貓之眼

营业中

休息中

夜晚七點都幾多人排隊，大概排左半個鐘多啲，（follow ig送左個小食）叫左一個濃茄牛+和牛漢堡，同一個咖哩豬肉+和牛漢堡，因為我同友人都以為個和牛漢堡係必食.....濃茄牛同咖哩豬肉啲醬汁都好正，而個蛋夠晒滑👍🏻反而個和牛漢堡真係麻麻，除左鹹....真係食唔到其他味，成個感覺就係食緊一個好普通嘅鹹肉餅，我地兩個都食淨左半個😟其中一份叫和牛漢堡就算⋯⋯整體黎講，下次都可以黎食⋯👍🏻👍🏻

🍛咖喱豬肉燴牛肉蛋包飯 - $89又係pt堂前嘅晚飯，心血來潮決定食好耐冇食嘅Cat's Eye上一次食嘅時候仲喺舊鋪廈門街，連對面Spring Field都未開😂平時就算星期六收工12點都已經喺門口排十幾廿個，難得見1730啱啱開門唔洗排隊就入去食了🤣蛋包飯主要有燴牛肉、咖喱豬肉同白汁雞肉揀，仲可以加漢堡扒，不過實在太邪惡所以冇叫😭🍳蛋都係一如以往咁滑，食得出用好多油炒🤪🍚飯粒粒分明，唔會痴埋一舊🐷咖哩豬都係平時食到嘅日式咖哩味，配菜嘅紅蘿蔔🥕同洋蔥都好入味，正常發揮🐮燴牛肉汁其實係日式蛋包飯嘅標準配搭嚟，相比之下其實我覺得佢match過咖喱汁，因為本身咖喱汁好濃味，撈埋啲蛋同飯會蓋過咗蛋白，而撈佢反而可以突出蛋香，有錦上添花嘅作用👍值得一提嘅係佢哋都係用肉片嚟煮個汁，可以唔怕啲肉煮過龍韌咗唔好食，亦可以快啲入味，食嗰時都唔會影響整體口感🥰啲汁、飯同蛋嘅份量都好平衡，食到最尾一啖都仲有汁可以撈，正😍總結下次嚟食嘅話，我諗我會嗌燴牛肉汁+白汁+漢堡扒試下😝

呢間好似永遠都係排晒長龍 每次去灣仔經過唸住試下都俾條龍嚇退今次晚餐時間排咗廿幾分鐘有位 可能都算快 ( ੭ ˙࿁˙ )੭ ᐝ漢堡扒幾好食 好厚好juicy 好有日本家庭餐廳嘅感覺 不過有少少鹹炒蛋超滑超香 再加埋咖喱撈飯好好食 冇試到番茄汁有啲可惜 聽講酸酸甜甜送飯一流忌廉雞肉比較普通 如果大家去食嘅話推介試其他配搭～如果食開清淡嘅未必啱食 食完之後超口渴🤣𓏲𓏱𓏭𓏭咖喱豬肉＋和牛漢堡蛋包飯 $96咖喱豬肉＋忌廉雞肉 $82

星期六在灣仔溫書，午飯選在附近的汕頭街，書友推薦說這家蛋包飯不錯，1:30到達見大約有10人店外排隊等位，等了差不多10分鐘才能進店。排隊時，已在店外張貼的餐牌上選了要吃什麼，並且在店員派發的點餐紙上點劃所選的食物，選擇很簡單，主要是咖哩豬/牛、蕃茄牛、忌廉雞、蛋包飯/白飯、甜品、飲品。入坐時把點餐紙交給店員，一人一紙張，很快便有食物送上。三色蛋包飯 (咖哩豬肉+忌廉雞肉) $82 * 10%顏色因為忌廉汁內有綠色的西蘭花和紅色的紅蘿蔔而豐富不少。蛋包飯的蛋很滑，飯量頗多，如果不想吃太多飯或吃不完，可以在點單上選少飯。日式咖哩很香帶甜甜的味道，拌飯吃很好味，豬肉薄薄的，口感鬆軟，不錯的。忌廉汁也香，濃濃的拌飯也很好吃，雞肉看來是雞腿肉，切得比較大塊，因此嚐到有雪的味道，不喜歡這個味道，所以雞肉都剩下了。書友都選了燴牛肉汁蛋包飯 (咖哩豬肉+燴牛肉汁)，據說很不錯。想來，選牛肉和豬肉是比較好的。

星期三去大概都排左半個鐘🤣 不過店員好有禮貌，排隊中途會比紙你落定單先。不過漢堡扒賣晒🥺 7點幾已經賣晒真係要食既話可能lunch會好啲個擺盤真係幾靚，蛋係幾滑但份量比較少，如果可以有多啲蛋就好喇🥺，會想要多啲蛋既香味同軟熟幸福感覺🙈 茄汁果邊係新鮮蕃茄味，感覺冇落味精，燴牛肉果邊肉既份量好多，啖啖肉加埋甜甜既汁好正🤤整體80幾蚊食餐晚飯黎講係幾平但要排半個鐘又未必想去🤣濃茄牛肉+燴牛肉汁蛋包飯 $89

忌廉雞肉．和牛漢堡蛋包飯 $96雞蛋嫩滑，蛋香十足✨～而且有厚度，唔會紙咁薄👁‍🗨，撈汁食好正😚💛 和牛漢堡牛味超濃🐮，雖然肉厚，但入面仍然軟腍，唔會過熟～忌廉雞肉雖然比較清淡，但忌廉味好香😋，同濃味既和牛汁岩岩中和左。-咖喱豬肉．濃茄牛肉$82咖哩汁帶微微肉香🍛，豬肉唔會鞋颯颯，幾惹味。對於平時唔多食蕃茄🍅既我，今次呢個濃茄牛肉又𝙤𝙠喎，個汁蕃茄味濃得黎甜甜地，同牛肉味好夾♥️

💛黃店推介💛貓眼型狀的蛋包飯🤤提供不同醬汁肉類選擇，上餐速度都好快·<忌廉雞肉+濃茄牛肉 蛋包飯> ʜᴋᴅ 82賣相好靚💕蛋皮真係好滑，唔會過熟而且蛋味香濃😋濃茄汁都好濃番茄味，酸酸地好開胃🍅牛肉煮得好淋入味，有驚喜！相對忌廉汁就冇咁出色，忌廉味唔太出，有啲似芡汁🤔雞肉都幾滑，仲有用胡椒調過味，所以食落有好微的辣😜鍾意佢兩個醬汁都有少量蔬菜，感覺健康啲🙈·另外朋友試咗燴牛肉汁，呢個好食，有好濃牛味😋

難得去咗灣仔，就梗係要去試下依間咁出名嘅蛋包飯🤤咖哩豬肉忌廉雞肉和牛漢堡蛋包飯 （$109）一拎上嚟就已經俾佢嘅擺盤吸引咗，好似真係一隻貓眼咁，好靚😍。味道就還可以啦，和牛調味幾好，唔會話太咸，同埋份量都幾夠👍🏻。我覺得嗰咖哩豬就重味咗少少，但其實用嚟撈飯嘅話都可以嘅😛。忌廉雞肉食落就冇咁heavy，我幾鍾意🤤。芝士魚肉條（$32）冇諗過依個小食會咁好食，一咬落去就有芝士流出嚟，點埋啲蛋黃醬直情冇得輸👍🏻👍🏻。依間舖頭好食，但有啲唔開心嘅係佢啲小食好快賣哂，我今次見到佢期間限定嗰pancake好似好吸引咁，想叫嘅時候竟然已經賣哂😭😭。如果下次有機會一定會叫嚟試下😤😤。

位於灣仔汕頭街一間蛋包飯專門店，星期一至五午飯時間12:00開始就大排長龍，不過都唔需要等好耐就可以入座。和牛漢堡蛋包飯超厚的和牛漢堡，啖啖肉好 juices，對於喜歡食肉嘅人士就啱晒，我就食半份肉已經足夠。忌廉雞肉＋濃茄牛肉蛋包飯，呢個飯與和牛漢堡比較起來就遜色一點。濃茄牛肉：牛肉軟稔，入口即化，茄味十分香濃。忌廉雞肉：入口感覺自己喺茶餐廳食緊白汁雞皇飯，No good。Follow IG, 即送芝士魚肉條兩條，吃起來酥香，富有彈性

本人係雞蛋料理既愛好者，所有關於蛋既食物都好中意食，而呢間bookmark左好耐既蛋包飯終於都比我試到啦！☺️由於食果日係假期前夕，dinner時段好多人排隊，足足等左40幾分鐘先入得🥴 8點零入到去，但已經話賣晒最想試既漢堡扒，唯有嗌其他醬汁試試啦！蛋炒得好滑溜，保留返少少蛋汁又唔會過熟/過生，岩岩好😋 咖喱豬肉既咖喱係日式果種偏甜既咖喱，豬肉都係正正常常，呢個汁都係似出面食到既日式咖喱汁，用黎撈飯係幾唔錯，但就無咩大驚喜🤣 濃茄牛肉就反而有啲驚喜，佢個茄汁真係好濃郁，比起平時出面食開果啲茄汁再酸啲啲，牛肉都炆得幾腍，呢個醬汁再加埋個蛋一齊食就變左蕃茄炒蛋既感覺，酸酸甜甜好開胃👍🏻呢個忌廉雞肉出乎我意料之外！個醬食落比普通白汁奶味再濃郁啲，再creamy啲，奶油味好香，同個蛋好夾🤩 雞肉亦都好嫩滑，可惜就少左啲啲。燴牛肉汁我自己就麻麻地啦，可能係我本身唔多中意紅酒/洋蔥汁，覺得有啲太濃味🤭 同個蛋夾埋一齊食，完全遮蓋哂個蛋既味道，個汁同個蛋食起上黎唔係十分夾，但佢啲牛肉片同洋蔥既份量都幾多下🤔總括而言，呢間既蛋包飯算係above average既水平，但醬汁overall黎講就屬於正常

黃💛日式蛋包飯Cat’s eye其實同對面間Spring Field係同一間，但主打既菜式唔同，食完一間可以睇定下次食咩🤪🐔🐷忌廉雞肉+咖喱豬肉蛋包飯 Hkd82忌廉雞好香奶油味，雞肉都好滑。咖喱豬肉份量都幾蛋，唔會食兩啖無哂肉。蛋就唔使講，香滑。最重點係佢汁既份量一啲都唔孤寒，一定夠你食哂成個飯。雖一就係佢份量好大，所以女仔最好嗌返少飯唔好浪費！🐮🐷濃茄牛肉+咖喱豬肉+和牛漢堡扒 Hkd108貪心人士首選😂🤣先講茄牛，係煮得勁濃既蕃茄味，一啲都唔假既蕃茄味，配埋牛肉岩岩好！另外個和牛漢堡扒，有少少筋但牛味都足，加埋淋面既燒汁，撈埋個蛋食就正！唯一缺點都係份量太大🤨但真係好食到幾飽都會食哂佢🤪🍆鰹魚汁浸茄子 Hkd 28Cat’s eye我的最愛🥰茄子完全吸哂鰹魚汁既香味，每啖咬落去都散返陣木魚同鰹魚香，加上雪完涼浸浸，包你試過返唔到轉頭🤪PS:鋪面唔算大，唔計限聚都只係坐到15人左右，排隊就必定，所以可以揀一揀時間先去😉

廚師用左貓咪眼晴做擺盤靈感，用左一個瓜子形狀既碟去盛住左右兩邊不同風味既食材，再加上中間好飽滿好靚既蛋包飯。非常有特色，亦係店家改名做貓之眼既原因。而當天中午兩點去到漢堡已經售罄 所以轉咗試第二款都到樣有驚喜～❻咖哩豬肉+燴牛肉汁蛋包飯 $89🍛一上枱就有好濃郁既香氣 味道並不辣 同正宗日式咖喱差不多 帶少少甜味 用黎送飯一流！😋燴牛肉汁係比較稠身 就咁食啲汁會太膩 主食係俾你配飯食 牛肉味好重好濃🤤 而且成個份量好足料 俾咗超多牛肉片 唔驚食食下得返啲飯 可以食到尾都仲有餸食🤩評分: 9/10🌟❽忌廉雞肉+燴牛肉汁蛋包飯 $89至於忌廉汁睇落好似冇咁吸引 食落感覺比較咖喱清淡但一樣好夠味 撈飯食jenggg🤤 雞肉整得好嫩滑而且仲有啲蔬菜（🥦、🥕）中和一下整體感覺 食得太多肉油膩感會好重🐷而蛋包飯既重點當然係蛋🍳喇！！！🥚炒得好滑 蛋味好香 仲要可以覆蓋哂成個飯 啲蛋汁同珍珠米一齊食有滿滿既幸福感🥰 推介!評分: 9.5/10🌟今次試咗三個醬汁 如果要將佢哋比較 個人既排名會係咖喱豬肉>忌廉雞肉>燴牛肉汁✨下次試埋漢堡就可以得出最終排名🏆小店既食物質素確實不錯仲要係💛

貓之眼主打蛋包飯，而佢哋嘅醬汁主要有四款，分別係咖哩豬肉、燴牛肉汁、濃茄牛肉同埋忌廉雞肉，另外可以同和牛漢堡配搭。今次就除咗忌廉雞肉之外嘅醬汁都試哂啦！首先係CATS’ EYE 特選1，咖哩豬好香甜豬肉胸嫩，就咁食都非常惹味！更加適合送飯嘅濃茄牛肉唔會酸，而牛筋肉係經過八小時烹煮後已經變到非常軟嫩！而牛肉汁＋和牛漢堡蛋包飯嘅燴牛肉汁的確重牛味，牛肉片口感一流！醬汁之外嘅和牛漢堡成個拳頭咁大，入口即化又重牛肉味，加埋用紅酒煮嘅濃汁真係好正！其實本身想試埋佢哋好出名嘅雞蛋布丁，但原來中午無嘅就下次再試啦！

一行四位今日黎到日式蛋包飯。未試過依間野今日都係第一次食間鋪細細間, 唔多位, 所以門口都要排隊入去 (都排左差唔多3-4個字先有位) 個餐廳待應 (唔知係咪老闆) 非常好禮拜, 排隊既時候就比定落單紙我地晝。一入到去就即刻落單。叫左個咖哩豬肉+和牛漢堡蛋包飯, follow左店鋪既IG就送左一客芝士魚條 (好味, 咬落去真係淡淡芝士, 再點埋沙津醬食非常好)咖哩汁岩岩好, 和牛漢堡大大舊 入面都熟哂 (好怕依D咁大舊既肉中間生), D牛肉好香 但個豬肉就好一般 冇咩特別冇餐飲淨係一個飯$96 , 貴左少少, 如果包一杯飲品就更加滿足)

今日獨食去了這間之前好想去的良心小店，但因為佢3點落場，所以無機會去食。排隊好長龍，好感動香港人團結精神，支持良心小店，好願意排隊（大概10分鐘左右）服務員出黎幫忙量體溫及送上餐單及筆漢堡賣晒，我就點了店長推介之一的咖喱豬肉+濃茄牛肉招牌3色蛋包飯環境唔錯，好簡約舒適，雖然唔係好大，但好乾淨好整齊好喜歡這裡的畫，好靚好特別（咖喱豬肉濃茄牛肉3色招牌蛋包飯）好大碟好有效率就送上了，老闆好有禮貌又細心，服務好好顏色好靚好吸引，熱辣辣上碟蛋包飯好香滑，蛋汁濃郁又厚身，包著香軟日本米飯配咖喱汁好惹味，香而不辣，又唔會是甜咖喱，豬肉片好腍好入味這個濃茄牛肉我好喜歡，軟腍口感，牛味香，濃茄好開胃好好味