豬手工房

营业中

休息中

今日同事 lunch果陣話有新野推介，好啦就跟佢去試下。黎到呢度，覺得環境都OK, 唔會話好迫好唔舒服咁。咁我睇完menu後就叫左個芝士焗肉醬意粉，一送到黎已經聞到好香芝士味，而佢d焗意粉係唔會好似出邊咁焗到成pat野，一夾就斷哂，雖然又唔係al dente既質感，但都感覺到仲有少少彈牙，不過都正常既，有邊度既意粉焗完介會al dente啊🤣。蕃茄味都濃郁，總之好過大家樂果d好多。而杯菠蘿特飲就正正常常，唔會死甜。另外偷左同事啖葡國雞黎試，d雞都算入味，嫩滑既。而我杯菠蘿特飲就正正常常，唔會死甜價錢4/5星環境4/5星味道4/5星

通常大時大節先會食鵝，或者夜市酒樓先會有得點，點會諗到午市仲要工廈區域的西餐廳都有得點鵝食？位於大圍的交通城大廈的豬手工房就可以滿足到各位上班一族了。 餐廳有多款中式，西式的主菜同小食， 一班人同時想食中式，又想食西式，就滿足到每個人口味啦！俾一俾分先（滿分為5個💜)環境💜💜💜💜💜碌鵝 💜💜💜💜香精油鴨腿配黑松露意大利燉飯 💜💜💜💜鹹蛋黃脆炸魚皮💜💜💜💜💜溫泉蛋黑松露沙律 💜💜💜💜💜環境以工廈區來講滿分啦！試過夜晚泥坐天台勁有情調，室內格局都好舒適！除左有得食燒鵝之外，其他的中西菜色都非常岀色，最令我有驚喜的是沙律，三隻半生熟溫泉蛋加黑松露，味道極之配合！兩個濃郁的味道混和在口腔裏細味！然後再來一口清新的沙拉！口感好新穎！同埋我本身都好中意食新加坡嗰款零食嘅，新鮮即炸嘅鹹蛋黃脆炸魚皮就第一次食，無得輸丫！非常咸香酥脆！非常推介附近上班人士來一試！

話說大圍區有間隱世西餐廳，好多款中西菜色，但只會招待工廈做嘢嘅人士，點知今次轉工就咁岩泥咗呢區工作，估都估吾到呀！番工第三日已經嚷住同事提議要食呢間！睇咗menu 就比個芝士卡邦尼意粉半63度溫泉蛋 $118所吸引！個半熟溫泉蛋超重蛋香有日本雞蛋之嫌，正丫。意粉嘅口感非常彈牙，卡邦尼意粉醬濃幼滑！同樣好想試嘅白酒忌廉煮青口 $88，果然無令我失望，醬汁非常濃郁creamy!聞落淡淡的白酒清香，配上多肉肥美的青口，令人滿足！當然少不了招牌脆爆鹹豬手 $238，名不虛傳很有水準！食材新鮮不在話下，師傅的烹調手勢一流，火喉剛好吾會整到好un, 保持到肉淋外皮爆脆實在考功夫！最後嗌了蒜香鹹蛋黃帶子蝦仁炒飯 $168作完結，炒飯粒粒分明，加入炸蒜粒口感更加強，鹹蛋黃香增加炒飯的色香味！好滿足嘅一餐飯丫！

Lunch time想坐好啲同同事傾心事，來豬手工房實在不錯，燈光柔和好有氣氛。見到不少女仕前來打卡影相，我都想帶男友來食dinner 可惜只招待工廈上班的同事們。今日有新人上班帶佢來豬手工房食餐好嘅，同埋同佢傾下計了解了解🥰我地點咗秘製客家碌鵝賀一賀入職先啦，呢度嘅秘製客家碌鵝，師傅好有心機確保佢的肉汁完美鎖上！掃上層油立立令！同埋嗌左脆爆鹹豬手 ，超級好味道，同我喺德國食嘅咸豬手有得fight ！而白酒忌廉煮青口個湯汁真係好味到我地嗌多份餐包浸泥食！白酒好香入哂青口度！好味道！

小妹啱啱fresh grad 想儲下錢，剛入職場的我身為小資女，當然下下要慳住荷包，但我又好為食中意四圍搵食。樓下二樓間豬手餐廳係我嘅恩物！1.香精油鴨腿配黑松露意大利燉飯 My favorite 飯，好香好濃嘅松露白汁，配埋香嫩油鴨腿非常滋味無窮！2.碌鵝 三位女同事一齊share非常抵食啊！鵝燒得非常脆，油光滿滿非常吸晴！見到都流口水！3.鹹蛋黃脆炸魚皮$68又係my favorite !! 脆卜卜加上咸蛋香真係非常開胃，食呢d甘脆口既食物點少得配番杯熱情果菠蘿乳酸梳打？好好飲又有多款口味揀！

之前前輩一直講對面街大廈有間好岀名嘅高質西餐廳，只係招呼工廈上班的人士，街客都食唔到甘話喎，今日機會來了，孖住兩位前輩一行4人去食個靚lunch , 佢地仲要勁好請客！💓今餐叫就叫佐600蚊但係你試完個味道後呢個lunch 價錢係值會票價💓一場泥到要試招牌的脆爆鹹豬手！豬手份量足，又夠肥美炸得又脆，咁好食四條女都食得哂！我配埋冰涼的雜果乳酸梳打一邊飲一邊食，幾好飲吾會話勁甜，夏天飲一流。而香精油鴨腿配黑松露意大利燉飯呢一上枱比佢塊鴨腿嚇親，咁大隻嘅！配埋大大pat 黑松露,個飯粒燉到啱啱好吾會好硬，大家都食到讚不絕口！呢道菜出去9龍食絕對無可能百幾蚊食得到咯！💓💓我地嗌咗金牌自家製薄餅，好彩係薄pie 吾係我地應該清吾哂！芝士配上風乾火腿片，都唔錯，個邊焗得非常脆好岀色丫！這裡果然臥虎藏龍！

今日放工同同事食迎新晚餐，估唔到公司樓下呢間豬手工房就有咁高質既菜式。🧡金牌自家製薄餅$168呢個其實係Parma ham為主既薄餅，每一細塊都有Parma ham，下面仲有濃濃既芝士，最緊要餅底夠薄，好脆好好味！😚 白酒忌廉煮青口$88青口有少少海水味，白酒去腥提鮮，忌廉令青口好香，又滑啲，好creamy好味！🐖 招牌脆爆鹹豬手$238咸豬手係原隻連骨上，但上枱既時候已經分開骨同肉，好貼心💖豬手肉咸香又腍，豬手皮香脆，加上酸菜，完全唔會滯，幾個人share係岩岩好！叫埋巨蜂乳酸飲品黎解渴非常合襯，甜甜酸酸，好消滯，好好飲！

為慶祝我地team 今個月爆數，我地又落左去我地御用飯堂！丫姐請食好西任叫，一口氣點咗五道餸👏🏻👏🏻招牌脆爆鹹豬手 $238豬手真係爆脆，勁有肉汁，咬落去聲音清脆，份量超級大，岩哂幾個人share 食，呢道基本上每次來到必點的✌🏻蒜香鹹蛋黃帶子蝦仁炒飯 $168鹹蛋碎加入炒飯係無敵的，鹹蛋混合蒜粒，令整碟飯嘅香氣昇華了一整級，每一啖食落口都好香，加上飯炒到一粒粒，海鮮又大大粒，又係大力推薦呢款！鹹蛋黃脆炸魚皮$68又係吾會輸菜色！炸到脆卜卜，咸蛋黃加入每一塊魚皮落去炸，每一口都有咸香蛋黃味！超幸福味感！另外仲點了芝士焗肉醬意粉 $68同金牌自家製薄餅$168，滿足哂我地一班芝士迷嘅胃口！pasta 同pizza 舖滿濃厚嘅芝士!芝士多到可以拉絲！正！多謝丫姐餐飯!!

Happy Friday放工就緊係要同姊妹閨蜜聚下啦，難得公司樓下有間西餐廳，就同佢地黎試下。我地叫佐兩個焗野，葡汁焗雞扒飯$78同埋芝士焗肉醬意粉$68，兩樣都好香口，好好食！雞扒超級大塊，啲肉又嫩又juicy，葡汁又香椰香味，超正🤟🏻肉醬意粉啲肉醬多到爆，意粉又唔會太硬/淋，岩岩好，芝士拉絲香濃，神級好食！👄愛好意粉既我地叫埋芝士卡邦尼意粉半63度溫泉蛋$118，濃厚既醬汁令意粉好香，意粉做到掛汁，芝士味好濃，溫泉蛋流心，撈埋落意粉仲正！🍝最後就緊係要試埋呢度既招牌脆爆鹹豬手$238，豬手斬件上，豬皮香脆，豬肉滑嫩，加上伴碟既酸菜，唔肥膩又惹味🍖

今日準時收工已經好肚餓啦，姊妹黎到搵我就同佢去公司樓下既西餐廳食飯啦，位於工廈入面既西餐廳質素完全唔差呀！👍🏻我地先叫佐香口既招牌脆爆鹹豬手，$238既豬手絕對值呢個價，豬手大大隻，仲好好咁切開一件件先上枱，每一件豬手都好脆皮，肉又好嫩好腍，配埋酸菜一齊食超爽！🐷主食我地就叫佐一個飯一個意粉，蒜香鹹蛋黃帶子蝦仁炒飯($168)同埋芝士焗肉醬意粉($68)，炒飯有兩粒大大既原粒帶子，煎到表面微焦既帶子入面仲好q嫩，好好味呀！炒飯粒粒分明，每粒飯都好香，蝦仁又彈牙，超好食既炒飯🤤肉醬意粉都好出色，絕對唔係快餐店貨色，濃厚既肉醬充滿每一條意粉，酸咸度適中，芝士又激多，拉絲既芝士超香好正，好食到爆呀👅我地再叫佐雜果同巨蜂乳酸梳打黎飲，兩杯都好好飲，唔會太甜，好解渴呀🧃

今日放工約佐朋友食飯，佢又過黎大圍，就同佢試下公司樓下既呢間豬手工房。🦆香精油鴨腿配黑松露意大利燉飯$188一上枱就被大大隻鴨腿吸引住，煎到外皮微焦既鴨腿好香，唔會太油太肥，甘香既鴨油滲埋落飯，令啲飯都有鴨香，意大利飯又軟硬適中，加埋黑松露醬黎食簡直一絕，超正好回味！🍝芝士焗肉醬意粉 $68呢個價錢絕對抵食，大大兜既意粉上枱已經熱辣辣，每一條意粉都充滿肉醬，又唔會太淋，好好食，肉醬好香，而且芝士好多，一兜份量好多，食完飽晒😆🍖 招牌脆爆鹹豬手$238炸豬手好大隻好脆，切開一舊舊方便客人去食，每啖咬落去都卜卜脆，肉又唔鞋，超正！🍕 金牌自家製薄餅$168自家製薄餅係Parma ham pizza，餅底夠薄夠脆，餅乾咁，火腿底鋪滿芝士，味道香濃，兩個人share好滿足！

今日新同事第一日番工，食lunch同佢迎新就黎佐公司樓下既呢間豬手工房，又近又好食呀！👍🏻我地先叫佐金牌自家製薄餅$168🍕呢個其實係巴拿馬火腿再加海量芝士既薄餅，薄餅餅底係薄脆，唔會好厚好飽，超鬆脆，每一塊pizza都有火腿，好足料，成個pizza都好香，一人一塊就岩岩好！之後就叫佐招牌脆爆鹹豬手$238大家share黎食🍖豬手炸到香脆可口，啲肉又腍腍地，好香好好味！仲有啲菜絲伴碟，唔會太滯太油膩，超正🫶🏻要同新同事迎新就要食好啲，所以我地試埋香精油鴨腿配黑松露意大利燉飯$188🦆油鴨髀好大隻，微微煎香既油鴨髀焦香脆口，油香滲埋落意大利飯，再加上鴨髀上面既黑松露，味道更突出更香！最後叫多個小食鹹蛋黃脆炸魚皮$68🤭魚皮炸到好脆，好香魚味，鹹蛋黃充滿每一塊既魚皮，好咸香好好食呀！

招牌脆爆鹹豬手 $238蒜香鹹蛋黃帶子蝦仁炒飯 $168白酒忌廉煮青口 $88水蜜桃乳酸♡♡。佢哋嘅熟客仔就係我哋呢一班喺工廠大廈🏭工作嘅員工😏方便我哋食飯唔使排隊✌🏻一夠鐘食飯就衝落嚟，食到最後一刻先返上去😳今日我哋成條Team都早咗少少落嚟同同事慶祝生日，所以就叫咗多啲嘢食😝我自己最欣賞嘅就係佢嘅招牌脆爆鹹豬手，因為佢已經切好晒先上枱，每人用叉拮一拮就食得，個個食完都豎起手指公🤣另外仲有佢個鹹蛋炒飯，一樣都係好香口。因為用咗鹹蛋同埋蒜炒香，最後仲加埋帶子同埋蝦仁粒🤤最後一定唔少得嘅就係我哋每次嚟到都叫嘅青口，最鍾意佢嘅白酒汁，雖然酒精喺主嘅過程已經揮發左，但係仲留有香味架😍佢啲青口都好新鮮唔會有雪味！另外提醒大家一定要叫佢哋嘅乳酸，我最鍾意就係飲水蜜桃🍑

今日又係一年一度同老細食生日飯嘅日子，一如既往去咗呢一間公司樓下嘅餐廳度食晏晝😝✌🏻原隻西班牙特色乳豬🐖好期待呢隻乳豬呀，因為俾我想像中大隻好多，我記得上年食嘅時候已經好大隻冇諗過今次比上次仲大隻多啲😜佢嘅肉質非常嫩口🥰建議大家如果有機會一定要嚟食，不過最好多啲人一齊夾😆因為幾個人一定食唔晒🧐✌🏻秘製客家碌鵝🦢今次係第一次食呢個鵝，💁🏻‍♀️幾好喎，唔會有臭味，處理得唔錯，而且燒得好香，醬汁調製得好平均。✌🏻蒜香鹹蛋黃帶子蝦仁炒飯🍛呢個飯我哋今年竟然叫咗四個，冇諗過原來咁多同事鍾意食。佢呢度嘅炒飯吵到粒粒分明之餘，仲要勁香鹹蛋味😎✌🏻雜果乳酸&巨峰乳酸🍹我哋其實成枱差唔多咩飲品都有嗌，不過我自己一向都比較鍾意雜果同埋巨峰，因為甜d❤️

難得公司今日唔算太忙，可以同一班同事一齊落嚟食下午茶傾吓計講吓是非🤩實在太爽了！首先，今日第一樣嘢叫嘅就係鹹蛋黃脆炸魚皮，之前一路未食過，每一次話想叫每一次都唔記得咗或者冇貨，今日終於食到！難怪啲同事成日都話呢個炸魚皮好香好好味！真係超重鹹蛋黃香😋另外，仲叫咗一個蒜香鹹蛋黃帶子蝦仁炒飯，今日食嘢有幾位同事都係鹹蛋黃粉絲，所以就必須要點佢哋嘅鹹蛋黃菜式😜配埋蝦仁同埋帶子嘅炒飯真係特別香口😎同埋香精油鴨腿配黑松露意大利燉飯，油鴨髀真係大大隻嫁，煎香既油鴨髀油香十足，口感亦較豐富！再者，一定要叫芝士焗肉醬意粉🍝，佢哋嘅肉醬意粉份量好多㗎，酸酸甜甜勁開胃，給個人分每人一兩單啱啱好😋我最鍾意嘅飲品就係薄荷檸檬乳酸，飲落去有少少似青檸梳打😏