影片
睇左咁耐神之水滴，有几期讲有个系Burgundy开酒庄既日本人，佢既酒一直都想试好耐，但揾极都唔见有酒铺有最近有老友同我讲话呢间酒铺有呢只酒卖，寻日得闲走来望望，果然真系有。同埋款式好齐，听店员讲2010年新货刚刚返，咁入去看看价钱，支Bonne Mares 09要成千九，其他村酒就都系400至500左右，最后就买支Ladoix09返去饮。开左支酒，约15分钟到支酒既车厘子同花香出哂，酒身不算太厚，饮落去士多啤梨味好重呢支酒都系$390，但因为系香港唔多地方有呢条村既酒卖所以都算较为特别少少。店员讲埋，听日星期五晚会开支天地人气酒俾大家试饮，到时叫埋班老友落去，试左后再俾comment。同埋呢间酒铺既Brugundy真系好多好多，睇到小弟都头痕，因为好多村同田真系系其他酒铺都未见过如果要揾d好似Fixin, Ladoix同埋Beaune既Burgundy酒既话，真系一个不错选择。
继续阅读