗嘅要求 。然後 ，派點餐紙 口筆，揀好 入去 即刻落單 ，節省時間。聽日會十分細心 ，店員 十分細心， 入嚟已經準為你準備一杯水，店內裝修好日式，又可以望到師傅們煮嘢食。清潔，乾淨，光潔，用具亦新淨，沒有般我油膩，或者係飯汁呀咁，已經滿意，又沒有任何飛蟲。 上菜十分之快 講唔夠兩句就已經有得我同朋友嗌咗兩碟 咖哩飯， 牛肉 蕃茄 配豬肉， 佢揀咗雞肉同豬肉。 蛋十分之嫩滑 ，但牛肉不夠大 ，食不出牛肉味道 ，但總體來說 一碟好的 咖哩飯，好夠日式水咖喱味。緊記只收現金呀！我地仲以為可以俾卡，幸好，都搵到銀包，如果唔係就太瘀了。

🐈:「寧願滯留在此處，寧願叫時間終止🍛」.冇錯，當Lucky仔決定Hide喺一番街玩到唔知時間嗰陣，我已經隻身嚟到灣仔汕頭街呢間被譽為擁有日本神級蛋包飯嘅「貓之眼」🐱.但好可惜，遲咗一步，好多款都已經賣晒😭既然係咁，就決定試下：🍛招牌三色蛋包飯(咖喱豬肉+濃茄牛肉)- 賣相真係好似我對貓眼👀，果然名不虛傳～🥘咖喱汁整體香甜，唔會有辛辣感；🍖豬肉熬製多時，已經同咖喱融為一體；🍅濃茄汁甜甜酸酸，特別醒胃😋；🥩牛肉肉質鮮嫩，肉汁完全鎖住喺啲紋理入面，真係好食到停唔到🤩.兩款汁都各具特色，再分別同主打流心滑蛋、日本飯Mix埋一齊食，口感甚為豐富～唔使10分鐘，已經成碟食晒，好滿足呢🤤.總結評分：9/10番啅指數：⭐️⭐️⭐️⭐️⭐️.

朋友介紹嘅蛋包飯真係好好味🤤呢款招牌三色蛋包飯左手邊係甜咖哩加豬肉，甜甜地唔係好辣，加埋洋蔥同紅蘿蔔係日本嘅味道呀😍右手邊係濃茄牛肉，牛肉用牛腩，大大舊又夠哂腍，加埋茄汁好開胃😋而中間就係勁滑嘅蛋包飯，仲係日本米嚟㗎！真係好忙一碟飯有三種享受😂究竟食邊樣先好⁉️.👍🏻推介：咖哩豬肉+濃茄牛肉三色蛋包飯($79)😋指數：8/10

一間蛋包飯專門店，喱到特色係雙拼汁同漢堡扒，當漢堡扒放起蛋包飯上方就形成貓之眼啦👁。我去時，正值下午2點40分，佢地就黎關門休息，但都好好放我入黎，比我坐到3點30。但漢堡扒已經叫唔到，幸好比我叫到最後一份燴牛汁。.咖喱豬肉+燴牛肉汁蛋包飯（$88）一黎就有雙重香味，兩個汁都好濃郁。個燴牛肉汁真係好正，牛味濃，牛唔un。啲洋蔥香甜，爽而唔太腍，冇煮太耐，控制得好好，而且入味。燴牛肉汁嘅風光真係搶左咖喱豬肉。但咖喱豬都好食。蛋包飯個蛋真係好香滑，厚薄剛好，雖然入面個飯冇用咩野加炒，但因為有雙汁拌黎食，真係剛好，唔會膩。食曬啲飯，啲汁都用曬，超正。喱個份量如果要埋漢堡扒真係大胃王嘅份量。好飽。好滿足。

在日本食過超好吃的蛋包飯,一直念念不忘,但又未能去日本食,只好在香港找了。呢間貓之眼一直有聽聞,但一直沒有機會試今晚正好有事來灣仔,就來食一下先。來到已經8點半就但是仍然要排隊,已經漢堡都賣曬了今次選了8號-忌廉雞肉+燴牛肉汁蛋包飯。上碟賣相一流,先吃蛋包飯的部份,蛋很滑,帶蛋香,米粒煮得恰到好處,軟得黎帶一點點Q,之後食忌廉雞肉,忌廉汁充滿奶油香味!雞肉有醃過蔬菜亦煮得不錯不會煮太久而變得太軟.忌廉雞肉方面我是很滿意了接下來是燴牛肉汁,用了肥牛,洋蔥煮成的燴牛肉汁也是很不錯,微微甜很開胃,不知不覺把成碟飯食曬了,的確不太夠喉,女生們應該剛好

先有一段小手插曲就係朋友等4人枱果陣，店員安排超混亂所以有點不愉快到我尼到後事件安排好，所以都無損心情既落左單每個人叫既都有s5同，個menu指示都清晰忌廉加濃茄，朋友話5錯，我覺得睇落似鴛鴦炒飯咖哩豬牛，朋友話咖哩整體偏甜，食5晒和牛漢堡咖哩白飯，尼到叫餐都幾彈性，有咩要求直接同店員講就ok最後我自己食正常既和牛漢堡咖哩，清晒！店舖位置真係比較少，想食可能要揀d冷門d既時間尼，仲有人少少尼等位易好多

食左幾年，每逢一個人去灣仔肚餓就會去食呢間蛋包飯，佢坐位好少，但一個人去有時唔洗等都有位，係一個人食飯嘅福利呢個飯永遠都保持到水準，漢堡扒雖然唔大但煎得好香，食完呢個飯勁滿足

Cats’eye果日收工，屋企又冇煮我飯，又要食自己。去到鋪頭前面已經有三至四個人排緊隊，去到我嘅時候就已經淨返最後一份和牛漢堡，我當然就立刻點埋佢😂咖喱豬肉+和牛漢堡蛋包飯（$95）漢堡相當juice💦 切開已經有好多肉汁流晒出嚟再加上香甜嘅日式咖喱，真係可以食晒成個飯。

今日又嚟食cats’ eye，一般嚟講，假日早少少到都可以唔駛等位，太好喇。今日我嗌嘅係咖哩豬肉加忌廉雞肉蛋包飯，咖喱汁香濃美味，日式風味；而忌廉汁則好香滑，充滿奶味，配上嫩滑雞肉，好適合大人細路；蛋包飯不再多提，保持一貫水準👍🏻男朋友嗌嘅係咖哩豬肉加燴牛肉汁蛋包飯，燴牛肉汁有啖啖酒香，配上牛肉及蛋包飯，真係好食到停唔到口😋

<Cats’ Eye>-講起cats eye 就諗起Tsubasa入面小櫻佢地開果間cafe呢度之所以叫Cats’ Eye 係因為佢哋既蛋包飯兩邊有汁有上面望落去就好似一隻眼咁樣 不過眼白同瞳孔嘅顏色掉轉 我就覺得麻麻地似喇平日午餐時間要等位 大約半個鐘內就入座—————————————————————-『咖喱豬肉＋和牛漢堡蛋包飯』🍛 - $95-蛋包飯配咖喱可以話係一個Perfect match但今次會和牛漢堡同牛肉汁原來都十分之夾漢堡上面嘅醬汁有好香濃嘅牛味 唔會過鹹至於漢堡就鬆軟juicy 完全唔會覺得有筋或者韌咖喱都係日式甜咖哩 材料有洋蔥 豬肉 同紅蘿蔔🥕 正如頭先講蛋包飯同咖喱 is always a match 只不過比起牛肉嘅醬汁就失色左少少 另外咖喱嘅豬肉偏碎 冇乜特別 甚至可以話食唔係好到蛋既部分 食落夠滑 仲有少少半生既蛋漿 不過偏淡但配埋醬汁食味道就啱啱好 唔會太鹹不過感覺上蛋用得比較少 個蛋包薄咗啲 🙈整體來講都係一個好食嘅蛋包飯 不過值唔值$95就見仁見智喇-📍貓之眼 (灣仔)灣仔汕頭街25號地舖-—————————————————————P

平日放假，即使係12點黎到，都需要等位，果然係人氣包飯店!係門口店員會俾定紙仔你填，一入去就可以order喇由於太多選擇，叫左<招牌三色飯>咖哩肉加濃茄牛肉，再配埋香滑既蛋包飯，不知不覺食哂成個飯。朋友就叫左<手打和牛漢堡扒蛋包飯>對比起三色飯較為普通

2019.4.18每次出去開會都會睇下灣仔有咩好食，e間第一次去既時候好多人排隊，所以放棄左🙆‍♀️今次去見到條隊唔算長，就排下啦😁🥚包飯係我既my飛佛「招牌三色蛋包飯」咖哩🐷肉，咖哩係日式咖哩甜甜地個隻+濃茄🍅牛肉，牛肉用牛肋條 切粒粒，有咬口👍送飯真係一流「手打漢堡扒繪牛汁蛋包飯」朋友叫，漢堡扒個人就覺得實左d，同埋冇juicy感🤷‍♀️我同朋友都覺得如果d汁杰多少少就好好👍餐廳可以少飯/多飯都唔使加錢架😊$167/2

呢日lunchtime 去左呢間日式蛋包飯，見佢係成條街最多人排，等左成35分鐘先有得入座🙈之後要9秒9極速食完🤣•🍛咖哩豬肉+忌廉雞肉蛋包飯($79)重點係個滑蛋🥚，真係超級嫩滑，好香蛋味👍🏻我諗好多人都係為左個滑蛋黎排!!咖哩豬肉🐖好好味，甜甜地唔辣，用咖哩汁撈飯一流💕忌廉雞肉🐓入面有西蘭花🥦，白汁有芝士味，有d似kfc雞皇飯個醬，幾heavy～呢度使用日本米🍚，叫左少飯，都食唔哂～————————————（5⭐️滿分，💫為半分）整體環境：⭐️⭐️⭐️💫味道：⭐️⭐️⭐️⭐️服務：⭐️⭐️⭐️⭐️性價比：⭐️⭐️⭐️⭐️回頭指數：⭐️⭐️⭐️⭐️————————————👇🏻歡迎睇更多同類食評👇🏻#fatfatman灣仔#fatfatman日本菜————————————📍貓之眼 (灣仔)灣仔汕頭街25號地舖#hkfood #hkfoodie #foodie #hkeats #hongkongfoodie #instafood #hkig #hkigfood #eat #hongkongfood #hkfoodblog #yummy #hkiger #food #instafoodie #foodblogger #foods