貓之眼

营业中

休息中

每次路過都見到好多人排隊，今日見只有兩個在等而且有點時間所以就乖乖排隊來試一下。店員會預先出嚟派點菜單，所以可以早點見到menu 及考慮吃什麼，店員十分有禮貌抵讚 👍🏼。日式鰹魚汁冷豆腐 - 由於太肚餓來不及拍照已經起筷了，味道及擺盤中規中矩，價錢並不太貴，選擇作夏天涼拌前菜亦為不錯。咖喱汁漢堡扒蛋包飯 - 咖喱汁濃郁，並不是水流流貨色加上一片片的肉片已經可以吃多一個飯了 😅😅。成寸厚嘅漢堡扒，肉汁唔錯可惜略嫌有點鬆散，應該要扣點分數。包著飯嘅蛋皮嫩滑沒有加鹽作調味，混合咖喱汁一齊放入口中味道啱啱好 😙忌廉汁漢堡扒蛋包飯 - 忌廉汁味道有點像阿伯雞的忌廉飯，裏面嘅雞肉亦頗滑但味道偏淡，可能是為遷就與咖喱汁一齊食用的效果☺️香港做蛋包飯的店鋪不多，如果未試過嘅呢度都係一個可以的嘅選擇。

灣仔人氣蛋包飯專門店 貓之眼店面唔算太大 長期處於人龍狀態 餐廳主打四款醬汁 分別係 咖喱豬肉 濃茄牛肉 忌廉雞肉燴牛肉汁當日上菜速度超級快 只係影咗兩分鐘就食 但咖喱都唔算特別熱 屬於暖可以即刻擺入口嘅狀態 食落有小小失色▪️咖喱豬肉+和牛漢堡 蛋包飯 $96日式咖喱偏甜唔辣 味道濃郁 紅蘿蔔洋蒽煮得軟腍豬肉份量唔少 薄薄一片 食落唔韌但有小小柴 如果豬肉可以大舊小小 食落口感應該會更加好和牛漢堡 賣相吸引 充滿肉汁 但質地偏軟 較為鬆散 個人就比較鍾意有口感既漢堡 秘製醬汁味道濃郁 撈飯一流 但略嫌有點蓋過牛肉既香氣 令漢堡牛味偏淡蛋包飯既主角！滑蛋！煮得啱啱好 滑嫩富蛋汁 略嫌蛋香同調味偏淡被滑蛋掩蓋既珍珠米 粒粒分明 但我會prefer炒飯底多過白飯底▪️咖喱豬肉+濃茄牛肉 蛋包飯 $82咖喱豬肉 蛋包飯 味道同第一個大致相同濃茄醬汁質地濃稠 但番茄味無想像中咁突岀 牛肉用上煮得軟腍既牛肋肉 口感比豬肉既好 但份量相對較少▪️即磨冰咖啡 $28想飲咖啡 都係去返coffee shop好啲呢杯飲落有小小似雀巢咖啡蛋包飯中規中矩 可能係抱有太大期望 食落覺得有啲overrated

呢間餐廳貼左好多貓貓poster同擺設🤤好靚🐱仲要係黃店💛 雖然座位比較少，但店員好有禮貌👍如果食飯時間去食要排半個鐘左右～⁣⁣招牌三色蛋包飯（咖喱豬肉+濃茄牛肉）$82 ⁣⁣蛋包飯既賣相好吸引呀！個蛋要大讚🤤 炒得好好好好出色！超級嫰滑而且蛋香味重😍⁣ 濃茄牛肉汁偏甜，酸酸甜甜食落幾開胃～ 牛肉都幾腍，仲有啲洋蔥粒同紅蘿蔔🥕咖喱汁係日本咖喱，甜甜地唔會辣，但味道就唔算話好特別，可以一試！⁣⁣大食既朋友仲可以免費添飯🍚🍚唔洗驚唔夠飽😆⁣

呢間貓之眼 我幾年前已經開始有幫襯佢嗰時都未有咁多人食 唔係好洗排隊不過今年年頭我再去嘅時候 雖然排咗一個鐘隊 不過值得嘅今次趁平日放假.. 11:30就去左.. 因為唔想再等咁耐今次食忌廉雞肉加燴牛肉汁蛋包飯我勁鍾意佢嗰隻蛋呀 日本蛋 勁有蛋香同埋好滑講吓佢個忌廉雞肉先！ 雞肉好滑，有3舊佢個汁我覺得有啲偏淡既.. 不過我鍾意佢有d菜可以balance番另外燴牛肉汁.. 個味好濃.. 可能因為咁所以我覺得忌廉雞個汁係淡同埋佢有好多牛肉比左我呢間餐廳都食過幾次員工亦都好有禮貌下次再去應該會食個漢堡扒，好似好正咁

▪️ 咖哩豬肉 + 和牛漢堡蛋包飯💲96午餐時間汕頭街有兩間小店永遠有人龍，分別就係呢間蛋包飯同埋對面間越南河，之後聽人地講話兩間其實係同一個老闆既姐妹店🤭呢度既蛋包飯有好幾個款式，除左我呢個咖喱之外，仲有濃茄同埋忌廉等選項😙咖喱味比較甜，豬肉片薄身，不過不失，至於手打漢堡厚身得黎入口會係偏向軟腍，帶有和牛肉汁幾juicy，蛋包飯個蛋的確嫩滑，而米係粒粒分明既珍珠米，份量都幾飽肚，食食下甚至會有少膩🙈🔎 整體評分（7/10）

見唔使排隊就試下店員態度非常殷勤, 好有日本feel🎌不過惡夢從食物開始……😫😫蛋包飯唔係真係包住個飯, 只係有堆炒蛋係面頭, 都算滑。咖哩牛肉…搵哂成碟都搵唔到一塊原整牛肉😭😭😭😭, 個感覺就好似係屋企食緊即食咖哩…仲話自家製…你都真係製得幾慳皮🤡。。。見到原來加＄１２有ｄｏｕｂｌｅ肉量，　心諗：０乘以２都係零😅唉。。蕃茄果邊，有牛肋肉，不過雪味極重，味道中下😪😪。碟飯＄８２蚊，無野飲，非常唔滿足。😣😣整體而言，因為性價比太低的關係，用餐體驗非常差。收得價絕對係無問題，但品質一定要對得起價格。此等貨色老實講只係＄4０—＄5０ｏ既水平。。希望店舖反省改進！😤😤😤😤

呢日行完南丫島，夜晚個餐揀左出返去食，比左幾個選擇兩個FD揀，大家都揀蛋包飯，GOOD！去到好似七點幾，由於3個人既關係等耐少少，後面D一位兩位入先~大約等左20-25分鐘左右就有得入喇~我要 濃茄牛肉+和牛漢堡蛋包飯$96食過咁多次，我對佢地既飯幾時都咁有信心！果然冇令我失望~朋友們都好滿意！期間限定 特濃日本雞蛋布丁$42呢個布丁不得了！話說我係個超級布丁愛好者！(去親日本每晚都要食一杯)估唔到係香港食到個咁正既布丁！蛋味濃，口感滑，布丁上面係咖啡味既cream，仲有一少塊蝴蝶酥！超級超級好食！暫時係我心目中香港既No.1！食完呢次之後成日都好想再去

今日同兩個朋友一行三人去咗灣仔喜帖街食貓之眼。我哋今日一點幾去到門口都有人，排隊排咗大約十五分鐘就可以入去。我哋分別叫咗，咖哩漢堡扒蛋包飯，茄汁漢堡扒蛋包飯，同埋白汁雞肉紅酒牛肉蛋包飯。先講下佢哋啲手打和牛漢堡扒，口感真係非常之好，軟硬適中，亦都好有牛味。至於佢個茄汁就不過不失啦，而佢個咖哩汁實絕對可以提升漢堡扒嘅味道。而佢嘅紅酒牛肉都係十分出色，酒味好出。而佢個蛋包飯嘅味道亦都係十分不錯，十分有蛋香。絕對會搵埋三五知己再試。

前幾年吃過舊店一次,自從搬到新店後就沒有機會來,即使在灣仔上班也不行,因為實在太多人排隊啦,可見其受歡迎的程度。今次香港肺炎問題嚴重,限聚令使人不敢外出,我才有機會不用排隊直接入內,是喜也是悲。蛋包飯&蕃茄牛肉&忌廉雞肉   4.7分   82元1. 蛋包飯的米飯是珍珠米,要加分,而蛋夠滑夠大可以覆蓋米飯,所以合格有餘,有奶油或牛油香就更好啦2. 蕃茄牛肉確實要特別一讚,因為蕃茄汁是完全充滿蕃茄的味道,明顯是用蕃茄製成(不是蕃茄汁),好像飲蕃茄湯一樣;牛柳粒3-4粒,比較普通的味道3. 忌廉雞肉是我本人對日本的幻想,因為很多漫畫都有提及女孩子煮忌廉雞肉給男朋友吃,而且在日本街邊的餐廳不多,很難遇見。同樣地,忌廉汁好滑好香,配飯一流,雞肉就正常發揮不多解釋。82元一碟飯,可以品嚐到三種味道,還有日本賢妻級的住家風味,偶然吃一次無傷大雅,就當自己去了日本朋友作客吃飯~值得一推是黃店,所以必須大力支持!加油!牆上貼有不少手繪的香港街道壁畫,極其漂亮特色,刻意拍幾張給大家看看。店主兩夫妻非常有禮貌,會親自上菜加水,沒有加一服務費,這點我都非常欣賞,希望香港的餐廳好好學習,謝謝。 

平時這間蛋包飯好多人排隊，但宜家疫情關係，少咗人返工，又多咗人外買，所以少咗人排，好快入得店，店內有日本人食，播住日文歌，有啲似去了日本🤪，店員幾有禮貌，服務態度幾好，今日試食8號，忌廉雞肉燴牛肉飯$89，賣相吸引，雞肉嫰滑，忌廉不膩，用來撈飯一流，雞蛋滑口，包住啲飯食好味，燴牛肉開頭食時好似有啲＂so＂味，但食落ok，份量充足，好味，雖然價錢並不便宜，但會再幫襯，本身想叫佢個自家製焦糖雞蛋布甸，但好似暫時停咗供應，因為之前去佢同系餐廳食也是無，可能宜家無人整😖希望下次可以食到😃

實不相瞞，我其實係俾貓吸引過嚟嘅 😂雖然呢度無貓，但係有高質嘢食😋叫咗個咖哩豬肉+和牛漢堡蛋包飯，漢堡扒夠實淨唔會散晒，而且兩個汁好下飯🤤極速見碗底! 決定下次要試埋個忌廉雞肉 😎

去到已經係晏就2點, 都仲要等位, 可想言之佢係幾咁受歡迎👏🏽 話明係專門店, 所以食物既選擇唔多, 但係我真係極力推薦大家黎食, 因為真係好好食咖喱豬肉加忌廉雞肉🐷🐔($82)基本上所有飯中間都係超creamy既半熟蛋蓋係白飯上面🍳 好似貓既眼睛咁, 兩旁伴住完全唔會覺得膩既咖喱汁再配埋豬肉片同埋紅蘿蔔粒🥕 撈埋落個蛋包飯度好正👏🏽 飯既另一邊就係我最愛既白汁雞, 白汁不嬲都係我既最愛, 而且我個鐘意佢既汁唔會太杰身, 雞又超滑🤤 兩個汁撈飯都超級正, 最後食到連啲汁都冇曬咖喱豬肉和牛漢堡蛋包飯🐷🐮($96)咖喱豬既一邊同上面果個一樣, 飯同蛋既部分都係一樣👍🏽 黎到和牛漢堡既部分, 舊漢堡好厚身, 而且睇到係由一大堆和牛肉堆砌而成, 成個漢堡好有口感而且個汁又係超正, 真係好想去食多次呢間絕對係良心小店, 無論係味道同埋食物既質素都好好, 店員都好主動咁幫我地加水, 而且服務態度又好🧊 黎開灣仔記得試試佢

大概兩年前食過一次，覺得佢個蛋包飯係小店黎講算好高質，隻蛋好香牛油味又滑🍳今次無意中經過再食既時候覺得隻蛋無以前咁好食，有少少失望。本來想試佢既手打和牛漢堡飯，但都已經賣哂。醬汁方面佢有蕃茄、忌廉、咖哩同燴牛肉汁個人覺得蕃茄>咖喱>燴牛肉汁(無試忌廉) 燴牛肉汁好重紅酒味，如果鐘意酒味重既會推薦去試👍🏻

朋友喺灣仔附近返工，所以約咗佢嚟呢間bookmark咗十個世紀嘅蛋包飯🤩小店位置有限，閑日lunch time嚟到排咗25分鐘左右。.if you are working around wanchai area, this could be a good lunch spot for you 😋 high quality omurice 🍛 especially loved the sauce! my fav has to be the curry pork mixed with tomato 🍅 beef omurice! overall, super satisfied with the lunch 🍴 definitely recommend for lunch!.💫整體體驗 𝐎𝐯𝐞𝐫𝐚𝐥𝐥 𝐄𝐱𝐩𝐞𝐫𝐢𝐞𝐧𝐜𝐞✨食物 𝐟𝐨𝐨𝐝 7.8/10環境 𝐞𝐧𝐯𝐢𝐫𝐨𝐧𝐦𝐞𝐧𝐭 7.3/10服務 𝐬𝐞𝐫𝐯𝐢𝐜𝐞 8/10性價比 𝐚𝐟𝐟𝐨𝐫𝐝𝐚𝐛𝐢𝐥𝐢𝐭𝐲 8/10回頭率 𝐫𝐞𝐯𝐢𝐬𝐢𝐭 8/10🌟高質蛋包飯，特別係醬汁真係做得幾出色，食完會非常之滿足！.《咖喱豬肉 · 濃茄牛肉蛋包飯》$

琴日中午同同事終於去附近呢間，食左個咖喱豬+蕃茄牛嘅咖喱蛋包飯，平時都唔係咁鍾意咖喱味，不過呢個淡淡地好香，汁夠多所以都唔會好乾～漢堡肉要等3、4個字，下次再來試下～